Markusi 16
16
Muvumbukero waJesusi
(Mat 28:1–8; Luk 24:1–12; Joh 20:1–10)
1Apa gha pwire Sabata ha ghurire haMaria Magdalena naMaria ghonyina Jakobusighana, naSalome munde ghokumuwetha. 2Murughura, mudiyuwa dyokutanga muthivike, ko kwiya kwawo kumbira. 3Ha ghambathana kwawo eshi: “Yidye keho sho gha tu gharumwene diwe dyokuthero dhombira?” 4Yoyishi dikuru thikuma. Apa ha kokerire ko ne dina gharumuka ko. 5Pakwingena mo, ha monine mungaghu ghokuvata yitere yoyikenu thikuma, ghana hungumana parudyo; ko kututukwa kwawo thikuma.
6Aye gha wa tongwerire eshi: “Mwa yapa! Jesusi ghomukaNasareti muna kushana, oyu ha pamarerire pathikurushe. Ghana vumbuka! Mbadi mo muno. Mu mone dyango di, ha mu pakire. 7Ene mu yende mu ka wa tongwere hakathishongero wendi naPetrusi eshi, ghana kuwapiterera kuGalileya. Ko mbo ha ka mu mona thika di gha wa tongwerire.”
8Ko kutambuka kwawo ha tunde kumbira ghututuma no woma wa wa wanine. No mbadi ha ka yi tongorire kwamunu, yoyishi ha yapire.
Muhokokero waJesusi munyima dhomuvumbukero wendi
(Mat 28:9–10, 16–20; Luk 24:13–53; Joh 20:11–23; Yitenda 1:6–11)
9Murughura ghu mudiyuwa dyomuvumbukero wendi, gha hokokire pakutanga kwaMaria Magdalena, oyu gha shwaghithire mumwendi mipepo kwoko nodhiwadi. 10Ko kuyenda gha ka yi tongore kwawa ha karire nendi, oku wo pakutokota no kudira. 11Apa ha yi yuvire eshi, Jesusi ne muyumi no ghana mu mono oyu ghana yi wa tongwera, mbadi ha yi tawire.
12Munyima ko kuhokoka kwendi karo kwawawadi, munungu dhadhonadho oku hana kuyenda mundhira. 13Ene ha hukire wangu no kuyitongora kwawendi, ene kadi ha ka kutawa shime.
14Ndani gha wa hokokerire hadikumi noyofotji, oku wo pathidyero. Ko kuwakoghahura kwendi, yoyi ha tamangerire mumatawero, no yoghukukutu ghomitjima dhawo, yokushwena kuyuva kwawa ha mu monine munyima dhomuvumbukero wendi. 15Ko kuwatongwera eshi: “Mu yende mumatunga ghomahe ho mu ka yuvithe hanu wahe mbudhi dhange. 16Oyu mbo gha tawa no kupwa kuyogha, mbo ghana wana maghamweno. Ene oyu ghokushwena kutawa, mbo ghana pu kutetera ndhango. 17Hakakutawa mbana tendi yitetukitho yino muDina dyange eshi, kushwaghitha hashatani no mbana ghamba mandimi ghomapya. 18Mbana kwata yiyoka ngambi kunwa ghuhungu, kadi hakakufa. No mbana divi moko ghawo pawakakukorwa, awo ne mba neruka.”
19Apa gha manine kughamba nawo Fumu Jesusi yi, gha dhinine kudiwiru no gha ka hungumanine kurudyo rwaNyambi. 20Awo ne ha yendire no ha hongire kokuhe. Na Fumu gha karire nawo no gha tanarithire man̂ando ghawo payitetukitha yi gha watendithire.
Currently Selected:
Markusi 16: MHW1986
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Markusi 16
16
Muvumbukero waJesusi
(Mat 28:1–8; Luk 24:1–12; Joh 20:1–10)
1Apa gha pwire Sabata ha ghurire haMaria Magdalena naMaria ghonyina Jakobusighana, naSalome munde ghokumuwetha. 2Murughura, mudiyuwa dyokutanga muthivike, ko kwiya kwawo kumbira. 3Ha ghambathana kwawo eshi: “Yidye keho sho gha tu gharumwene diwe dyokuthero dhombira?” 4Yoyishi dikuru thikuma. Apa ha kokerire ko ne dina gharumuka ko. 5Pakwingena mo, ha monine mungaghu ghokuvata yitere yoyikenu thikuma, ghana hungumana parudyo; ko kututukwa kwawo thikuma.
6Aye gha wa tongwerire eshi: “Mwa yapa! Jesusi ghomukaNasareti muna kushana, oyu ha pamarerire pathikurushe. Ghana vumbuka! Mbadi mo muno. Mu mone dyango di, ha mu pakire. 7Ene mu yende mu ka wa tongwere hakathishongero wendi naPetrusi eshi, ghana kuwapiterera kuGalileya. Ko mbo ha ka mu mona thika di gha wa tongwerire.”
8Ko kutambuka kwawo ha tunde kumbira ghututuma no woma wa wa wanine. No mbadi ha ka yi tongorire kwamunu, yoyishi ha yapire.
Muhokokero waJesusi munyima dhomuvumbukero wendi
(Mat 28:9–10, 16–20; Luk 24:13–53; Joh 20:11–23; Yitenda 1:6–11)
9Murughura ghu mudiyuwa dyomuvumbukero wendi, gha hokokire pakutanga kwaMaria Magdalena, oyu gha shwaghithire mumwendi mipepo kwoko nodhiwadi. 10Ko kuyenda gha ka yi tongore kwawa ha karire nendi, oku wo pakutokota no kudira. 11Apa ha yi yuvire eshi, Jesusi ne muyumi no ghana mu mono oyu ghana yi wa tongwera, mbadi ha yi tawire.
12Munyima ko kuhokoka kwendi karo kwawawadi, munungu dhadhonadho oku hana kuyenda mundhira. 13Ene ha hukire wangu no kuyitongora kwawendi, ene kadi ha ka kutawa shime.
14Ndani gha wa hokokerire hadikumi noyofotji, oku wo pathidyero. Ko kuwakoghahura kwendi, yoyi ha tamangerire mumatawero, no yoghukukutu ghomitjima dhawo, yokushwena kuyuva kwawa ha mu monine munyima dhomuvumbukero wendi. 15Ko kuwatongwera eshi: “Mu yende mumatunga ghomahe ho mu ka yuvithe hanu wahe mbudhi dhange. 16Oyu mbo gha tawa no kupwa kuyogha, mbo ghana wana maghamweno. Ene oyu ghokushwena kutawa, mbo ghana pu kutetera ndhango. 17Hakakutawa mbana tendi yitetukitho yino muDina dyange eshi, kushwaghitha hashatani no mbana ghamba mandimi ghomapya. 18Mbana kwata yiyoka ngambi kunwa ghuhungu, kadi hakakufa. No mbana divi moko ghawo pawakakukorwa, awo ne mba neruka.”
19Apa gha manine kughamba nawo Fumu Jesusi yi, gha dhinine kudiwiru no gha ka hungumanine kurudyo rwaNyambi. 20Awo ne ha yendire no ha hongire kokuhe. Na Fumu gha karire nawo no gha tanarithire man̂ando ghawo payitetukitha yi gha watendithire.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986