KEJADIAN 18
18
Jenang Kijanji Numom Kenon Keral nu Abraham
1Ku nanek arik, Yahweh Kiperneng Ilei nu Abraham beg keneng jehuk entoi hak Mamre. Ku mase ajeh, iarik ihad beked ru Abraham tengah kigigei ku ipintu kemah. 2Bile kek kilengej, kek kibakek mong nik mom naijinjeg ku pajeh. Abraham kijerjar kaha-samut ha enai lalu kisujod. 3Kek kiurok, “Tuan-tuan, wesloh agok lalu tapi singahloh sekejap, pekenanloh eng nglayan engkek. 4Biarloh ngkot teu. Sujloh jog engkek ru berihatloh ku kerop jehuk adeh. 5Kerana ya engkehol nu tempat ginei eng adeh, eng doh ngjamu caknak supaye engkekep tenage engkeha-peteros ceknip engkek.”
Naiberlag, “Hooh, behloh ma de haurok ajeh.” 6Lalu Abraham kimuj deras nu kateh kemah ru kiurok nu Sara, “Deras! Kotloh nik cawan tepong de ihad bor ru behloh ruti.” 7Telas ajeh Abraham kijerjar nu kandag ibinatag daknek ru kipileh kenon lembu de bakcok ru bor isej. Kek kiog kenon lembu ajeh nu ihambe supaye deras kimasak. 8Telas ajeh Abraham kikot susu keer, susu segar, ru sej de ya bimasak, lalu kihidang dikdij ajeh ha itengloh. Abraham kilayan ha enai ku kerop jehuk ajeh mase naicakcak.
9Naitanya nu Abraham, “Ku belokka kenah hek Sara?”
“Ku pajeh, ku kateh kemah,” Abraham kiberlag.
10Numom ju enai ajeh kiurok, “Ku tahut nu ingar doh ku mase de ya bipetetap, eng doh nglos nu madeh nij. Ku mase ajeh, kenah hek Sara doh mong numom kenon keral.”
Ku mase ajeh, Sara kiceringai beg pintu kemah, ku celod itengloh ajeh. 11Abraham ru Sara ya engrak, ru Sara pen ya kiseksod. 12Kerana ajeh, Sara kilog ku kateh isengik ru kiserngik, “Eng ru gengsir eng ya jar engrak, sembelok buleh ngkep keremmik de begei ajeh?”
13Lalu Yahweh Kitanya nu Abraham, “Yama Sara kilog ru kiserngik, ‘Bulehka eng ngperyos kenon sedangkan eng ya engrak?’ 14Pek mong ma-ma pen hal de ihad susah nu Yahweh! Begei de ya Ngurok, ku tahut nu ngar doh ku mase de ya bipetetap, Eng doh Nglos nu madeh nij. Ku mase ajeh, Sara doh mong numom kenon keral.”
15Kerana Sara kisengoh, kek kibelenglod. Kiurok, “Eng pek nglog.”
Tapi Yahweh Kiberlag, “Hek mimang halog ajeh nek.”
Abraham Kisemanj Neampon ha Kote Sodom
16Telas ajeh nik mom tengloh ajeh naiet ju tempat ajeh lalu naiet nu tempat de kilek. Ju kenjeh enai dapat naibakek kote Sodom. Abraham kicip besama ru kingeng naipeteros ceknip enai. 17Lalu Yahweh Kiurok ku kateh Isengik, “Eng pek Ngha-kerdik ju Abraham ma de Ngha-beh 18kerana ikenon-cenok doh naijadi bangse de entoi ru bekuasa, ru dikdij bangse ku bumi doh biberkat melalui kek. 19Eng ya Ngpileh kek supaye kipimpen ikenon-cenok untok naitaat Eng ru naibeh perkara-perkara de betol ru adel. Amen naibeh begei ajeh, Eng doh Ngtunei dikdij jenanji Eng nu kek.”
20Lalu Yahweh Kiurok nu Abraham, “Eng ya Ngcerngai perkara-perkara de ihad niknej tentang mai Sodom ru mai Gomora. Dosa enai mimang ihad entoi. 21Kerana ajeh, Eng Ngha-celeh nu majeh ru Ngsiasat perkara ajeh betolka tok.”
22Nar mom ju tengloh ajeh baiet nu kote Sodom tapi Yahweh lekat Kijinjeg ru Abraham. 23Abraham kiperek nu Yahweh ru kitanya, “Jen doh Jenpebinasaka mai de benar besama ru mai de jehat? 24Begeiharok amen mong 50 urag mai de benar ku kateh kote ajeh? Jen doh betol-betolka Jenperher dikdij kote ajeh? Jen doh pek Jenamponka kote ajeh supaye 50 urag de benar ajeh naiselamat? 25Tentu Jen pek Jenha-perdat sengoi de benar besama ru sengoi de jehat. Amen Jenbeh begei ajeh, sengoi de benar ajeh doh bihukom besama ru mai de jehat. Ajeh pek mungken. Hakem nu seluroh bumi tentu Kipeadel ru ihad adel.”
