Lukasi 11
11
Thishongero thondapero
(Mat 6:9–15; 7:7–11)
1Jesusi gha karire pithendi kudyango gha ka rapere. Apa gha manine kurapera, ko kuninga yofotji ghopawakathishongero wendi kukwendi eshi: “Fumu, ghu tu honge natwe kurapera, thika kenge di gha hongire Johannesi hakathishongero wendi.”
2Aye gha ningire kukwawo eshi: “Mu ninge eshi:
Wihetu!
Difumane Dina dyoye,
ghufumu ghoye wiye.
3Yidya yeto yokehe diyuwa ghu tu peko dyarero.
4Ghu tu thigherere mirandu dhetu,
yoyishi natwe tuna kuthigherera karo kehe yu ghana tendi
thinu thomurandu kukwetu.
Wa twingeneka mumayerekero!”
5Shime gha ningire kukwawo eshi: “Mu ninge eshi yofotji ghopapenu gha kara namushere, munyima ghuna kuyenda pakatji koghuthiku kukwendi no kumukumbera eshi: ‘Mushere, ni yadhimeko tughuroto tuhatu. 6Yoyishi muyendhange yu gha di muruyendo, gha neya kukwange. Ame ne mbadiko yokumuyumbura.’ 7Oyu gha di mwimi, ghana kumuhutha eshi: ‘Wa ni yoghoterera! Na mana kuyandhere thero name nawanange ne mughudidi tu di, mbadi na kona kupinduka eshi ni kupe.’ 8Ame na kumutongwera eshi: Ngeshi mbadi ghana kupinduka no kumupa, yoyishi aye ne mushere wendi, ghuhunga ne gha pinduke no gha mu pe yoyihe thika di ghana himi, pamurandu ghokumukumbera thikuma.
9“Na kumutongwera mwe: Mu kumbere, mbo hana mu pa. Mu shane, mbo muna wana. Mu kun̂ure, mbana mu yandhwerera. 10Yoyishi kehe yu ghokukumbera, ghana kutambura. Noyu ghana kushana ghana kuwana. No mukakun̂ura, mbana mu yandhwerera. 11Endi wiha dye ghopakatji kenu oyu ghana kupa mwanendi thiyoka, oku ghana mu kumbera thi? 12Ngambi kumukumbera dihonyi, kumupa ne nge? 13Ngeshi mwamango mwe, mu dimuke kutapa kwawanenu thinu thothiwa. Wihenu ghomudiwiru ye ne kupiterera thikuma, pakutapa Mupepo ghoKupongoka kwawa hana kumukumbera.”
Jesusi naShadipinyi
(Mat 12:22–30; Mark 3:20–27)
14Jesusi gha karire mukushwaghitha shatani mwamunu ghokudhira kukona kughamba. Apa gha shwaghire shatani mwamurume yu, ko kutanga thipurupuru yu kughamba, no mbunga dha tetukire. 15Ene hamweya hopapawo ha ghambire eshi: “Eyi ne pamaghamweno ghaShadipinyi ghomukamiti wawashatani, po ghana kushwaghithera hashatani.”
16Hamweya ha mu yerekire eshi, gha wa neghedhe thidimukitho thomudiwiru. 17Aye ne gha dimukire yighayara yawo no gha wa tongwerire eshi: “Kehe ghufumu ghokukutjinuna ghothinda, ghuna kudhimana. No hakadidhiko ngeshi ha kuyakunuka hathinda, hana kukuharan̂anya. 18Na Shantani ngeshi ha kuyakunuka thinda, ngepi di sho ghu mu karere ghutungi wendi? Amwe muna kuninga eshi, ame na kushwaghitha hashatani nomaghamweno ghaShadipinyi. 19Ngeshi Me kuna kushwaghitha hashatani pamaghamweno ghaShadipinyi, nomaghamweno gha dye hana kuyitendanga henu? Eyi kuna kukunegha yothinda eshi, amwe ne mwa yongara. 20Ene ngeshi ngo shemwa eshi, ame kuna kushwaghitha hashatani nodyoko dyaNyambi, ngo ghu neya ghufumu waNyambi kukwenu.
