Mʉkpanganɨa 32
32
1Labanɨ a꞉jʉkana nɔ ikuɓa yɛta dɨ negbandindi. Ɔ꞉mwaka ɓanɔnɔ ɓangɔ lɨngʉngʉ, ɨhɔ nɔ ɓana ɓangɔ ngʉɓa ɓeɓoi, nɔ, ɔ꞉ɓukiokio. Kʉdɔ, ɔ꞉ngwɨa kyɛnda atɔwa andɔngɔ andei.
2Atɨ Yakɔɓɔ ɓɛ꞉sɨnganaka nɔ kyɛnda ngɨyeɓo, nɔ ɓamalaika ɓɔ Asɔɓɨɨ ɓɛ꞉ka ajonokio ɨhɔ naɓɔ. 3Ɨyɛ ndʉ, Yakɔɓɔ a꞉ɓɨna ga ɨyɔ ɓɔ: «Gbama ngɨyɔ Asɔɓɨɨ ɨyɔ ɨya». Kʉdɔ, ɔ꞉sʉa ʉmʉa ngʉwɔnanɨ ino ɓɔ Mahanaɨmʉ#32:3 Mahanaɨmʉ: pɔ ɓɔ ɨsɨ yɔngɔ ɓɔ «ɓagbama ɓapɨnɨ» nɔ Ebelenia.
Yakɔɓɔ anɨsa ajonokio nɔ Esau
4Yakɔɓɔ ɔ꞉tʉma mukpekpe yɔ ɓague apɛɨ angɔ, anɨsa anʉngakɨa manye Esau masaʉ. Ɨyɔ Esau, a꞉ɓio ɨkʉmbʉ alɨkpangba ino yɔngɔ ɓɔ Sɛɨlɨ, amati ɔ ihoi yɔ Ɛdɔmʉ. 5Ɔ꞉ɓinjo ʉpanʉ ɓɔ: «Seni asigio makwasɛmɨ Esau ɓɔ: ‹Ɨmɨ baya asɔɔ Yakɔɓɔ, na꞉wolo pɔngɔ ɨkʉmbʉ, atɨ Labanɨ, ɨmɨ, ndʉ mɛɛka, nɔ, nɔ꞉gbalɨa inani akɔɓɔya kʉndʉ ɓʉɓʉnʉ. 6Na iyani nɔ ɓangɔmbɛ, nɔ ɓapunda, nɔ ɓakɔndɔlɔ, nɔ ɓamɛmɛ, ɨhɔ kʉ nɔ ɓombi ɓɔ tɛa, ɓague nɔ ɓoi. Nɔ꞉namayakɨɔ ʉwɛ, makwasɛmɨ, iso ngɨyɛnɛnɨ ɓɔ dɔ, nɨnɨanɨa ɓaka kʉɔ nɔ ɨjɨɔ amesu kʉsɔɔ.›» 7Ndʉ, ɓague ngʉɓɔnanɨ a꞉ɓʉtʉma ɓa꞉tɔwa, ɓɔ꞉musigio ɓɔ: «Tɔɓɔyɔ ta atɨ mwana ɔ anʉ Esau. Ɨyɔ ingainga a kʉ anɨka, anujonokio nɔwɛ, nɔ, akyɛndaka ɨhɔ nɔ ɓague lɨmɨa ɓɔgɨna.» 8Yakɔɓɔ ɔ꞉kwa ʉɓá nɔgbɛ, nɔ ɔ꞉pʉnga mbambanio. Kʉ ananɨ, ɔ꞉nagbonyoko ɓombi ngʉɓa ɓa꞉ɓio naɓɔ, akɔ limbika ɗepini, ɨhɔ nɔ ɓangɔmbɛ, nɔ ɓangamɨa, nɔ ɓamɛmɛ, nɔ ɓakɔndɔlɔ. 9Ga ɨyɔ ɓɔ: «Esau ɨkeni akɔdʉka ambaja mʉngana, ɨya kɔmɔ ɔ꞉ɓwanaka gʉtʉ pɔ.»