26Yahweh Kiberlag, “Amen mong Ngkep 50 urag de benar ku kote Sodom, Eng doh Ngampon dikdij kote ajeh kerana enai ajeh.”
27Abraham kiurok nij, “Amponloh sikap eng kerana eng pek behenti ngbelwal nu Jen, Tuhan. Eng adeh manusia ru pek berhak ngha-urok ma-ma pen nu Jen. 28Amen pek mong 50 urag de benar tapi had mong 45 urag taleh, lekat Jenha-pemusnahka dikdij kote ajeh kerana kurang lima urag?”
Jenang Kiberlag, “Eng doh pek Ngpemusnah kote ajeh amen mong Ngkep 45 urag de benar.”
29Abraham kiurok nij, “Begeiharok amen enggamak mong had 40 urag mai taleh de benar?”
Jenang Kiberlag, “Eng doh pek Ngpemusnah kote ajeh amen mong Ngkep 40 urag de benar.”
30Abraham kiurok, “Tuhan, wesloh agok belal kerana ngbelwal nij. Begeiharok amen Jenkep had 30 urag taleh mai de benar?”
Jenang Kiurok, “Eng doh pek Ngbeh begei ajeh amen mong Ngkep 30 urag mai de benar.”
31Abraham kiurok, “Amponloh ha neluej eng nu Jen, Tuhan. Begeiharok amen mong had 20 urag taleh?”
Jenang Kiurok “Eng doh pek Ngpemusnah kote ajeh amen mong 20 urag.”
32Lalu Abraham kiurok, “Tuhan wesloh agok belal. Eng ngha-bual had nukali nij. Begeiharok amen mong had nek 10 urag taleh?”
Jenang Kiurok, “Eng doh pek Ngpemusnah kote ajeh amen mong 10 urag taleh.” 33Telas Yahweh Kibelwal nu Abraham, Kek Kiet lalu Abraham pen kijog nu imadeg.
Currently Selected:
KEJADIAN 18: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 18
18
Jenang Kijanji Numom Kenon Keral nu Abraham
1Ku nanek arik, Yahweh Kiperneng Ilei nu Abraham beg keneng jehuk entoi hak Mamre. Ku mase ajeh, iarik ihad beked ru Abraham tengah kigigei ku ipintu kemah. 2Bile kek kilengej, kek kibakek mong nik mom naijinjeg ku pajeh. Abraham kijerjar kaha-samut ha enai lalu kisujod. 3Kek kiurok, “Tuan-tuan, wesloh agok lalu tapi singahloh sekejap, pekenanloh eng nglayan engkek. 4Biarloh ngkot teu. Sujloh jog engkek ru berihatloh ku kerop jehuk adeh. 5Kerana ya engkehol nu tempat ginei eng adeh, eng doh ngjamu caknak supaye engkekep tenage engkeha-peteros ceknip engkek.”
Naiberlag, “Hooh, behloh ma de haurok ajeh.” 6Lalu Abraham kimuj deras nu kateh kemah ru kiurok nu Sara, “Deras! Kotloh nik cawan tepong de ihad bor ru behloh ruti.” 7Telas ajeh Abraham kijerjar nu kandag ibinatag daknek ru kipileh kenon lembu de bakcok ru bor isej. Kek kiog kenon lembu ajeh nu ihambe supaye deras kimasak. 8Telas ajeh Abraham kikot susu keer, susu segar, ru sej de ya bimasak, lalu kihidang dikdij ajeh ha itengloh. Abraham kilayan ha enai ku kerop jehuk ajeh mase naicakcak.
9Naitanya nu Abraham, “Ku belokka kenah hek Sara?”
“Ku pajeh, ku kateh kemah,” Abraham kiberlag.
10Numom ju enai ajeh kiurok, “Ku tahut nu ingar doh ku mase de ya bipetetap, eng doh nglos nu madeh nij. Ku mase ajeh, kenah hek Sara doh mong numom kenon keral.”
Ku mase ajeh, Sara kiceringai beg pintu kemah, ku celod itengloh ajeh. 11Abraham ru Sara ya engrak, ru Sara pen ya kiseksod. 12Kerana ajeh, Sara kilog ku kateh isengik ru kiserngik, “Eng ru gengsir eng ya jar engrak, sembelok buleh ngkep keremmik de begei ajeh?”
