Lukasi 12
12
Mashingero ghawakadifurumeko
(Mat 10:26–27; 16:16)
1Pakukukongwedha mbunga dhawanu mayovi nomayovi no kukudjata‐djata hathinda, gha tangira Jesusi kutongwera hakathishongero wendi eshi: “Mu koneke thikuma kumuhaha waWafarasayi, yoyishi wa difurumeko. 2No mbadiko thokunda ethi mbo thi dhira kuhokoka nothoghudhindo temba ethi mba dhira kudimuka. 3Yodigho eyi mwa ghambire mumakokore, mbana yi yuvu pamutenyamwiru. No yi mwa hohoterire kwaghumweya mukutwi, mbana yi yuvitha mumapori pamituya.
Yidje yu sha yape
(Mat 10:28–31)
4“Ene na komutongwera mwahakwa wange: Mwa yapa kwamukakupagha yirama no kughutho mbadi gha kona kutenda thinu. 5Ne na kumutongwera eshi yidye sho mu yape. Mu yape koyu ghokumana kupagha, munyima gha kara nongcamu dhokumwaghera mumudiro ghororuheya. Shemwa na kumutongwera, kukwendi mwa kona kuyapa.
6“Mandjunge kwoko ne kadi gha kughuritha kumasende mawadi ndi? Ene noyofotji temba ghopapawo oyu sho gha vurame po Nyambi. 7Ngambi huki dhopamitwi dhenu, nadho dha pwa kutara dhodhihe. Mwa yapa, amwe ne mwa piterera mandjunge ghomengi.
Madimukitho ghokunongonona Kristusi
(Mat 10:19–20, 32–33; 12:32)
8“Na kumutongwera eshi: Yomuhe ghokuninongonona kwawanu, naye mbo ghana mu nongonona Mwanamunu, kughutho wawaengeli waNyambi. 9Ene yu ghokuninyatha kughutho wawanu, naye mbo ghana pu kunyatha kughutho wawaengeli waNyambi.
10“Kehe yu ghokughamba thinu kwaMwanamunu, mbana mu thigherera. Ene yu ghokuharura kwaMupepo ghoKupongoka, mbadi mba mu thigherera.
11“No ngeshi ha mu twara mumasinagoge no kwawamathimbi, kukumwipudhura, mwa mba tokota eshi ngepi no pa nye hana kumunyandekera, ngambi eshi nye sho mu katane. 12Yoyishi Mupepo ghoKupongoka mbo ghana mu hongo munako dhodho eyi mbo mu ghamba.”
Maghanekero ghamutungi ghomuthuta
13Ko kuninga yofotji ghomumbunga kwaJesusi eshi: “Muhongi, tongwere minange eshi tu kutapere yiyora.”
14Aye gha mu huthire eshi: “Owe, yidye gha ni paka ghupanguri ngambi mukakutapera?” 15Ko kuwatongwera kwendi karo eshi: “Mu koneke no mu kukunge shemwa kukehe thinu thodidovo, yoyishi moyo wamunu ne kadi wa kamwagha‐mwaghe koyimuna yendi.”
16Munyima ha wa ghanekera maghanekero eshi: “Dipya dyamurume ghomutungi, dya menine thiwana. 17Ko kundhundha kwendi eshi: ‘Nye sho ni tende? Yoyishi na piri dyango dyomapokwero.’ 18Ho gha himine eshi: ‘Ni tende ngeno. Ni shutunune tushete twange no ni tu kuritheko. Ho ni pake mo mbuto dhange noghugavo wange ghoghuhe. 19Munyima na kukuninga nothinda eshi: Ghuna pungura yinu yoyingi we murume yomyaka nomyaka. Thighe kurughana, dye, nwe no ghu kuyare ghushamberera.’ 20Ene Nyambi gha ningire kukwendi eshi: ‘Wa pira maghano we! Mughuthiku ghuno, n̂anyi ha ghu kutundithe mudhimu ghoye. Yidye keho sho gha tumbure yoyiheya yi wa kongwedha?’
