Yohan 8
8
Svmaré tiqmè mvrà chutnaò we
1(Íwe Yesu nø Zanlún Pung sv̀ng dìá:mì. #Luk. 21:37
2Mèpvng sháng mvgágá Yesu nø Noqngø̀m Tø̀ngnø sv̀ng vrá tiqkvt gòngá:mì ke, vsv̀ngrì shvngbe Àng yv́ng dvkǿmshì ráì. Wekvt Àng rung nø̀ àngmaq sv̀ng shvngø:tnòe. 3Dvrá svrarì nv̀ng Parisirìí nø dàchapke da yv́ngø tvp bǿà we svmaré tiqmè shøla:tnà nø̀ shvngbe dvhø̀ø shvri:pmò dá:ngí, 4Yesu sv̀ng, “Svrapèá, yamè nø dàchapke da yv́ng ni tvp bǿshà. 5Yadø í we svmaré sv̀ng lú:ngí wvp nø̀ shvtlv́m Moshi Dvrá taq dèkv́m yv̀ngshà. Nà nø kadø èwa má?” a:lòe. #Lew. 20:10; Drd. 22:22-24; Mat. 22:15 6Àngmaq yadø shø̀n lòng nø, Àng sv̀ng cèlv́m dvpvt vlø:tnò we íe.
Yesu nø ngǿmshì sórí Àng wurhà:mí vba tø̀mø vruòe. 7Àngmaqí røt ma:nò rvt, Yesu rip lú:ngì nø̀, “Nàmaq taqkèní mvrà màvl gǿí vzv̀ng wemè sv̀ng lú:ngí laq wa:pmò,” a:lòe. #Drd. 17:7 8Wedá:ngí rá Àng ngǿmshì nø̀ wurhà:mí vba tø̀mø vruòe.
9Àngmaqí wekà tá bǿà kvt, shaqrérì kèní pv́ngshì nø̀ tiqgǿ mèpvng tiqgǿ loá:mì. Lv̀ngdø̀m nø Yesu wa làng ráà nø̀, svmarémè gø to yv́ngø rip dv̀ng wae. #Rom. 2:22 10Yesu vrá rip lú:ngì nø̀ àng sv̀ng, “Svmarémèá, àngmaq kayv́ng íá:mì? Nà sv̀ng kagǿí gø mvrà mèshèri má?” a:lòe. 11À:ngí, “Kàngpèá, kagǿí gø mvrà mèshèrøng,” a:lòe. Wekvt Yesuí, “Ngàí gø nà sv̀ng mvrà màshvrøng. Èlovm. Akvt kèní mvrà mèwani,” a:lòe).#Yoh. 5:14
Yesu nø rvgaq gálòng í we
12Vrá Yesuí bashàrì sv̀ng, “Ngà nø rvgaq gálòng ǿngàe. Ngà mèpvng cv̀n vsv̀ng nø gø̀nshaq gálòng vdá rvtnø̀ dø vdòngø mvdi,” a:lòe. #Esa. 49:6; Yoh. 1:5,9; 12:46
13Wervt Parisirìí Àng sv̀ng, “Nà nø Nà dvpvt shvkse èwáshì rvt, Nà shvksekà nø mvdìng,” a:lòe.
14Yesuí àngmaq sv̀ng, “Ngà nø Ngà dvpvt shvkse wv́ngshø̀ngnø̀ng gø, Ngà shvksekà nø dìnge. Pàwá wani Ngà kayv́ng kèní dø̀ng dakngà we nv̀ng kayv́ng sv̀ng døngvm we Ngà shángshø̀nge. Íwe nàmaqí nø, Ngà kayv́ng kèní dø̀ng dakngà we nv̀ng kayv́ng sv̀ng døngvm we mèshánø̀ng. #Yoh. 5:31 15Nàmaqí nø vsv̀ng vtóng dø kà èngénø̀nge. Ngàí nø kagǿ sv̀ng gø kà mvngéngò. #Yoh. 7:24; 12:47 16Ngàí la kàngéngònø̀ng nø, dvrá dø wa kàngéngòe. Kadø íe wani Ngà nø Ngà tiqgǿ wa mvǿngà. Ngà sv̀ng dèzv́r dakngà pè Vpè nø Ngà nv̀ng vle. #Yoh. 8:29 17Nàmaq dvrá taq, vsv̀ng vnígǿí shvkse wàò lòng nø shvdøng lúnshìe, wa vrushaq íe. #Drd. 17:6; 19:15 18Ngà nø vdè dvpvt shvkse wv́ngshø̀nge. Ngà sv̀ng dèzv́r dakngà pè Vpèí gø Ngà dvpvt shvkse wàòe,” wa vtá:nòe. #1Yh. 5:9
19Wekvt àngmaqí, “Nvpè nø kayv́ng vle má?” a:lòe.
