Markusi 11
11
Yomwingeneno waJesusi muJerusalema
(Mat 21:1–11; Luk 19:28–40; Joh 12:12–19)
1Kughutho ghokukokera kuJerusalema, ko kukuma kwendi kuthiko thaBetfage naBetaniya kudirundu dyondhwe. Ha tumu hakathishongero wendi hawadi, 2no kuwatongwera eshi: “Mu yende kudighumbo diya dina mu tamba; apa sho mu kengene mo, n̂anyi mu ka wane thidongighana thokufungerera. Mu ka thi shuture ko, ho mu ka thi rete. 3Ngeshi gha ka mwipure ghumweya eshi, nye muna kutendera kemo, mu ka mu huthe eshi: ‘Hekudyetu ghana thi nyanda, no n̂anyi gha ka thi huthe wangu.’ ”
4Nawo ha yendire no ha wanine thidongighana, ethi hana fungerera pathero dhodighumbo, no ha thi shuturire. 5Ko kuninga hamweya wa hemanine po eshi: “Nye muna kushutwera thidongi thi?”
6Awo ha wa hutha thika di gha wa rawerire Jesusi. Ko kuwathigha ha ka yende. 7Ko kureta thidongighana kwaJesusi, no ha yarire po myaye dhawo, ha dhini po kwendi. 8Hanu hohengi ha yarire mwaye dhawo mundhira, hamweya ha tetire mite dhoyitondo no kudhiyara mundhira. 9Hakakupitera no hakanyima, ha shoghererire eshi:
“Hosana!
Gha fumane oyu ghana kwiya muDina dyaFumu!
10Ghu fumane ghufumu waNyambi,
oghu ghuna kwiya muDina dyaHekudyetu,
ghufumu wawihetu Davita!
Hosana mumawiru!”
11Kemo gha kumine Jesusi muJerusalema ghengenine mutembeli no gha rerururire kokuheya. Ko kutokera diyuwa, ho gha hukire nawakathishongero wendi kuBetaniya.
Ghukuyu ghokukukuta. Marongathaneno ghomutembeli
(Mat 21:12–22; Luk 19:45–48; Joh 2:13–22)
12Mudiyuwa dyokuranda ko, apa ha shwaghire muBetaniya, gha fire ndhara Jesusi. 13Ko kukambekedha kwendi kokayenda thitondo thoghukuyu, ethi tha karire nomahako. Ha yendi ko eshi ngwa n̂anyi gha ka wane ko thinu. Ene ha ka wana ko mahako vene yoyi mbadi dhonako dhokwima. 14Jesusi ne ha ghamba kughukuyu eshi: “Noyofotji temba oyu mbo gha dya kumbuyo dhoye kuroruhe!” Hakathishongero wendi ha yi yuvire.
15Pakukuma kwendi muJerusalema, ghengenine mutembeli karo. Ha tanga kwendi kutjidha haghurithi nawakakutjindja manyinga no kuyundaghura matishi ghawo. 16No mbadi gha tawedhire kwakehe yu eshi gha tware thinu kutembeli. 17Ko kuwahonga kwendi eshi: “Mbadi ya pwire kutjanga eshi: ‘Ndhugho dhange ne ha dhi te eshi, ndhungho dhokuraperera kehe diko’? Amwe ne muna dhi tendi ndhugho dhawaringiringi!”
18Hakamarukwaro nawapristeri hohakuru ha yi yuvire no ha shanine eshi, ngepi di ghokumupagha. Yoyi ha mu yapire payihonga yendi, eyi dha tetuka mbunga dhodhihe.
19Apa dya ghombokire diyuwa, ko kushwagha kwawo nawakathishongero wendi mudighumbo.
20Murughura apa ha pitire, ha ghu mono kwawo ghukuyu ghuna kukutera kutunda kumidhi kate kumite. 21Petrusi ne gha yi vurukire no gha ningire eshi: “Fumu, mone, ghukuyu ghu ngo kutu ne ghuna kukuta.”
