KEJADIAN 17
17
Sunat Sebegei Tanda Jenanji
1Mase umur Abram 99 tahut, Yahweh Kiperneng Ilei nu kek ru Kiurok, “Engloh Jenang de Ihad Bekuasa. Taatloh nu Eng ru agokloh beh ma-ma pen senalah. 2Eng doh Ngbeh jenanji Eng ru hek, ru Ngog kenon-cenok de jeoi nu hek.” 3Abram kisujod, lalu Jenang Kiurok, 4“Adehloh jenanji de Ngbeh ru hek: Eng Ngbejanji hek doh hajadi jenang rak nu jeoi bangse. 5Kerana ajeh, hek doh pek bigelar Abram nij, tapi Abraham#17:5 Abraham: Muh adeh imaksod, jenang rak nu jeoi bangse. kerana Eng Ngpejadi hek jenang rak nu jeoi bangse. 6Eng doh Ngog kenon-cenok de jeoi nu hek, ku engkap enai ajeh doh mong de naijadi raja. Hek doh mong kenon-cenok de ihad jeoi lei naijadi bangse-bangse.
7Eng doh Ngpegag jenanji antare Eng ru hek ru dikdij kenon-cenok hek. Jenanji ajeh lei ditehjeh. Eng doh Ngjadi Jenang hek ru Jenang kenon-cenok hek. 8Eng doh Ngog tik Kanaan adeh nu hek ru kenon-cenok hek, tik de hagei hunen sebegei mai aseg. Seluroh tik adeh doh kijadi hak kenon-cenok hek lei ditehjeh, ru Eng doh Ngjadi Jenang enai.”
9Jenang Kiurok nij nu Abraham, “Adehloh tanggongjawab hek: Hek ru dikdij kenon-cenok hek hodloh hasetuju ru hasetie nu jenanji ajeh. 10Adehloh syarat jenanji de hod hajoi: Hek ru dikdij kenon-cenok hek de keral hodloh bisunat. 11-12Mula ju arik adeh hek mesti hasunat jap-jap kenon keral bile umur enai ya lapan arik. Adeh temasok hambe de kiyos ku kateh deg hek ru hambe hek de bibeli ju mai aseg. Sunat ajeh doh kijadi tanda jenanji antare hek ru Eng. 13Dikdij keral hodloh bisunat. Sunat adeh kijadi tanda ku berog de kiperneng hal adeh: Jenanji Eng ru hek ajeh kekal. 14Jap-jap keral de pek besunat doh bipej ju ibangse kerana kek pek kipegag nu jenanji ajeh.”
15Jenang Kiurok nij nu Abraham, “Wesloh agok pangel kenah hek Sarai, hunen hapangel kek Sara.#17:15 Sara: Muh adeh imaksod, amek nu jeoi bangse. 16Eng doh Ngberkat hek ru Ngog hek numom kenon keral de doh biperyos ya Sara. Eng doh Ngberkat Sara ru kek doh kijadi amek nu bangse-bangse. Ku engkap kenon-cenok kek doh mong raja-raja.”
17Lalu Abraham kisujod, tapi kilog mase kiserngik, “Sembelokloh numom keral de ya engrak de iumur ya 100 tahut kikep kenon! Belok buleh Sara de iumur ya 90 tahut kiperyos numom kenon!” 18Kerana ajeh, kek kiurok nu Jenang, “Lebeh bor Ismael kijadi wares eng.”
19Tapi Jenang Kiurok, “Tok! Kenah hek Sara doh kiperyos numom kenon keral ha hek, ru hek doh hasebot imuh Ishak.#17:19 Ishak: Muh adeh imaksod, kek kileklog. Eng doh Ngbeh jenanji de lei ditehjeh ru kek ru ikenon-cenok. 20Mengenai hal Ismael, Eng ya Ngcerngai semmanj hek. Eng doh Ngberkat kek ru Ngog kek kenon ru kenon-cenok de jeoi. Kek doh kijadi jenang rak nu 12 suku, ru Eng doh Ngpejadi kenon-cenok kek nanek bangse de entoi. 21Tapi Eng doh Ngbeh jenanji Eng ru Ishak, kenon keral hek de doh biperyos ya Sara ku tahut nu ngar doh, kira-kira ku mase begei adeh.” 22Telas Kibelwal nu Abraham, Jenang Kiet ju kenjeh.
23Ku arik ajeh juga, Abraham kijoi ernor Jenang ru kisunat Ismael ikenon keral ajeh, ru dikdij keral ku iperingak temasok ihambe-hambe de biperyos ku ideg ru hambe-hambe de kibeli. 24Umur Abraham 99 tahut mase kek bisunat 25ru Ismael iumur 13 tahut. 26Ubai bisunat ku arik de sama, 27besama ru rimdij hambe-hambe Abraham.
Currently Selected:
KEJADIAN 17: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