Yesuí, “Ngà sv̀ng gø, Ngà Vpè sv̀ng gø, nàmaqí mèsháshà. Nàmaqí Ngà sv̀ng èsháshà nìnø, Ngà Vpè sv̀ng gø èshánø̀ng ni we íe,” wa vtá:nòe. #Yoh. 14:7 20Kà yarì nø Noqngø̀m Tø̀ngnø taq À:ngí shvngø:tnò dvgvp gv̀msùng shøpdik gà:lò zàngø shø̀n yà:ngà kàrì íe. Íwe Àng rvtø̀ shini mvhøqò rvtnø̀ Àng sv̀ng tiqgǿí gø mvta:pmò. #Luk. 22:53; Yoh. 7:30; 13:1
21Vrá tiqkvt Yesuí, “Ngà nø døngvme. Nàmaqí Ngà sv̀ng èlá lóngshàe. Íwe nàmaq nø nàmaq mvrà taq èshì lóngnø̀nge. Ngà døngvm yv́ngsv̀ng nàmaqí dí mèlúnnø̀ng,” a:lòe. #Yoh. 7:34; 13:33 22Wervt Yuda vsv̀ngrì nø, “‘Ngà døngvm yv́ngsv̀ng nàmaqí di mèlúnnø̀ng,’ wa kà nø Àng nø Àng shvtshìlv́m wa we í má?” wae. #Yoh. 7:35 23Yesuí, “Nàmaq nø pvngtø̀m kèní èínø̀nge. Ngà nø taqlap kèní ǿngàe. Nàmaq nø rvgaq tø̀mò èínø̀nge. Ngà nø rvgaq tø̀mò mvǿngà. #Yoh. 3:31 24Wervt, ‘Nàmaq nø nàmaq mvrà taq èshì lóngnø̀nge,’ wa vl bǿshà. Kadø íe wani Ngà nø NGÀ ǾNGÀE wa pè sv̀ng mèkv́mshà kvt kèní nø, nàmaq nø nàmaq mvrà taq èshì lóngnø̀nge,” a:lòe.#Bng. 3:14
25“Íni, Nà nø kagǿ èíe?” wa àngmaqí rø:tnòe.
Yesuí, “Ngàí nv̀mlat kèní nàmaq sv̀ng dvtáshaq pè ni ǿngàe.#8:25 “Ngàí nàmaq sv̀ng vrá tiqkvt shǿn rà má?” gø rø daqe. #Yoh. 8:14 26Ngà nø nàmaq sv̀ng shø̀nlv́m nv̀ng dvralv́m mvme vdánge. Íwe Ngà sv̀ng dèzv́r dakngà pè nø kv́mv́m daq pè í nø̀, Àng yv́ngkèní tángò dv́ngte wa Ngàí rvgaq tø̀m vsv̀ngrì kaq shø̀nò we íe,” a:lòe. #Yoh. 8:38; 12:49
27Ínìgø Yesuí Àngpè dang shø̀:nò we sv̀ng àngmaqí mvcí:ngò. 28Wervt Yesuí, “Nàmaqí Vsv̀ng Àngcèpè sv̀ng wurgang taq èhàng bǿnø̀ng kvt,#8:28 Wurgang taq vtaqò weí sha:tnò we sv̀ng tvnuòe. Ngà nø NGÀ ǾNGÀE wa pè gø, Ngà nø Ngà nø:tní pàgø mvwv̀ngò, Vpèí Ngà sv̀ng shvngøtshaq dø wa shø̀nò we sv̀ng gø, nàmaqí èshá lóngnø̀nge. #Yoh. 3:14; 12:32 29Ngà sv̀ng dèzv́r dakngà pè nø Ngà nv̀ng tiqdø vle. Kadvgvp gø Àng wv́mshì dø Ngàí wv̀ngò rvt À:ngí Ngà wawa mèlàng,” a:lòe. #Mat. 27:46; Yoh. 8:16 30À:ngí yadv́ng pv̀n shø̀n bǿà kvt, vsv̀ng mvme Àng kaq kv́m ráì.#Yoh. 7:31; 10:42; 12:11
Dìnglù:ngí shvlut daq we
31Wervt Yesuí Àng sv̀ng kv́m ráì we Yuda vsv̀ngrì kaq, “Ngà kà sv̀ng nàmaqí ècv̀nnø̀ng nìnø, nàmaq nø jø̀ngjǿng Ngà coqcv́n èínø̀nge. 32Dìnglòng sv̀ng nàmaqí èshá lóngnø̀ng nø̀, dìnglù:ngí nàmaq sv̀ng shèlutnvtnø̀nge,” a:lòe.
