Mateghusi 17
17
Mathitunukero ghopadirundu
(Mark 9:2–8; Luk 9:28–36)
1Munyima dhomayuwa kwoko nodyofotji, gha shimbire Jesusi haPetrusi naJakobusi naminendi Johannesi kudirundu dyodire, no ha ka karireko pithawo. 2Ko gha ka thitunukerire kuthitunumeho thawo. Rupara rwendi rwa rwedhimine yira diyuwa. No yivata yendi, ya kenaghanine yira thishe. 3Kapupi ko kuhokoka kukwawo Mosesi naEliya no ha ghambaghurire naJesusi.
4Petrusi ha ningi kwaJesusi eshi: “Fumu, kuwa kuno tudi. Ngeshi ghuna haka, ho ni tende kuno yishashara yihatu: Thofotji ne thoye, thofotji thaMosesi nothofotji thaEliya.”
5Oku shime gha karera mukughamba, ko kuwangambwera dyumbudye dyodivuyi dyokutwendhima. Diywi ha di shwagha mudivuyi eshi: “Oyu ne yoMwanange ghomuhakwa, yo na menyamenyena. Mu tegherere kukwendi.”
6Pakuyiyuva hakathishongero wendi, ha yapire thikuma kate kuwa pamuve. 7Ene Jesusi gha henyine kukwawo gha wa nyunge eshi: “Mwimane, mwa yapa.”
8Eyi hana kukapuka, mbadi hana kumona po karo ghumweya, shimengwa Jesusi pithendi.
Mwiyero waEliya
(Mark 9:9–13)
9Pakushuruka kudirundu, ha wa shingi Jesusi eshi: “Eyi muna mono mbadi ya kutongora kwaghumweya, kughutho ghokuvumbuka Mwanamunu mwawafu.”
10Hakathishongero ha mwipura eshi: “Nye hana kughambera hakamarukwaro eshi, Eliya yo mbo gha tanga kwiya?”
11Ha wa hutha eshi: “Ghuhunga, Eliya ne mbo gha neya kukuroghitha karo yoyiheya. 12Ene na kumutongwera eshi, Eliya ne kare gheya ne mbadi ha mu dimukire, no ha tendire nendi thika di ha hima. Kemo dyo mbo ha mu petha naye Mwanamunu.”
13Munyima ko kutjwathana hakathishongero eshi yaJohannesi ghoMukadiyoghero ghana kughamba nawo.
Jesusi ghana kwirukitha mungaghu
(Mark 9:14–29; Luk 9:37–43)
14Apa ha kumine kwawanu, heya murume gha tongamene kughutho wendi 15ghuninga eshi: “Fumu, ngo mu fere n̂eke mwanange, yoyishi ghapwa kughanga kumupepo ghoghumango. Ghana weranga rwingi mumudiro no mumeyu. 16Na mu retire kwawakathishongero woye, ene mbadi ha konine kumwirukitha.”
17Jesusi gha ningire eshi: “Mwadiko hokupira matawero no mwayipeghuhi. Rure rokukuma kupi sho ni kare nenu shime? No rure rokukuma kupi sho ni mu tjimape mwe? Mumu rete kuno kukwange.”
18Munyima Jesusi ko kumutughumukera shatani nongcamu, nashatani gha shwaghire mwamungawana yu. Kapupi podigho popo, heruka vene mungawana.
19Ko kwiya hakathishongero pithawo kwaJesusi ha mwipure eshi: “Nye gha tu kangerire kumushwaghitha mo twe?”
20Aye ha wa tongwera eshi: “Yoyishi mambiru matawero ghenu. Shemwa na kumutongwera: Ngo mwa kara nomatawero ghomakuru yira dimbuto dyoghutata, ngo mu ninge kudirundu di eshi: ‘Yende ghu kemane thamboditja,’ nadyo ngo di yende. Mbadiko thokumukanga mwe. 21Ene yinu yorudhi runo, yina kuyenda vene pamandapero no kudhirera.”
Jesusi ghana kuyuvitha paruwadi yifa yendi no muvumbukero
(Mark 9:30–32; Luk 9:43–45)
22Apa ha karire hakathishongero karo pofotji muGalileya, ha wa tongwera Jesusi eshi: “Mwanamunu hana kumutapa mumoko ghawanu. 23Awo mbana mu pagha no mudiyuwa dyoghuhatu mbo ghana vumbuka mwawafu.”
Payinu yi po ha tokoterire thikuma.
Diketo dyotembeli
24Pakukuma kwawo muKafarnaghumu, ko kuyenda haketethi hodiketo dyotembeli kwaPetrusi no ha ningire eshi: “Ngepi Muhongi wenu, mbadi wa kuketa diketo dyotembeli ndi?”
25Aye ha mu hutha eshi: “Kemo ghuhunga.”
Apa ghengenine mundhugho ka mu wana Jesusi nomepwero eshi: “Simoni, ngepi di ghuna kughayara we: Kwadye ha tumburanga hafumu hopamuve paro dhon̂ambi ngambi diketo? Kwawana wo ndi, endi kwawanu hawonawo?”
26Ko kuhutha Petrusi eshi: “Kwawanumaghana.”
Jesusi gha tongorire eshi: “Ngeshi kemo ne hanawo ne horo vene. 27Ene twa wa thunda shime hanu wa. Yende kudikuruviya ho ghu ka kondhere mo dirovo dyoye, thi yu sho gha ka tange kukwata ko, ka mu koke. Ngeshi ghu ka yahure kanwa kendi ghuna ka wana mo dinyinga. Ka di tumbure, ho ka wa ruwere diketo dyange no dyoye.”