21“Karo ngeshi mutwa ha kungangera yitwa yendi, no kukoneka ndhugho dhendi, ghugavo wendi ghoghuhe ghuna kuyovoroka. 22Ene ngeshi ha mu mbandukera ghumweya ghokumupiterera mungcamu, gha mu withe, no kumukungura yitwa yendi eyi gha kurupera, ghana kutapera ghugavo wendi ghoghuhe oghu ghana mu kungura. 23Oyu ghokudhira kukara nange, gha ni dhimba. Oyu ghana kudhira kukupakerera nange, ghana kuhanyaghuka.
Mahukero ghompipepo dhodhimango
(Mat 12:43–45)
24“Pakushwagha mupepo ghoghumango mwamunu, ghuna kuyendaghura murukukutu, no kushana maturumuthero. Ene ngeshi mbadi ghuna kuwana dyango dyomaturumuthero, ghuna kuninga eshi: ‘Kuhuka na kuhuka kudighumbo di na tundire.’ 25Agho ghuna kuhuka no kuwana ndhugho peya‐peya no dhina pu kuyenga. 26Munyima, ghuna kuyenda ghu ka shimbe mipepo dhinweya kwoko nodhiwadi dhodhimango kupiterera ye thinda. Adho dhina kwingena mo no kutunga mo. Paghuhura ghokenge yo, munu yu ghana kwipa kupiterera pakutanga.”
Ruvigha roshemwa
27Oku shime gha karera Jesusi mukughamba kemo, ko kuyukuka mukamadi mumbunga ghukugherera noghuninga kukwendi eshi: “Mukaruvigha mukamadi yu gha kushimbire we, nomere gha wa yamwine we!”
28Jesusi ne gha huthire eshi: “Hakaruvigha kupiterera ne, hakakuyuva n̂ando dhaNyambi no kudhikunga.”
Thidimukitho thaJona
(Mat 12:38–42; Mark 8:12)
29Hanu shime ha karera mukumudhinga, ko kuwatongwera Jesusi eshi: “Hanu homudyarero dino ne, diko dyondhanyi. Hana shana thitetukitho, ene mbadi sho ha thi wa pe, shimengwa thitetukitho thaJona keho. 30Yoyishi thika di gha karire Jona thidimukitho thawakaNinive, kemo dyo sho gha kare Mwanamunu thidimukitho kwawanu pashadyarero. 31Fumu ghombuyama ghomuGhucuma, mbo ghana vumbuka pofotji nawakadyarero dino mudiyuwa dyondhango dhoghuhura, no mbo ghana wa nongwenena. Yoyishi aye, gha tundangire roruhe kuyiyeghekamuto yokaye, no gha tegherere kughunyanyami wa Salomo. Ene mukakupiterera Salomo ne, po gha di pano! 32HakaNinive, mbana vumbuka pofotji nawakadyarero mudiyuwa dyoghuhura, no mbo hana wa nongwenena. Yoyishi hakaNinive, ha pirukire roruhe payiyaghura yaJona. Mukakupiterera Jona ne, po gha di pano!
Munyenge ghoyirama
(Mat 5:15; 6:22–23)
33“Munu mbadi gha kona kumuneka munyenge no kughuhoreka, ngambi kughufurumeka nothinu. Kadi kemo, ghuna kughuteneka pathikora eshi, awa hana kwingena mo ha kone kumona thishe. 34Munyenge ghoyirama yoye ne diho dyoye. Ngeshi diho dyoye kendhuruku, noyirama yoye yoyiheya ngwera‐ngwera. Ene ngeshi divundundu diho dyoye, yirama yoye nayo makokore. 35Koneke keho eshi, munyenge ghomuyirama yoye ne wa dhimana. 36Ngeshi ha yi kara yirama yoye yoyiheya mu thishe, nothipo temba thokukara mumakokore, mbo yina kara vene muthishe thika di ghuna kukumunekera munyenge muthishe thagho.”
