YOHANES 16
16
1Yesus Kiurok nij, “Eng Ngpasal dikdij adeh nu engkek supaye pek engkekecewe ru pek engkewes Eng. 2Sengoi dunia adeh doh naiperet engkek ju deg sembahyang. Tapi lebeh nij, doh tiba imase mai naiperdat engkek. Mase naiperdat engkek, enai doh naisangka naipesenang sengik Jenang. 3Enai doh naibeh pekare-pekare ajeh nu engkek kerana enai pek naikenal Menek atao Eng. 4Tapi hunen Ngpasal dikdij ajeh nu engkek supaye bile tiba mase ajeh, doh engkeingat ha amaran Eng adeh tentang enai ajeh. Ku imula entem, Eng pek Ngpasal nu engkek tentang hal adeh kerana selame adeh Eng lekat mong besama ru engkek.”
Kerenjak Kelog Santen
5“Hunen Eng Ngha-jog nu Kek de ngengngeng Eng tapi pek mong numom pen ju engkek de betanya nu belok Ngha-et. 6Hunen engkesedeh kerana ya Ngpasal tentang hal Eng adeh. 7Tapi cerngailoh abor. Eng Nget untok bernor liengkek sendiri. Amen Eng pek Nget, Kelog Santen doh pek Kihol nu engkek. Tapi amen Nget, Eng doh Ngngeng Penulog ajeh nu engkek. 8Bile Kelog Santen ajeh Kihol, Kek doh Kipesedar dikdij mai ku dunia adeh tentang nik hal de naipiker salah: Tentang dosa, tentang care naiha-jadi benar ku mat Jenang, ru tentang nehukom Jenang ku ipenyudah doh. 9Petame, tentang hal dosa. Kelog Santen doh Kipesedar mai tentang hal adeh: Enai ajeh naibedosa amen pek naipecaya nu Eng. 10Kedue, tentang care naiha-jadi benar ku mat Jenang. Kerana Eng doh Ngjog nu Menek ru engkek doh pek engkeneng ha Eng nij, jadi Kelog Santen doh Kihol ru Kipesedar mai tentang hal adeh: Eng ya Ngbuka nong ha manusia naijadi benar ku mat Jenang. 11Ketige, tentang nehukom Jenang ku ipenyudah doh. Kelog Santen doh Kipesedar mai tentang hal adeh: Jenang pasti Kihukom enai ku ipenyudah doh kerana hunen Ibles de bekuasa ku dunia adeh ya bihukom.
12Lekat mong jeoi hal de Ngha-pasal nu engkek tapi pekseg mampu engketerima hunen. 13Tapi bile Kelog de benar ajeh Kihol, Kek doh Kiajar dikdij neajar de benar. Kek doh pek Kibual ju heknod Ilei sendiri tapi Kipasal ma de Kicerngai ju Menek taleh ru Kipasal pekare de doh tejadi. 14Kek doh Kipemulie Eng ya Ineajar kerana ma de Kipasal nu engkek, Kikep ju Eng. 15Dikdij hak Menek hak Eng juga. Ajehloh isebab Ngurok, ‘Ma de Kipasal nu engkek, Kikep ju Eng.’ ”
Sendeh ru Keremmik
16Yesus Kiurok nij, “Pek liu nij doh, engkek pek engkebakek Eng tapi had sekejap taleh. Telas ajeh engkek doh engkebakek Eng nij.”
17Memerip urag Ipengikot naikerek ratak liknai, “Ma ireti, ‘Pek liu nij doh hik pek hibakek Kek tapi had sekejap taleh. Telas ajeh hik doh hibakek Kek nij’? Ru ma ireti, ‘Kek Kiet nu Menek’? 18Ma ireti, ‘Pek liu nij’? Langsong pek hipaham Ibengwal!”
19Yesus Kipanei enai naiha-tanya nu Kek. Jadi, Kek Kiurok nu enai, “Nek Ngurok, ‘Pek liu nij doh engkek pek engkebakek Eng tapi had sekejap taleh. Telas ajeh engkek doh engkebakek Eng nij.’ Hal ajehka de engkekerek ratak liengkek? 20Cerngailoh abor, engkek doh engkejinjap ru engkesedeh tapi sengoi dunia adeh doh naikerakmik. Tapi sendeh engkek ajeh doh kibeubah kijadi keremmik. 21Bile numom kerdor kiperikyos, kek kipehod. Tapi bile ikenon ya yos, kek kisip ha ipenghod ajeh. Kek kikerakmik kerana ikenon ya yos nu dunia adeh. 22Begei ajehloh juga nu engkek: Hunen engkesedeh tapi Eng doh Ngterbuk nij nu engkek. Sengik engkek doh tebeg ya keremmik de pek dapat bikot ya bok-bok pen.