33“Nøngmaq nø Abraham dvcìcèrì íshàe. Kadvgvp gø kagǿ vshuq gø mvwáshì dá:rì. Íwe, ‘Nàmaq sv̀ng nø shvlutlv́m íe,’ nø kadø èvlshà má?” wa àngmaqí vtá:nòe. #Neh. 9:36; Mat. 3:9
34Yesuí, “Ngàí kàdøng vla:tnìni, mvrà wa gǿ vrv̀m nø mvrà vshuq íe. #Rom. 6:16,20; 1Yh. 3:8 35Vrá, vshuq nø tiqrvp vdòngø dvciqciq v́l døng we mø̀í. Àngcèpè mv̀ng nø tiqrvp vdòngø dvciqciq v́l døng we íe. #Gal. 4:30 36Wervt Àngcèpèí nàmaq sv̀ng shèlàng bǿnø̀ng kvtnø, nàmaq nø jø̀ngjǿng shvlángshaq èí lóngnø̀nge. #Rom. 6:18,22 37Nàmaq nø Abraham dvcìcèrì èínø̀ng we Ngàí shángòe. Íwe Ngàò kàrì sv̀ng nàmaqí mènàtonø̀ng#8:37 “Nàmaq vdòng taq Ngà kàrì dvpvt v́lrà màvl” gø rø daqe. rvtnø̀ Ngà sv̀ng shvtlv́m èwàshàe. 38Ngàí nø Vpè yv́ngkèní vyv́ngshaq rì nàmaq sv̀ng shø̀nòe. Nàmaqí gø nvpè yv́ngkèní ètánø̀ng dø èwànø̀nge,” a:lòe.
39Àngmaqí, “Nøngmaq vpè nø Abraham íe,” a:lòe. Yesuí rá, “Nàmaq nø Abraham pvlí pvlaqrì èínø̀ng nìnø, Abraha:mí wàò rì nàmaqí èwànø̀ng ni we íe. #Mat. 3:9 40Íwe, Gvray yv́ngkèní Ngàí tángò we dìnglòng nàmaq sv̀ng dvtá daqshà pè Ngà sv̀ng lè nàmaqí shvtlv́m èwàshàe. Abraham nø yadø mvwa yv̀ng. 41Nàmaqí nø nàmaq nvpèí wàò rì lè èwànø̀nge,” a:lòe.
Àngmaqí, “Nøngmaq nø gømpàncè mø̀íshà. Nøngmaq Vpè nø Gvray tiqpè wa èíaìe,” a:lòe. #Nnp. 3:15; Drd. 23:2 42Yesuí, “Gvray nø nàmaq nvpè èíanø̀ng nìnø, nàmaqí Ngà sv̀ng èshòngshà ni we íe. Kadø íe wani Ngà nø Gvray yv́ngkèní døng dakngà nø̀ akvt yayv́ng vle. Ngà nø:tní dø̀ng dakngà we mø̀í, À:ngí dèzv́r dakngà we íe. #1Yh. 5:1 43Kadø í nø̀ Ngàí shø̀nò kà sv̀ng nàmaqí mèràlnø̀ng má? #Mat. 12:34; Yoh. 12:39-40; Rom. 8:7 Ngà kà sv̀ng nàmaq tá mèwáshìnø̀ng rvt íe. 44Nàmaq nø nvpè í we cáng øpshúpèò èínø̀ng nø̀, nvpè nøt sv̀ng nàmaq cv́n mèyǿnø̀nge. Àng nø nv̀mlat kèní vsv̀ng shvt pè í nø̀, àng taq dìnglòng màvl rvt, dìnglòng lap mvrip. Àng vyà we nø àng laqyà taqkèní íe. Pàwá wani àng nø vyá í nø̀ vyárìò àngpè íe.#Nnp. 3:4; 2Pt. 2:4; 1Yh. 3:8-10 45Íwe Ngàí dìnglòng shø̀nò rvt, Ngà sv̀ng nàmaq mèkv́mnø̀ng. #Luk. 22:67 46Ngà taq mvrà vl we nàmaq kagǿí dètanshà ni má? Ngàí dìnglòng shø̀nò we í nìnø, kadø í rvtnø̀ Ngà sv̀ng mèkv́mshà má? #2Kr. 5:21; 1Pt. 2:22 47Gvrayò vsv̀ng nø, Gvray kà tae. Nàmaq nø Gvrayò mèínø̀ng rvtnø̀ Àng kà mètánø̀ng,” a:lòe. #Yoh. 18:37; 1Yh. 4:6