22Jesusi ne gha wa huthire eshi: “Amwe ne mu kare nomatawero mwaNyambi. 23Yashemwa na kumutongwera, kehe yu ghokughamba kudirundu di eshi: ‘Dhuruke, no ghu kughandumwene mudikuruviya,’ oku mbadi ghana kutamangera mumutjima wendi, ene ghana kutawa koyi ghana kughamba, yina kukara kemo, no ghana kuwana eyi ghana ghamba. 24Yodigho, na kumutongwera eshi: Yoyihe eyi muna kuromba mumandapero, mu tawe eshi mbo muna yi tambura no mbo muna yi wana. 25No ngeshi ku munemana eshi murapere, mu thighe tango, ngeshi ku muna kara nothinga kwamunu. Kemo sho gha mu thigherere naye Wihenu ghomudiwiru mashinyeno ghenu. 26Ene ngeshi mbadi muna kuthigherera, naye Wihenu ghomudiwiru, mbadi mbo gha mu thigherera yishinya yenu.”
Yodiyoghero dyaJohannesi
(Mat 21:23–27; Luk 20:1–8)
27Ko kuhuka kwawo karo kuJerusalema. Oku shime gha karera mukuyendaghura mutembeli, ko kwiya kukwendi hapristeri hohakuru nawakamarukwaro nawamanduna. 28Ha mwipura eshi: “Mungcamu munye ghuna kuraghura we yinu yi, no dye gha kupa ngcamu dhokutenda yinu yokenge yo?”
29Aye eshi: “Name na haka kumwipura dipwero dyofotji; ene mu ni huthe, po sho ni mu thimwetwedhere eshi pangcamu munye na kuyitenderanga yinu yi. 30Diyoghero dyaJohannesi ne dya tundire kwaNyambi ndi, endi kwawanu? Mu ni huthe!”
31Ko kutanga kughambathana mumwawo: “Nye sho tu ghambe? Apa sho tu huthe eshi, ‘KwaNyambi,’ ho gha ninge eshi, ‘Nye mwa dhirera kutawa kwaJohannesi?’ 32Ene ngeshi tu ninge eshi, ‘Kwawanu . . .’ ” Ngo mbadi sho yi rikanye, tuna yapa kumbunga, yoyishi waheya ha dimukire eshi Johannesi ne muporofeta. 33Pa hutherire kwaJesusi eshi: “Mbadi twa yi dimuka!”
Jesusi ne gha wa huthire eshi: “Name temba, mbadi sho ni mu thimwetwedhere eshi pangcamu munye na yi tenderanga yinu yi.”
Currently Selected:
Markusi 11: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 11
11
Yomwingeneno waJesusi muJerusalema
(Mat 21:1–11; Luk 19:28–40; Joh 12:12–19)
1Kughutho ghokukokera kuJerusalema, ko kukuma kwendi kuthiko thaBetfage naBetaniya kudirundu dyondhwe. Ha tumu hakathishongero wendi hawadi, 2no kuwatongwera eshi: “Mu yende kudighumbo diya dina mu tamba; apa sho mu kengene mo, n̂anyi mu ka wane thidongighana thokufungerera. Mu ka thi shuture ko, ho mu ka thi rete. 3Ngeshi gha ka mwipure ghumweya eshi, nye muna kutendera kemo, mu ka mu huthe eshi: ‘Hekudyetu ghana thi nyanda, no n̂anyi gha ka thi huthe wangu.’ ”
4Nawo ha yendire no ha wanine thidongighana, ethi hana fungerera pathero dhodighumbo, no ha thi shuturire. 5Ko kuninga hamweya wa hemanine po eshi: “Nye muna kushutwera thidongi thi?”
6Awo ha wa hutha thika di gha wa rawerire Jesusi. Ko kuwathigha ha ka yende. 7Ko kureta thidongighana kwaJesusi, no ha yarire po myaye dhawo, ha dhini po kwendi. 8Hanu hohengi ha yarire mwaye dhawo mundhira, hamweya ha tetire mite dhoyitondo no kudhiyara mundhira. 9Hakakupitera no hakanyima, ha shoghererire eshi:
“Hosana!
Gha fumane oyu ghana kwiya muDina dyaFumu!
10Ghu fumane ghufumu waNyambi,
oghu ghuna kwiya muDina dyaHekudyetu,
ghufumu wawihetu Davita!
Hosana mumawiru!”
11Kemo gha kumine Jesusi muJerusalema ghengenine mutembeli no gha rerururire kokuheya. Ko kutokera diyuwa, ho gha hukire nawakathishongero wendi kuBetaniya.