10Kʉdɔ, Yakɔɓɔ ɔ꞉pʉnga nɨta Asɔɓɨɨ ɓɔ: «Hii MAKWƆƁƗƗ, Asɔɓɨɨ ngɨyɔ ɓaba, atɨ Abalaama nɔ Isaka, ʉwɛ ngɨa wa꞉nasigio ɨmɨ ɓɔ: ‹Tɔa pɨ ta andeno akɔ ɨkʉmbʉ ngɨyɛsɔɔ, nɔ aki ɨfananja ngɨyɛsɔɔ ya-ɛɛ, nɔ, na꞊nakɨa iɗo kɨanɨ.› 11Ɨmɨ, na꞉sisekiomʉ anɨanɨa nɔ iɗo iɗo, nɔ yaka yɛta manjanja ngɨyɛ wa꞉nakɨa jɛnɛ. Ngbinga ngɨa na꞉tapʉa-ɔɔ Yɔlɔdanɨ, ɨmɨ, ta nɔ mufimbo ngʉwɔsɛmɨ-a. Yakamɛngana, ɨtakɨtakɨ ngɨyɛ, ɨmɨ, tɨa ɨya nanɔ ɓambaja ngʉɓa ɓapɨnɨ-a. 12Aba, nɔnɛtɔ ɓɔ anaɓwanakiso ɓaka tɨa ɨtakɨtakɨ ngɨyɛ, alɨkɔndɔ lɔ aya Esau, dɔ, nanɨna ʉɓá ɓɔ, anɨka nɛmɨ achwɛa ɗite, ɨhɔ nɔ ɓoi ngʉɓɔsɛmɨ, nɔ ɓana ɓeɓo. 13Ʉwɛ akɛ, wa꞉nasigio jɛnɛ ɓɔ: ‹Na꞊nakɨa suo iɗo, nɔ na꞊chiso anja ngɨasɔɔ mʉja ndʉ sasaɨ ngɨa alisini, sɔkɔmʉ adaa ngɨa ɓamupoo-ɔɔ.›»
14Yakɔɓɔ a꞉kwaa tɨta ananɨ naɓutu ngɨananɨ, kʉdɔ, ɔ꞉tambanaka mukpekpe yɔ lɨkyɛmʉ ngɨlangɔ, akɔɓio ndʉ apɛpɛ ngɨa abinjo manye Esau. 15Ya꞉ɓio linye lɔ ɓamɛmɛ lɨmɨa ɗepini, nɔ lagbonguo ɓatɛkɛɓɛ ɓapɨnɨ, tɨa kʉ nɔ ɓoi ɓɔ ɓakɔndɔlɔ lɨmɨa ɗepini, nɔ ɓague ɓɔngɔ ɓatɛkɛɓɛ ɓapɨnɨ, 16nɔ ɓoi ɓɔ ɓangamɨa ɓatɛkɛɓɛ ɓaatʉ, kʉ nɔ ɓana ɓɔngɔ ngʉɓa ɓa꞉ɓio naɓɔ akɔmwiso maɓɛɨ, nɔ ɓoi ɓɔ ɓangɔmbɛ ɓatɛkɛɓɛ ɓɔgɨna, nɔ ɓague ɓɔngɔ tɛkɛɓɛ, nɔ ɓoi ɓɔ ɓapunda ɓatɛkɛɓɛ ɓapɨnɨ, nɔ dɔ tɨa ɓague ɓɔngɔ tɛkɛɓɛ. 17E꞉njo ɓombi ɓɔ tɛa ngʉɓangɔ, ɓanama ngʉɓɔnanɨ. Nama nɔ nama ta amati ɔ mutunduga nga wangɔ, nɔ ɔ꞉ɓusigio ɓɔ: «Seni inu apɛɨ asɛmɨ, nɔ́sɨa musungati ati ɔ mitunduga yɔ ɓanama, nangana nangana.» 18Yakɔɓɔ ɛ꞉njo ʉpanʉ akɔ mombi ngɨa a꞉ɓio apɛɨ ɓɔ: «Ngbinga ngɨa na꞊jono-ɔɔ nɔ aya Esau, nɔ, ɔ꞊naɓokuo ɓɔ: ‹Mafague, wa mombi ɔ tɛa ɔ anɨ? Nɔ, wanɨsa gbanɨ? Nɔ mutunduga wɔ ɓanama ɓanɨ, ʉɓa ɓakyɛndaka apɛɨ asɔɔ-a?› 19Wa꞊mutosio ɓɔ: ‹Lɨkyɛmʉ lɔ baya asɔɔ Yakɔɓɔ ɨlɛnɛnɨ. Ɔ꞉natʉmɨɔ ʉwɛ makwasɛmɨ Esau apɛpɛ ngɨa. Ɨyɔ ingainga, a꞊nɨka ambise.›»
