Mateghusi 10
10
Jesusi ghana kutuma hashadikumi nohawadi
(Mark 3:13–19; Luk 6:12–16)
1Jesusi ghethire hakathishongero wendi dikumi nohawadi, no gha wa pire ngcamu dhokushwaghitha mipepo dhodhimango no kehe thikorwa nodihamba dyodiheya.
2Mena ghawapostoli dikumi nohawadi ne ghano: Mukakutanga ne Simoni oyu ha tire karo eshi Petrusi, naminendi Andreyasi; 3Jakobusi mwana Sebedeghusi, naminendi Johannesi; Filipusi naBartolomeghusi, Tomasi naMateghusi ghomuketethi; Jakobusi ghomwana Alfeghusi, naTadeghusi; 4Simoni ghomununeki, naJudas Iskariyoti oyu gha hokorire Jesusi.
Jesusi ghana kurawera hashadikumi nohawadi
(Mark 6:7–13; Luk 9:1–6)
5Jesusi gha tumine hadikumi nohawadi nomarawero ghano:
“Mbadi mwa kona kuhambukera mundhira dhawahayidena, no mbadi mwa kona kwingena mudighumbo dyaWakasamariya. 6Mu yende vene kundjwi dhokuyongara dhodiko dyaIsragheli. 7Mu yende mu ka yuvithe eshi: ‘Ghufumu ghodiwiru ne ghuna kokera.’ 8Mu kerukithe hakakukorwa, mu ka tumune hafu, mu ka kushukithe hakayin̂ondwe no mu ka shwaghithe hashatani. Amwe ne nyara‐nyara muna yi tambura yi, kemo sho mu ka yi tape namwe nyara‐nyara.
9“Mwa pungura mutukomani twenu mangondo no kehe rudhi romanyinga. 10No mwa shimba thikutu mundhira, ngambi mahembe mawadi, ngambi makuha, ngambi mutagha. Yoyishi murughani ne kuparera pathirughana thendi.
11“Ngeshi ku muna kumu kumbara ngambi kudighumbo vene, mu kununge shemwa eshi kwadye sho mu ka ture, no mu kare koko kukwendi, kate mbo ru funguruke karo ruyendo rwenu. 12No ngeshi ku mu nengena mundhugho, mu rumerithe hanu no mu wape thiraro. 13Ngeshi yiwa yikara yawakandhugho dho, thiraro thenu thi kare mundhugho dho. Ene ngeshi mbadi ha kara yikara mwene, thiraro thenu thi huke kukwenu mwathinda. 14No ngeshi mbadi ghana kumutambura ghumweya no kutegherera temba kuman̂ando ghenu, mu shwaghe mundhugho dhendi ngambi mudighumbo dyo, no mu kukumune rukungu rokumapadhi ghenu. 15Shemwa na kumutongwera: Mbo yina kara hasha kuditunga dyaSodoma naGomora mudiyuwa dyondhango, kupiteterera kudighumbo diya.
Rupetho rokughutho
(Mark 13:9–13; Luk 10:3; 21:12–17)
16“Mu dimuke: Kutuma na kumutuma yira ndjwi mukatji komambungu. Yodigho, mu kokawe yira yiyoka no mu ture n̂otho yira makutji. 17Mu koneke kwawanu. Awo mbana mu tapa kundhango no mbo hana mu mwashawera mumasinagoge ghawo. 18No karo mbo hana mu twara kwawaraghuri hohakuru nawafumu muDina dyange. Po mbo wana karuvedhe mwene ko kuninongonona kukwawo no kwawahayidena. 19Ene pakumana kumutapa, mwa kudhekera eshi ngepi no nye sho mu ghambe. Yoyi paghufupi popo ghana kumupa Nyambi eyi sho mu kone kughamba. 20Keho ne kadi yamwe mwa kuyighamba, ene Mupepo waWihenu yo ghana kumughambitha.
