Johannesi 18
18
Makwatero ghaJesusi
(Mat 26:47–56; Mark 14:43–50; Luk 22:47–53)
1Apa gha manine kughamba Jesusi yi, ko kutjinaghana kwendi nawakathishongero wendi muronga waKedroni. Ko dya karire dipya, ho ghengenine mo Jesusi nawakathishongero wendi. 2Ene Judasi ghomunyathi wendi gha dimukire dyango di. Yoyishi rwingi gha yendangire mo Jesusi nawakathishongero wendi.
3Judasi gha shimbire mbunga dhawamashorondate nawakareri hondhango wawapristeri hohakuru no waWafarasayi. Awo ha ka kumine ko nominyenge noyitwa. 4Jesusi ne gha dimukire yoyiheya eyi sho yiye kukwendi, ho gha henyine kughutho no gha wepurire eshi: “Yidye muna kushana?”
5Awo ha mu huthire eshi: “Jesusi ghoMukanasareti tuna kushana.”
Ha wa hutha eshi: “Yame no.”
Judasi ghomunyathi wendi naye ghemanine papawo. 6Apa gha wa tongwerire Jesusi eshi: “Yame no!” Ko kuhuka kangaranyima ha were pamuve.
7Ko kuwepura karo eshi: “Yidye muna kushana?” Awo eshi: “Jesusi ghoMukanasareti tuna kushana.”
8Jesusi gha wa tongwerire eshi: “Na mana kuyimutongwera eshi Yame no. Ngeshi Yame muna kushana, mu thighe hanu wa ha di nange ha yende.” 9Kemo dyo sho dhi rikanye n̂ando edhi gha ghambire pakutanga eshi: “Pawa wa ni pire, mbadi na yongaritha po noyofotji temba.”
10Simon Petrusi oyu gha karire nothimende, gha keshurire ditwi dyorudyo dyamupika mupristeri shokuru. Dina dyamupika yu ne Malkusi. 11Ko kuninga Jesusi kwaPetrusi eshi: “Shwameke thimende thoye muthirungo thatho. Thinwitho thoyinyanda thi gha ni pire Tate ne, mbadi sho ni thi nwe ndi?”
Jesusi kughutho waAnnasi
12Munyima mbunga dhawamashorondate namukamiti wawo, nawakareri homuragho waWajuda, ha mu kwatire Jesusi no ha mu ghaningire. 13Pakutanga ha mu twarire kwaAnnasi, oyu gha karire hemwenya Kayifasi, oyu gha karire mumwaka ghu mupristeri shokuru. 14Oyu Kayifasi ne yo gha tapire dighano kwaWajuda eshi, hasha kufera munu yofotji diko.
Petrusi ghana kumuhamura Jesusi pakutanga
(Mat 26:69–70; Mark 14:66–68; Luk 22:55–57)
15Simon Petrusi namukathishongero ghumweya ha mu kuthire Jesusi. Mukathishongero ye ne gha kudimukire namupristeri shokuru, 16no ghengenine pofotji naJesusi mumarombe ghamupristeri shokuru. Ene Petrusi panunda gha karire kuthero. Mukathishongero yu gha kudimukire namupristeri shokuru, gha shwaghire no gha ghambire namukakukunga thero no ghengenekire Petrusi. 17Mukadhipika yu gha kungire thero, gha ningire kwaPetrusi eshi: “Kadi yowe ghumweya ghopawakathishongero wamurume yu ndi?”
Aye gha huthire eshi: “Vame, kadi yame.”
18Mupika nawakareri hondhango hemanine ha kukangure kumudiro ghu ha kon̂erire, yoyishi kwa karire mepo. Petrusi ghemanine pofotji nawo no gha kukangurire naye.
HaAnnasi naKayifasi hana kumupangura Jesusi
(Mat 26:59–66; 27:1; Mark 14:55–64; 15:1; Luk 22:66–71)
19Mupristeri shokuru hepudhura Jesusi, yawakathishongero wendi no yoyihonga yendi. 20Jesusi gha mu huthire eshi: “Muthitunumeho na yi ghambire nawanu. Na wa hongire roruhe mumasinagoge no mutembeli, omu ha kukongwedhangire Hajuda wahe, no mbadi na yi ghambire mughudhindo. 21Nye ghuna kunipwedhwera? Wipudhure wa ha yuvire yi na wa tongwerire. Awo ne ha dimuka yi na tongorire.”