20E꞉njo ɓata kʉ ʉpanʉ mʉngana ngʉwɔnanɨ, akɔ ɓombi ɓɔ tɛa ngʉɓɔ mutunduga ngʉwɔ ɓepini, nɔ akɔ ʉwɔ ɓeetu, nɔ akɔ ɓombi ɓaɓomu ngʉɓa, ɓa꞉ɓio ambise ɔ mitunduga yɔ ɓanama: «Ná꞊mʉngakɨa makwasɛmɨ Esau ɓanɨ, ngbinga ngɨa nábijono-ɔ naɓɔ. 21Ná꞊musigio ɓɔ: ‹Baya asɔɔ Yakɔɓɔ ingainga a꞊nɨka ambise.› Dɔ, ɔ꞉ɓio ayakanaka amati angɔ ɓɔ: ‹Adiga nabimududiso gɔ pɔ mʉtɨma, nɔ apɛpɛ ngɨa anɨsa apɛɨ asɛmɨ-a, ambise ɔngɔ, nɔ꞊tɔmʉchwɛanɨa dɔ tɨa, adiga, a꞊natɛtɨa ga pɔ iɗo.›» 22Kʉdɔ, ɔ꞉chaniso mutunduga wɔ ɓanama apɛɨ angɔ, yakamɛngana, ɔ꞉kwaa ɓata-sɨ, ɨyɔ naɓutu ngɨananɨ ta agbama.
Yakɔɓɔ ɔwɔ agbanga nɔ Malaika
23Ta naɓutu ngɨananɨ, Yakɔɓɔ ɔ꞉jʉkana, ɔ꞉sɨka ɓoi ngʉɓangɔ ɓapɨnɨ, nɔ ɓombi ɓɔ tɛa ngʉɓangɔ ɓapɨnɨ ɓoi ɓɔngɔ, nɔ ɓana ngʉɓangɔ tɛkɛɓɛ nɔ mʉngana, nɔ ɔ꞉ɓʉtapuiso amondu ɨngbaa akɔ ɨngɛngɛ#32:23 ɨngɛngɛ: pɔ ɓɔ ɨda ngɨyɛ ɓa꞉tapʉa-ɔɔ nesini anʉndaka ta akʉʉ ɔ makopi ɓɔ ga ga ga ngɨyɛ ya꞉ɓio ino ɓɔ Yaɓɔkɛ. 24Ɔ꞉ɓʉtapuiso amondu ɔ lisini, nɔ, ɔ꞉sigio ɓombi ɓɔ tɛa ɓɔ, ɓɨtapuiso tɨa kʉ nɔ lɨkyɛmʉ ngɨlangɔ liɓomu.
25Yakɔɓɔ ɔ꞉tukoo ananɨ tɨta ɨyɔ nangana. Kʉdɔ, Mombi mʉngana ɛ꞉ka nayɔ akɔchwɛa agbanga ɔ mʉndɛɛ, akɔɓɔya ta aka ɓisi ɓa꞉ya-ɔɔ. 26Ndʉ mombi ngɨananɨ, ɛ꞉na ɓɔ ɔ꞉nagaakamʉ Yakɔɓɔ nɔ angu, kʉdɔ, ɔ꞉mʉɓɛnda Yakɔɓɔ akɔ ikangbu, ga pu, nɔ ikangbu yɔ꞉mʉgɔwa, ngbinga ngɨa ɓa꞉ɓio-ɔɔ akɔ agbanga. 