Markusi 1
1
Mbudhi dhokupongoka dhaMarkusi yiyaghura yaJohannesi ghoMukadiyoghero
(Mat 3:1–12; Luk 3:1–18; Joh 1:19–28)
1Matangero ghombudhi dhaJesus Kristusi ghoMwana Nyambi. 2Thikakenge di ya pwire kutjanga kwawaporofeta eshi:
“Mone, na kutuma mukamushongwe ghombudhi
dhange kughutho ghorupara roye,
oyu mbo gha kuroghithera ndhira dhoye.
3Mumamboreya dina kwitha diywi eshi:
‘Mu roghithe ndhira dhaFumu,
no mu ghorore mayira ghendi.’ ”
4Johannesi gheryire no gha tangire kuhonga hanu mumamboreya eshi: “Mu piruke no mu wane diyoghero. Kemo sho gha mu thigherere Nyambi mahawero ghenu.” 5Ko kukuputa ditunga dyodihe dyaWayuda nawakaJerusalema ha yende kukwendi. No wahe gha wa yoghire murware rwaJordani, oku hana kwera maharero ghawo.
6Johannesi gha vatire thikumba thongameno, no gha kughangire ngwama mumbunda dhendi. Yidya yendi ne dimba nowiki ghomuka. 7Ko kuyaghura kwendi eshi: “Munyima dhange mbo gha neya mukangcamu ghokupiterera me. Name temba mbadi na fumana eshi ni fumbere no ni shuture tukanda tomakuha ghendi. 8Ame na mu yoghire nomeyu, aye ne mbo ghana mu yogho naMupepo ghoKupongoka.”
Diyoghero nomayerekero ghaJesusi
(Mat 3:13—4:11; Luk 3:21–22; 4:1–13; Joh 1:29–34)
9Mumayuwa gha, gha tundire Jesusi muNasareti, ghomumukunda waGalileya. No gha pwire kuyogha kwaJohannesi muJordani. 10Apa gha kandukire mumeyu, gha monine eshi diwiru dina yandhuruka. NaMupepo ghoKupongoka gha temberire papendi muthishwi thodikutji. 11Ko kushwagha diywi mudiwiru eshi: “Yowe Mwanange ghomuhakwa oyu na menyamenyena.”
12Popo vene ko kumutwara Mupepo ghoKupongoka mumamboreya. 13Ko gha ka karire mayuwa makumi mane. No Shatani gha mu yerekire. Gha karire noyiyama nohaengeli ha mu karerire.
Matorwero ghawakathishongero hokutanga
(Mat 4:12–22; Luk 4:14–15; 5:1–11)
14Apa gha pwire kukwata Johannesi, ko kuyenda Jesusi kuGalileya, gha ka yuvithe mbudhi dhoghufumu waNyambi. 15Eshi: “Nako ne dhina rikanya, no ghufumu wa Nyambi ghuna kokera. Mu piruke no mu tawe kumbudhi dhodhiwa.”
16Oku shime nga karera mukuyenda kumbadi dhodikuruviya dyaGalileya, ko kumona kwendi Simoni naminendi Andreyasi, awo ne pakutegha dikwe dyawo. Yoyishi awo ne harupaghathi. 17Ha ningi Jesusi kukwawo eshi: “Mwiye mu ni kuthe, mbo na mu tendi mwarutegha hanu.” 18Wangu popo ko kuthigha makwe ghawo, ha mu kuthe.
19Oku shime ha yendi kughutho, gha monine Jakobusi ghomwana Sebedeghusi naminendi Johannesi, oku hana kuroghitha makwe ghawo muwato. 20Ha wetha kwendi, awo ne ha thighire wihawo Sebedeghusi nawarukwatithi wendi muwato, no ha mu kuthire.
Merukitho ghamukamandengure ghomuKafarnaghumu
(Luk 4:31–37)
21Ko ka kuma kwawo muKafarnaghumu. No mudiyuwa dyoSabata ghengenine Jesusi musinagoge no gha tangire kuhonga. 22Wahe ha tetukire kuyihonga yendi, yoyi gha hongire yira mukadikuto. Kadi yira hakamarukwaro.