22Apa gha manine Jesusi kughamba kemo, ko kumungcambura mupika ghumweya yu ghemanine po no gha ningire eshi: “Kemo dyo dyokuhutha we kwamupristeri shokuru ndi?”
23Jesusi gha mu huthire eshi: “Ngeshi ngo ghuyi na ghamba, shimurure yoghuyi. Ene ngeshi ngo ghuhunga ne, nye ghuna ni ngcambwera?”
24Annasi gha mu tumine kwamupristeri shokuru Kayifasi oku shime ha mughangera.
Petrusi ghana kumuhamura karo Jesusi
(Mat 26:71–75; Mark 14:69–72; Luk 22:58–62)
25Simon Petrusi ghemanine karo gha kukangure. Awo ha ningire kukwendi eshi: “Owe ne kadi yowe ghumweya ghopawakathishongero wendi ndi?”
Aye gha hamurire no gha ningire eshi: “Vame, kadi yame!”
26Yofotji ghopawapika mupristeri shokuru, ghomwapa ghoyu gha keshurire Petrusi ditwi dyendi, gha ningire kukwendi eshi: “Mbadi na kumono nowe nendi mudipya ndi?”
27Petrusi gha hamurire karo, kapupi popo ko kwigha ngondovoro.
Jesusi kughutho waPilatusi
(Mat 27:2, 11–21; Mark 15:1–11; Luk 23:1–5, 13–19)
28Ko kumutunditha kwawo Jesusi kwaKayifasi no ha mu twarire kumarombe ghamupanguri. Oghu ne murughura pamathiku‐thiku. Hathinda mbadi ha konine kwingena mumarombe, maghana sho ha kare muthidhira thokudhira kudya makuyarekero ghoPaska. 29Pilatusi gha wa shwagherire no gha wepurire eshi: “Murandi munye muna mwingenekera yu murume muno?”
30Awo ha mu huthire eshi: “Ngo kadi thiharuri, ngo mbadi tuna mu kuretera.”
31Ha ningi Pilatusi kukwawo eshi: “Mu mu tumbure no mu ka mu pangure thika mumuragho wenu.”
Hajuda ha mu huthire eshi: “Twa pira ngcamu dhokutetera ghumweya kukufa.” 32Eyi ya hokokerire kemo, eshi dhi rikanye n̂ando dhaJesusi edhi gha ningire, apa gha neghire eshi yifa munye mbo gha fa.
33Hengena karo Pilatusi mumarombe ghendi, no ghethire Jesusi gha mwipure eshi: “Yowe fumu waWajuda ndi?” 34Jesusi gha mu huthire eshi: “Ghothinda ghuna kuyipura yi ndi? Endi hamweya hana yi kutongwera yokukwange?”
35Pilatusi gha huthire eshi: “Ame ne kadi noMujuda! Diko dyoye nawapristeri woye hohakuru, wo hana kutapa kukwange. Nye wa tenda?”
36Jesusi gha dimbururire eshi: “Ghufumu wange, kadi wa pakaye kano. Ngo wa pakaye kano, ngo harwe hapikange no ngo mbadi sho ni pwe kutapa kwaWajuda. Yodigho ghufumu wange ne kadi wa pano.”
37Pilatusi gha mwipurire eshi: “Ene shemwa ghofumu we?”
Ha hutha Jesusi eshi: “Thika di ghuna kuyighamba, nofumu. Ame ne ni kone kunongonona yoghushemwa. Yo na pwera kushamuruka no yo neyera pano pakaye. Kehe yu gha tawa kughushemwa, gha tegherere kukwange.”
38Pilatusi gha mwipurire eshi: “Nye ghushemwa?”
Apa gha manine kughamba kemo, ko kushwagha karo kwaWajuda no gha wa tongwerire eshi: “Mbadi na kuwana murandu mumwendi. 39Amwe ne mwa kara nomuhingo ghokumushutwera ghumweya pa kehe difeste dyoPaska. Muna haka ni mu shutwere fumu waWajuda ndi?”
40Ko kwandadhoka kwawo eshi: “Kadi yu, Barabasi ndani!” Ene Barabasi, gha karire shondoro.
