Yohan 14
14
Yesuí Àng coqcv́nrì nøt shvlø̀:mò we
1“Nàmaq nøt mèdèshànø̀ngni, Gvray kaq èkv́mnø̀ng, Ngà sv̀ng gø èkv́mshà. #Mak. 11:22; Yoh. 14:27 2Ngà Vpè chø̀m taq nø, v́lrà gvzà vle. Wedø màvl pà í nìnø, Ngàí nàmaq sv̀ng vzv̀ng kèní dvtáì ni we íe. Ngà nø nàmaq dvpvt v́lrà dvgǿa nv̀ng longvme. 3Ngà longvm nø nàmaq dvpvt v́lrà dvgǿ dv́ng bǿngò kvt, vrá tiqkvt vtv́ng dak nø, Ngà vl yv́ngø nàmaq gø v́l lúnlv́m, Ngàí nàmaq sv̀ng lù daqìe. #Yoh. 12:26; 17:24 4Ngà longvm yv́ngsv̀ng tuqvm we tvrà nø nàmaqí èshánø̀nge,” a:lòe. 5Tomaí, “Kàngpèá, Nà kayv́ng sv̀ng èlovm we dv́ng nøngmaqí mvsháì nìnø, tvrà nø kadøwa lvsháì ni?” a:lòe. 6Yesuí àng sv̀ng, “Ngà nø tvrà nv̀ng dìnglòng nv̀ng gø̀nshaq ǿngàe. Ngà taqkèní wa mø̀í nìnø, Vpè yv́ngsv̀ng kagǿí gø dí mvlú:nò. #Mat. 11:27; Yoh. 11:25; Rom. 5:1-2; Heb. 10:20
7Nàmaqí Ngà sv̀ng la èsháshà nìnø, Ngà Vpè sv̀ng gø èshá lóngnø̀nge. Akvt kèní kukaq nàmaqí Àng sv̀ng vsháshaq í nø vyv́ngshaq íá:mì,” a:lòe. 8Pilipmí, “Kàngpèá, Vpè sv̀ng nøngmaq kaq dètanshà. Wekvt nøngmaq nøt shø̀:mìe,” a:lòe. 9Yesuí, “Pilipmá, Ngà nø nàmaq nv̀ng yadv́ngte vlé dø vl dakngà we, nàí Ngà sv̀ng shini mèshángà má? Ngà sv̀ng vyv́ngshaq gǿí nø Vpè sv̀ng vyv́ngshaq íe. Nàí kadøwa, ‘Vpè sv̀ng nøngmaq kaq dètanshà,’ èwa má? #Yoh. 12:45; Heb. 1:3 10Ngà nø Vpè vdòng taq vl nø, Vpè gø Ngà vdòng taq vl we sv̀ng nà mèkv́m má? Ngàí nàmaq sv̀ng shø̀nò we kàrì nø, Ngà nø:tní shø̀nò we mø̀í. Ngà vdòng taq vl we Vpèí Ngà taqkèní Àng bv̀nlì wàò we mv̀ng íe. #Yoh. 12:49 11Ngà nø Vpè vdòng taq, Vpè gø Ngà vdòng taq vle, wvng kà sv̀ng èkv́mnø̀ng. Mø̀íni Ngàí wv̀ng bǿngà we vtiqlv́m bv̀nlìrì rvtnø̀ dvbvng èkv́mnø̀ng. #Yoh. 10:25,38; 14:20
Shànshér Pvlàcè dv́naò we