Ghukuyu ghokukukuta. Marongathaneno ghomutembeli
(Mat 21:12–22; Luk 19:45–48; Joh 2:13–22)
12Mudiyuwa dyokuranda ko, apa ha shwaghire muBetaniya, gha fire ndhara Jesusi. 13Ko kukambekedha kwendi kokayenda thitondo thoghukuyu, ethi tha karire nomahako. Ha yendi ko eshi ngwa n̂anyi gha ka wane ko thinu. Ene ha ka wana ko mahako vene yoyi mbadi dhonako dhokwima. 14Jesusi ne ha ghamba kughukuyu eshi: “Noyofotji temba oyu mbo gha dya kumbuyo dhoye kuroruhe!” Hakathishongero wendi ha yi yuvire.
15Pakukuma kwendi muJerusalema, ghengenine mutembeli karo. Ha tanga kwendi kutjidha haghurithi nawakakutjindja manyinga no kuyundaghura matishi ghawo. 16No mbadi gha tawedhire kwakehe yu eshi gha tware thinu kutembeli. 17Ko kuwahonga kwendi eshi: “Mbadi ya pwire kutjanga eshi: ‘Ndhugho dhange ne ha dhi te eshi, ndhungho dhokuraperera kehe diko’? Amwe ne muna dhi tendi ndhugho dhawaringiringi!”
18Hakamarukwaro nawapristeri hohakuru ha yi yuvire no ha shanine eshi, ngepi di ghokumupagha. Yoyi ha mu yapire payihonga yendi, eyi dha tetuka mbunga dhodhihe.
19Apa dya ghombokire diyuwa, ko kushwagha kwawo nawakathishongero wendi mudighumbo.
20Murughura apa ha pitire, ha ghu mono kwawo ghukuyu ghuna kukutera kutunda kumidhi kate kumite. 21Petrusi ne gha yi vurukire no gha ningire eshi: “Fumu, mone, ghukuyu ghu ngo kutu ne ghuna kukuta.”
22Jesusi ne gha wa huthire eshi: “Amwe ne mu kare nomatawero mwaNyambi. 23Yashemwa na kumutongwera, kehe yu ghokughamba kudirundu di eshi: ‘Dhuruke, no ghu kughandumwene mudikuruviya,’ oku mbadi ghana kutamangera mumutjima wendi, ene ghana kutawa koyi ghana kughamba, yina kukara kemo, no ghana kuwana eyi ghana ghamba. 24Yodigho, na kumutongwera eshi: Yoyihe eyi muna kuromba mumandapero, mu tawe eshi mbo muna yi tambura no mbo muna yi wana. 25No ngeshi ku munemana eshi murapere, mu thighe tango, ngeshi ku muna kara nothinga kwamunu. Kemo sho gha mu thigherere naye Wihenu ghomudiwiru mashinyeno ghenu. 26Ene ngeshi mbadi muna kuthigherera, naye Wihenu ghomudiwiru, mbadi mbo gha mu thigherera yishinya yenu.”
Yodiyoghero dyaJohannesi
(Mat 21:23–27; Luk 20:1–8)
27Ko kuhuka kwawo karo kuJerusalema. Oku shime gha karera mukuyendaghura mutembeli, ko kwiya kukwendi hapristeri hohakuru nawakamarukwaro nawamanduna. 28Ha mwipura eshi: “Mungcamu munye ghuna kuraghura we yinu yi, no dye gha kupa ngcamu dhokutenda yinu yokenge yo?”
29Aye eshi: “Name na haka kumwipura dipwero dyofotji; ene mu ni huthe, po sho ni mu thimwetwedhere eshi pangcamu munye na kuyitenderanga yinu yi. 30Diyoghero dyaJohannesi ne dya tundire kwaNyambi ndi, endi kwawanu? Mu ni huthe!”
31Ko kutanga kughambathana mumwawo: “Nye sho tu ghambe? Apa sho tu huthe eshi, ‘KwaNyambi,’ ho gha ninge eshi, ‘Nye mwa dhirera kutawa kwaJohannesi?’ 32Ene ngeshi tu ninge eshi, ‘Kwawanu . . .’ ” Ngo mbadi sho yi rikanye, tuna yapa kumbunga, yoyishi waheya ha dimukire eshi Johannesi ne muporofeta. 33Pa hutherire kwaJesusi eshi: “Mbadi twa yi dimuka!”
Jesusi ne gha wa huthire eshi: “Name temba, mbadi sho ni mu thimwetwedhere eshi pangcamu munye na yi tenderanga yinu yi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986