Currently Selected:
Johannesi 18: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Johannesi 18
18
Makwatero ghaJesusi
(Mat 26:47–56; Mark 14:43–50; Luk 22:47–53)
1Apa gha manine kughamba Jesusi yi, ko kutjinaghana kwendi nawakathishongero wendi muronga waKedroni. Ko dya karire dipya, ho ghengenine mo Jesusi nawakathishongero wendi. 2Ene Judasi ghomunyathi wendi gha dimukire dyango di. Yoyishi rwingi gha yendangire mo Jesusi nawakathishongero wendi.
3Judasi gha shimbire mbunga dhawamashorondate nawakareri hondhango wawapristeri hohakuru no waWafarasayi. Awo ha ka kumine ko nominyenge noyitwa. 4Jesusi ne gha dimukire yoyiheya eyi sho yiye kukwendi, ho gha henyine kughutho no gha wepurire eshi: “Yidye muna kushana?”
5Awo ha mu huthire eshi: “Jesusi ghoMukanasareti tuna kushana.”
Ha wa hutha eshi: “Yame no.”
Judasi ghomunyathi wendi naye ghemanine papawo. 6Apa gha wa tongwerire Jesusi eshi: “Yame no!” Ko kuhuka kangaranyima ha were pamuve.
7Ko kuwepura karo eshi: “Yidye muna kushana?” Awo eshi: “Jesusi ghoMukanasareti tuna kushana.”
8Jesusi gha wa tongwerire eshi: “Na mana kuyimutongwera eshi Yame no. Ngeshi Yame muna kushana, mu thighe hanu wa ha di nange ha yende.” 9Kemo dyo sho dhi rikanye n̂ando edhi gha ghambire pakutanga eshi: “Pawa wa ni pire, mbadi na yongaritha po noyofotji temba.”
10Simon Petrusi oyu gha karire nothimende, gha keshurire ditwi dyorudyo dyamupika mupristeri shokuru. Dina dyamupika yu ne Malkusi. 11Ko kuninga Jesusi kwaPetrusi eshi: “Shwameke thimende thoye muthirungo thatho. Thinwitho thoyinyanda thi gha ni pire Tate ne, mbadi sho ni thi nwe ndi?”
Jesusi kughutho waAnnasi
12Munyima mbunga dhawamashorondate namukamiti wawo, nawakareri homuragho waWajuda, ha mu kwatire Jesusi no ha mu ghaningire. 13Pakutanga ha mu twarire kwaAnnasi, oyu gha karire hemwenya Kayifasi, oyu gha karire mumwaka ghu mupristeri shokuru. 14Oyu Kayifasi ne yo gha tapire dighano kwaWajuda eshi, hasha kufera munu yofotji diko.
Petrusi ghana kumuhamura Jesusi pakutanga
(Mat 26:69–70; Mark 14:66–68; Luk 22:55–57)
15Simon Petrusi namukathishongero ghumweya ha mu kuthire Jesusi. Mukathishongero ye ne gha kudimukire namupristeri shokuru, 16no ghengenine pofotji naJesusi mumarombe ghamupristeri shokuru. Ene Petrusi panunda gha karire kuthero. Mukathishongero yu gha kudimukire namupristeri shokuru, gha shwaghire no gha ghambire namukakukunga thero no ghengenekire Petrusi. 17Mukadhipika yu gha kungire thero, gha ningire kwaPetrusi eshi: “Kadi yowe ghumweya ghopawakathishongero wamurume yu ndi?”
Aye gha huthire eshi: “Vame, kadi yame.”
18Mupika nawakareri hondhango hemanine ha kukangure kumudiro ghu ha kon̂erire, yoyishi kwa karire mepo. Petrusi ghemanine pofotji nawo no gha kukangurire naye.
HaAnnasi naKayifasi hana kumupangura Jesusi
(Mat 26:59–66; 27:1; Mark 14:55–64; 15:1; Luk 22:66–71)
19Mupristeri shokuru hepudhura Jesusi, yawakathishongero wendi no yoyihonga yendi. 20Jesusi gha mu huthire eshi: “Muthitunumeho na yi ghambire nawanu. Na wa hongire roruhe mumasinagoge no mutembeli, omu ha kukongwedhangire Hajuda wahe, no mbadi na yi ghambire mughudhindo. 21Nye ghuna kunipwedhwera? Wipudhure wa ha yuvire yi na wa tongwerire. Awo ne ha dimuka yi na tongorire.”