12Ngàí kàdøng nàmaq sv̀ng vla:tnìni, Ngà kaq kv́m gǿí nø, Ngàí wv̀ngò bv̀nlìrì wà lú:ngòe. Yarì mvdv̀m té ring we bv̀nlìrì gø wà lú:ngòe. Pàwá wani Ngà nø Vpè yv́ngsv̀ng longvme. #Mak. 16:19-20 13Vpè nø Àngcèpè taqkèní ngø̀rdvgùng lúnlv́m dvpvt, Ngà bø̀ng taqkèní nàmaqí èrøtnø̀ng we pà ínìgø, Ngàí wáa daqìe. #Mak. 11:24; Yoh. 15:7; 1Yh. 5:14 14Ngà bø̀ng taqkèní nàmaqí Ngà sv̀ng kapà èrøtnø̀ng nìnø, welòng Ngàí wáa daqìe. #Yoh. 16:23-24 15Nàmaqí Ngà sv̀ng èshòngshà nìnø, Ngà dvkv́m kàrì ècv̀n lóngnø̀nge. #Yoh. 15:10; 1Yh. 5:3 16Nàmaq nv̀ng dvciqlvpat v̀llv́m Dvbvngshú shø̀ngshang tiqgǿ Vpèí nàmaq sv̀ng zílv́m rvt, Ngàí Vpè kaq røtlv́m íe. #Yoh. 14:26; 15:26; 16:7; 1Yh. 2:1 17Àng nø dìnglòng dvtanshú Pvlàcè íe. Rvgaqí nø Àng sv̀ng yv́ng gø mvyà:ngò, shá gø mvsháò rvtnø̀ Àng sv̀ng vto mvngu:tnò. Íwe nàmaqí nø Àng sv̀ng èshánø̀nge. Kadø íe wani Àng nø akvt nàmaq nv̀ng vl nø, nàmaq vdòngø vl daqe. #Mat. 10:20; Yoh. 7:39; 16:13; Rom. 8:26 18Ngàí nàmaq sv̀ng dvrvtcè dø mvlàng ráì. Nàmaq yv́ngsv̀ng vrá Ngà døng daknge. 19Tiqlvngcè kèní nø, rvgaqí Ngà sv̀ng mèyv̀ng long. Nàmaqí nø Ngà sv̀ng èyv̀ng lóngshàe. Ngà cúnshø̀ng rvtnø̀ nàmaq gø ècúnshì lóngnø̀nge. #Yoh. 16:16 20Weni taq, Vpè vdòng taq nø Ngà vl we, Ngà vdòng taq nø nàmaq èv̀lnø̀ng we, nàmaq vdòng taq nø Ngà vl we sv̀ng nàmaqí èshá lóngnø̀nge. #Yoh. 17:21-23 21Ngà dvkv́mkà sv̀ng vtoò nø̀ cv̀n gǿ nø, Ngà sv̀ng èshòng gǿ íe. Ngà sv̀ng èshòng gǿ sv̀ng nø, Vpèí gø shòng daqòe. Ngàí gø àng sv̀ng shòngò nø̀, Ngà vdè gø àng sv̀ng dvtánshìlv́m íe,” a:lòe. #1Yh. 5:3 22(Iskariot mø̀í we) Yudaí, “Kàngpèá, kadø í rvt Nà nø rvgaq sv̀ng màdvtánshìshaq nøngmaq sv̀ng wa dvtánshìlv́m èwa má?” a:lòe. #Dzr. 10:41 23Yesuí vtá:nò nø̀, “Ngà sv̀ng èshòng we kagǿ gø, Ngà kà ta longe. Vpèí àng sv̀ng shù:ngò nø̀, Ngànípè nø wegǿ yv́ng di daqshì nø, àng nv̀ng v̀llv́m íe. #Ksh. 8:17; Mat. 18:20; 28:20; Yoh. 13:34; 14:21; 2Kr. 6:16; Eps. 3:17 24Ngà sv̀ng mèshòng gǿ nø, Ngà kà mvta long. Nàmaqí ètánø̀ng we kàrì nø Ngà kà mø̀í, Ngà sv̀ng dèzv́r dakngà we Vpèò kà íe. #Yoh. 7:16; 1Yh. 2:5