Jesusi ghana kukoghaghura Hafarasayi nawakamuragho
(Mat 23:1–36; Mark 12:38–40; Luk 20:45–47)
37Apa gha manine kughamba, ko kumuragha Mufarasayi eshi gha ka dye kukwendi. Naye gha yendire no gha ka hungumanine kuthidyero. 38Mufarasayi gha tetukire pakumona Jesusi ghana kudya, oku mbadi ghana tanga kuyogha nyara dhendi thika di wa kara muhingo wawo. 39Fumu ne gha mu tongwerire eshi: “Ghuhunga, amwe Mwafarasayi, mwa kenithanga makopi noturonga peghuru keho. Ene mwimi dhenu, mwa yara mukungu noghumango. 40Mwathuta mwe, oyu gha tendire peghuru ne, kadi yo gha tendire karo mwimi ndi? 41Mu tape vene eyi ya kara mumakopi nomuturonga kwawahepwe, munyima mbo yina mu karera ghukushuki yoyiheya.
42“Mawe ne, amwe Mwafarasayi. Yoyishi mwa tapanga dihenda dyomunde dhenu no kehe rudhi royitapeka. Ene mwa nyatha ghuhunga noruhakitho rwaNyambi Yashemwa, munu gha kona kutenda yi, ene mbadi gha kona kuthigha yimweya.
43“Mawe ne, Mwafarasayi, yoyishi mumasinagoge mwa haka mango ghomakuto no mwa haka kumurumeritha ghukanderera mumikara. 44Mawe ne, amwe, yoyi mwa kara thika yipiro yokudhira kudimuka hanu awa hana kupita po.”
45Ko kuhutha yofotji ghopawakamuragho kwaJesusi eshi: “Muruti, ngeshi ngo ghambe kemo, yatwe ghuna kushwahura.”
46“Mawe ne, kukwenu namwe mwakamuragho,” kemo gha huthire Jesusi, “yoyishi muna kukambeka hanu mipango dhishidhamuna, mwathinda ne mbadi muna kukundama ko nokanyehe temba. 47Mawe ne, yamwe muna kumba mambira ghawaporofeta, ene hakerekandongo wenu wo ha wa paghire. 48Yodigho muna kunongonona yitenda yawakerekandongo wenu eshi, yihunga yoyi ha paghire haporofeta, amwe ne pakumba yipiro. 49Yo wa ningerire ghunyanyami waNyambi eshi: ‘Ame na wa tumena haporofeta nawapostoli. Hamweya mbana pu kupagha, hamweya mbana wa kuthakutha.’ 50Kemo mba wana murandu hanahoka wa ha di po, pamanyinga ghawaporofeta, agha gha ndendeshire kutunda kumatangero ghokaye. 51Kutunderera kumanyinga ghaAbeli kate kumanyinga ghaSakariyasi, awa ha pagherire kuthinyaku nomutembeli. Kemo na kumutongwera mwe, manyinga gha, mbana gha tondera kwawanahoka wa.
52“Mawe ne, mwakamuragho, yoyishi yamwe mwa tumburire matjapi ghomadimukitho. Mwathinda mbadi mwengenine mo, nawa ha shanine kwingena mo, mwa wa shingire!”
53Apa gha shwaghire mundhugho, ko kutanga kumutongorokera hakamarukwaro naWafarasayi eshi ha mu mbandukere. 54Ko kumwipura kwawo yinu yoyingi nomepwero ghomakukutu, no ha mu teghererire thiwana eshi ngwa n̂anyi ha wane kanu kokumukwatitha.