Currently Selected:
Mateghusi 17: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Mateghusi 17
17
Mathitunukero ghopadirundu
(Mark 9:2–8; Luk 9:28–36)
1Munyima dhomayuwa kwoko nodyofotji, gha shimbire Jesusi haPetrusi naJakobusi naminendi Johannesi kudirundu dyodire, no ha ka karireko pithawo. 2Ko gha ka thitunukerire kuthitunumeho thawo. Rupara rwendi rwa rwedhimine yira diyuwa. No yivata yendi, ya kenaghanine yira thishe. 3Kapupi ko kuhokoka kukwawo Mosesi naEliya no ha ghambaghurire naJesusi.
4Petrusi ha ningi kwaJesusi eshi: “Fumu, kuwa kuno tudi. Ngeshi ghuna haka, ho ni tende kuno yishashara yihatu: Thofotji ne thoye, thofotji thaMosesi nothofotji thaEliya.”
5Oku shime gha karera mukughamba, ko kuwangambwera dyumbudye dyodivuyi dyokutwendhima. Diywi ha di shwagha mudivuyi eshi: “Oyu ne yoMwanange ghomuhakwa, yo na menyamenyena. Mu tegherere kukwendi.”
6Pakuyiyuva hakathishongero wendi, ha yapire thikuma kate kuwa pamuve. 7Ene Jesusi gha henyine kukwawo gha wa nyunge eshi: “Mwimane, mwa yapa.”
8Eyi hana kukapuka, mbadi hana kumona po karo ghumweya, shimengwa Jesusi pithendi.
Mwiyero waEliya
(Mark 9:9–13)
9Pakushuruka kudirundu, ha wa shingi Jesusi eshi: “Eyi muna mono mbadi ya kutongora kwaghumweya, kughutho ghokuvumbuka Mwanamunu mwawafu.”
10Hakathishongero ha mwipura eshi: “Nye hana kughambera hakamarukwaro eshi, Eliya yo mbo gha tanga kwiya?”
11Ha wa hutha eshi: “Ghuhunga, Eliya ne mbo gha neya kukuroghitha karo yoyiheya. 12Ene na kumutongwera eshi, Eliya ne kare gheya ne mbadi ha mu dimukire, no ha tendire nendi thika di ha hima. Kemo dyo mbo ha mu petha naye Mwanamunu.”
13Munyima ko kutjwathana hakathishongero eshi yaJohannesi ghoMukadiyoghero ghana kughamba nawo.
Jesusi ghana kwirukitha mungaghu
(Mark 9:14–29; Luk 9:37–43)
14Apa ha kumine kwawanu, heya murume gha tongamene kughutho wendi 15ghuninga eshi: “Fumu, ngo mu fere n̂eke mwanange, yoyishi ghapwa kughanga kumupepo ghoghumango. Ghana weranga rwingi mumudiro no mumeyu. 16Na mu retire kwawakathishongero woye, ene mbadi ha konine kumwirukitha.”
17Jesusi gha ningire eshi: “Mwadiko hokupira matawero no mwayipeghuhi. Rure rokukuma kupi sho ni kare nenu shime? No rure rokukuma kupi sho ni mu tjimape mwe? Mumu rete kuno kukwange.”
18Munyima Jesusi ko kumutughumukera shatani nongcamu, nashatani gha shwaghire mwamungawana yu. Kapupi podigho popo, heruka vene mungawana.
19Ko kwiya hakathishongero pithawo kwaJesusi ha mwipure eshi: “Nye gha tu kangerire kumushwaghitha mo twe?”
20Aye ha wa tongwera eshi: “Yoyishi mambiru matawero ghenu. Shemwa na kumutongwera: Ngo mwa kara nomatawero ghomakuru yira dimbuto dyoghutata, ngo mu ninge kudirundu di eshi: ‘Yende ghu kemane thamboditja,’ nadyo ngo di yende. Mbadiko thokumukanga mwe. 21Ene yinu yorudhi runo, yina kuyenda vene pamandapero no kudhirera.”
Jesusi ghana kuyuvitha paruwadi yifa yendi no muvumbukero
(Mark 9:30–32; Luk 9:43–45)
22Apa ha karire hakathishongero karo pofotji muGalileya, ha wa tongwera Jesusi eshi: “Mwanamunu hana kumutapa mumoko ghawanu. 23Awo mbana mu pagha no mudiyuwa dyoghuhatu mbo ghana vumbuka mwawafu.”
Payinu yi po ha tokoterire thikuma.
Diketo dyotembeli
24Pakukuma kwawo muKafarnaghumu, ko kuyenda haketethi hodiketo dyotembeli kwaPetrusi no ha ningire eshi: “Ngepi Muhongi wenu, mbadi wa kuketa diketo dyotembeli ndi?”
25Aye ha mu hutha eshi: “Kemo ghuhunga.”
Apa ghengenine mundhugho ka mu wana Jesusi nomepwero eshi: “Simoni, ngepi di ghuna kughayara we: Kwadye ha tumburanga hafumu hopamuve paro dhon̂ambi ngambi diketo? Kwawana wo ndi, endi kwawanu hawonawo?”
26Ko kuhutha Petrusi eshi: “Kwawanumaghana.”
Jesusi gha tongorire eshi: “Ngeshi kemo ne hanawo ne horo vene. 27Ene twa wa thunda shime hanu wa. Yende kudikuruviya ho ghu ka kondhere mo dirovo dyoye, thi yu sho gha ka tange kukwata ko, ka mu koke. Ngeshi ghu ka yahure kanwa kendi ghuna ka wana mo dinyinga. Ka di tumbure, ho ka wa ruwere diketo dyange no dyoye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986