13Lalu Yahweh Kitanya nu Abraham, “Yama Sara kilog ru kiserngik, ‘Bulehka eng ngperyos kenon sedangkan eng ya engrak?’ 14Pek mong ma-ma pen hal de ihad susah nu Yahweh! Begei de ya Ngurok, ku tahut nu ngar doh ku mase de ya bipetetap, Eng doh Nglos nu madeh nij. Ku mase ajeh, Sara doh mong numom kenon keral.”
15Kerana Sara kisengoh, kek kibelenglod. Kiurok, “Eng pek nglog.”
Tapi Yahweh Kiberlag, “Hek mimang halog ajeh nek.”
Abraham Kisemanj Neampon ha Kote Sodom
16Telas ajeh nik mom tengloh ajeh naiet ju tempat ajeh lalu naiet nu tempat de kilek. Ju kenjeh enai dapat naibakek kote Sodom. Abraham kicip besama ru kingeng naipeteros ceknip enai. 17Lalu Yahweh Kiurok ku kateh Isengik, “Eng pek Ngha-kerdik ju Abraham ma de Ngha-beh 18kerana ikenon-cenok doh naijadi bangse de entoi ru bekuasa, ru dikdij bangse ku bumi doh biberkat melalui kek. 19Eng ya Ngpileh kek supaye kipimpen ikenon-cenok untok naitaat Eng ru naibeh perkara-perkara de betol ru adel. Amen naibeh begei ajeh, Eng doh Ngtunei dikdij jenanji Eng nu kek.”
20Lalu Yahweh Kiurok nu Abraham, “Eng ya Ngcerngai perkara-perkara de ihad niknej tentang mai Sodom ru mai Gomora. Dosa enai mimang ihad entoi. 21Kerana ajeh, Eng Ngha-celeh nu majeh ru Ngsiasat perkara ajeh betolka tok.”
22Nar mom ju tengloh ajeh baiet nu kote Sodom tapi Yahweh lekat Kijinjeg ru Abraham. 23Abraham kiperek nu Yahweh ru kitanya, “Jen doh Jenpebinasaka mai de benar besama ru mai de jehat? 24Begeiharok amen mong 50 urag mai de benar ku kateh kote ajeh? Jen doh betol-betolka Jenperher dikdij kote ajeh? Jen doh pek Jenamponka kote ajeh supaye 50 urag de benar ajeh naiselamat? 25Tentu Jen pek Jenha-perdat sengoi de benar besama ru sengoi de jehat. Amen Jenbeh begei ajeh, sengoi de benar ajeh doh bihukom besama ru mai de jehat. Ajeh pek mungken. Hakem nu seluroh bumi tentu Kipeadel ru ihad adel.”
26Yahweh Kiberlag, “Amen mong Ngkep 50 urag de benar ku kote Sodom, Eng doh Ngampon dikdij kote ajeh kerana enai ajeh.”
27Abraham kiurok nij, “Amponloh sikap eng kerana eng pek behenti ngbelwal nu Jen, Tuhan. Eng adeh manusia ru pek berhak ngha-urok ma-ma pen nu Jen. 28Amen pek mong 50 urag de benar tapi had mong 45 urag taleh, lekat Jenha-pemusnahka dikdij kote ajeh kerana kurang lima urag?”
Jenang Kiberlag, “Eng doh pek Ngpemusnah kote ajeh amen mong Ngkep 45 urag de benar.”
29Abraham kiurok nij, “Begeiharok amen enggamak mong had 40 urag mai taleh de benar?”
Jenang Kiberlag, “Eng doh pek Ngpemusnah kote ajeh amen mong Ngkep 40 urag de benar.”
30Abraham kiurok, “Tuhan, wesloh agok belal kerana ngbelwal nij. Begeiharok amen Jenkep had 30 urag taleh mai de benar?”
Jenang Kiurok, “Eng doh pek Ngbeh begei ajeh amen mong Ngkep 30 urag mai de benar.”
31Abraham kiurok, “Amponloh ha neluej eng nu Jen, Tuhan. Begeiharok amen mong had 20 urag taleh?”
Jenang Kiurok “Eng doh pek Ngpemusnah kote ajeh amen mong 20 urag.”
32Lalu Abraham kiurok, “Tuhan wesloh agok belal. Eng ngha-bual had nukali nij. Begeiharok amen mong had nek 10 urag taleh?”
Jenang Kiurok, “Eng doh pek Ngpemusnah kote ajeh amen mong 10 urag taleh.” 33Telas Yahweh Kibelwal nu Abraham, Kek Kiet lalu Abraham pen kijog nu imadeg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.