Currently Selected:
Lukasi 11: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 11
11
Thishongero thondapero
(Mat 6:9–15; 7:7–11)
1Jesusi gha karire pithendi kudyango gha ka rapere. Apa gha manine kurapera, ko kuninga yofotji ghopawakathishongero wendi kukwendi eshi: “Fumu, ghu tu honge natwe kurapera, thika kenge di gha hongire Johannesi hakathishongero wendi.”
2Aye gha ningire kukwawo eshi: “Mu ninge eshi:
Wihetu!
Difumane Dina dyoye,
ghufumu ghoye wiye.
3Yidya yeto yokehe diyuwa ghu tu peko dyarero.
4Ghu tu thigherere mirandu dhetu,
yoyishi natwe tuna kuthigherera karo kehe yu ghana tendi
thinu thomurandu kukwetu.
Wa twingeneka mumayerekero!”
5Shime gha ningire kukwawo eshi: “Mu ninge eshi yofotji ghopapenu gha kara namushere, munyima ghuna kuyenda pakatji koghuthiku kukwendi no kumukumbera eshi: ‘Mushere, ni yadhimeko tughuroto tuhatu. 6Yoyishi muyendhange yu gha di muruyendo, gha neya kukwange. Ame ne mbadiko yokumuyumbura.’ 7Oyu gha di mwimi, ghana kumuhutha eshi: ‘Wa ni yoghoterera! Na mana kuyandhere thero name nawanange ne mughudidi tu di, mbadi na kona kupinduka eshi ni kupe.’ 8Ame na kumutongwera eshi: Ngeshi mbadi ghana kupinduka no kumupa, yoyishi aye ne mushere wendi, ghuhunga ne gha pinduke no gha mu pe yoyihe thika di ghana himi, pamurandu ghokumukumbera thikuma.
9“Na kumutongwera mwe: Mu kumbere, mbo hana mu pa. Mu shane, mbo muna wana. Mu kun̂ure, mbana mu yandhwerera. 10Yoyishi kehe yu ghokukumbera, ghana kutambura. Noyu ghana kushana ghana kuwana. No mukakun̂ura, mbana mu yandhwerera. 11Endi wiha dye ghopakatji kenu oyu ghana kupa mwanendi thiyoka, oku ghana mu kumbera thi? 12Ngambi kumukumbera dihonyi, kumupa ne nge? 13Ngeshi mwamango mwe, mu dimuke kutapa kwawanenu thinu thothiwa. Wihenu ghomudiwiru ye ne kupiterera thikuma, pakutapa Mupepo ghoKupongoka kwawa hana kumukumbera.”
Jesusi naShadipinyi
(Mat 12:22–30; Mark 3:20–27)
14Jesusi gha karire mukushwaghitha shatani mwamunu ghokudhira kukona kughamba. Apa gha shwaghire shatani mwamurume yu, ko kutanga thipurupuru yu kughamba, no mbunga dha tetukire. 15Ene hamweya hopapawo ha ghambire eshi: “Eyi ne pamaghamweno ghaShadipinyi ghomukamiti wawashatani, po ghana kushwaghithera hashatani.”
16Hamweya ha mu yerekire eshi, gha wa neghedhe thidimukitho thomudiwiru. 17Aye ne gha dimukire yighayara yawo no gha wa tongwerire eshi: “Kehe ghufumu ghokukutjinuna ghothinda, ghuna kudhimana. No hakadidhiko ngeshi ha kuyakunuka hathinda, hana kukuharan̂anya. 18Na Shantani ngeshi ha kuyakunuka thinda, ngepi di sho ghu mu karere ghutungi wendi? Amwe muna kuninga eshi, ame na kushwaghitha hashatani nomaghamweno ghaShadipinyi. 19Ngeshi Me kuna kushwaghitha hashatani pamaghamweno ghaShadipinyi, nomaghamweno gha dye hana kuyitendanga henu? Eyi kuna kukunegha yothinda eshi, amwe ne mwa yongara. 20Ene ngeshi ngo shemwa eshi, ame kuna kushwaghitha hashatani nodyoko dyaNyambi, ngo ghu neya ghufumu waNyambi kukwenu.