27Ga mombi ngɨananɨ nɔ Yakɔɓɔ ɓɔ: «Mafague, anasɨa tɨa sɨanɨ nɨsa, dɔ, ɓisi ɓɔyɔ.» Yakɔɓɔ ɔ꞉mutosio ɓɔ: «Pɔ, anokiokio-sɨ ta ingono, nɔnasɨa dɔ anɨsa.» 28Ɔ꞉muɓokuo ɓɔ: «Weno dɔ-sɨ tanɨ?» Ga ɨyɔ ɓɔ: «Neno ɓɔ Yakɔɓɔ.» 29Kʉdɔ, mombi ngɨananɨ a꞉ɓio ɓata nayɔ ɓɔ: «Ino ngɨyɛsɔɔ, ya꞊ngɔɓio tii ɓata ɓɔ Yakɔɓɔ, yakamɛngana, ya꞊ɓio tɨta ɓɔ Ɨsalaɛlɛ, dɔ wɔ꞉wɔ agbanga nɔ Asɔɓɨɨ, kʉ nɔ ɓombi, nɔ, wɔ꞉ɓʉnagaaka.» 30Ga Yakɔɓɔ nayɔ ɓɔ: «Kikiliki, anachwɨa-sɨ ino ngɨyɛsɔɔ.» Ɔ꞉mutosio ɓɔ «Wakʉnda anɨmbɨa ino ngɨyɛsɛmɨ dɔtanɨ?» Kʉdɔ, ɔ꞉mukiokio Yakɔɓɔ ta ananɨ. 31Ga Yakɔɓɔ ɓɔ: «Nɛ꞉nɔ Asɔɓɨɨ mesu akɔ mesu, nɔ na ɓata-sɨ ta akɔ uɓei!» Kʉɓanɨ, ɔ꞉sʉa ɨda ngɨyɛnɛnɨ ino ɓɔ Pɛnɨɛlɨ#32:31 Pɛnɨɛlɨ: pɔ ɓɔ ɨsi yɔngɔ ɓɔ «Mesu kɔ Asɔɓɨɨ» nɔ Ebelenia. 32Ɨpa yɔ꞉pʉnga ɗeto, ngbinga ngɨa Yakɔɓɔ a꞉ngwa-ɔɔ anɔ Pɛnɨɛlɨ. Yakɔɓɔ a꞉ɓio tɨta adɨngbakɨa, dɔ, a꞉ɓio ɔ꞉gɔeni akɔ ikangbu. 33Mombi ngɨananɨ, a꞉mʉdʉa Yakɔɓɔ amigiso ngɨyɛ ya amati ɔ ikangbu. Yaka ngɨyɛ Ɓaɨsalaɛlɛ, ɓa꞉taa-ɔɔ migiso ngɨyɛ yakɨa amati ɔ ikangbu yɔ nama, akɔɓɔya kʉndʉ ɓʉɓʉnʉ, ya꞉kwa ɓanɨ.
Currently Selected:
Mʉkpanganɨa 32: buuN
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Mʉkpanganɨa 32
32
1Labanɨ a꞉jʉkana nɔ ikuɓa yɛta dɨ negbandindi. Ɔ꞉mwaka ɓanɔnɔ ɓangɔ lɨngʉngʉ, ɨhɔ nɔ ɓana ɓangɔ ngʉɓa ɓeɓoi, nɔ, ɔ꞉ɓukiokio. Kʉdɔ, ɔ꞉ngwɨa kyɛnda atɔwa andɔngɔ andei.
2Atɨ Yakɔɓɔ ɓɛ꞉sɨnganaka nɔ kyɛnda ngɨyeɓo, nɔ ɓamalaika ɓɔ Asɔɓɨɨ ɓɛ꞉ka ajonokio ɨhɔ naɓɔ. 3Ɨyɛ ndʉ, Yakɔɓɔ a꞉ɓɨna ga ɨyɔ ɓɔ: «Gbama ngɨyɔ Asɔɓɨɨ ɨyɔ ɨya». Kʉdɔ, ɔ꞉sʉa ʉmʉa ngʉwɔnanɨ ino ɓɔ Mahanaɨmʉ#32:3 Mahanaɨmʉ: pɔ ɓɔ ɨsɨ yɔngɔ ɓɔ «ɓagbama ɓapɨnɨ» nɔ Ebelenia.