48Yuda vsv̀ngrìí, “Nà nø Samari vsv̀ng èí nø̀, cáng dèchøpme, wàì kà nø shǿn vdu we mø̀í má?” wa vtá:nòe. #Mak. 3:21; Yoh. 7:20 49Yesuí, “Ngà nø cáng dvchøp we mvǿngà. Vpè kaq mv̀ng vpǿ shvringòe. Nàmaqí lè Ngà sv̀ng shèyǿmshàe. 50Ngà nø vdè dvgùng lángshø̀ng we mø̀í. Ngà dvpvt dvgùng láashú tiqgǿ vle. Àng nø kàngéshú íe. #Yoh. 5:41 51Ngàí kàdøng vla:tnìni, Ngà kà cv́n døng we kagǿí gø shìlòng sv̀ng kadvgvp gø màhǿm lú:ngò,” wa vtá:nòe. #Yoh. 5:24; 6:40,47; 11:25
52Yakà rvt Yuda vsv̀ngrìí, “Nà nø cáng dèchøp we akvt chvk shá bǿshà. Abraham gø, kàdvtutshúrì gø shì yà:ngì. Nàí nø, ‘Ngà kà cv́n døng we kagǿí gø, shìlòng sv̀ng kadvgvp gø màhǿm lú:ngò,’ èwae. #Mak. 9:1 53Nà nø nøngmaq vkop Abraham mvdv̀m té èring má? Àng nø shì yà:ngì. Kàdvtutshúrì gø shì yà:ngì. Nà nø kagǿ ǿnge èlv́nshìe má?” a:lòe. #Yoh. 4:12
54Yesuí, “Ngà nø vdè ngø̀rdvgùng shvringshø̀ng nø̀ngnø, Ngà ngø̀rdvgùng nø pàgø mø̀í. Ngà ngø̀rdvgùng shvringshú pè nø Ngà Vpè íe. ‘Àng nø nøngmaq Gvray ìe,’ èwànø̀ng nìgø 55nàmaqí Àng sv̀ng mèshánø̀ng. Ngàí nø Àng sv̀ng shángòe. Ngàí Àng sv̀ng mvshángò la wvngnø̀ng nø, Ngà gø nàmaq døni vyá ǿngàe. Ínìgø Àng sv̀ng Ngàí shá jǿng shángò nø̀ Àng kà sv̀ng Ngà cv́n dønge. #Yoh. 7:28 56Nàmaq nvkop Abraham nø, Ngà dìlv́m àngni sv̀ng shø̀ngra:nò nø̀ dvbù yà:ngì. À:ngí yv́ng lún bǿà nø̀ nøt shø̀m yà:ngì,” wa vtá:nòe.#Nnp. 12:3; Gal. 3:8
57Wekvt Yuda vsv̀ngrìí, “Nà nø pùngwàcé nǿng gø shini mèí we, Abraham sv̀ng èyv̀ng yà:ngà á?” a:lòe. 58Yesuí, “Ngàí kàdøng vla:tnìni, Abraham shini màvl dvgvp kèní ni Ngà nø àv́lshaq ǿngàe,”#8:58 Angké kà taq “NGÀ ǾNGÀE,” wae. Yhn. 8:24,28 nv̀ng 18:5,8 gø èyà:ngò. a:lòe. 59Wekvt àngmaqí Àng sv̀ng wvplv́m lóng tǿòe. Ínìgø Yesu nø máshì nø̀ Noqngø̀m Tø̀ngnø kèní léshìá:mì. #Yoh. 10:31
Currently Selected:
Yohan 8: GSM
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.