25Nàmaq nv̀ng Ngà shini vl dvgvp yadv́ng pv̀n dvtá bǿshà. 26Íwe Vpèí Ngà bø̀ng taqkèní dvzv́rlv́m dá:nò we Dvbvngshú Shànshér Pvlàcèí nàmaq sv̀ng shvngbe shèngøtnvtnø̀ng nø, Ngàí nàmaq sv̀ng dvtá bǿshà rì í dv́ngte gø dvdvm rǿn dèzv́rvtnø̀nge. #Yoh. 14:16; Mat. 10:19 27Ngàí nàmaq sv̀ng mòngzø̀l lòng lánga ráìe. Ngà mòngzø̀l lòng nàmaq sv̀ng zí ráìe. Rvgaqí zi dø Ngàí nàmaq sv̀ng zíì we mø̀í. Nàmaq nøt mèdeshànø̀ngni, mèsèrenø̀ngni. #Yoh. 16:33; Pil. 4:7 28‘Ngà nø longvme, vrá nàmaq yv́ngsv̀ng vtv́ng daknge,’ wvng shø̀nkà nàmaqí ètá bǿshà. Nàmaqí Ngà sv̀ng èshòngshà nìnø, Vpè yv́ngsv̀ng Ngà longvm rvt nàmaq dèbùnø̀ng ni we íe. Kadø íe wani Vpè nø Ngà mvdv̀m té ringe. #Yoh. 14:3,6,18 29Wedø í long dvgvp nàmaq kv́mlv́m rvt, akvt shini mø̀í ke nàmaq sv̀ng Ngàí dvtáì we íe. #Yoh. 13:19 30Akvt kèní kukaq Ngà nø nàmaq sv̀ng kà kadv́ngte shǿn màmø. Kadø íe wani rvgaq yalòng øpshúpè nø tuqlv́m wae. Àng nø Ngà mvdv̀m jórnònggùn vl pè mø̀í. #Yoh. 12:31; Eps. 2:2 31Íwe, Ngà nø Vpè sv̀ng shóngshø̀ng we rvgaqí shálv́m rvt, Vpèí dèkv́m dø wv̀ngòe. Có, yayv́ng kèní bú:ngì.” #Mat. 26:46; Mak. 14:42
Currently Selected:
Yohan 14: GSM
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.
Yohan 14
14
Yesuí Àng coqcv́nrì nøt shvlø̀:mò we
1“Nàmaq nøt mèdèshànø̀ngni, Gvray kaq èkv́mnø̀ng, Ngà sv̀ng gø èkv́mshà. #Mak. 11:22; Yoh. 14:27 2Ngà Vpè chø̀m taq nø, v́lrà gvzà vle. Wedø màvl pà í nìnø, Ngàí nàmaq sv̀ng vzv̀ng kèní dvtáì ni we íe. Ngà nø nàmaq dvpvt v́lrà dvgǿa nv̀ng longvme. 3Ngà longvm nø nàmaq dvpvt v́lrà dvgǿ dv́ng bǿngò kvt, vrá tiqkvt vtv́ng dak nø, Ngà vl yv́ngø nàmaq gø v́l lúnlv́m, Ngàí nàmaq sv̀ng lù daqìe. #Yoh. 12:26; 17:24 4Ngà longvm yv́ngsv̀ng tuqvm we tvrà nø nàmaqí èshánø̀nge,” a:lòe. 5Tomaí, “Kàngpèá, Nà kayv́ng sv̀ng èlovm we dv́ng nøngmaqí mvsháì nìnø, tvrà nø kadøwa lvsháì ni?” a:lòe. 6Yesuí àng sv̀ng, “Ngà nø tvrà nv̀ng dìnglòng nv̀ng gø̀nshaq ǿngàe. Ngà taqkèní wa mø̀í nìnø, Vpè yv́ngsv̀ng kagǿí gø dí mvlú:nò. #Mat. 11:27; Yoh. 11:25; Rom. 5:1-2; Heb. 10:20