21“Kemo ya kara kwamukakukukongwedhera ghugavo. KwaNyambi ne kadi mutungi yu.”
Yikudhekera yomoyo
(Mat 6:19–21, 25–34)
22Shime ha ningi kwawakathishongero wendi eshi: “Yo na kumutongwera me eshi: Mwa kudhekera yomoyo wenu, eyi mbo mu dya ngambi yoyirama yenu eyi mbo mu vata. 23Moyo ne wa piterera yidya noyirama, ya piterera yivata. 24Mu mone kumakorova, agho mbadi gha kuna no mbadi gha pokora, no gha pira ndugho dhomapungwero noyishete temba, ene Nyambi gha gha korera. Amwe ne mwa piterera yinyunyi thikuma! 25Yidywe ghopapenu oyu gha kona kuwedherera moyo wendi muyikudhekera ngambi kamanana‐kamanana? 26Ngeshi nokamanana temba mwa kona kutenda kemo mwe, nye muna kukudhekerera kuyinu yimweya? 27Mu mone mitemo dhomumuthitu eshi ngepi di dha mena: Mbadi dha rughana no mbadi dhina kuruka yivata. Ene na kumutongwera eshi, ngambi Salomoni ghofumu ghomutungi, mbadi gha vatire yoyiwa thika mutemo ghofotji. 28Ngeshi Nyambi ghana kuvateka kemo muhonyi ghomumuthitu, oghu ghu di po dyarero no kughutumekera peghundha. Ngepi sho ha mu vateke mwe, mwakamatawero ghomambiru.
29“Namwe mwa shana roruhe eshi nye mbo mu dya no nye mbo mu nwa eshi mu pire maturumuthero. 30Yoyishi yinu yoyiheya yi ne kuyishana hakakupira matawero. Ene mwe mwa kara naWihenu, oyu gha dimuka eshi mwa nyanda yinu yi. 31Ene mu kon̂omeke ghutungi waNyambi, po mbo gha mu pa yinu yi.
32“Mwa yapa, mwakamutangaghana, yoyishi ghomahimeno ghaWihenu pakumupa ghufumu wendi. 33Mu ghurithe yimuna yena no mu yi tape kwawahepwe. Mu kutendere tukomani tokudhira kukara mukunguru. Mu kukongwedhere ghushwi ghomudiwiru ghushipu, oghu gha dhira kukundama mwidhi noyumbanyungu temba, mbadi wa kona kughushinya. 34Yoyishi oku ghu di ghushwi wenu, ko kumitjima dhenu.
Maghanekero ghamupika ghokurawa
(Mat 24:45–51; Mark 13:33–37)
35“Mu kwinduke, mu kare nomikata mumambunda ghenu nominyenge mumanyara ghenu. 36No mu kare yira hanu hokutaterera hekudyawo oku ghana ka tunda kuwenga, yoyishi ha kone kumuyandhwerera wangu ngeshi ghana kumu no kukun̂ura. 37Hakaruvigha hapika wa ghana kuwana hekudyawo ghurawa pakwiya kwendi. Shemwa na kumumanithera eshi: Aye mbo ghana wetha kuthidyero no kukushupeka thihina thokurughanitha, gha wa yarekere. 38Hakaruvigha hapika wa mbo gha wana ghurawa, ngambi pakatji koghuthiku, ngambi pakwigha ngondovoro. 39Ene mu dimuke yi eshi, ngeshi ha dimuka thinda shandhugho eshi munako munye sho gheye mwidhi, ngo mbadi sho gha kone mwidhi kutjora ndhugho dhendi. 40Kemo sho mu kwinduke namwe, yoyishi Mwanamunu ghana kwiya munako dhi mwa dhira kumutaterera.”
41Ko kumwipura Petrusi eshi: “Fumu, maghanekero gha ne gha kukwetu keho ndi, endi ghokwawaheya?”