Yohan 8
8
Svmaré tiqmè mvrà chutnaò we
1(Íwe Yesu nø Zanlún Pung sv̀ng dìá:mì. #Luk. 21:37
2Mèpvng sháng mvgágá Yesu nø Noqngø̀m Tø̀ngnø sv̀ng vrá tiqkvt gòngá:mì ke, vsv̀ngrì shvngbe Àng yv́ng dvkǿmshì ráì. Wekvt Àng rung nø̀ àngmaq sv̀ng shvngø:tnòe. 3Dvrá svrarì nv̀ng Parisirìí nø dàchapke da yv́ngø tvp bǿà we svmaré tiqmè shøla:tnà nø̀ shvngbe dvhø̀ø shvri:pmò dá:ngí, 4Yesu sv̀ng, “Svrapèá, yamè nø dàchapke da yv́ng ni tvp bǿshà. 5Yadø í we svmaré sv̀ng lú:ngí wvp nø̀ shvtlv́m Moshi Dvrá taq dèkv́m yv̀ngshà. Nà nø kadø èwa má?” a:lòe. #Lew. 20:10; Drd. 22:22-24; Mat. 22:15 6Àngmaq yadø shø̀n lòng nø, Àng sv̀ng cèlv́m dvpvt vlø:tnò we íe.
Yesu nø ngǿmshì sórí Àng wurhà:mí vba tø̀mø vruòe. 7Àngmaqí røt ma:nò rvt, Yesu rip lú:ngì nø̀, “Nàmaq taqkèní mvrà màvl gǿí vzv̀ng wemè sv̀ng lú:ngí laq wa:pmò,” a:lòe. #Drd. 17:7 8Wedá:ngí rá Àng ngǿmshì nø̀ wurhà:mí vba tø̀mø vruòe.
9Àngmaqí wekà tá bǿà kvt, shaqrérì kèní pv́ngshì nø̀ tiqgǿ mèpvng tiqgǿ loá:mì. Lv̀ngdø̀m nø Yesu wa làng ráà nø̀, svmarémè gø to yv́ngø rip dv̀ng wae. #Rom. 2:22 10Yesu vrá rip lú:ngì nø̀ àng sv̀ng, “Svmarémèá, àngmaq kayv́ng íá:mì? Nà sv̀ng kagǿí gø mvrà mèshèri má?” a:lòe. 11À:ngí, “Kàngpèá, kagǿí gø mvrà mèshèrøng,” a:lòe. Wekvt Yesuí, “Ngàí gø nà sv̀ng mvrà màshvrøng. Èlovm. Akvt kèní mvrà mèwani,” a:lòe).#Yoh. 5:14
Yesu nø rvgaq gálòng í we
12Vrá Yesuí bashàrì sv̀ng, “Ngà nø rvgaq gálòng ǿngàe. Ngà mèpvng cv̀n vsv̀ng nø gø̀nshaq gálòng vdá rvtnø̀ dø vdòngø mvdi,” a:lòe. #Esa. 49:6; Yoh. 1:5,9; 12:46
13Wervt Parisirìí Àng sv̀ng, “Nà nø Nà dvpvt shvkse èwáshì rvt, Nà shvksekà nø mvdìng,” a:lòe.
14Yesuí àngmaq sv̀ng, “Ngà nø Ngà dvpvt shvkse wv́ngshø̀ngnø̀ng gø, Ngà shvksekà nø dìnge. Pàwá wani Ngà kayv́ng kèní dø̀ng dakngà we nv̀ng kayv́ng sv̀ng døngvm we Ngà shángshø̀nge. Íwe nàmaqí nø, Ngà kayv́ng kèní dø̀ng dakngà we nv̀ng kayv́ng sv̀ng døngvm we mèshánø̀ng. #Yoh. 5:31 15Nàmaqí nø vsv̀ng vtóng dø kà èngénø̀nge. Ngàí nø kagǿ sv̀ng gø kà mvngéngò. #Yoh. 7:24; 12:47 16Ngàí la kàngéngònø̀ng nø, dvrá dø wa kàngéngòe. Kadø íe wani Ngà nø Ngà tiqgǿ wa mvǿngà. Ngà sv̀ng dèzv́r dakngà pè Vpè nø Ngà nv̀ng vle. #Yoh. 8:29 17Nàmaq dvrá taq, vsv̀ng vnígǿí shvkse wàò lòng nø shvdøng lúnshìe, wa vrushaq íe. #Drd. 17:6; 19:15 18Ngà nø vdè dvpvt shvkse wv́ngshø̀nge. Ngà sv̀ng dèzv́r dakngà pè Vpèí gø Ngà dvpvt shvkse wàòe,” wa vtá:nòe. #1Yh. 5:9
19Wekvt àngmaqí, “Nvpè nø kayv́ng vle má?” a:lòe.