23Ku arik ajeh, engkek doh pek engkesemanj ma-ma nij nu Eng. Cerngailoh abor, Menek Eng doh Kiog ma taleh de engkesemanj ku kateh muh Eng. 24Lei hunen engkek pekseg engkesemanj ma-ma pen nu Menek ku kateh muh Eng. Ju hunen, semanjloh. Amen engkesemanj, doh engketerima ru ihad engkekerakmik.”
Yesus Kipealah Dunia
25“Lei hunen Eng Ngbelwal nu engkek Ngguna kiasan. Tapi imase doh kitiba bile Eng pek Ngbual begei ajeh nij nu engkek. Eng doh Ngbeteros-terang Ngpasal nu engkek tentang Menek Eng. 26Ku mase ajeh, engkek doh engkesemanj nu Menek ku kateh muh Eng. Eng pek payah Ngperlei sengmanj engkek nu Menek 27kerana Menek sendiri Kihok engkek. Kek Kihok engkek kerana engkehok ha Eng ru engkepecaya Nghol ju Kek. 28Eng Nghol ju Menek ru ya Nglei nu dunia. Tapi hunen Eng Ngdek dunia Ngha-jog nu Menek.”
29Lalu Ipengikot-pengikot naiurok nu Kek, “Hunen baruloh Jen beteros-terang nu jik. Enjen ya pek Jenguna kiasan nij. 30Hunen jisedar Jenpanei ha dikdij hal. Pek payah bok-bok pen betanya ma-ma nu Enjen kerana Jen ya Jenpanei soalan enai sebelom naitanya nu Enjen. Kerana ajeh, jik jipecaya Jenhol ju Jenang.”
31Yesus Kiurok nu enai, “Hunen engkepecayaka nu Eng? 32Tapi imase doh kitiba bile engkek doh engkejar selidaj. Sebenarnye hunenloh imase ajeh. Engkek doh engkejog nu deg liengkek memaseg ru engkedek Eng Nghalei. Hamapen begei ajeh, Eng pek Nghalei kerana Menek Eng mong besama ru Eng. 33Eng Ngpasal dikdij adeh nu engkek supaye engkekep sengik de aman kerana engkebenanek ru Eng. Ku dunia adeh, sinui engkek doh pek damei tapi agok sengoh kerana Eng ya Ngpealah dunia!”
Currently Selected:
YOHANES 16: AEH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YOHANES 16
16
1Yesus Kiurok nij, “Eng Ngpasal dikdij adeh nu engkek supaye pek engkekecewe ru pek engkewes Eng. 2Sengoi dunia adeh doh naiperet engkek ju deg sembahyang. Tapi lebeh nij, doh tiba imase mai naiperdat engkek. Mase naiperdat engkek, enai doh naisangka naipesenang sengik Jenang. 3Enai doh naibeh pekare-pekare ajeh nu engkek kerana enai pek naikenal Menek atao Eng. 4Tapi hunen Ngpasal dikdij ajeh nu engkek supaye bile tiba mase ajeh, doh engkeingat ha amaran Eng adeh tentang enai ajeh. Ku imula entem, Eng pek Ngpasal nu engkek tentang hal adeh kerana selame adeh Eng lekat mong besama ru engkek.”
Kerenjak Kelog Santen
5“Hunen Eng Ngha-jog nu Kek de ngengngeng Eng tapi pek mong numom pen ju engkek de betanya nu belok Ngha-et. 6Hunen engkesedeh kerana ya Ngpasal tentang hal Eng adeh. 7Tapi cerngailoh abor. Eng Nget untok bernor liengkek sendiri. Amen Eng pek Nget, Kelog Santen doh pek Kihol nu engkek. Tapi amen Nget, Eng doh Ngngeng Penulog ajeh nu engkek. 8Bile Kelog Santen ajeh Kihol, Kek doh Kipesedar dikdij mai ku dunia adeh tentang nik hal de naipiker salah: Tentang dosa, tentang care naiha-jadi benar ku mat Jenang, ru tentang nehukom Jenang ku ipenyudah doh. 9Petame, tentang hal dosa. Kelog Santen doh Kipesedar mai tentang hal adeh: Enai ajeh naibedosa amen pek naipecaya nu Eng. 10Kedue, tentang care naiha-jadi benar ku mat Jenang. Kerana Eng doh Ngjog nu Menek ru engkek doh pek engkeneng ha Eng nij, jadi Kelog Santen doh Kihol ru Kipesedar mai tentang hal adeh: Eng ya Ngbuka nong ha manusia naijadi benar ku mat Jenang. 11Ketige, tentang nehukom Jenang ku ipenyudah doh. Kelog Santen doh Kipesedar mai tentang hal adeh: Jenang pasti Kihukom enai ku ipenyudah doh kerana hunen Ibles de bekuasa ku dunia adeh ya bihukom.