21“Mukurwamunu, mbo ghana tapa minamunu kukufa, nawihamunu kwiman̂anyena mwana, nawana kwiman̂anyena hawihawo no kukupagha. 22Amwe ne mbo muna pu kudhimba kwawahe pamurandu ghoDina dyange. Ene yu mbo gha dhidhimeka kate paghuhura, mbo ghana pu kughamwena. 23Ngeshi ku hana kumukutha‐kutha kudighumbo dimweya, mu tjirere kudimweya. Yashemwa na kumutongwera: Mbadi mbo mu manitha maghumbo ghaIsragheli oku mbadi gha neya Mwanamunu.
24“Thihongwana, mbadi tha piterera mukakumuhonga. Namupika naye kemo mbadi gha piterera hekudyendi. 25Thihongwana, gha kare nothiraro ngeshi ku yina kuwaroghera nathihongwa thendi, namupika naye kemo nahekudyendi. Ngeshi ha mu shereritha nduraghumbo nodina dyoShadipinyi, mbadi mbo ha sherera hendi homena ghomayi thikuma ndi?
Yidye sho ha yape
(Luk 12:2–7)
26“Yodigho eyi mbadi mwa kona kuyiyapa kwawanu. Mbadiko thokunda ethi mbo thi dhira kuhokoka, no mbadiko thoghudhindo, ethi mbo ha dhira kudimuka. 27Eyi na kumutongwera mumakokore, mu yi tongore mwe kuthishe. No yokumuhohotera mukutwi, mu yi yaghurure pamituya mumapori. 28Mwa yapa kwamukakupagha yirama, ene mu yape mukakudhira kukona kupagha mudhimu. Ene mu yape thikuma pakutanga mukakushinya yirama nomudhimu no kuyimwaghera mudirara.
29“Mandjunge mawadi ne kadi wa kughaghura nosende yofotji ndi? Ene nodyofotji temba dyokuwera pamuve, oku nomahimeno ghaWihenu po temba. 30Papenu, ngambi huki dhopamutwi dhapwa kutara. 31Mbadi mwa kona kuyapa. Amwe ne mwa piterera mandjunge ghomengi.
Makoghawero ghopakunongonona Kristusi
(Luk 12:8–9)
32“Kehe yu ghokuninongonona kwawanu, name mbo na mu nongonona kwaTate ghomudiwiru. 33Ene yu ghokunihamura kwawanu, name mbo na ka mu hamura kwaTate ghomudiwiru.
Jesusi mbadi gha retire thiraro ene dimende
(Luk 12:51–53; 14:26–27)
34“Mwa ghayara eshi neyire kukureta thiraro pamuve. Mbadi neyire kukureta thiraro ene dimende. 35Ame ne neyire kukupaka mvo pakatji kamwanamunu nawihe, no pakatji kamushengeteya nanyina, no pakatji kangumwenyamunu nangumwenyendi. 36Kemo, murume nawendi wo mbo ha kara hanyathi wendi.
37“Oyu ghokuhaka wihe ngambi nyina kupiterera Me, mbadi gha fumana eshi gha kare wange, oyu ghokuhaka mwanendi ghokatughuru ngambi ghomukamadighana kupiterera Me, mbadi gha fumana eshi gha kare wange. 38Oyu ghokudhira kushimba thikurushe thendi no kunikutha, mbadi gha fumana eshi gha kare wange.
39“Oyu ghokuhaka kukunga moyo wendi, mbo ghuna mu yongara. Noyu ghokuyongaritha moyo wendi pamurandu wange, mbo ghana ghu wana.
Yiruwera
(Mark 9:41)
40“Oyu ghokumutambura mwe, Yame ghana tambura. Noyu ghokunitambura Me, ghana tambura Tate yu gha ni tumine. 41Oyu ghokutambura muporofeta paghuporofeta wendi, mbo ghana wana yiruwera yamuporofeta. Noyu ghokutambura muhunga mughuhunga wendi, mbo ghana wana yiruwera yamuhunga. 42Kemo karo oyu ghokutapa kopi ghomeyu ghomatenda kwayofotji pawanuke wo, yoyishi mukathishongero wange, aye shemwa na kumutongwera eshi, mbo ghana wana ndjambi dhendi. Eyi ne yashemwa na kumutongwera.”