Yesuí, “Ngà sv̀ng gø, Ngà Vpè sv̀ng gø, nàmaqí mèsháshà. Nàmaqí Ngà sv̀ng èsháshà nìnø, Ngà Vpè sv̀ng gø èshánø̀ng ni we íe,” wa vtá:nòe. #Yoh. 14:7 20Kà yarì nø Noqngø̀m Tø̀ngnø taq À:ngí shvngø:tnò dvgvp gv̀msùng shøpdik gà:lò zàngø shø̀n yà:ngà kàrì íe. Íwe Àng rvtø̀ shini mvhøqò rvtnø̀ Àng sv̀ng tiqgǿí gø mvta:pmò. #Luk. 22:53; Yoh. 7:30; 13:1
21Vrá tiqkvt Yesuí, “Ngà nø døngvme. Nàmaqí Ngà sv̀ng èlá lóngshàe. Íwe nàmaq nø nàmaq mvrà taq èshì lóngnø̀nge. Ngà døngvm yv́ngsv̀ng nàmaqí dí mèlúnnø̀ng,” a:lòe. #Yoh. 7:34; 13:33 22Wervt Yuda vsv̀ngrì nø, “‘Ngà døngvm yv́ngsv̀ng nàmaqí di mèlúnnø̀ng,’ wa kà nø Àng nø Àng shvtshìlv́m wa we í má?” wae. #Yoh. 7:35 23Yesuí, “Nàmaq nø pvngtø̀m kèní èínø̀nge. Ngà nø taqlap kèní ǿngàe. Nàmaq nø rvgaq tø̀mò èínø̀nge. Ngà nø rvgaq tø̀mò mvǿngà. #Yoh. 3:31 24Wervt, ‘Nàmaq nø nàmaq mvrà taq èshì lóngnø̀nge,’ wa vl bǿshà. Kadø íe wani Ngà nø NGÀ ǾNGÀE wa pè sv̀ng mèkv́mshà kvt kèní nø, nàmaq nø nàmaq mvrà taq èshì lóngnø̀nge,” a:lòe.#Bng. 3:14
25“Íni, Nà nø kagǿ èíe?” wa àngmaqí rø:tnòe.
Yesuí, “Ngàí nv̀mlat kèní nàmaq sv̀ng dvtáshaq pè ni ǿngàe.#8:25 “Ngàí nàmaq sv̀ng vrá tiqkvt shǿn rà má?” gø rø daqe. #Yoh. 8:14 26Ngà nø nàmaq sv̀ng shø̀nlv́m nv̀ng dvralv́m mvme vdánge. Íwe Ngà sv̀ng dèzv́r dakngà pè nø kv́mv́m daq pè í nø̀, Àng yv́ngkèní tángò dv́ngte wa Ngàí rvgaq tø̀m vsv̀ngrì kaq shø̀nò we íe,” a:lòe. #Yoh. 8:38; 12:49
27Ínìgø Yesuí Àngpè dang shø̀:nò we sv̀ng àngmaqí mvcí:ngò. 28Wervt Yesuí, “Nàmaqí Vsv̀ng Àngcèpè sv̀ng wurgang taq èhàng bǿnø̀ng kvt,#8:28 Wurgang taq vtaqò weí sha:tnò we sv̀ng tvnuòe. Ngà nø NGÀ ǾNGÀE wa pè gø, Ngà nø Ngà nø:tní pàgø mvwv̀ngò, Vpèí Ngà sv̀ng shvngøtshaq dø wa shø̀nò we sv̀ng gø, nàmaqí èshá lóngnø̀nge. #Yoh. 3:14; 12:32 29Ngà sv̀ng dèzv́r dakngà pè nø Ngà nv̀ng tiqdø vle. Kadvgvp gø Àng wv́mshì dø Ngàí wv̀ngò rvt À:ngí Ngà wawa mèlàng,” a:lòe. #Mat. 27:46; Yoh. 8:16 30À:ngí yadv́ng pv̀n shø̀n bǿà kvt, vsv̀ng mvme Àng kaq kv́m ráì.#Yoh. 7:31; 10:42; 12:11
Dìnglù:ngí shvlut daq we
31Wervt Yesuí Àng sv̀ng kv́m ráì we Yuda vsv̀ngrì kaq, “Ngà kà sv̀ng nàmaqí ècv̀nnø̀ng nìnø, nàmaq nø jø̀ngjǿng Ngà coqcv́n èínø̀nge. 32Dìnglòng sv̀ng nàmaqí èshá lóngnø̀ng nø̀, dìnglù:ngí nàmaq sv̀ng shèlutnvtnø̀nge,” a:lòe.