42Ko kuhutha Fumu eshi: “Mupika munye ghomuhunga noghomaghano ghomutumi, oyu mbo gha paka thinda shandhugho eshi, mbo gha tape yidya kwawavereki wendi munako dhokudya? 43Oyu yoyu mbo gha wana hekudyendi pakwiya kwendi ghushongomena muyirughana. Mukaruvigha yu. 44Shemwa na kumutongwera eshi: Hekudyendi mbo ghana mu tumbu nduna ghoyimuna yendi yoyihe. 45Ene muvereki yu ghokuninga mumwendi thinda eshi: ‘Hekudyange mbadi sho gha ka huke wangu,’ munyima ghana kutanga kupumaghura havereki hoharume ngambi hohakamadi, oku aye thinda pakudya no kunwa no kuterera, 46mupika yu ghana kumuwana hekudyendi mudiyuwa di gha dhira kumutaterera no munako dhi gha dhira kumudimukera. Ngepi ne keho po! Hekudyendi mbo ghana mu pagha no mbo ghana mu rikanyitha kumbunga dhawakakudhira kutawa.
47“Mupika ghokudimuka eyi gha hima hekudyendi, ene mbadi ghana kutenda thika di gha hima hekudyendi, mbo ghana wana mahumbithero ghomakuru. 48Ene yu ghokudhira kudimuka thihima thahekudyendi no kuharura, ghana kuwana mamwashwero ghomambiru. Kwayomuhe oyu ha pire wingi, mbo hana mu ragha yoyingi. Noyu ha kuruperire yoyingi, mbana mwipura yoyingi.
Jesusi ne muyakunuthi nothiraro
(Mat 10:34–36)
49“Ame ne neyire kukutumeka mudiro pakaye. Ho na haka eshi ngo kare wa widima! 50Karo ko di di diyoghero edi mbo ha ni yoghitha, ene na tokota kate pa mbo yirikanyena. 51Muna kughayara eshi, neyire kukureta thiraro pamuve ndi? Ava ko, kadi kemo, pakutanga ne mayakunuthero. 52Yoyishi pan̂anyi‐n̂anyi ghana kukara mayakunuthero ghawanu kwoko mudhugho dhofotji. Hahatu kwawawadi nohawadi kwawahatu.
53Mbana kuyakunuka
wihamunu mbo ghana yakunuka mwana,
mwanamunu mbo ghana yakunuka wihe
nyinamunu mbo ghana yakunuka mwana,
mwanamunu mbo ghana yakunuka nyina,
ngumwenyamunu mbo ghana yakunuka ngumwenyendi,
nangumwenyendi mbo ghana yakunuka ngumwenyamunu.”
Yidimukitho yomanako
(Mat 16:2–3)
54Shime gha ningire karo Jesusi kumbunga eshi: “Ngeshi pa mwa kumona divuyi dina kushwagha muDitokera, muna kuninga popo eshi: ‘Ghana kuroka mvura!’ Nayo yina kukara kemo. 55No ngeshi ha ghu pungu mupepo ghokuGhucuma, muna kuninga eshi: ‘Ghu neya ghughenyu!’ Shemwa ghuna kukara ghughenyu. 56Mwakadifurumeko mwe, yikara yomuve nomupepo ne mwa yi dimuka kuyiyakunutha. Ene ngepi di mwa dhira kudimuka kuyakunutha nako dhino.
Kukushemwithana wangu‐wangu
(Mat 5:25–26)
57“No nye mwa dhira kukudimukera kutenda yoyiwa mwathinda? 58Yoyi ngeshi ghuna kuyenda noyu wa kushinya nendi kundhango, tambuke ghu kuyuve nendi momo mundhira, maghana sho gha kutware kwamupanguri, namupanguri ghana kukutapa kwamuporitha, muporitha ne ghana kukuvukumena mudorongo. 59Yashemwa na kukutongwera eshi, mbadi mbo shwagha mo oku mbadi ghuna mana kukura thiwana yoyiheya.”
