Mateghusi 14
14
Yifa yaJohannesi ghoMukadiyoghero
(Mark 6:14–29; Luk 9:7–9)
1Munako dhi, gha yuvire Herodesi ghomuraghuri yithimwetwedha yokwaJesusi, 2no gha tongwerire hakamarombe wendi eshi: “Ene yu ne Johannesi ghoMukadiyoghero! Hana mu tumuna mwawafu, yo dhina kurughanena ngcamu mumwendi!”
3Pakutanga Herodesi, gha kwatire Johannesi ha mu ghanga no gha mu twarire mudorongo, pamurandu ghokumuhongahura Herodiyasi, ghomuna minendi Filipusi. 4Yoyishi Johannesi gha mu tongwerire rwingi eshi: “Mbadi gha kona kukara mukamadi ghoye.” 5Po gha shanenine kumupagha, ene gha yapire kwawanu, yoyishi ha mu monine yira muporofeta.
6Mudiyuwa dyodifeste dyomushamurukero waHerodesi, ko kukina mwana Herodiyasi kughutho wawagenda. Herodesi ya mu rogherire, 7no gha tendire medhero ghomakuru eshi, ghana kumupa thothiheya thi sho gha mu kumbere. 8Nyina ku ghana mana kumutongwera, no gha kumberire eshi: “Ni pakere mukaronga kano mutwi waJohannesi ghoMukadiyoghero.”
9Payinu yi gha tokotire thikuma fumu. Ene yoyishi gha tendire medhero kughutho wawagenda, ho gha raghurire eshi yi rikanye kumayerekero ghamukamadighana. 10Ko kutuma kwendi ghumweya gha ka tete mutwi waJohannesi mudorongo. 11Ko ka reta kwawo mutwi wendi mukaronga no ha ghu tapire kwamukamadighana, oyu gha ghu twarire kwanyina. 12Hakathishongero wendi hana shimbire mwimba wendi no ha ghu vumbekire, no ha ka yi thimwetwedhire kwaJesusi.
Mavurithero ghokutanga ghomaghuroto
(Mark 6:30–44; Luk 9:10–17; Joh 6:1–14)
13Apa gha yi yuvire Jesusi, ko kutunda po kwendi nowato gha ka kare kudyango dyothipore pithendi. Hanu ha yi yuvire no ha shwaghire mumaghumbo ha mu kuthe. 14Pakukanduka muwato ha mono kwendi mbunga dhodhikuru dhawanu. Ko kuwafera n̂eke thikuma no gherukithire hakakukorwa mukatji kawo.
15Pakutjatjamena diyuwa, heyire hakathishongero kukwendi ha mu tongwere eshi: “Dyango dino ne dyamamboreya, karo dina tokera. Tume hanu ha huke ha kone kughura yidya kumaghumbo.”
16Ene Jesusi gha wa tongwerire eshi: “Mbadi yi sho ha yendere. Mu wape yamwe ethi sho ha dye.”
17Awo ha ningire kukwendi eshi: “Atwe ne nomaghuroto kwoko tu di nothi dhiwadi keho.”
18Jesusi ghaningire eshi: “Mu yi rete kuno.” 19Ko kurawera kwendi mbunga dhi hungumane pamwengerere dhi dye. Ha tumbura kwendi maghuroto kwoko nothi dhiwadi, ko kudighamena kwendi kuwiru no kuyikandadheka. Munyima gha yondorire ghuroto no gha ghu pire hakathishongero wendi, nawo ha ghu taperire hanu. 20Hanu wahe ha dire no ha rikanyine. Ko kukongwedha kwawo yigonyo‐gonyo yomaghuroto yi ya thigharire ko muyikote dikumi noyiwadi. 21Pa karire yira mayovi kwoko gha watutughuru wa ha dire, kupandha ko hakamadi nawanuke wa dhire kutara ko.
Jesusi ghana kuyenda padikuruviya
(Mark 6:45–52; Joh 6:15–21)
22Munyima popo ko kuninga hakathishongero wendi ha perame muwato, ha mu tjinaghanithe kuthambodiya, oku ye pakuragha hanu ha huke kumaghumbo. 23Apa gha manine kutuma hanu, ko kudhina kudirundu pithendi gha ka rapere. Parunguro pithendi gha karire ko.
