Lukasi 16
16
Maghanekero ghamuyendithi ghomuyi
1Jesusi gha tongwerire karo hakathishongero wendi eshi: “Mutungi gha karire namukakukunga yimuna yendi. Mupika yu, ha mu hetire yoyi ghana mana kupetha manyinga ghendi. 2Aye ko kumwitha gha mu tongwere eshi: ‘Yinye yi na kuyuvanga yokukoye, ghu ni tongwere yoyirughana yoye, yoyishi mbadi sho kare rure muyirughana yoye.’ 3Ha yedhekera kwendi mukakukunga eshi: ‘Nye sho ni tende? Yoyishi hekudyange ghana ni tunditha muyirughana yange. Kudima mbadi na kona, kukumbera na shwena honyi. 4Ene tango na dimuka eyi sho ni tende eshi ngepi di ha kunitambura hanu, pakunishwaghitha muyirughana yange.’
5“Ko kwitha kwendi hakamurandu wahekudyendi kumunukumunu. Hepura kwendi mukakutanga eshi: ‘Ghungatji mukudi ghoye kwahekudyange?’ 6Ko kuhutha muyendhendi eshi: ‘Tundimbe dithere dyofotji tomaghadhi.’ Aye ha mu tongwera eshi: ‘Tumbure kambapira koye komukudi, no tjange mo wangu eshi, makumi kwoko keho.’ 7Hepura ghumweya eshi: ‘Owe ne ghungatji?’ Aye eshi: ‘Maketji ghotumbi dithere dyofotji.’ Ha mu tongwera eshi: ‘Tumbure ko mukudi ghoye ho tjange mo eshi: Makumi kwoko nomahatu.’
8“Fumu gha kughire mukakukunga ghomuyi, yoyi gha tendire nomaghano. Yoyishi, hakakaye kano, hana kukunyanyamena kupiterera hakathishe.
9“Ame ne na kumutongwera eshi: Mu tende namwe kemo ghunyanyami noyinu yopamuve, eshi mba mu yemeke hayendhenu, pakupwa ghugavo, mbo ha kone kumutambura mumatungo ghororuheya. 10Oyu ha tjimapa kukanu kokambiru, ha mu tjimapa karo muthinu thothikuru. Noyu ha dhira kutjimapa mukanu kokambiru mbadi ha mu tjimapa karo munyinu yoyikuru. 11Ene ngeshi mbadi ha mu kuruperire kughugavo‐dhona ghopamuve, yidye keho sho gha mu tjimapithe kughushwi ghoshwemwa. 12No ngeshi kadi wa kukurupera thamuyendhoye, yidye mbo gha mu pa yenu mwathinda.
13“Mbadiko mupika ghondhugho oyu ghana kurughanena hafumu hawadi, yoyishi ghumweya pamweya kumufumaneka kamanana, ghumweya ne kupiterera, ngambi kutanarera paghumweya, ghumweya ghana kumunyatha. Yodigho, mbadi mwa kona kukarera Nyambi noghugavo.”
Muragho noghutungi waNyambi
(Mat 5:31–32; 11:12–13; Mark 10:11–12)
14Hafarasayi ha yuvire yinu yoyiheya yi. Ene yoyi ha hakire manyinga yo ha mu shererire. 15Ko kuwatongwera kwendi eshi: “Amwe ne yamwe muna kukunegha kwawanu yira mwahunga, ene Nyambi gha dimuka mitjima dhenu. Yoyishi eyi ya wana dikuto kwawanu, kwaNyambi ne ya shwahuka.
16“PaJohannesi po wa shagherire muragho nawaporofeta. Popo po ha tangerire kuyuvitha ghutungi waNyambi, noyomuhe gha yerekire eshi gha kone kwingena mo. 17Ene ghuredhu kudhongonoka diwiru nomuve, ene kadi wa kukona kutunda ko kamyandhumyandhu kumuragho.
18“Kehe yu ghokukuyakunuka namunu wendi no kuyeka wayenaye, ghana tjoro ghurugho; karo oyu ghokuyeka mukamadi ghokuthigha katughuru wendi, naye ghana tjoro ghurugho.
Murume ghomutungi naLasarusi
19“Pa karire murume ghomutungi oyu gha vatire yitere yondhiro, no gha karire ghushamberera kehe diyuwa no gha parire thiwana mukukununeka. 20Gha karire po karo murume ghokunyanda, ghodina dyoLasarusi, oyu gha furumanine kuthero thamutungi. Gha yarire noyitombo. 21Ho gha kuruperire eshi n̂anyi ghekute kughufefere ghokuwa kuthidyero thamutungi. Mbwa nadho dheyire na dhi rathe yitombo yendi.