Currently Selected:
Lukasi 12: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 12
12
Mashingero ghawakadifurumeko
(Mat 10:26–27; 16:16)
1Pakukukongwedha mbunga dhawanu mayovi nomayovi no kukudjata‐djata hathinda, gha tangira Jesusi kutongwera hakathishongero wendi eshi: “Mu koneke thikuma kumuhaha waWafarasayi, yoyishi wa difurumeko. 2No mbadiko thokunda ethi mbo thi dhira kuhokoka nothoghudhindo temba ethi mba dhira kudimuka. 3Yodigho eyi mwa ghambire mumakokore, mbana yi yuvu pamutenyamwiru. No yi mwa hohoterire kwaghumweya mukutwi, mbana yi yuvitha mumapori pamituya.
Yidje yu sha yape
(Mat 10:28–31)
4“Ene na komutongwera mwahakwa wange: Mwa yapa kwamukakupagha yirama no kughutho mbadi gha kona kutenda thinu. 5Ne na kumutongwera eshi yidye sho mu yape. Mu yape koyu ghokumana kupagha, munyima gha kara nongcamu dhokumwaghera mumudiro ghororuheya. Shemwa na kumutongwera, kukwendi mwa kona kuyapa.
6“Mandjunge kwoko ne kadi gha kughuritha kumasende mawadi ndi? Ene noyofotji temba ghopapawo oyu sho gha vurame po Nyambi. 7Ngambi huki dhopamitwi dhenu, nadho dha pwa kutara dhodhihe. Mwa yapa, amwe ne mwa piterera mandjunge ghomengi.
Madimukitho ghokunongonona Kristusi
(Mat 10:19–20, 32–33; 12:32)
8“Na kumutongwera eshi: Yomuhe ghokuninongonona kwawanu, naye mbo ghana mu nongonona Mwanamunu, kughutho wawaengeli waNyambi. 9Ene yu ghokuninyatha kughutho wawanu, naye mbo ghana pu kunyatha kughutho wawaengeli waNyambi.
10“Kehe yu ghokughamba thinu kwaMwanamunu, mbana mu thigherera. Ene yu ghokuharura kwaMupepo ghoKupongoka, mbadi mba mu thigherera.
11“No ngeshi ha mu twara mumasinagoge no kwawamathimbi, kukumwipudhura, mwa mba tokota eshi ngepi no pa nye hana kumunyandekera, ngambi eshi nye sho mu katane. 12Yoyishi Mupepo ghoKupongoka mbo ghana mu hongo munako dhodho eyi mbo mu ghamba.”
Maghanekero ghamutungi ghomuthuta
13Ko kuninga yofotji ghomumbunga kwaJesusi eshi: “Muhongi, tongwere minange eshi tu kutapere yiyora.”
14Aye gha mu huthire eshi: “Owe, yidye gha ni paka ghupanguri ngambi mukakutapera?” 15Ko kuwatongwera kwendi karo eshi: “Mu koneke no mu kukunge shemwa kukehe thinu thodidovo, yoyishi moyo wamunu ne kadi wa kamwagha‐mwaghe koyimuna yendi.”
16Munyima ha wa ghanekera maghanekero eshi: “Dipya dyamurume ghomutungi, dya menine thiwana. 17Ko kundhundha kwendi eshi: ‘Nye sho ni tende? Yoyishi na piri dyango dyomapokwero.’ 18Ho gha himine eshi: ‘Ni tende ngeno. Ni shutunune tushete twange no ni tu kuritheko. Ho ni pake mo mbuto dhange noghugavo wange ghoghuhe. 19Munyima na kukuninga nothinda eshi: Ghuna pungura yinu yoyingi we murume yomyaka nomyaka. Thighe kurughana, dye, nwe no ghu kuyare ghushamberera.’ 20Ene Nyambi gha ningire kukwendi eshi: ‘Wa pira maghano we! Mughuthiku ghuno, n̂anyi ha ghu kutundithe mudhimu ghoye. Yidye keho sho gha tumbure yoyiheya yi wa kongwedha?’