24Apa wa kokerire wato makilometeri ghomapu pepi nodiya, ko kughutjimbaghura mangumbi, yoyishi dipepo dya karire ko. 25Murughura mudiyuwa dyokuranda ko, ko kwiya kwawakathishongero wendi ghuyenda pameyu. 26Pakumumona hakathishongero wendi ku ghana kuyenda padikuruviya, ko kuyapa kwawo thikuma ghuninga eshi: “Thirumba thi!” Pawoma, ha tangire kukugherera.
27Ene Jesusi gha ghambire nawo wangu no gha ningire eshi: “Mu tjimape, Yame no. Mwa yapa.”
28Ko kuninga Petrusi kukwendi eshi: “Fumu, ngeshi ngo Yowe shemwa, ni rawere ni yende pameyu niye kukoye.”
29Jesusi gha ningire eshi: “Wiye!” Petrusi gha kandukire muwato no gha yendire pameyu kate kuhenya pepi naJesusi. 30Ene apa gha monine ngcamu dhodipepo, ko kuyapa kwendi no gha tangire kudhama no gha kughererire eshi: “Fumu, ni ghamwene!”
31Jesusi gha mu kwatire padyoko wangu no gha mu kokire ghu‐mutongwera eshi: “Ghomukamataweroghana we, eyi ghuna kutangera kutamangera ne nye?”
32Ko kuperama kwawo muwato, nomupepo wa turire. 33Harume wa ha karire muwato, ha tongamenine kughutho wendi no ha ningire eshi: “Owe ne shemwa ghoMwana Nyambi.”
Jesusi ghana kwirukitha hanu muthiko thaGenesareti
(Mark 6:53–56)
34Ko kutjinaghana kwawo ha ka thekere kuGenesareti. 35Apa ha mu dimukire hakadyango di eshi yidye, ko kutuma kwawo hakamushongwe mumukunda ghoghuheya, nawanu ha mu reterire waheya wa ha karire noyikorwa. 36Ha mu kumberire eshi hakakukorwa ne ngambi ha kundame kumukungo ghoyivata yendi. Nowahe wa ha yi tendire ne herukire.
Currently Selected:
Mateghusi 14: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 14
14
Yifa yaJohannesi ghoMukadiyoghero
(Mark 6:14–29; Luk 9:7–9)
1Munako dhi, gha yuvire Herodesi ghomuraghuri yithimwetwedha yokwaJesusi, 2no gha tongwerire hakamarombe wendi eshi: “Ene yu ne Johannesi ghoMukadiyoghero! Hana mu tumuna mwawafu, yo dhina kurughanena ngcamu mumwendi!”
3Pakutanga Herodesi, gha kwatire Johannesi ha mu ghanga no gha mu twarire mudorongo, pamurandu ghokumuhongahura Herodiyasi, ghomuna minendi Filipusi. 4Yoyishi Johannesi gha mu tongwerire rwingi eshi: “Mbadi gha kona kukara mukamadi ghoye.” 5Po gha shanenine kumupagha, ene gha yapire kwawanu, yoyishi ha mu monine yira muporofeta.
6Mudiyuwa dyodifeste dyomushamurukero waHerodesi, ko kukina mwana Herodiyasi kughutho wawagenda. Herodesi ya mu rogherire, 7no gha tendire medhero ghomakuru eshi, ghana kumupa thothiheya thi sho gha mu kumbere. 8Nyina ku ghana mana kumutongwera, no gha kumberire eshi: “Ni pakere mukaronga kano mutwi waJohannesi ghoMukadiyoghero.”
9Payinu yi gha tokotire thikuma fumu. Ene yoyishi gha tendire medhero kughutho wawagenda, ho gha raghurire eshi yi rikanye kumayerekero ghamukamadighana. 10Ko kutuma kwendi ghumweya gha ka tete mutwi waJohannesi mudorongo. 11Ko ka reta kwawo mutwi wendi mukaronga no ha ghu tapire kwamukamadighana, oyu gha ghu twarire kwanyina. 12Hakathishongero wendi hana shimbire mwimba wendi no ha ghu vumbekire, no ha ka yi thimwetwedhire kwaJesusi.
