Yohan 2
2
Kana rvwá zvmì shvzøng bóy
1Vshø̀m ni wa ni taq, Galili móng Kana rvwáø zvmì shvzøng bóy tiqlòng vle. Yesu àngmè gø weyv́ngø vbáe. #Yoh. 1:43 2Zvmì shvzøng bóy yv́ngsv̀ng Yesu nv̀ng Àng coqcv́nrì gø vgoshaq íe. 3Bìmtì dvbév́m bǿà dvgvp, Yesu àngmèí Àng sv̀ng, “Àngmaq bìmtì béaá:mà,” a:lòe.
4Yesuí àng sv̀ng, “Svmarémèá, nàí shǿn mvrà.#2:4 “Welòng rvt pàwá dèréshìe?” wa gø rø daqe. Ngà rvtø̀ shini mvhøqò,” a:lòe. #Yoh. 19:26; Mat. 12:48; Mak. 1:24
5Àngmèí nø dvzømshúrì sv̀ng, “À:ngí nàmaq kaq kadø èvlvtnø̀ng nìnø wedø èwànø̀ng,” a:lòe.
6Yuda vsv̀ngrì wur shǿlshìlv́m vtóng taq lá:ngò we lóng chúng vchuq chv̀ng weyv́ngø vle. Tiqchv̀ng taq nø vnícé kèní vshø̀mcé galan cv́nge. #Mak. 7:3,4 7Yesuí dvzømshúrì sv̀ng, “Chúng yarì taq tì dv̀n èzv́ngnø̀ng,” a:lòe. Wekvt àngmaqí chúngrì taq mvka vrá dø tì dv̀n zv́ng bǿà. 8Vrá, À:ngí àngmaq sv̀ng, “Akvt nø cvmaq èdonø̀ng nø̀, bóy vgopè sv̀ng èlv́nga bǿnø̀ng,” a:lòe. Wekvt àngmaqí lv́nga bǿà.
9Tì kèní shvlè bǿà we bìmtì sv̀ng bóy vgopèí tin bǿà. Tì kvp dá:rà we dvzømshúrìí bìmtì nø kayv́ng kèní í we sháò nìgø, bóy vgopèí nø mvsháò. Wervt à:ngí lvngàshv́rpè sv̀ng goò nø̀, 10“Kagǿí gø bìmtì shvlá vtvng lòng vzv̀ng shvaqòe. Aq vrvmvm dvgvp wa dvdumo gvm lòng tù:nòe. Nàí nø bìmtì shvlá vtvng lòng akvt høq legv̀l dárà,” a:lòe.
11Yesuí nv̀mlat vtiqlv́m mvshv́lpvrá wàò we yalòng nø Galili móng Kana rvwá taq íe. Yadø Àng ngø̀rdvgùng dvta:nò yv́ngkèní, Àng coqcv́nrì nø Àng sv̀ng kv́m bǿì. #Yoh. 1:14; 11:40
12Wemèpvng Yesu àngmè ó àngnvmpèla, Àng coqcv́nrì nv̀ng tiqdø Kapernum mvrìng sv̀ng yøtshìá:mì nø̀, weyv́ngø tiqnila v̀lá:mì. #Yoh. 7:3; Mat. 4:13
Noqngø̀m Tø̀ngnø kèní wùlaq warì lù:ngò we
13Wekvt Yuda vsv̀ngrìò Shvlé Bóy tuq yùl ráì nø̀, Yesu nø Yerusalem sv̀ng ngangá:mì. 14Noqngø̀m Tø̀ngnø wáng vdòng taq, nungwà, vyv̀ng nv̀ng kaø nvmke vsv̀ng gø, gv̀msùng cheshì rì rung da we sv̀ng gø yv̀ng bǿà. #Mat. 2:12,13; Mak. 11:15,17; Luk. 19:45,46 15À:ngí bv̀nrì mvship tiqlòng wàò dá:ngí, àngmaq shvngbe sv̀ng gø, vyv̀ngrì nv̀ng nungwàrì sv̀ng gø, Noqngø̀m Tø̀ngnø wáng kèní lù:ngòe. Gv̀msùng cheshì rìò gv̀msùngrì gø bv̀ng shinaò nø̀, àngmaq shvbóyrì gø ngaqa bǿà. 16Kaø nvmke rì sv̀ng gø À:ngí, “Yayv́ng kèní yarì èlvngshì bǿnø̀ng. Ngà Vpè chø̀m nø nàmaqò wulaq washìrà mø̀í!” a:lòe. #Luk. 2:49 17Wekvt Àng coqcv́nrìí, “Nà chø̀m dvpvt nøtlø̀m lòng nø Ngà taq svmi dø vcore,” wa vru yà:ngà kà sv̀ng dvdvm rǿna:tnà. #Shz. 69:9