Yakɔɓɔ anɨsa ajonokio nɔ Esau
4Yakɔɓɔ ɔ꞉tʉma mukpekpe yɔ ɓague apɛɨ angɔ, anɨsa anʉngakɨa manye Esau masaʉ. Ɨyɔ Esau, a꞉ɓio ɨkʉmbʉ alɨkpangba ino yɔngɔ ɓɔ Sɛɨlɨ, amati ɔ ihoi yɔ Ɛdɔmʉ. 5Ɔ꞉ɓinjo ʉpanʉ ɓɔ: «Seni asigio makwasɛmɨ Esau ɓɔ: ‹Ɨmɨ baya asɔɔ Yakɔɓɔ, na꞉wolo pɔngɔ ɨkʉmbʉ, atɨ Labanɨ, ɨmɨ, ndʉ mɛɛka, nɔ, nɔ꞉gbalɨa inani akɔɓɔya kʉndʉ ɓʉɓʉnʉ. 6Na iyani nɔ ɓangɔmbɛ, nɔ ɓapunda, nɔ ɓakɔndɔlɔ, nɔ ɓamɛmɛ, ɨhɔ kʉ nɔ ɓombi ɓɔ tɛa, ɓague nɔ ɓoi. Nɔ꞉namayakɨɔ ʉwɛ, makwasɛmɨ, iso ngɨyɛnɛnɨ ɓɔ dɔ, nɨnɨanɨa ɓaka kʉɔ nɔ ɨjɨɔ amesu kʉsɔɔ.›» 7Ndʉ, ɓague ngʉɓɔnanɨ a꞉ɓʉtʉma ɓa꞉tɔwa, ɓɔ꞉musigio ɓɔ: «Tɔɓɔyɔ ta atɨ mwana ɔ anʉ Esau. Ɨyɔ ingainga a kʉ anɨka, anujonokio nɔwɛ, nɔ, akyɛndaka ɨhɔ nɔ ɓague lɨmɨa ɓɔgɨna.» 8Yakɔɓɔ ɔ꞉kwa ʉɓá nɔgbɛ, nɔ ɔ꞉pʉnga mbambanio. Kʉ ananɨ, ɔ꞉nagbonyoko ɓombi ngʉɓa ɓa꞉ɓio naɓɔ, akɔ limbika ɗepini, ɨhɔ nɔ ɓangɔmbɛ, nɔ ɓangamɨa, nɔ ɓamɛmɛ, nɔ ɓakɔndɔlɔ. 9Ga ɨyɔ ɓɔ: «Esau ɨkeni akɔdʉka ambaja mʉngana, ɨya kɔmɔ ɔ꞉ɓwanaka gʉtʉ pɔ.»
10Kʉdɔ, Yakɔɓɔ ɔ꞉pʉnga nɨta Asɔɓɨɨ ɓɔ: «Hii MAKWƆƁƗƗ, Asɔɓɨɨ ngɨyɔ ɓaba, atɨ Abalaama nɔ Isaka, ʉwɛ ngɨa wa꞉nasigio ɨmɨ ɓɔ: ‹Tɔa pɨ ta andeno akɔ ɨkʉmbʉ ngɨyɛsɔɔ, nɔ aki ɨfananja ngɨyɛsɔɔ ya-ɛɛ, nɔ, na꞊nakɨa iɗo kɨanɨ.› 11Ɨmɨ, na꞉sisekiomʉ anɨanɨa nɔ iɗo iɗo, nɔ yaka yɛta manjanja ngɨyɛ wa꞉nakɨa jɛnɛ. Ngbinga ngɨa na꞉tapʉa-ɔɔ Yɔlɔdanɨ, ɨmɨ, ta nɔ mufimbo ngʉwɔsɛmɨ-a. Yakamɛngana, ɨtakɨtakɨ ngɨyɛ, ɨmɨ, tɨa ɨya nanɔ ɓambaja ngʉɓa ɓapɨnɨ-a. 12Aba, nɔnɛtɔ ɓɔ anaɓwanakiso ɓaka tɨa ɨtakɨtakɨ ngɨyɛ, alɨkɔndɔ lɔ aya Esau, dɔ, nanɨna ʉɓá ɓɔ, anɨka nɛmɨ achwɛa ɗite, ɨhɔ nɔ ɓoi ngʉɓɔsɛmɨ, nɔ ɓana ɓeɓo. 13Ʉwɛ akɛ, wa꞉nasigio jɛnɛ ɓɔ: ‹Na꞊nakɨa suo iɗo, nɔ na꞊chiso anja ngɨasɔɔ mʉja ndʉ sasaɨ ngɨa alisini, sɔkɔmʉ adaa ngɨa ɓamupoo-ɔɔ.›»