Mavurithero ghokutanga ghomaghuroto
(Mark 6:30–44; Luk 9:10–17; Joh 6:1–14)
13Apa gha yi yuvire Jesusi, ko kutunda po kwendi nowato gha ka kare kudyango dyothipore pithendi. Hanu ha yi yuvire no ha shwaghire mumaghumbo ha mu kuthe. 14Pakukanduka muwato ha mono kwendi mbunga dhodhikuru dhawanu. Ko kuwafera n̂eke thikuma no gherukithire hakakukorwa mukatji kawo.
15Pakutjatjamena diyuwa, heyire hakathishongero kukwendi ha mu tongwere eshi: “Dyango dino ne dyamamboreya, karo dina tokera. Tume hanu ha huke ha kone kughura yidya kumaghumbo.”
16Ene Jesusi gha wa tongwerire eshi: “Mbadi yi sho ha yendere. Mu wape yamwe ethi sho ha dye.”
17Awo ha ningire kukwendi eshi: “Atwe ne nomaghuroto kwoko tu di nothi dhiwadi keho.”
18Jesusi ghaningire eshi: “Mu yi rete kuno.” 19Ko kurawera kwendi mbunga dhi hungumane pamwengerere dhi dye. Ha tumbura kwendi maghuroto kwoko nothi dhiwadi, ko kudighamena kwendi kuwiru no kuyikandadheka. Munyima gha yondorire ghuroto no gha ghu pire hakathishongero wendi, nawo ha ghu taperire hanu. 20Hanu wahe ha dire no ha rikanyine. Ko kukongwedha kwawo yigonyo‐gonyo yomaghuroto yi ya thigharire ko muyikote dikumi noyiwadi. 21Pa karire yira mayovi kwoko gha watutughuru wa ha dire, kupandha ko hakamadi nawanuke wa dhire kutara ko.
Jesusi ghana kuyenda padikuruviya
(Mark 6:45–52; Joh 6:15–21)
22Munyima popo ko kuninga hakathishongero wendi ha perame muwato, ha mu tjinaghanithe kuthambodiya, oku ye pakuragha hanu ha huke kumaghumbo. 23Apa gha manine kutuma hanu, ko kudhina kudirundu pithendi gha ka rapere. Parunguro pithendi gha karire ko.
24Apa wa kokerire wato makilometeri ghomapu pepi nodiya, ko kughutjimbaghura mangumbi, yoyishi dipepo dya karire ko. 25Murughura mudiyuwa dyokuranda ko, ko kwiya kwawakathishongero wendi ghuyenda pameyu. 26Pakumumona hakathishongero wendi ku ghana kuyenda padikuruviya, ko kuyapa kwawo thikuma ghuninga eshi: “Thirumba thi!” Pawoma, ha tangire kukugherera.
27Ene Jesusi gha ghambire nawo wangu no gha ningire eshi: “Mu tjimape, Yame no. Mwa yapa.”
28Ko kuninga Petrusi kukwendi eshi: “Fumu, ngeshi ngo Yowe shemwa, ni rawere ni yende pameyu niye kukoye.”
29Jesusi gha ningire eshi: “Wiye!” Petrusi gha kandukire muwato no gha yendire pameyu kate kuhenya pepi naJesusi. 30Ene apa gha monine ngcamu dhodipepo, ko kuyapa kwendi no gha tangire kudhama no gha kughererire eshi: “Fumu, ni ghamwene!”
31Jesusi gha mu kwatire padyoko wangu no gha mu kokire ghu‐mutongwera eshi: “Ghomukamataweroghana we, eyi ghuna kutangera kutamangera ne nye?”
32Ko kuperama kwawo muwato, nomupepo wa turire. 33Harume wa ha karire muwato, ha tongamenine kughutho wendi no ha ningire eshi: “Owe ne shemwa ghoMwana Nyambi.”
Jesusi ghana kwirukitha hanu muthiko thaGenesareti
(Mark 6:53–56)
34Ko kutjinaghana kwawo ha ka thekere kuGenesareti. 35Apa ha mu dimukire hakadyango di eshi yidye, ko kutuma kwawo hakamushongwe mumukunda ghoghuheya, nawanu ha mu reterire waheya wa ha karire noyikorwa. 36Ha mu kumberire eshi hakakukorwa ne ngambi ha kundame kumukungo ghoyivata yendi. Nowahe wa ha yi tendire ne herukire.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986