7Nàmaqí Ngà sv̀ng la èsháshà nìnø, Ngà Vpè sv̀ng gø èshá lóngnø̀nge. Akvt kèní kukaq nàmaqí Àng sv̀ng vsháshaq í nø vyv́ngshaq íá:mì,” a:lòe. 8Pilipmí, “Kàngpèá, Vpè sv̀ng nøngmaq kaq dètanshà. Wekvt nøngmaq nøt shø̀:mìe,” a:lòe. 9Yesuí, “Pilipmá, Ngà nø nàmaq nv̀ng yadv́ngte vlé dø vl dakngà we, nàí Ngà sv̀ng shini mèshángà má? Ngà sv̀ng vyv́ngshaq gǿí nø Vpè sv̀ng vyv́ngshaq íe. Nàí kadøwa, ‘Vpè sv̀ng nøngmaq kaq dètanshà,’ èwa má? #Yoh. 12:45; Heb. 1:3 10Ngà nø Vpè vdòng taq vl nø, Vpè gø Ngà vdòng taq vl we sv̀ng nà mèkv́m má? Ngàí nàmaq sv̀ng shø̀nò we kàrì nø, Ngà nø:tní shø̀nò we mø̀í. Ngà vdòng taq vl we Vpèí Ngà taqkèní Àng bv̀nlì wàò we mv̀ng íe. #Yoh. 12:49 11Ngà nø Vpè vdòng taq, Vpè gø Ngà vdòng taq vle, wvng kà sv̀ng èkv́mnø̀ng. Mø̀íni Ngàí wv̀ng bǿngà we vtiqlv́m bv̀nlìrì rvtnø̀ dvbvng èkv́mnø̀ng. #Yoh. 10:25,38; 14:20
Shànshér Pvlàcè dv́naò we
12Ngàí kàdøng nàmaq sv̀ng vla:tnìni, Ngà kaq kv́m gǿí nø, Ngàí wv̀ngò bv̀nlìrì wà lú:ngòe. Yarì mvdv̀m té ring we bv̀nlìrì gø wà lú:ngòe. Pàwá wani Ngà nø Vpè yv́ngsv̀ng longvme. #Mak. 16:19-20 13Vpè nø Àngcèpè taqkèní ngø̀rdvgùng lúnlv́m dvpvt, Ngà bø̀ng taqkèní nàmaqí èrøtnø̀ng we pà ínìgø, Ngàí wáa daqìe. #Mak. 11:24; Yoh. 15:7; 1Yh. 5:14 14Ngà bø̀ng taqkèní nàmaqí Ngà sv̀ng kapà èrøtnø̀ng nìnø, welòng Ngàí wáa daqìe. #Yoh. 16:23-24 15Nàmaqí Ngà sv̀ng èshòngshà nìnø, Ngà dvkv́m kàrì ècv̀n lóngnø̀nge. #Yoh. 15:10; 1Yh. 5:3 16Nàmaq nv̀ng dvciqlvpat v̀llv́m Dvbvngshú shø̀ngshang tiqgǿ Vpèí nàmaq sv̀ng zílv́m rvt, Ngàí Vpè kaq røtlv́m íe. #Yoh. 14:26; 15:26; 16:7; 1Yh. 2:1 17Àng nø dìnglòng dvtanshú Pvlàcè íe. Rvgaqí nø Àng sv̀ng yv́ng gø mvyà:ngò, shá gø mvsháò rvtnø̀ Àng sv̀ng vto mvngu:tnò. Íwe nàmaqí nø Àng sv̀ng èshánø̀nge. Kadø íe wani Àng nø akvt nàmaq nv̀ng vl nø, nàmaq vdòngø vl daqe. #Mat. 10:20; Yoh. 7:39; 16:13; Rom. 8:26 18Ngàí nàmaq sv̀ng dvrvtcè dø mvlàng ráì. Nàmaq yv́ngsv̀ng vrá Ngà døng daknge. 