21“Kemo ya kara kwamukakukukongwedhera ghugavo. KwaNyambi ne kadi mutungi yu.”
Yikudhekera yomoyo
(Mat 6:19–21, 25–34)
22Shime ha ningi kwawakathishongero wendi eshi: “Yo na kumutongwera me eshi: Mwa kudhekera yomoyo wenu, eyi mbo mu dya ngambi yoyirama yenu eyi mbo mu vata. 23Moyo ne wa piterera yidya noyirama, ya piterera yivata. 24Mu mone kumakorova, agho mbadi gha kuna no mbadi gha pokora, no gha pira ndugho dhomapungwero noyishete temba, ene Nyambi gha gha korera. Amwe ne mwa piterera yinyunyi thikuma! 25Yidywe ghopapenu oyu gha kona kuwedherera moyo wendi muyikudhekera ngambi kamanana‐kamanana? 26Ngeshi nokamanana temba mwa kona kutenda kemo mwe, nye muna kukudhekerera kuyinu yimweya? 27Mu mone mitemo dhomumuthitu eshi ngepi di dha mena: Mbadi dha rughana no mbadi dhina kuruka yivata. Ene na kumutongwera eshi, ngambi Salomoni ghofumu ghomutungi, mbadi gha vatire yoyiwa thika mutemo ghofotji. 28Ngeshi Nyambi ghana kuvateka kemo muhonyi ghomumuthitu, oghu ghu di po dyarero no kughutumekera peghundha. Ngepi sho ha mu vateke mwe, mwakamatawero ghomambiru.
29“Namwe mwa shana roruhe eshi nye mbo mu dya no nye mbo mu nwa eshi mu pire maturumuthero. 30Yoyishi yinu yoyiheya yi ne kuyishana hakakupira matawero. Ene mwe mwa kara naWihenu, oyu gha dimuka eshi mwa nyanda yinu yi. 31Ene mu kon̂omeke ghutungi waNyambi, po mbo gha mu pa yinu yi.
32“Mwa yapa, mwakamutangaghana, yoyishi ghomahimeno ghaWihenu pakumupa ghufumu wendi. 33Mu ghurithe yimuna yena no mu yi tape kwawahepwe. Mu kutendere tukomani tokudhira kukara mukunguru. Mu kukongwedhere ghushwi ghomudiwiru ghushipu, oghu gha dhira kukundama mwidhi noyumbanyungu temba, mbadi wa kona kughushinya. 34Yoyishi oku ghu di ghushwi wenu, ko kumitjima dhenu.
Maghanekero ghamupika ghokurawa
(Mat 24:45–51; Mark 13:33–37)
35“Mu kwinduke, mu kare nomikata mumambunda ghenu nominyenge mumanyara ghenu. 36No mu kare yira hanu hokutaterera hekudyawo oku ghana ka tunda kuwenga, yoyishi ha kone kumuyandhwerera wangu ngeshi ghana kumu no kukun̂ura. 37Hakaruvigha hapika wa ghana kuwana hekudyawo ghurawa pakwiya kwendi. Shemwa na kumumanithera eshi: Aye mbo ghana wetha kuthidyero no kukushupeka thihina thokurughanitha, gha wa yarekere. 38Hakaruvigha hapika wa mbo gha wana ghurawa, ngambi pakatji koghuthiku, ngambi pakwigha ngondovoro. 39Ene mu dimuke yi eshi, ngeshi ha dimuka thinda shandhugho eshi munako munye sho gheye mwidhi, ngo mbadi sho gha kone mwidhi kutjora ndhugho dhendi. 40Kemo sho mu kwinduke namwe, yoyishi Mwanamunu ghana kwiya munako dhi mwa dhira kumutaterera.”
41Ko kumwipura Petrusi eshi: “Fumu, maghanekero gha ne gha kukwetu keho ndi, endi ghokwawaheya?”