18Yuda vsv̀ng shølshúrìí Àng sv̀ng, “Yadv́ng pv̀n Nàí wàlv́m vmíng èvl we nøngmaqí shálv́m dvpvt mvshv́lpvrá kapà dètanshàni má?” a:lòe. #Mat. 21:23; Yoh. 3:2
19Yesuí àngmaq sv̀ng, “Shànshér Tø̀ngnø yachø̀m ècatnø̀ng. Vshø̀m ni vdòng Ngàí rá shvriplv́m íe,” a:lòe. #Mat. 26:61; 27:40
20Vrá, Yuda vsv̀ngrìí, “Shànshér Tø̀ngnø yachø̀m nø vbìcé chuq nǿng wà yà:ngà we íe. Nàí nø vshø̀m ni cèí shèripmò niá?” a:lòe. 21Íwe À:ngí shø̀:nò we Shànshér Tø̀ngnø nø Àng vdè góng sv̀ng tvnushì we íe. #1Kr. 6:19 22Gvrayí Àng sv̀ng shì yv́ngkèní dvzun lú:ngà mèpvng, À:ngí shø̀:nò we yakà sv̀ng Àng coqcv́nrìí dvdvm rǿ:nò nø̀, Shànshér Kàru sv̀ng gø, Yesuí shø̀:nò we kà sv̀ng gø àngmaq kv́me.
23Shvlé Bóy nila taq Yerusalem yv́ng Àng vl dvgvp, À:ngí wàò we shálv́m mvshv́lpvrárì yà:ngò yv́ngkèní vsv̀ng mvme nø Àng bø̀ng sv̀ng kv́m ráì. 24Ínìgø Yesuí nø vsv̀ng shvngbeò nøt sv̀ng sháò rvtnø̀, àngmaq sv̀ng Àng màlǿmshì. 25Vsv̀ng nøt vdòngø kapà vl we À:ngí dǿ:mò rvtnø̀, vsv̀ng kagǿ dang kagǿí shvkse wàò we gø Àng zǿm mvdv̀ng. #Mak. 2:8
Currently Selected:
Yohan 2: GSM
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.
Yohan 2
2
Kana rvwá zvmì shvzøng bóy
1Vshø̀m ni wa ni taq, Galili móng Kana rvwáø zvmì shvzøng bóy tiqlòng vle. Yesu àngmè gø weyv́ngø vbáe. #Yoh. 1:43 2Zvmì shvzøng bóy yv́ngsv̀ng Yesu nv̀ng Àng coqcv́nrì gø vgoshaq íe. 3Bìmtì dvbév́m bǿà dvgvp, Yesu àngmèí Àng sv̀ng, “Àngmaq bìmtì béaá:mà,” a:lòe.
4Yesuí àng sv̀ng, “Svmarémèá, nàí shǿn mvrà.#2:4 “Welòng rvt pàwá dèréshìe?” wa gø rø daqe. Ngà rvtø̀ shini mvhøqò,” a:lòe. #Yoh. 19:26; Mat. 12:48; Mak. 1:24
5Àngmèí nø dvzømshúrì sv̀ng, “À:ngí nàmaq kaq kadø èvlvtnø̀ng nìnø wedø èwànø̀ng,” a:lòe.
6Yuda vsv̀ngrì wur shǿlshìlv́m vtóng taq lá:ngò we lóng chúng vchuq chv̀ng weyv́ngø vle. Tiqchv̀ng taq nø vnícé kèní vshø̀mcé galan cv́nge. #Mak. 7:3,4 7Yesuí dvzømshúrì sv̀ng, “Chúng yarì taq tì dv̀n èzv́ngnø̀ng,” a:lòe. Wekvt àngmaqí chúngrì taq mvka vrá dø tì dv̀n zv́ng bǿà. 8Vrá, À:ngí àngmaq sv̀ng, “Akvt nø cvmaq èdonø̀ng nø̀, bóy vgopè sv̀ng èlv́nga bǿnø̀ng,” a:lòe. Wekvt àngmaqí lv́nga bǿà.
9Tì kèní shvlè bǿà we bìmtì sv̀ng bóy vgopèí tin bǿà. Tì kvp dá:rà we dvzømshúrìí bìmtì nø kayv́ng kèní í we sháò nìgø, bóy vgopèí nø mvsháò. Wervt à:ngí lvngàshv́rpè sv̀ng goò nø̀, 10“Kagǿí gø bìmtì shvlá vtvng lòng vzv̀ng shvaqòe. Aq vrvmvm dvgvp wa dvdumo gvm lòng tù:nòe. Nàí nø bìmtì shvlá vtvng lòng akvt høq legv̀l dárà,” a:lòe.