19Tiqlvngcè kèní nø, rvgaqí Ngà sv̀ng mèyv̀ng long. Nàmaqí nø Ngà sv̀ng èyv̀ng lóngshàe. Ngà cúnshø̀ng rvtnø̀ nàmaq gø ècúnshì lóngnø̀nge. #Yoh. 16:16 20Weni taq, Vpè vdòng taq nø Ngà vl we, Ngà vdòng taq nø nàmaq èv̀lnø̀ng we, nàmaq vdòng taq nø Ngà vl we sv̀ng nàmaqí èshá lóngnø̀nge. #Yoh. 17:21-23 21Ngà dvkv́mkà sv̀ng vtoò nø̀ cv̀n gǿ nø, Ngà sv̀ng èshòng gǿ íe. Ngà sv̀ng èshòng gǿ sv̀ng nø, Vpèí gø shòng daqòe. Ngàí gø àng sv̀ng shòngò nø̀, Ngà vdè gø àng sv̀ng dvtánshìlv́m íe,” a:lòe. #1Yh. 5:3 22(Iskariot mø̀í we) Yudaí, “Kàngpèá, kadø í rvt Nà nø rvgaq sv̀ng màdvtánshìshaq nøngmaq sv̀ng wa dvtánshìlv́m èwa má?” a:lòe. #Dzr. 10:41 23Yesuí vtá:nò nø̀, “Ngà sv̀ng èshòng we kagǿ gø, Ngà kà ta longe. Vpèí àng sv̀ng shù:ngò nø̀, Ngànípè nø wegǿ yv́ng di daqshì nø, àng nv̀ng v̀llv́m íe. #Ksh. 8:17; Mat. 18:20; 28:20; Yoh. 13:34; 14:21; 2Kr. 6:16; Eps. 3:17 24Ngà sv̀ng mèshòng gǿ nø, Ngà kà mvta long. Nàmaqí ètánø̀ng we kàrì nø Ngà kà mø̀í, Ngà sv̀ng dèzv́r dakngà we Vpèò kà íe. #Yoh. 7:16; 1Yh. 2:5
25Nàmaq nv̀ng Ngà shini vl dvgvp yadv́ng pv̀n dvtá bǿshà. 26Íwe Vpèí Ngà bø̀ng taqkèní dvzv́rlv́m dá:nò we Dvbvngshú Shànshér Pvlàcèí nàmaq sv̀ng shvngbe shèngøtnvtnø̀ng nø, Ngàí nàmaq sv̀ng dvtá bǿshà rì í dv́ngte gø dvdvm rǿn dèzv́rvtnø̀nge. #Yoh. 14:16; Mat. 10:19 27Ngàí nàmaq sv̀ng mòngzø̀l lòng lánga ráìe. Ngà mòngzø̀l lòng nàmaq sv̀ng zí ráìe. Rvgaqí zi dø Ngàí nàmaq sv̀ng zíì we mø̀í. Nàmaq nøt mèdeshànø̀ngni, mèsèrenø̀ngni. #Yoh. 16:33; Pil. 4:7 28‘Ngà nø longvme, vrá nàmaq yv́ngsv̀ng vtv́ng daknge,’ wvng shø̀nkà nàmaqí ètá bǿshà. Nàmaqí Ngà sv̀ng èshòngshà nìnø, Vpè yv́ngsv̀ng Ngà longvm rvt nàmaq dèbùnø̀ng ni we íe. Kadø íe wani Vpè nø Ngà mvdv̀m té ringe. #Yoh. 14:3,6,18 29Wedø í long dvgvp nàmaq kv́mlv́m rvt, akvt shini mø̀í ke nàmaq sv̀ng Ngàí dvtáì we íe. #Yoh. 13:19 30Akvt kèní kukaq Ngà nø nàmaq sv̀ng kà kadv́ngte shǿn màmø. Kadø íe wani rvgaq yalòng øpshúpè nø tuqlv́m wae. Àng nø Ngà mvdv̀m jórnònggùn vl pè mø̀í. #Yoh. 12:31; Eps. 2:2 31Íwe, Ngà nø Vpè sv̀ng shóngshø̀ng we rvgaqí shálv́m rvt, Vpèí dèkv́m dø wv̀ngòe. Có, yayv́ng kèní bú:ngì.” #Mat. 26:46; Mak. 14:42
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.