23Musinagoge wawo, mwa karire mukamandengure ghokuyara mupepo ghoghumango, oyu gharumukire eshi: 24“Porere keho! Nye sho tu tende noye twe ghoJesusi ghomukaNasareti? Kukutushinya ghu neya ndi? Na kudimuka eshi, Yowe dye. Ghomupongoki waNyambi we!”
25Jesusi gha mu rawerire eshi: “Porere ko, no ghu shwaghe mumwendi!”
26No mupepo ghoghumango, wa mu kashithire apa wa shwaghire mumwendi ghukugherera. 27No wahe ha tetukire kate kukwipudhura eshi: “Yinye yi? Yihonga munye yoyipya yi? Oyu naye gha kona kurawera kumipepo dhodhimango, eshi nadho dhi mu yuve.”
28No mbudhi dhi dha pupanine muGalileya yomuhe.
Merukitho ghangumwenya Petrusi nawakakukorwa hamweya
(Mat 4:23; 8:14–17; Luk 4:38–44)
29Apa ha shwaghire musinagoge, ko kuyenda kwawo naJakobusi na Johannesi mundhugho dhaSimoni naAndreyasi. 30Ngumwenya Simoni, yirama gha korwire. Ko kuyimuyuvitha naye Jesusi. 31Ha yendi kukwendi, no gha mu kwatire munyara, gha mu pinduthe. No yikorwa ya mu tundire popo. Mbuyama yu ko kuwayarekera kwendi.
32Pakutokera diyuwa, ko kumuretera kwawo hakakukorwa wahe, nawa ha karire nomipepo dhodhimango. 33No dighumbo dyodihe dya kukongwedhire kuthero. 34Nawahe wa ha karire noyikorwa yayo nayo, ha pwire kwirukitha, no gha shwaghithire hashatani hohengi. Hashatani mbadi ha konine kughamba, yoyi ha mu dimukire.
35Murughura, oku shime no kuva temba diyuwa, ko kupinduka, gha yende kudyango dyopithendi, gha ka rapere. 36Simoni nawa ha karire nendi, ha mu kuthire. 37Apa ha ka mu wanine, ha mu tongwerire eshi: “Kushana hana kukushana waheya.”
38Ko kuwahutha kwendi eshi: “Tu yende kumaparaghumbo ghamweya, na ko ni ka yaghure ko. Eyi ne yo neyera.”
39Aye gha yendire Galileya yomuhe ghuyaghura mumasinagoge ghawo, noghushwaghitha hashatani mwawanu.
Merukitho ghamukayin̂ondwe
(Mat 8:1–4; Luk 5:12–16)
40Mudiyuwa dimweya, gheyire mukayin̂ondwe kwaJesusi. Ko kutongamena kughutho wendi ghukumbera eshi: “Hekudyange, ngo ghu hime, ngo ghu nirukithe.”
41Jesusi ne gha mu fererire n̂eke, ha yeyura dyoko dyendi no gha mu kambekire ghuninga eshi: “Na himi eshi wiruke.” 42Apa gha manine kumutongwera kemo, ko kwiruka kwendi popo. 43Munyima dhokumukoghaghura, gha mu tumine eshi: “Ka yende.” 44Ko kumuragha kwendi eshi: “Perere poye! Wa yi tongora yi kwamunu ghumweya. Ne ghu yende ghu ka kuneghe kwamupristeri. No ghu tupure thitapa thomerukero ghoye, ethi gha raghire Mosesi. Tho sho thi kare thidimukitho thawo.”
45Ene pa gha tundire po, gha thimwetwedhire kokuhe yinu yi. Pathinu thi, mbadi gha konine Jesusi kwingena mumaghumbo muthitunumeho. Ene gha karire pithendi mudingoshi, nowahe ha yendire kukwendi.