14Yakɔɓɔ a꞉kwaa tɨta ananɨ naɓutu ngɨananɨ, kʉdɔ, ɔ꞉tambanaka mukpekpe yɔ lɨkyɛmʉ ngɨlangɔ, akɔɓio ndʉ apɛpɛ ngɨa abinjo manye Esau. 15Ya꞉ɓio linye lɔ ɓamɛmɛ lɨmɨa ɗepini, nɔ lagbonguo ɓatɛkɛɓɛ ɓapɨnɨ, tɨa kʉ nɔ ɓoi ɓɔ ɓakɔndɔlɔ lɨmɨa ɗepini, nɔ ɓague ɓɔngɔ ɓatɛkɛɓɛ ɓapɨnɨ, 16nɔ ɓoi ɓɔ ɓangamɨa ɓatɛkɛɓɛ ɓaatʉ, kʉ nɔ ɓana ɓɔngɔ ngʉɓa ɓa꞉ɓio naɓɔ akɔmwiso maɓɛɨ, nɔ ɓoi ɓɔ ɓangɔmbɛ ɓatɛkɛɓɛ ɓɔgɨna, nɔ ɓague ɓɔngɔ tɛkɛɓɛ, nɔ ɓoi ɓɔ ɓapunda ɓatɛkɛɓɛ ɓapɨnɨ, nɔ dɔ tɨa ɓague ɓɔngɔ tɛkɛɓɛ. 17E꞉njo ɓombi ɓɔ tɛa ngʉɓangɔ, ɓanama ngʉɓɔnanɨ. Nama nɔ nama ta amati ɔ mutunduga nga wangɔ, nɔ ɔ꞉ɓusigio ɓɔ: «Seni inu apɛɨ asɛmɨ, nɔ́sɨa musungati ati ɔ mitunduga yɔ ɓanama, nangana nangana.» 18Yakɔɓɔ ɛ꞉njo ʉpanʉ akɔ mombi ngɨa a꞉ɓio apɛɨ ɓɔ: «Ngbinga ngɨa na꞊jono-ɔɔ nɔ aya Esau, nɔ, ɔ꞊naɓokuo ɓɔ: ‹Mafague, wa mombi ɔ tɛa ɔ anɨ? Nɔ, wanɨsa gbanɨ? Nɔ mutunduga wɔ ɓanama ɓanɨ, ʉɓa ɓakyɛndaka apɛɨ asɔɔ-a?› 19Wa꞊mutosio ɓɔ: ‹Lɨkyɛmʉ lɔ baya asɔɔ Yakɔɓɔ ɨlɛnɛnɨ. Ɔ꞉natʉmɨɔ ʉwɛ makwasɛmɨ Esau apɛpɛ ngɨa. Ɨyɔ ingainga, a꞊nɨka ambise.›»
20E꞉njo ɓata kʉ ʉpanʉ mʉngana ngʉwɔnanɨ, akɔ ɓombi ɓɔ tɛa ngʉɓɔ mutunduga ngʉwɔ ɓepini, nɔ akɔ ʉwɔ ɓeetu, nɔ akɔ ɓombi ɓaɓomu ngʉɓa, ɓa꞉ɓio ambise ɔ mitunduga yɔ ɓanama: «Ná꞊mʉngakɨa makwasɛmɨ Esau ɓanɨ, ngbinga ngɨa nábijono-ɔ naɓɔ. 21Ná꞊musigio ɓɔ: ‹Baya asɔɔ Yakɔɓɔ ingainga a꞊nɨka ambise.› Dɔ, ɔ꞉ɓio ayakanaka amati angɔ ɓɔ: ‹Adiga nabimududiso gɔ pɔ mʉtɨma, nɔ apɛpɛ ngɨa anɨsa apɛɨ asɛmɨ-a, ambise ɔngɔ, nɔ꞊tɔmʉchwɛanɨa dɔ tɨa, adiga, a꞊natɛtɨa ga pɔ iɗo.›» 22Kʉdɔ, ɔ꞉chaniso mutunduga wɔ ɓanama apɛɨ angɔ, yakamɛngana, ɔ꞉kwaa ɓata-sɨ, ɨyɔ naɓutu ngɨananɨ ta agbama.