Currently Selected:
Mateghusi 10: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 10
10
Jesusi ghana kutuma hashadikumi nohawadi
(Mark 3:13–19; Luk 6:12–16)
1Jesusi ghethire hakathishongero wendi dikumi nohawadi, no gha wa pire ngcamu dhokushwaghitha mipepo dhodhimango no kehe thikorwa nodihamba dyodiheya.
2Mena ghawapostoli dikumi nohawadi ne ghano: Mukakutanga ne Simoni oyu ha tire karo eshi Petrusi, naminendi Andreyasi; 3Jakobusi mwana Sebedeghusi, naminendi Johannesi; Filipusi naBartolomeghusi, Tomasi naMateghusi ghomuketethi; Jakobusi ghomwana Alfeghusi, naTadeghusi; 4Simoni ghomununeki, naJudas Iskariyoti oyu gha hokorire Jesusi.
Jesusi ghana kurawera hashadikumi nohawadi
(Mark 6:7–13; Luk 9:1–6)
5Jesusi gha tumine hadikumi nohawadi nomarawero ghano:
“Mbadi mwa kona kuhambukera mundhira dhawahayidena, no mbadi mwa kona kwingena mudighumbo dyaWakasamariya. 6Mu yende vene kundjwi dhokuyongara dhodiko dyaIsragheli. 7Mu yende mu ka yuvithe eshi: ‘Ghufumu ghodiwiru ne ghuna kokera.’ 8Mu kerukithe hakakukorwa, mu ka tumune hafu, mu ka kushukithe hakayin̂ondwe no mu ka shwaghithe hashatani. Amwe ne nyara‐nyara muna yi tambura yi, kemo sho mu ka yi tape namwe nyara‐nyara.
9“Mwa pungura mutukomani twenu mangondo no kehe rudhi romanyinga. 10No mwa shimba thikutu mundhira, ngambi mahembe mawadi, ngambi makuha, ngambi mutagha. Yoyishi murughani ne kuparera pathirughana thendi.
11“Ngeshi ku muna kumu kumbara ngambi kudighumbo vene, mu kununge shemwa eshi kwadye sho mu ka ture, no mu kare koko kukwendi, kate mbo ru funguruke karo ruyendo rwenu. 12No ngeshi ku mu nengena mundhugho, mu rumerithe hanu no mu wape thiraro. 13Ngeshi yiwa yikara yawakandhugho dho, thiraro thenu thi kare mundhugho dho. Ene ngeshi mbadi ha kara yikara mwene, thiraro thenu thi huke kukwenu mwathinda. 14No ngeshi mbadi ghana kumutambura ghumweya no kutegherera temba kuman̂ando ghenu, mu shwaghe mundhugho dhendi ngambi mudighumbo dyo, no mu kukumune rukungu rokumapadhi ghenu. 15Shemwa na kumutongwera: Mbo yina kara hasha kuditunga dyaSodoma naGomora mudiyuwa dyondhango, kupiteterera kudighumbo diya.
Rupetho rokughutho
(Mark 13:9–13; Luk 10:3; 21:12–17)
16“Mu dimuke: Kutuma na kumutuma yira ndjwi mukatji komambungu. Yodigho, mu kokawe yira yiyoka no mu ture n̂otho yira makutji. 17Mu koneke kwawanu. Awo mbana mu tapa kundhango no mbo hana mu mwashawera mumasinagoge ghawo. 18No karo mbo hana mu twara kwawaraghuri hohakuru nawafumu muDina dyange. Po mbo wana karuvedhe mwene ko kuninongonona kukwawo no kwawahayidena. 19Ene pakumana kumutapa, mwa kudhekera eshi ngepi no nye sho mu ghambe. Yoyi paghufupi popo ghana kumupa Nyambi eyi sho mu kone kughamba. 20Keho ne kadi yamwe mwa kuyighamba, ene Mupepo waWihenu yo ghana kumughambitha.