Currently Selected:
Markusi 1: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 1
1
Mbudhi dhokupongoka dhaMarkusi yiyaghura yaJohannesi ghoMukadiyoghero
(Mat 3:1–12; Luk 3:1–18; Joh 1:19–28)
1Matangero ghombudhi dhaJesus Kristusi ghoMwana Nyambi. 2Thikakenge di ya pwire kutjanga kwawaporofeta eshi:
“Mone, na kutuma mukamushongwe ghombudhi
dhange kughutho ghorupara roye,
oyu mbo gha kuroghithera ndhira dhoye.
3Mumamboreya dina kwitha diywi eshi:
‘Mu roghithe ndhira dhaFumu,
no mu ghorore mayira ghendi.’ ”
4Johannesi gheryire no gha tangire kuhonga hanu mumamboreya eshi: “Mu piruke no mu wane diyoghero. Kemo sho gha mu thigherere Nyambi mahawero ghenu.” 5Ko kukuputa ditunga dyodihe dyaWayuda nawakaJerusalema ha yende kukwendi. No wahe gha wa yoghire murware rwaJordani, oku hana kwera maharero ghawo.
6Johannesi gha vatire thikumba thongameno, no gha kughangire ngwama mumbunda dhendi. Yidya yendi ne dimba nowiki ghomuka. 7Ko kuyaghura kwendi eshi: “Munyima dhange mbo gha neya mukangcamu ghokupiterera me. Name temba mbadi na fumana eshi ni fumbere no ni shuture tukanda tomakuha ghendi. 8Ame na mu yoghire nomeyu, aye ne mbo ghana mu yogho naMupepo ghoKupongoka.”
Diyoghero nomayerekero ghaJesusi
(Mat 3:13—4:11; Luk 3:21–22; 4:1–13; Joh 1:29–34)
9Mumayuwa gha, gha tundire Jesusi muNasareti, ghomumukunda waGalileya. No gha pwire kuyogha kwaJohannesi muJordani. 10Apa gha kandukire mumeyu, gha monine eshi diwiru dina yandhuruka. NaMupepo ghoKupongoka gha temberire papendi muthishwi thodikutji. 11Ko kushwagha diywi mudiwiru eshi: “Yowe Mwanange ghomuhakwa oyu na menyamenyena.”
12Popo vene ko kumutwara Mupepo ghoKupongoka mumamboreya. 13Ko gha ka karire mayuwa makumi mane. No Shatani gha mu yerekire. Gha karire noyiyama nohaengeli ha mu karerire.
Matorwero ghawakathishongero hokutanga
(Mat 4:12–22; Luk 4:14–15; 5:1–11)
14Apa gha pwire kukwata Johannesi, ko kuyenda Jesusi kuGalileya, gha ka yuvithe mbudhi dhoghufumu waNyambi. 15Eshi: “Nako ne dhina rikanya, no ghufumu wa Nyambi ghuna kokera. Mu piruke no mu tawe kumbudhi dhodhiwa.”
16Oku shime nga karera mukuyenda kumbadi dhodikuruviya dyaGalileya, ko kumona kwendi Simoni naminendi Andreyasi, awo ne pakutegha dikwe dyawo. Yoyishi awo ne harupaghathi. 17Ha ningi Jesusi kukwawo eshi: “Mwiye mu ni kuthe, mbo na mu tendi mwarutegha hanu.” 18Wangu popo ko kuthigha makwe ghawo, ha mu kuthe.
19Oku shime ha yendi kughutho, gha monine Jakobusi ghomwana Sebedeghusi naminendi Johannesi, oku hana kuroghitha makwe ghawo muwato. 20Ha wetha kwendi, awo ne ha thighire wihawo Sebedeghusi nawarukwatithi wendi muwato, no ha mu kuthire.
Merukitho ghamukamandengure ghomuKafarnaghumu
(Luk 4:31–37)
21Ko ka kuma kwawo muKafarnaghumu. No mudiyuwa dyoSabata ghengenine Jesusi musinagoge no gha tangire kuhonga. 22Wahe ha tetukire kuyihonga yendi, yoyi gha hongire yira mukadikuto. Kadi yira hakamarukwaro.