Yakɔɓɔ ɔwɔ agbanga nɔ Malaika
23Ta naɓutu ngɨananɨ, Yakɔɓɔ ɔ꞉jʉkana, ɔ꞉sɨka ɓoi ngʉɓangɔ ɓapɨnɨ, nɔ ɓombi ɓɔ tɛa ngʉɓangɔ ɓapɨnɨ ɓoi ɓɔngɔ, nɔ ɓana ngʉɓangɔ tɛkɛɓɛ nɔ mʉngana, nɔ ɔ꞉ɓʉtapuiso amondu ɨngbaa akɔ ɨngɛngɛ#32:23 ɨngɛngɛ: pɔ ɓɔ ɨda ngɨyɛ ɓa꞉tapʉa-ɔɔ nesini anʉndaka ta akʉʉ ɔ makopi ɓɔ ga ga ga ngɨyɛ ya꞉ɓio ino ɓɔ Yaɓɔkɛ. 24Ɔ꞉ɓʉtapuiso amondu ɔ lisini, nɔ, ɔ꞉sigio ɓombi ɓɔ tɛa ɓɔ, ɓɨtapuiso tɨa kʉ nɔ lɨkyɛmʉ ngɨlangɔ liɓomu.
25Yakɔɓɔ ɔ꞉tukoo ananɨ tɨta ɨyɔ nangana. Kʉdɔ, Mombi mʉngana ɛ꞉ka nayɔ akɔchwɛa agbanga ɔ mʉndɛɛ, akɔɓɔya ta aka ɓisi ɓa꞉ya-ɔɔ. 26Ndʉ mombi ngɨananɨ, ɛ꞉na ɓɔ ɔ꞉nagaakamʉ Yakɔɓɔ nɔ angu, kʉdɔ, ɔ꞉mʉɓɛnda Yakɔɓɔ akɔ ikangbu, ga pu, nɔ ikangbu yɔ꞉mʉgɔwa, ngbinga ngɨa ɓa꞉ɓio-ɔɔ akɔ agbanga. 27Ga mombi ngɨananɨ nɔ Yakɔɓɔ ɓɔ: «Mafague, anasɨa tɨa sɨanɨ nɨsa, dɔ, ɓisi ɓɔyɔ.» Yakɔɓɔ ɔ꞉mutosio ɓɔ: «Pɔ, anokiokio-sɨ ta ingono, nɔnasɨa dɔ anɨsa.» 28Ɔ꞉muɓokuo ɓɔ: «Weno dɔ-sɨ tanɨ?» Ga ɨyɔ ɓɔ: «Neno ɓɔ Yakɔɓɔ.» 29Kʉdɔ, mombi ngɨananɨ a꞉ɓio ɓata nayɔ ɓɔ: «Ino ngɨyɛsɔɔ, ya꞊ngɔɓio tii ɓata ɓɔ Yakɔɓɔ, yakamɛngana, ya꞊ɓio tɨta ɓɔ Ɨsalaɛlɛ, dɔ wɔ꞉wɔ agbanga nɔ Asɔɓɨɨ, kʉ nɔ ɓombi, nɔ, wɔ꞉ɓʉnagaaka.» 30Ga Yakɔɓɔ nayɔ ɓɔ: «Kikiliki, anachwɨa-sɨ ino ngɨyɛsɔɔ.» Ɔ꞉mutosio ɓɔ «Wakʉnda anɨmbɨa ino ngɨyɛsɛmɨ dɔtanɨ?» Kʉdɔ, ɔ꞉mukiokio Yakɔɓɔ ta ananɨ. 31Ga Yakɔɓɔ ɓɔ: «Nɛ꞉nɔ Asɔɓɨɨ mesu akɔ mesu, nɔ na ɓata-sɨ ta akɔ uɓei!» Kʉɓanɨ, ɔ꞉sʉa ɨda ngɨyɛnɛnɨ ino ɓɔ Pɛnɨɛlɨ#32:31 Pɛnɨɛlɨ: pɔ ɓɔ ɨsi yɔngɔ ɓɔ «Mesu kɔ Asɔɓɨɨ» nɔ Ebelenia. 32Ɨpa yɔ꞉pʉnga ɗeto, ngbinga ngɨa Yakɔɓɔ a꞉ngwa-ɔɔ anɔ Pɛnɨɛlɨ. Yakɔɓɔ a꞉ɓio tɨta adɨngbakɨa, dɔ, a꞉ɓio ɔ꞉gɔeni akɔ ikangbu. 33Mombi ngɨananɨ, a꞉mʉdʉa Yakɔɓɔ amigiso ngɨyɛ ya amati ɔ ikangbu. Yaka ngɨyɛ Ɓaɨsalaɛlɛ, ɓa꞉taa-ɔɔ migiso ngɨyɛ yakɨa amati ɔ ikangbu yɔ nama, akɔɓɔya kʉndʉ ɓʉɓʉnʉ, ya꞉kwa ɓanɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.