22“Apa gha fire muhepwe yu, ha mu twarire haengeli kughunyonga waAbrahamu kudyango dyofuma. Mutungi naye gha fire no ha mu vumbekire. 23Apa gha karire mukunyanda mwawafu, gha kamburire meho ghendi no gha monine Abrahamu kokayenda naLasarusi paghunyonga wendi no gha kughererire eshi: 24‘Tate Abrahamu, ghu ni fere n̂eke, tume vene Lasarusi gha tuwe munwe wendi mumeyu, no gha tendererithe rudimi rwange, yoyishi kunyanda na kunyanda thikuma mumaretha ghano.’
25“Abrahamu gha mu huthire eshi: ‘Mwanange, vuruke eshi, mumoyo ghoye wa wanine yoyiwa, Lasarusi ne roruhe yoyimango. Oku no ne ghana wana mahengawero ye, owe ne kunyanda. 26Karo eshi pakatji ketu namwe natwe, pa ngangera dingurungoma dishokuru dyokuninga eshi, awa hana haka kuyenda kukwenu kadi wa kukona, nawa hana haka kwiya kukwetu mbadi ha kona kukuma kuno.’ 27Mutungi gha kumberire shime eshi: ‘Na kanderera tate, mu tume ne kudighumbo dyatate. 28Yoyishi na kara nawaminange kwoko, gha ka wa shinge thikuma eshi, ha mbeya kuno kuditunga dyokunyanda.’
29“Abrahamu gha mu huthire eshi: ‘Awo ne ha kara noman̂ando ghaMosesi no ghawaporofeta, ha kona kughategherera.’ 30Ko kuhutha kwendi eshi: ‘Kadi kemo, we tate Abrahamu, ngo gha vumbuke mufu gha yende kukwawo, ngo n̂anyi ha ka kupirure.’ 31Abrahamu gha mu tongwrire eshi: ‘Ngeshi mbadi sha tegherere kwaMosesi nokwawaporofeta, ngo kemo karo sha dhire kutegherera kwamukakuvumbuka.’ ”
Currently Selected:
Lukasi 16: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Lukasi 16
16
Maghanekero ghamuyendithi ghomuyi
1Jesusi gha tongwerire karo hakathishongero wendi eshi: “Mutungi gha karire namukakukunga yimuna yendi. Mupika yu, ha mu hetire yoyi ghana mana kupetha manyinga ghendi. 2Aye ko kumwitha gha mu tongwere eshi: ‘Yinye yi na kuyuvanga yokukoye, ghu ni tongwere yoyirughana yoye, yoyishi mbadi sho kare rure muyirughana yoye.’ 3Ha yedhekera kwendi mukakukunga eshi: ‘Nye sho ni tende? Yoyishi hekudyange ghana ni tunditha muyirughana yange. Kudima mbadi na kona, kukumbera na shwena honyi. 4Ene tango na dimuka eyi sho ni tende eshi ngepi di ha kunitambura hanu, pakunishwaghitha muyirughana yange.’
5“Ko kwitha kwendi hakamurandu wahekudyendi kumunukumunu. Hepura kwendi mukakutanga eshi: ‘Ghungatji mukudi ghoye kwahekudyange?’ 6Ko kuhutha muyendhendi eshi: ‘Tundimbe dithere dyofotji tomaghadhi.’ Aye ha mu tongwera eshi: ‘Tumbure kambapira koye komukudi, no tjange mo wangu eshi, makumi kwoko keho.’ 7Hepura ghumweya eshi: ‘Owe ne ghungatji?’ Aye eshi: ‘Maketji ghotumbi dithere dyofotji.’ Ha mu tongwera eshi: ‘Tumbure ko mukudi ghoye ho tjange mo eshi: Makumi kwoko nomahatu.’
8“Fumu gha kughire mukakukunga ghomuyi, yoyi gha tendire nomaghano. Yoyishi, hakakaye kano, hana kukunyanyamena kupiterera hakathishe.