22Apa gha manine Jesusi kughamba kemo, ko kumungcambura mupika ghumweya yu ghemanine po no gha ningire eshi: “Kemo dyo dyokuhutha we kwamupristeri shokuru ndi?”
23Jesusi gha mu huthire eshi: “Ngeshi ngo ghuyi na ghamba, shimurure yoghuyi. Ene ngeshi ngo ghuhunga ne, nye ghuna ni ngcambwera?”
24Annasi gha mu tumine kwamupristeri shokuru Kayifasi oku shime ha mughangera.
Petrusi ghana kumuhamura karo Jesusi
(Mat 26:71–75; Mark 14:69–72; Luk 22:58–62)
25Simon Petrusi ghemanine karo gha kukangure. Awo ha ningire kukwendi eshi: “Owe ne kadi yowe ghumweya ghopawakathishongero wendi ndi?”
Aye gha hamurire no gha ningire eshi: “Vame, kadi yame!”
26Yofotji ghopawapika mupristeri shokuru, ghomwapa ghoyu gha keshurire Petrusi ditwi dyendi, gha ningire kukwendi eshi: “Mbadi na kumono nowe nendi mudipya ndi?”
27Petrusi gha hamurire karo, kapupi popo ko kwigha ngondovoro.
Jesusi kughutho waPilatusi
(Mat 27:2, 11–21; Mark 15:1–11; Luk 23:1–5, 13–19)
28Ko kumutunditha kwawo Jesusi kwaKayifasi no ha mu twarire kumarombe ghamupanguri. Oghu ne murughura pamathiku‐thiku. Hathinda mbadi ha konine kwingena mumarombe, maghana sho ha kare muthidhira thokudhira kudya makuyarekero ghoPaska. 29Pilatusi gha wa shwagherire no gha wepurire eshi: “Murandi munye muna mwingenekera yu murume muno?”
30Awo ha mu huthire eshi: “Ngo kadi thiharuri, ngo mbadi tuna mu kuretera.”
31Ha ningi Pilatusi kukwawo eshi: “Mu mu tumbure no mu ka mu pangure thika mumuragho wenu.”
Hajuda ha mu huthire eshi: “Twa pira ngcamu dhokutetera ghumweya kukufa.” 32Eyi ya hokokerire kemo, eshi dhi rikanye n̂ando dhaJesusi edhi gha ningire, apa gha neghire eshi yifa munye mbo gha fa.
33Hengena karo Pilatusi mumarombe ghendi, no ghethire Jesusi gha mwipure eshi: “Yowe fumu waWajuda ndi?” 34Jesusi gha mu huthire eshi: “Ghothinda ghuna kuyipura yi ndi? Endi hamweya hana yi kutongwera yokukwange?”
35Pilatusi gha huthire eshi: “Ame ne kadi noMujuda! Diko dyoye nawapristeri woye hohakuru, wo hana kutapa kukwange. Nye wa tenda?”
36Jesusi gha dimbururire eshi: “Ghufumu wange, kadi wa pakaye kano. Ngo wa pakaye kano, ngo harwe hapikange no ngo mbadi sho ni pwe kutapa kwaWajuda. Yodigho ghufumu wange ne kadi wa pano.”
37Pilatusi gha mwipurire eshi: “Ene shemwa ghofumu we?”
Ha hutha Jesusi eshi: “Thika di ghuna kuyighamba, nofumu. Ame ne ni kone kunongonona yoghushemwa. Yo na pwera kushamuruka no yo neyera pano pakaye. Kehe yu gha tawa kughushemwa, gha tegherere kukwange.”
38Pilatusi gha mwipurire eshi: “Nye ghushemwa?”
Apa gha manine kughamba kemo, ko kushwagha karo kwaWajuda no gha wa tongwerire eshi: “Mbadi na kuwana murandu mumwendi. 39Amwe ne mwa kara nomuhingo ghokumushutwera ghumweya pa kehe difeste dyoPaska. Muna haka ni mu shutwere fumu waWajuda ndi?”
40Ko kwandadhoka kwawo eshi: “Kadi yu, Barabasi ndani!” Ene Barabasi, gha karire shondoro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986