21“Mukurwamunu, mbo ghana tapa minamunu kukufa, nawihamunu kwiman̂anyena mwana, nawana kwiman̂anyena hawihawo no kukupagha. 22Amwe ne mbo muna pu kudhimba kwawahe pamurandu ghoDina dyange. Ene yu mbo gha dhidhimeka kate paghuhura, mbo ghana pu kughamwena. 23Ngeshi ku hana kumukutha‐kutha kudighumbo dimweya, mu tjirere kudimweya. Yashemwa na kumutongwera: Mbadi mbo mu manitha maghumbo ghaIsragheli oku mbadi gha neya Mwanamunu.
24“Thihongwana, mbadi tha piterera mukakumuhonga. Namupika naye kemo mbadi gha piterera hekudyendi. 25Thihongwana, gha kare nothiraro ngeshi ku yina kuwaroghera nathihongwa thendi, namupika naye kemo nahekudyendi. Ngeshi ha mu shereritha nduraghumbo nodina dyoShadipinyi, mbadi mbo ha sherera hendi homena ghomayi thikuma ndi?
Yidye sho ha yape
(Luk 12:2–7)
26“Yodigho eyi mbadi mwa kona kuyiyapa kwawanu. Mbadiko thokunda ethi mbo thi dhira kuhokoka, no mbadiko thoghudhindo, ethi mbo ha dhira kudimuka. 27Eyi na kumutongwera mumakokore, mu yi tongore mwe kuthishe. No yokumuhohotera mukutwi, mu yi yaghurure pamituya mumapori. 28Mwa yapa kwamukakupagha yirama, ene mu yape mukakudhira kukona kupagha mudhimu. Ene mu yape thikuma pakutanga mukakushinya yirama nomudhimu no kuyimwaghera mudirara.
29“Mandjunge mawadi ne kadi wa kughaghura nosende yofotji ndi? Ene nodyofotji temba dyokuwera pamuve, oku nomahimeno ghaWihenu po temba. 30Papenu, ngambi huki dhopamutwi dhapwa kutara. 31Mbadi mwa kona kuyapa. Amwe ne mwa piterera mandjunge ghomengi.
Makoghawero ghopakunongonona Kristusi
(Luk 12:8–9)
32“Kehe yu ghokuninongonona kwawanu, name mbo na mu nongonona kwaTate ghomudiwiru. 33Ene yu ghokunihamura kwawanu, name mbo na ka mu hamura kwaTate ghomudiwiru.
Jesusi mbadi gha retire thiraro ene dimende
(Luk 12:51–53; 14:26–27)
34“Mwa ghayara eshi neyire kukureta thiraro pamuve. Mbadi neyire kukureta thiraro ene dimende. 35Ame ne neyire kukupaka mvo pakatji kamwanamunu nawihe, no pakatji kamushengeteya nanyina, no pakatji kangumwenyamunu nangumwenyendi. 36Kemo, murume nawendi wo mbo ha kara hanyathi wendi.
37“Oyu ghokuhaka wihe ngambi nyina kupiterera Me, mbadi gha fumana eshi gha kare wange, oyu ghokuhaka mwanendi ghokatughuru ngambi ghomukamadighana kupiterera Me, mbadi gha fumana eshi gha kare wange. 38Oyu ghokudhira kushimba thikurushe thendi no kunikutha, mbadi gha fumana eshi gha kare wange.
39“Oyu ghokuhaka kukunga moyo wendi, mbo ghuna mu yongara. Noyu ghokuyongaritha moyo wendi pamurandu wange, mbo ghana ghu wana.
Yiruwera
(Mark 9:41)
40“Oyu ghokumutambura mwe, Yame ghana tambura. Noyu ghokunitambura Me, ghana tambura Tate yu gha ni tumine. 41Oyu ghokutambura muporofeta paghuporofeta wendi, mbo ghana wana yiruwera yamuporofeta. Noyu ghokutambura muhunga mughuhunga wendi, mbo ghana wana yiruwera yamuhunga. 42Kemo karo oyu ghokutapa kopi ghomeyu ghomatenda kwayofotji pawanuke wo, yoyishi mukathishongero wange, aye shemwa na kumutongwera eshi, mbo ghana wana ndjambi dhendi. Eyi ne yashemwa na kumutongwera.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986