33“Nøngmaq nø Abraham dvcìcèrì íshàe. Kadvgvp gø kagǿ vshuq gø mvwáshì dá:rì. Íwe, ‘Nàmaq sv̀ng nø shvlutlv́m íe,’ nø kadø èvlshà má?” wa àngmaqí vtá:nòe. #Neh. 9:36; Mat. 3:9
34Yesuí, “Ngàí kàdøng vla:tnìni, mvrà wa gǿ vrv̀m nø mvrà vshuq íe. #Rom. 6:16,20; 1Yh. 3:8 35Vrá, vshuq nø tiqrvp vdòngø dvciqciq v́l døng we mø̀í. Àngcèpè mv̀ng nø tiqrvp vdòngø dvciqciq v́l døng we íe. #Gal. 4:30 36Wervt Àngcèpèí nàmaq sv̀ng shèlàng bǿnø̀ng kvtnø, nàmaq nø jø̀ngjǿng shvlángshaq èí lóngnø̀nge. #Rom. 6:18,22 37Nàmaq nø Abraham dvcìcèrì èínø̀ng we Ngàí shángòe. Íwe Ngàò kàrì sv̀ng nàmaqí mènàtonø̀ng#8:37 “Nàmaq vdòng taq Ngà kàrì dvpvt v́lrà màvl” gø rø daqe. rvtnø̀ Ngà sv̀ng shvtlv́m èwàshàe. 38Ngàí nø Vpè yv́ngkèní vyv́ngshaq rì nàmaq sv̀ng shø̀nòe. Nàmaqí gø nvpè yv́ngkèní ètánø̀ng dø èwànø̀nge,” a:lòe.
39Àngmaqí, “Nøngmaq vpè nø Abraham íe,” a:lòe. Yesuí rá, “Nàmaq nø Abraham pvlí pvlaqrì èínø̀ng nìnø, Abraha:mí wàò rì nàmaqí èwànø̀ng ni we íe. #Mat. 3:9 40Íwe, Gvray yv́ngkèní Ngàí tángò we dìnglòng nàmaq sv̀ng dvtá daqshà pè Ngà sv̀ng lè nàmaqí shvtlv́m èwàshàe. Abraham nø yadø mvwa yv̀ng. 41Nàmaqí nø nàmaq nvpèí wàò rì lè èwànø̀nge,” a:lòe.
Àngmaqí, “Nøngmaq nø gømpàncè mø̀íshà. Nøngmaq Vpè nø Gvray tiqpè wa èíaìe,” a:lòe. #Nnp. 3:15; Drd. 23:2 42Yesuí, “Gvray nø nàmaq nvpè èíanø̀ng nìnø, nàmaqí Ngà sv̀ng èshòngshà ni we íe. Kadø íe wani Ngà nø Gvray yv́ngkèní døng dakngà nø̀ akvt yayv́ng vle. Ngà nø:tní dø̀ng dakngà we mø̀í, À:ngí dèzv́r dakngà we íe. #1Yh. 5:1 43Kadø í nø̀ Ngàí shø̀nò kà sv̀ng nàmaqí mèràlnø̀ng má? #Mat. 12:34; Yoh. 12:39-40; Rom. 8:7 Ngà kà sv̀ng nàmaq tá mèwáshìnø̀ng rvt íe. 44Nàmaq nø nvpè í we cáng øpshúpèò èínø̀ng nø̀, nvpè nøt sv̀ng nàmaq cv́n mèyǿnø̀nge. Àng nø nv̀mlat kèní vsv̀ng shvt pè í nø̀, àng taq dìnglòng màvl rvt, dìnglòng lap mvrip. Àng vyà we nø àng laqyà taqkèní íe. Pàwá wani àng nø vyá í nø̀ vyárìò àngpè íe.#Nnp. 3:4; 2Pt. 2:4; 1Yh. 3:8-10 45Íwe Ngàí dìnglòng shø̀nò rvt, Ngà sv̀ng nàmaq mèkv́mnø̀ng. #Luk. 22:67 46Ngà taq mvrà vl we nàmaq kagǿí dètanshà ni má? Ngàí dìnglòng shø̀nò we í nìnø, kadø í rvtnø̀ Ngà sv̀ng mèkv́mshà má? #2Kr. 5:21; 1Pt. 2:22 47Gvrayò vsv̀ng nø, Gvray kà tae. Nàmaq nø Gvrayò mèínø̀ng rvtnø̀ Àng kà mètánø̀ng,” a:lòe. #Yoh. 18:37; 1Yh. 4:6