9“Ame ne na kumutongwera eshi: Mu tende namwe kemo ghunyanyami noyinu yopamuve, eshi mba mu yemeke hayendhenu, pakupwa ghugavo, mbo ha kone kumutambura mumatungo ghororuheya. 10Oyu ha tjimapa kukanu kokambiru, ha mu tjimapa karo muthinu thothikuru. Noyu ha dhira kutjimapa mukanu kokambiru mbadi ha mu tjimapa karo munyinu yoyikuru. 11Ene ngeshi mbadi ha mu kuruperire kughugavo‐dhona ghopamuve, yidye keho sho gha mu tjimapithe kughushwi ghoshwemwa. 12No ngeshi kadi wa kukurupera thamuyendhoye, yidye mbo gha mu pa yenu mwathinda.
13“Mbadiko mupika ghondhugho oyu ghana kurughanena hafumu hawadi, yoyishi ghumweya pamweya kumufumaneka kamanana, ghumweya ne kupiterera, ngambi kutanarera paghumweya, ghumweya ghana kumunyatha. Yodigho, mbadi mwa kona kukarera Nyambi noghugavo.”
Muragho noghutungi waNyambi
(Mat 5:31–32; 11:12–13; Mark 10:11–12)
14Hafarasayi ha yuvire yinu yoyiheya yi. Ene yoyi ha hakire manyinga yo ha mu shererire. 15Ko kuwatongwera kwendi eshi: “Amwe ne yamwe muna kukunegha kwawanu yira mwahunga, ene Nyambi gha dimuka mitjima dhenu. Yoyishi eyi ya wana dikuto kwawanu, kwaNyambi ne ya shwahuka.
16“PaJohannesi po wa shagherire muragho nawaporofeta. Popo po ha tangerire kuyuvitha ghutungi waNyambi, noyomuhe gha yerekire eshi gha kone kwingena mo. 17Ene ghuredhu kudhongonoka diwiru nomuve, ene kadi wa kukona kutunda ko kamyandhumyandhu kumuragho.
18“Kehe yu ghokukuyakunuka namunu wendi no kuyeka wayenaye, ghana tjoro ghurugho; karo oyu ghokuyeka mukamadi ghokuthigha katughuru wendi, naye ghana tjoro ghurugho.
Murume ghomutungi naLasarusi
19“Pa karire murume ghomutungi oyu gha vatire yitere yondhiro, no gha karire ghushamberera kehe diyuwa no gha parire thiwana mukukununeka. 20Gha karire po karo murume ghokunyanda, ghodina dyoLasarusi, oyu gha furumanine kuthero thamutungi. Gha yarire noyitombo. 21Ho gha kuruperire eshi n̂anyi ghekute kughufefere ghokuwa kuthidyero thamutungi. Mbwa nadho dheyire na dhi rathe yitombo yendi.
22“Apa gha fire muhepwe yu, ha mu twarire haengeli kughunyonga waAbrahamu kudyango dyofuma. Mutungi naye gha fire no ha mu vumbekire. 23Apa gha karire mukunyanda mwawafu, gha kamburire meho ghendi no gha monine Abrahamu kokayenda naLasarusi paghunyonga wendi no gha kughererire eshi: 24‘Tate Abrahamu, ghu ni fere n̂eke, tume vene Lasarusi gha tuwe munwe wendi mumeyu, no gha tendererithe rudimi rwange, yoyishi kunyanda na kunyanda thikuma mumaretha ghano.’
25“Abrahamu gha mu huthire eshi: ‘Mwanange, vuruke eshi, mumoyo ghoye wa wanine yoyiwa, Lasarusi ne roruhe yoyimango. Oku no ne ghana wana mahengawero ye, owe ne kunyanda. 26Karo eshi pakatji ketu namwe natwe, pa ngangera dingurungoma dishokuru dyokuninga eshi, awa hana haka kuyenda kukwenu kadi wa kukona, nawa hana haka kwiya kukwetu mbadi ha kona kukuma kuno.’ 27Mutungi gha kumberire shime eshi: ‘Na kanderera tate, mu tume ne kudighumbo dyatate. 28Yoyishi na kara nawaminange kwoko, gha ka wa shinge thikuma eshi, ha mbeya kuno kuditunga dyokunyanda.’
29“Abrahamu gha mu huthire eshi: ‘Awo ne ha kara noman̂ando ghaMosesi no ghawaporofeta, ha kona kughategherera.’ 30Ko kuhutha kwendi eshi: ‘Kadi kemo, we tate Abrahamu, ngo gha vumbuke mufu gha yende kukwawo, ngo n̂anyi ha ka kupirure.’ 31Abrahamu gha mu tongwrire eshi: ‘Ngeshi mbadi sha tegherere kwaMosesi nokwawaporofeta, ngo kemo karo sha dhire kutegherera kwamukakuvumbuka.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986