Johannesi 17
17
Jesusi ghana kuraperera hakathishongero wendi
1Apa gha manine Jesusi kughamba yi, gha kamburire meho ghendi kudiwiru no gha ningire eshi: “Tate nako ne dhi neya, fumaneke Mwanoye, naye Mwanoye gha kone kukufumaneka Nowe. 2Owe wa mu pire mahimeno ghokwawanu wahe eshi, gha tape moyo ghororuheya kwawa wa mu pire. 3Oghu ne ghomoyo ghororuheya eshi, ha kudimuke we Nyambi ghoyofotji no ghoghushemwa. NaJesus Kristusi yu wa tumine. 4Ame na kufumanekire pamuve, pakurikanyitha yirughana yi wa ni pire eshi ni yi tende. 5Apa no Tate, ghu ni kundeke nodifumanekero dyokukoye, difumanekero edi na wanine oku no kukara po temba kaye.
6“Na hokorire Dina dyoye kwawanu awa wa ni pire mukaye. Ha karire hoye ene wa wa tapire kukwange no ha kwatire n̂ando dhoye nomitjima dhawo. 7N̂anyi‐n̂anyi, hana dimuka eshi yoyiheya yi wa ni pire ya tunda kukoye, 8yoyishi man̂ando gha wa ni pire, kukwawo na gha tapire. Nawo ha gha tamburire no ha dimukire thiwana‐thiwana eshi, kukoye na tundire no ha tawa eshi Yowe wa ni tumine.
9“Na kuwaraperera. Ene mbadi na kuraperera kaye, wowa wa ni pire yoyishi hoye. 10Waheya wa ha kara hange, ha kara hoye. Noyu gha kara ghoye, wange karo, no na kupwa kufumaneka papawo. 11Mbadi na kukara rure mukaye. Kukoye na kwiya. Ene wo hana kukara shime mukaye.
“Tate ghokupongoka, ghu wa kunge muDina dyoye edi wa ni pa eshi ha kare yira yofotji thika twe. 12Apa na karire nawo, na wa kungire muDina dyoye edi wa ni pire. Na wa kungire ene mbadi payongarire noyofotji temba, shimengwa yu thiyongari pithendi eshi, yipwe kurikanyitha yitjanga.
13“Ene n̂anyi‐n̂anyi na kumu kukoye. No na kughamba yi oku shime na karera mukaye, eshi ha wane yishamberera yange yoyiheya yi na kara nayo. 14Na wa pire n̂ando dhoye, kaye ne ka wa dhimba, yoyishi wo ne kadi hakakaye kano, thika di na dhira kukara Name no mukakaye kano. 15Mbadi na kuraperera eshi ghu wa tundithe pakaye, ne ghu wa kunge kughuyi. 16Awo ne kadi hakakaye kano, thikakenge di na dhira kukara Me eshi kadi no mukakaye kano. 17Wa pongwere kukoye paghushemwa. N̂ando dhoye ne dhaghushemwa. 18Thika di wa ni tumine Me mukaye, kemo dyo na wa tuma Name mukaye. 19No papawo na kukupongwera Me kukoye, kemo nawo sha kupongwere kukoye paghushemwa.
20“Ene mbadi na kuwaraperera pithawo keho, nawa mba tawa muMwange paman̂ando ghawo. 21Na kuwaraperera eshi wahe ha kare yofotji, thika we Tate muMwange, Name mumoye, nawo ha kare mumwetu, ka kone kutawa kaye eshi Yowe wa ni tumine. 22Difumanekero di wa ni pire, na di wa pire nawo eshi ha kare yofotji thika di twa kara twe yofotji. 23Ame mumwawo, Owe muMwange, kemo sho ha rikanyenene kukara yofotji. No kemo sho ka dimuke kaye eshi Yowe wa ni tumine no na wa haka, thika di wa ni haka We.
24“Tate, na himi eshi oku ni di Me, nawa wa ni pire ha kare nange. Ha mone ghufumu wange oghu wa ni pire, yoyishi wa ni hakire kughutho ghomavarekero ghokaye.
25“Tate ghomuhunga, kaye mbadi ka kudimuka We, Ame ne na kudimuka nawano ha dimuka eshi Yowe wa ni tumine. 26Na hokorire Dina dyoye kukwawo no shime ha ni di nongonona, kate mbo ru kare ruhakitho ru wa ni pire mumwawo, Name mumwawo.”