21“Karo ngeshi mutwa ha kungangera yitwa yendi, no kukoneka ndhugho dhendi, ghugavo wendi ghoghuhe ghuna kuyovoroka. 22Ene ngeshi ha mu mbandukera ghumweya ghokumupiterera mungcamu, gha mu withe, no kumukungura yitwa yendi eyi gha kurupera, ghana kutapera ghugavo wendi ghoghuhe oghu ghana mu kungura. 23Oyu ghokudhira kukara nange, gha ni dhimba. Oyu ghana kudhira kukupakerera nange, ghana kuhanyaghuka.
Mahukero ghompipepo dhodhimango
(Mat 12:43–45)
24“Pakushwagha mupepo ghoghumango mwamunu, ghuna kuyendaghura murukukutu, no kushana maturumuthero. Ene ngeshi mbadi ghuna kuwana dyango dyomaturumuthero, ghuna kuninga eshi: ‘Kuhuka na kuhuka kudighumbo di na tundire.’ 25Agho ghuna kuhuka no kuwana ndhugho peya‐peya no dhina pu kuyenga. 26Munyima, ghuna kuyenda ghu ka shimbe mipepo dhinweya kwoko nodhiwadi dhodhimango kupiterera ye thinda. Adho dhina kwingena mo no kutunga mo. Paghuhura ghokenge yo, munu yu ghana kwipa kupiterera pakutanga.”
Ruvigha roshemwa
27Oku shime gha karera Jesusi mukughamba kemo, ko kuyukuka mukamadi mumbunga ghukugherera noghuninga kukwendi eshi: “Mukaruvigha mukamadi yu gha kushimbire we, nomere gha wa yamwine we!”
28Jesusi ne gha huthire eshi: “Hakaruvigha kupiterera ne, hakakuyuva n̂ando dhaNyambi no kudhikunga.”
Thidimukitho thaJona
(Mat 12:38–42; Mark 8:12)
29Hanu shime ha karera mukumudhinga, ko kuwatongwera Jesusi eshi: “Hanu homudyarero dino ne, diko dyondhanyi. Hana shana thitetukitho, ene mbadi sho ha thi wa pe, shimengwa thitetukitho thaJona keho. 30Yoyishi thika di gha karire Jona thidimukitho thawakaNinive, kemo dyo sho gha kare Mwanamunu thidimukitho kwawanu pashadyarero. 31Fumu ghombuyama ghomuGhucuma, mbo ghana vumbuka pofotji nawakadyarero dino mudiyuwa dyondhango dhoghuhura, no mbo ghana wa nongwenena. Yoyishi aye, gha tundangire roruhe kuyiyeghekamuto yokaye, no gha tegherere kughunyanyami wa Salomo. Ene mukakupiterera Salomo ne, po gha di pano! 32HakaNinive, mbana vumbuka pofotji nawakadyarero mudiyuwa dyoghuhura, no mbo hana wa nongwenena. Yoyishi hakaNinive, ha pirukire roruhe payiyaghura yaJona. Mukakupiterera Jona ne, po gha di pano!
Munyenge ghoyirama
(Mat 5:15; 6:22–23)
33“Munu mbadi gha kona kumuneka munyenge no kughuhoreka, ngambi kughufurumeka nothinu. Kadi kemo, ghuna kughuteneka pathikora eshi, awa hana kwingena mo ha kone kumona thishe. 34Munyenge ghoyirama yoye ne diho dyoye. Ngeshi diho dyoye kendhuruku, noyirama yoye yoyiheya ngwera‐ngwera. Ene ngeshi divundundu diho dyoye, yirama yoye nayo makokore. 35Koneke keho eshi, munyenge ghomuyirama yoye ne wa dhimana. 36Ngeshi ha yi kara yirama yoye yoyiheya mu thishe, nothipo temba thokukara mumakokore, mbo yina kara vene muthishe thika di ghuna kukumunekera munyenge muthishe thagho.”