42Ko kuhutha Fumu eshi: “Mupika munye ghomuhunga noghomaghano ghomutumi, oyu mbo gha paka thinda shandhugho eshi, mbo gha tape yidya kwawavereki wendi munako dhokudya? 43Oyu yoyu mbo gha wana hekudyendi pakwiya kwendi ghushongomena muyirughana. Mukaruvigha yu. 44Shemwa na kumutongwera eshi: Hekudyendi mbo ghana mu tumbu nduna ghoyimuna yendi yoyihe. 45Ene muvereki yu ghokuninga mumwendi thinda eshi: ‘Hekudyange mbadi sho gha ka huke wangu,’ munyima ghana kutanga kupumaghura havereki hoharume ngambi hohakamadi, oku aye thinda pakudya no kunwa no kuterera, 46mupika yu ghana kumuwana hekudyendi mudiyuwa di gha dhira kumutaterera no munako dhi gha dhira kumudimukera. Ngepi ne keho po! Hekudyendi mbo ghana mu pagha no mbo ghana mu rikanyitha kumbunga dhawakakudhira kutawa.
47“Mupika ghokudimuka eyi gha hima hekudyendi, ene mbadi ghana kutenda thika di gha hima hekudyendi, mbo ghana wana mahumbithero ghomakuru. 48Ene yu ghokudhira kudimuka thihima thahekudyendi no kuharura, ghana kuwana mamwashwero ghomambiru. Kwayomuhe oyu ha pire wingi, mbo hana mu ragha yoyingi. Noyu ha kuruperire yoyingi, mbana mwipura yoyingi.
Jesusi ne muyakunuthi nothiraro
(Mat 10:34–36)
49“Ame ne neyire kukutumeka mudiro pakaye. Ho na haka eshi ngo kare wa widima! 50Karo ko di di diyoghero edi mbo ha ni yoghitha, ene na tokota kate pa mbo yirikanyena. 51Muna kughayara eshi, neyire kukureta thiraro pamuve ndi? Ava ko, kadi kemo, pakutanga ne mayakunuthero. 52Yoyishi pan̂anyi‐n̂anyi ghana kukara mayakunuthero ghawanu kwoko mudhugho dhofotji. Hahatu kwawawadi nohawadi kwawahatu.
53Mbana kuyakunuka
wihamunu mbo ghana yakunuka mwana,
mwanamunu mbo ghana yakunuka wihe
nyinamunu mbo ghana yakunuka mwana,
mwanamunu mbo ghana yakunuka nyina,
ngumwenyamunu mbo ghana yakunuka ngumwenyendi,
nangumwenyendi mbo ghana yakunuka ngumwenyamunu.”
Yidimukitho yomanako
(Mat 16:2–3)
54Shime gha ningire karo Jesusi kumbunga eshi: “Ngeshi pa mwa kumona divuyi dina kushwagha muDitokera, muna kuninga popo eshi: ‘Ghana kuroka mvura!’ Nayo yina kukara kemo. 55No ngeshi ha ghu pungu mupepo ghokuGhucuma, muna kuninga eshi: ‘Ghu neya ghughenyu!’ Shemwa ghuna kukara ghughenyu. 56Mwakadifurumeko mwe, yikara yomuve nomupepo ne mwa yi dimuka kuyiyakunutha. Ene ngepi di mwa dhira kudimuka kuyakunutha nako dhino.
Kukushemwithana wangu‐wangu
(Mat 5:25–26)
57“No nye mwa dhira kukudimukera kutenda yoyiwa mwathinda? 58Yoyi ngeshi ghuna kuyenda noyu wa kushinya nendi kundhango, tambuke ghu kuyuve nendi momo mundhira, maghana sho gha kutware kwamupanguri, namupanguri ghana kukutapa kwamuporitha, muporitha ne ghana kukuvukumena mudorongo. 59Yashemwa na kukutongwera eshi, mbadi mbo shwagha mo oku mbadi ghuna mana kukura thiwana yoyiheya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986