Currently Selected:
Johannesi 17: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Johannesi 17
17
Jesusi ghana kuraperera hakathishongero wendi
1Apa gha manine Jesusi kughamba yi, gha kamburire meho ghendi kudiwiru no gha ningire eshi: “Tate nako ne dhi neya, fumaneke Mwanoye, naye Mwanoye gha kone kukufumaneka Nowe. 2Owe wa mu pire mahimeno ghokwawanu wahe eshi, gha tape moyo ghororuheya kwawa wa mu pire. 3Oghu ne ghomoyo ghororuheya eshi, ha kudimuke we Nyambi ghoyofotji no ghoghushemwa. NaJesus Kristusi yu wa tumine. 4Ame na kufumanekire pamuve, pakurikanyitha yirughana yi wa ni pire eshi ni yi tende. 5Apa no Tate, ghu ni kundeke nodifumanekero dyokukoye, difumanekero edi na wanine oku no kukara po temba kaye.
6“Na hokorire Dina dyoye kwawanu awa wa ni pire mukaye. Ha karire hoye ene wa wa tapire kukwange no ha kwatire n̂ando dhoye nomitjima dhawo. 7N̂anyi‐n̂anyi, hana dimuka eshi yoyiheya yi wa ni pire ya tunda kukoye, 8yoyishi man̂ando gha wa ni pire, kukwawo na gha tapire. Nawo ha gha tamburire no ha dimukire thiwana‐thiwana eshi, kukoye na tundire no ha tawa eshi Yowe wa ni tumine.
9“Na kuwaraperera. Ene mbadi na kuraperera kaye, wowa wa ni pire yoyishi hoye. 10Waheya wa ha kara hange, ha kara hoye. Noyu gha kara ghoye, wange karo, no na kupwa kufumaneka papawo. 11Mbadi na kukara rure mukaye. Kukoye na kwiya. Ene wo hana kukara shime mukaye.
“Tate ghokupongoka, ghu wa kunge muDina dyoye edi wa ni pa eshi ha kare yira yofotji thika twe. 12Apa na karire nawo, na wa kungire muDina dyoye edi wa ni pire. Na wa kungire ene mbadi payongarire noyofotji temba, shimengwa yu thiyongari pithendi eshi, yipwe kurikanyitha yitjanga.
13“Ene n̂anyi‐n̂anyi na kumu kukoye. No na kughamba yi oku shime na karera mukaye, eshi ha wane yishamberera yange yoyiheya yi na kara nayo. 14Na wa pire n̂ando dhoye, kaye ne ka wa dhimba, yoyishi wo ne kadi hakakaye kano, thika di na dhira kukara Name no mukakaye kano. 15Mbadi na kuraperera eshi ghu wa tundithe pakaye, ne ghu wa kunge kughuyi. 16Awo ne kadi hakakaye kano, thikakenge di na dhira kukara Me eshi kadi no mukakaye kano. 17Wa pongwere kukoye paghushemwa. N̂ando dhoye ne dhaghushemwa. 18Thika di wa ni tumine Me mukaye, kemo dyo na wa tuma Name mukaye. 19No papawo na kukupongwera Me kukoye, kemo nawo sha kupongwere kukoye paghushemwa.
20“Ene mbadi na kuwaraperera pithawo keho, nawa mba tawa muMwange paman̂ando ghawo. 21Na kuwaraperera eshi wahe ha kare yofotji, thika we Tate muMwange, Name mumoye, nawo ha kare mumwetu, ka kone kutawa kaye eshi Yowe wa ni tumine. 22Difumanekero di wa ni pire, na di wa pire nawo eshi ha kare yofotji thika di twa kara twe yofotji. 23Ame mumwawo, Owe muMwange, kemo sho ha rikanyenene kukara yofotji. No kemo sho ka dimuke kaye eshi Yowe wa ni tumine no na wa haka, thika di wa ni haka We.
24“Tate, na himi eshi oku ni di Me, nawa wa ni pire ha kare nange. Ha mone ghufumu wange oghu wa ni pire, yoyishi wa ni hakire kughutho ghomavarekero ghokaye.
25“Tate ghomuhunga, kaye mbadi ka kudimuka We, Ame ne na kudimuka nawano ha dimuka eshi Yowe wa ni tumine. 26Na hokorire Dina dyoye kukwawo no shime ha ni di nongonona, kate mbo ru kare ruhakitho ru wa ni pire mumwawo, Name mumwawo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986