Mayanzame 6
6
Amôgôô tsambué ameetsô éyanza
1Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue. 2Ane amatômukuni amakôva aneengie muetso. Na amavovo n’ahngô mbe: Gôndé we éékédi tôsoongôa étsika éékéda Ogi aNzambé, tôkea gôékaba môyakô. 3T’ebandô, ana aTéta asi mbumu éaNzambé, sevoani va gatse anyô amôgôô tsambué. Sevoani amôgôô amookanô mbe andé na môdigéô abuedi na andé n’eodo, na amayuésédu mitéma miaô na Gédidi SaNzambé. Na tôngeetsa ahngô éyanza éne. 4Vane we tômatômuni, tôsangayungédu na mabégô mayekani. Tôngaba ndéô yetso gôévovo na Nzambé na gôéékéda. 5Géômbége setso saneengie amasinga ébégôe. Ane amasevouni, môvo te Etienne amaba gétsumé Nzambé paga na môtémedi ômayôa na Gédidi SaNzambé. Avo te Philippe, na Prochore, na Nicanor, na Timon, na Parménas, na Nicolas môsi Antioche ameengéa va mbeego gô gésôga sAjuif. 6Omeaa tsambué amatubédu na gôndé ane amatômukuni. Ahmatsakéga ahngô mogome na ahmavovo na Nzambé gôndé ahngô tsambué.
7Mabégô maNzambé mamoomba étsanzabana pepe. Otangôe aneengie ômakôndama pepe gô Jérusalem. Adeekedi ayekani adigondoku ameetsa Jésus mitéma miaô gémôtsumédô paga.
Etienne amatsôpu
8Mate maNzambé mamabaka na Etienne gôémôétsa ngudi dipôni. Amatubéda oma émbégéa éangudi yaNzambé na mabégô manyônganéôni masoongôa môma ésupua. 9Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne. 10Amôgôôe ane ahsiôngôé émôbôméda na mavovia maô gôébégô Etienne amabika ameetsô na Gédidi SaNzambé éodo évôni. 11Vane amavanéa avo oma gôépatéa Etienne mbe: We tômookô Etienne ameekéda na dienza na akékôa ndongi yaMoïse na dine yaNzambé. 12Mitéma mioma muetso mimakanzôga, buéyéna mine miapeeye yAjuif na anigôi amige miaNzambé. Ahmatsôpa Etienne gôékea n’edi na gôndé asi kundu épôni éAjuif. 13Ahmakea dôta n’avo oma gôémôpatéa mitangô mbe: Etienne asatsika ébévéda ebee wasô aNzambé na mavovia medi madienza. Na akékôa mige mimatsikéô wa n’anyô na Moïse. 14Tômookô angô amavovo mbe: One eendô mbe Jésus môsi Nazareth, angapanzéda eba aNzambé na angakoa mônongoe ôndé n’asô n’anyô ômatôtsikéô na Moïse. 15Muetso ane amadenganô gô eba amisoso amabono Etienne na nzôô. Ameena gédimô sedi gémaba na ngéengéyi ga géne samôsi g’ôba, môyanzi aNzambé.
Currently Selected:
Mayanzame 6: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Mayanzame 6
6
Amôgôô tsambué ameetsô éyanza
1Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue. 2Ane amatômukuni amakôva aneengie muetso. Na amavovo n’ahngô mbe: Gôndé we éékédi tôsoongôa étsika éékéda Ogi aNzambé, tôkea gôékaba môyakô. 3T’ebandô, ana aTéta asi mbumu éaNzambé, sevoani va gatse anyô amôgôô tsambué. Sevoani amôgôô amookanô mbe andé na môdigéô abuedi na andé n’eodo, na amayuésédu mitéma miaô na Gédidi SaNzambé. Na tôngeetsa ahngô éyanza éne. 4Vane we tômatômuni, tôsangayungédu na mabégô mayekani. Tôngaba ndéô yetso gôévovo na Nzambé na gôéékéda. 5Géômbége setso saneengie amasinga ébégôe. Ane amasevouni, môvo te Etienne amaba gétsumé Nzambé paga na môtémedi ômayôa na Gédidi SaNzambé. Avo te Philippe, na Prochore, na Nicanor, na Timon, na Parménas, na Nicolas môsi Antioche ameengéa va mbeego gô gésôga sAjuif. 6Omeaa tsambué amatubédu na gôndé ane amatômukuni. Ahmatsakéga ahngô mogome na ahmavovo na Nzambé gôndé ahngô tsambué.
7Mabégô maNzambé mamoomba étsanzabana pepe. Otangôe aneengie ômakôndama pepe gô Jérusalem. Adeekedi ayekani adigondoku ameetsa Jésus mitéma miaô gémôtsumédô paga.
Etienne amatsôpu
8Mate maNzambé mamabaka na Etienne gôémôétsa ngudi dipôni. Amatubéda oma émbégéa éangudi yaNzambé na mabégô manyônganéôni masoongôa môma ésupua. 9Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne. 10Amôgôôe ane ahsiôngôé émôbôméda na mavovia maô gôébégô Etienne amabika ameetsô na Gédidi SaNzambé éodo évôni. 11Vane amavanéa avo oma gôépatéa Etienne mbe: We tômookô Etienne ameekéda na dienza na akékôa ndongi yaMoïse na dine yaNzambé. 12Mitéma mioma muetso mimakanzôga, buéyéna mine miapeeye yAjuif na anigôi amige miaNzambé. Ahmatsôpa Etienne gôékea n’edi na gôndé asi kundu épôni éAjuif. 13Ahmakea dôta n’avo oma gôémôpatéa mitangô mbe: Etienne asatsika ébévéda ebee wasô aNzambé na mavovia medi madienza. Na akékôa mige mimatsikéô wa n’anyô na Moïse. 14Tômookô angô amavovo mbe: One eendô mbe Jésus môsi Nazareth, angapanzéda eba aNzambé na angakoa mônongoe ôndé n’asô n’anyô ômatôtsikéô na Moïse. 15Muetso ane amadenganô gô eba amisoso amabono Etienne na nzôô. Ameena gédimô sedi gémaba na ngéengéyi ga géne samôsi g’ôba, môyanzi aNzambé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983