11Yesuí nv̀mlat vtiqlv́m mvshv́lpvrá wàò we yalòng nø Galili móng Kana rvwá taq íe. Yadø Àng ngø̀rdvgùng dvta:nò yv́ngkèní, Àng coqcv́nrì nø Àng sv̀ng kv́m bǿì. #Yoh. 1:14; 11:40
12Wemèpvng Yesu àngmè ó àngnvmpèla, Àng coqcv́nrì nv̀ng tiqdø Kapernum mvrìng sv̀ng yøtshìá:mì nø̀, weyv́ngø tiqnila v̀lá:mì. #Yoh. 7:3; Mat. 4:13
Noqngø̀m Tø̀ngnø kèní wùlaq warì lù:ngò we
13Wekvt Yuda vsv̀ngrìò Shvlé Bóy tuq yùl ráì nø̀, Yesu nø Yerusalem sv̀ng ngangá:mì. 14Noqngø̀m Tø̀ngnø wáng vdòng taq, nungwà, vyv̀ng nv̀ng kaø nvmke vsv̀ng gø, gv̀msùng cheshì rì rung da we sv̀ng gø yv̀ng bǿà. #Mat. 2:12,13; Mak. 11:15,17; Luk. 19:45,46 15À:ngí bv̀nrì mvship tiqlòng wàò dá:ngí, àngmaq shvngbe sv̀ng gø, vyv̀ngrì nv̀ng nungwàrì sv̀ng gø, Noqngø̀m Tø̀ngnø wáng kèní lù:ngòe. Gv̀msùng cheshì rìò gv̀msùngrì gø bv̀ng shinaò nø̀, àngmaq shvbóyrì gø ngaqa bǿà. 16Kaø nvmke rì sv̀ng gø À:ngí, “Yayv́ng kèní yarì èlvngshì bǿnø̀ng. Ngà Vpè chø̀m nø nàmaqò wulaq washìrà mø̀í!” a:lòe. #Luk. 2:49 17Wekvt Àng coqcv́nrìí, “Nà chø̀m dvpvt nøtlø̀m lòng nø Ngà taq svmi dø vcore,” wa vru yà:ngà kà sv̀ng dvdvm rǿna:tnà. #Shz. 69:9
18Yuda vsv̀ng shølshúrìí Àng sv̀ng, “Yadv́ng pv̀n Nàí wàlv́m vmíng èvl we nøngmaqí shálv́m dvpvt mvshv́lpvrá kapà dètanshàni má?” a:lòe. #Mat. 21:23; Yoh. 3:2
19Yesuí àngmaq sv̀ng, “Shànshér Tø̀ngnø yachø̀m ècatnø̀ng. Vshø̀m ni vdòng Ngàí rá shvriplv́m íe,” a:lòe. #Mat. 26:61; 27:40
20Vrá, Yuda vsv̀ngrìí, “Shànshér Tø̀ngnø yachø̀m nø vbìcé chuq nǿng wà yà:ngà we íe. Nàí nø vshø̀m ni cèí shèripmò niá?” a:lòe. 21Íwe À:ngí shø̀:nò we Shànshér Tø̀ngnø nø Àng vdè góng sv̀ng tvnushì we íe. #1Kr. 6:19 22Gvrayí Àng sv̀ng shì yv́ngkèní dvzun lú:ngà mèpvng, À:ngí shø̀:nò we yakà sv̀ng Àng coqcv́nrìí dvdvm rǿ:nò nø̀, Shànshér Kàru sv̀ng gø, Yesuí shø̀:nò we kà sv̀ng gø àngmaq kv́me.
23Shvlé Bóy nila taq Yerusalem yv́ng Àng vl dvgvp, À:ngí wàò we shálv́m mvshv́lpvrárì yà:ngò yv́ngkèní vsv̀ng mvme nø Àng bø̀ng sv̀ng kv́m ráì. 24Ínìgø Yesuí nø vsv̀ng shvngbeò nøt sv̀ng sháò rvtnø̀, àngmaq sv̀ng Àng màlǿmshì. 25Vsv̀ng nøt vdòngø kapà vl we À:ngí dǿ:mò rvtnø̀, vsv̀ng kagǿ dang kagǿí shvkse wàò we gø Àng zǿm mvdv̀ng. #Mak. 2:8
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.