48Yuda vsv̀ngrìí, “Nà nø Samari vsv̀ng èí nø̀, cáng dèchøpme, wàì kà nø shǿn vdu we mø̀í má?” wa vtá:nòe. #Mak. 3:21; Yoh. 7:20 49Yesuí, “Ngà nø cáng dvchøp we mvǿngà. Vpè kaq mv̀ng vpǿ shvringòe. Nàmaqí lè Ngà sv̀ng shèyǿmshàe. 50Ngà nø vdè dvgùng lángshø̀ng we mø̀í. Ngà dvpvt dvgùng láashú tiqgǿ vle. Àng nø kàngéshú íe. #Yoh. 5:41 51Ngàí kàdøng vla:tnìni, Ngà kà cv́n døng we kagǿí gø shìlòng sv̀ng kadvgvp gø màhǿm lú:ngò,” wa vtá:nòe. #Yoh. 5:24; 6:40,47; 11:25
52Yakà rvt Yuda vsv̀ngrìí, “Nà nø cáng dèchøp we akvt chvk shá bǿshà. Abraham gø, kàdvtutshúrì gø shì yà:ngì. Nàí nø, ‘Ngà kà cv́n døng we kagǿí gø, shìlòng sv̀ng kadvgvp gø màhǿm lú:ngò,’ èwae. #Mak. 9:1 53Nà nø nøngmaq vkop Abraham mvdv̀m té èring má? Àng nø shì yà:ngì. Kàdvtutshúrì gø shì yà:ngì. Nà nø kagǿ ǿnge èlv́nshìe má?” a:lòe. #Yoh. 4:12
54Yesuí, “Ngà nø vdè ngø̀rdvgùng shvringshø̀ng nø̀ngnø, Ngà ngø̀rdvgùng nø pàgø mø̀í. Ngà ngø̀rdvgùng shvringshú pè nø Ngà Vpè íe. ‘Àng nø nøngmaq Gvray ìe,’ èwànø̀ng nìgø 55nàmaqí Àng sv̀ng mèshánø̀ng. Ngàí nø Àng sv̀ng shángòe. Ngàí Àng sv̀ng mvshángò la wvngnø̀ng nø, Ngà gø nàmaq døni vyá ǿngàe. Ínìgø Àng sv̀ng Ngàí shá jǿng shángò nø̀ Àng kà sv̀ng Ngà cv́n dønge. #Yoh. 7:28 56Nàmaq nvkop Abraham nø, Ngà dìlv́m àngni sv̀ng shø̀ngra:nò nø̀ dvbù yà:ngì. À:ngí yv́ng lún bǿà nø̀ nøt shø̀m yà:ngì,” wa vtá:nòe.#Nnp. 12:3; Gal. 3:8
57Wekvt Yuda vsv̀ngrìí, “Nà nø pùngwàcé nǿng gø shini mèí we, Abraham sv̀ng èyv̀ng yà:ngà á?” a:lòe. 58Yesuí, “Ngàí kàdøng vla:tnìni, Abraham shini màvl dvgvp kèní ni Ngà nø àv́lshaq ǿngàe,”#8:58 Angké kà taq “NGÀ ǾNGÀE,” wae. Yhn. 8:24,28 nv̀ng 18:5,8 gø èyà:ngò. a:lòe. 59Wekvt àngmaqí Àng sv̀ng wvplv́m lóng tǿòe. Ínìgø Yesu nø máshì nø̀ Noqngø̀m Tø̀ngnø kèní léshìá:mì. #Yoh. 10:31
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Rvcv́ngcè Kàru Gomidi Kristu Shvngø̀mré. All Rights Reserved.