23Musinagoge wawo, mwa karire mukamandengure ghokuyara mupepo ghoghumango, oyu gharumukire eshi: 24“Porere keho! Nye sho tu tende noye twe ghoJesusi ghomukaNasareti? Kukutushinya ghu neya ndi? Na kudimuka eshi, Yowe dye. Ghomupongoki waNyambi we!”
25Jesusi gha mu rawerire eshi: “Porere ko, no ghu shwaghe mumwendi!”
26No mupepo ghoghumango, wa mu kashithire apa wa shwaghire mumwendi ghukugherera. 27No wahe ha tetukire kate kukwipudhura eshi: “Yinye yi? Yihonga munye yoyipya yi? Oyu naye gha kona kurawera kumipepo dhodhimango, eshi nadho dhi mu yuve.”
28No mbudhi dhi dha pupanine muGalileya yomuhe.
Merukitho ghangumwenya Petrusi nawakakukorwa hamweya
(Mat 4:23; 8:14–17; Luk 4:38–44)
29Apa ha shwaghire musinagoge, ko kuyenda kwawo naJakobusi na Johannesi mundhugho dhaSimoni naAndreyasi. 30Ngumwenya Simoni, yirama gha korwire. Ko kuyimuyuvitha naye Jesusi. 31Ha yendi kukwendi, no gha mu kwatire munyara, gha mu pinduthe. No yikorwa ya mu tundire popo. Mbuyama yu ko kuwayarekera kwendi.
32Pakutokera diyuwa, ko kumuretera kwawo hakakukorwa wahe, nawa ha karire nomipepo dhodhimango. 33No dighumbo dyodihe dya kukongwedhire kuthero. 34Nawahe wa ha karire noyikorwa yayo nayo, ha pwire kwirukitha, no gha shwaghithire hashatani hohengi. Hashatani mbadi ha konine kughamba, yoyi ha mu dimukire.
35Murughura, oku shime no kuva temba diyuwa, ko kupinduka, gha yende kudyango dyopithendi, gha ka rapere. 36Simoni nawa ha karire nendi, ha mu kuthire. 37Apa ha ka mu wanine, ha mu tongwerire eshi: “Kushana hana kukushana waheya.”
38Ko kuwahutha kwendi eshi: “Tu yende kumaparaghumbo ghamweya, na ko ni ka yaghure ko. Eyi ne yo neyera.”
39Aye gha yendire Galileya yomuhe ghuyaghura mumasinagoge ghawo, noghushwaghitha hashatani mwawanu.
Merukitho ghamukayin̂ondwe
(Mat 8:1–4; Luk 5:12–16)
40Mudiyuwa dimweya, gheyire mukayin̂ondwe kwaJesusi. Ko kutongamena kughutho wendi ghukumbera eshi: “Hekudyange, ngo ghu hime, ngo ghu nirukithe.”
41Jesusi ne gha mu fererire n̂eke, ha yeyura dyoko dyendi no gha mu kambekire ghuninga eshi: “Na himi eshi wiruke.” 42Apa gha manine kumutongwera kemo, ko kwiruka kwendi popo. 43Munyima dhokumukoghaghura, gha mu tumine eshi: “Ka yende.” 44Ko kumuragha kwendi eshi: “Perere poye! Wa yi tongora yi kwamunu ghumweya. Ne ghu yende ghu ka kuneghe kwamupristeri. No ghu tupure thitapa thomerukero ghoye, ethi gha raghire Mosesi. Tho sho thi kare thidimukitho thawo.”
45Ene pa gha tundire po, gha thimwetwedhire kokuhe yinu yi. Pathinu thi, mbadi gha konine Jesusi kwingena mumaghumbo muthitunumeho. Ene gha karire pithendi mudingoshi, nowahe ha yendire kukwendi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986