Jesusi ghana kukoghaghura Hafarasayi nawakamuragho
(Mat 23:1–36; Mark 12:38–40; Luk 20:45–47)
37Apa gha manine kughamba, ko kumuragha Mufarasayi eshi gha ka dye kukwendi. Naye gha yendire no gha ka hungumanine kuthidyero. 38Mufarasayi gha tetukire pakumona Jesusi ghana kudya, oku mbadi ghana tanga kuyogha nyara dhendi thika di wa kara muhingo wawo. 39Fumu ne gha mu tongwerire eshi: “Ghuhunga, amwe Mwafarasayi, mwa kenithanga makopi noturonga peghuru keho. Ene mwimi dhenu, mwa yara mukungu noghumango. 40Mwathuta mwe, oyu gha tendire peghuru ne, kadi yo gha tendire karo mwimi ndi? 41Mu tape vene eyi ya kara mumakopi nomuturonga kwawahepwe, munyima mbo yina mu karera ghukushuki yoyiheya.
42“Mawe ne, amwe Mwafarasayi. Yoyishi mwa tapanga dihenda dyomunde dhenu no kehe rudhi royitapeka. Ene mwa nyatha ghuhunga noruhakitho rwaNyambi Yashemwa, munu gha kona kutenda yi, ene mbadi gha kona kuthigha yimweya.
43“Mawe ne, Mwafarasayi, yoyishi mumasinagoge mwa haka mango ghomakuto no mwa haka kumurumeritha ghukanderera mumikara. 44Mawe ne, amwe, yoyi mwa kara thika yipiro yokudhira kudimuka hanu awa hana kupita po.”
45Ko kuhutha yofotji ghopawakamuragho kwaJesusi eshi: “Muruti, ngeshi ngo ghambe kemo, yatwe ghuna kushwahura.”
46“Mawe ne, kukwenu namwe mwakamuragho,” kemo gha huthire Jesusi, “yoyishi muna kukambeka hanu mipango dhishidhamuna, mwathinda ne mbadi muna kukundama ko nokanyehe temba. 47Mawe ne, yamwe muna kumba mambira ghawaporofeta, ene hakerekandongo wenu wo ha wa paghire. 48Yodigho muna kunongonona yitenda yawakerekandongo wenu eshi, yihunga yoyi ha paghire haporofeta, amwe ne pakumba yipiro. 49Yo wa ningerire ghunyanyami waNyambi eshi: ‘Ame na wa tumena haporofeta nawapostoli. Hamweya mbana pu kupagha, hamweya mbana wa kuthakutha.’ 50Kemo mba wana murandu hanahoka wa ha di po, pamanyinga ghawaporofeta, agha gha ndendeshire kutunda kumatangero ghokaye. 51Kutunderera kumanyinga ghaAbeli kate kumanyinga ghaSakariyasi, awa ha pagherire kuthinyaku nomutembeli. Kemo na kumutongwera mwe, manyinga gha, mbana gha tondera kwawanahoka wa.
52“Mawe ne, mwakamuragho, yoyishi yamwe mwa tumburire matjapi ghomadimukitho. Mwathinda mbadi mwengenine mo, nawa ha shanine kwingena mo, mwa wa shingire!”
53Apa gha shwaghire mundhugho, ko kutanga kumutongorokera hakamarukwaro naWafarasayi eshi ha mu mbandukere. 54Ko kumwipura kwawo yinu yoyingi nomepwero ghomakukutu, no ha mu teghererire thiwana eshi ngwa n̂anyi ha wane kanu kokumukwatitha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986