12Lekat mong jeoi hal de Ngha-pasal nu engkek tapi pekseg mampu engketerima hunen. 13Tapi bile Kelog de benar ajeh Kihol, Kek doh Kiajar dikdij neajar de benar. Kek doh pek Kibual ju heknod Ilei sendiri tapi Kipasal ma de Kicerngai ju Menek taleh ru Kipasal pekare de doh tejadi. 14Kek doh Kipemulie Eng ya Ineajar kerana ma de Kipasal nu engkek, Kikep ju Eng. 15Dikdij hak Menek hak Eng juga. Ajehloh isebab Ngurok, ‘Ma de Kipasal nu engkek, Kikep ju Eng.’ ”
Sendeh ru Keremmik
16Yesus Kiurok nij, “Pek liu nij doh, engkek pek engkebakek Eng tapi had sekejap taleh. Telas ajeh engkek doh engkebakek Eng nij.”
17Memerip urag Ipengikot naikerek ratak liknai, “Ma ireti, ‘Pek liu nij doh hik pek hibakek Kek tapi had sekejap taleh. Telas ajeh hik doh hibakek Kek nij’? Ru ma ireti, ‘Kek Kiet nu Menek’? 18Ma ireti, ‘Pek liu nij’? Langsong pek hipaham Ibengwal!”
19Yesus Kipanei enai naiha-tanya nu Kek. Jadi, Kek Kiurok nu enai, “Nek Ngurok, ‘Pek liu nij doh engkek pek engkebakek Eng tapi had sekejap taleh. Telas ajeh engkek doh engkebakek Eng nij.’ Hal ajehka de engkekerek ratak liengkek? 20Cerngailoh abor, engkek doh engkejinjap ru engkesedeh tapi sengoi dunia adeh doh naikerakmik. Tapi sendeh engkek ajeh doh kibeubah kijadi keremmik. 21Bile numom kerdor kiperikyos, kek kipehod. Tapi bile ikenon ya yos, kek kisip ha ipenghod ajeh. Kek kikerakmik kerana ikenon ya yos nu dunia adeh. 22Begei ajehloh juga nu engkek: Hunen engkesedeh tapi Eng doh Ngterbuk nij nu engkek. Sengik engkek doh tebeg ya keremmik de pek dapat bikot ya bok-bok pen.
23Ku arik ajeh, engkek doh pek engkesemanj ma-ma nij nu Eng. Cerngailoh abor, Menek Eng doh Kiog ma taleh de engkesemanj ku kateh muh Eng. 24Lei hunen engkek pekseg engkesemanj ma-ma pen nu Menek ku kateh muh Eng. Ju hunen, semanjloh. Amen engkesemanj, doh engketerima ru ihad engkekerakmik.”
Yesus Kipealah Dunia
25“Lei hunen Eng Ngbelwal nu engkek Ngguna kiasan. Tapi imase doh kitiba bile Eng pek Ngbual begei ajeh nij nu engkek. Eng doh Ngbeteros-terang Ngpasal nu engkek tentang Menek Eng. 26Ku mase ajeh, engkek doh engkesemanj nu Menek ku kateh muh Eng. Eng pek payah Ngperlei sengmanj engkek nu Menek 27kerana Menek sendiri Kihok engkek. Kek Kihok engkek kerana engkehok ha Eng ru engkepecaya Nghol ju Kek. 28Eng Nghol ju Menek ru ya Nglei nu dunia. Tapi hunen Eng Ngdek dunia Ngha-jog nu Menek.”
29Lalu Ipengikot-pengikot naiurok nu Kek, “Hunen baruloh Jen beteros-terang nu jik. Enjen ya pek Jenguna kiasan nij. 30Hunen jisedar Jenpanei ha dikdij hal. Pek payah bok-bok pen betanya ma-ma nu Enjen kerana Jen ya Jenpanei soalan enai sebelom naitanya nu Enjen. Kerana ajeh, jik jipecaya Jenhol ju Jenang.”
31Yesus Kiurok nu enai, “Hunen engkepecayaka nu Eng? 32Tapi imase doh kitiba bile engkek doh engkejar selidaj. Sebenarnye hunenloh imase ajeh. Engkek doh engkejog nu deg liengkek memaseg ru engkedek Eng Nghalei. Hamapen begei ajeh, Eng pek Nghalei kerana Menek Eng mong besama ru Eng. 33Eng Ngpasal dikdij adeh nu engkek supaye engkekep sengik de aman kerana engkebenanek ru Eng. Ku dunia adeh, sinui engkek doh pek damei tapi agok sengoh kerana Eng ya Ngpealah dunia!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.