Jean 6
6
Jésus amayekeda môyakô gôéngutéda mitônisa mitayi mioma
(Bono na Matt. 14:13–21, Marc 6:30–44, Luc 9:10–17)
1Vamamana Jésus éékéda amaabôga na gô dipo tsényé yamubue ôndé gô Galilée ôtetu mbe Tibériade. 2Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie. 3Jésus n’aneengi edi amabata na gô ngongo amôkôdi na ahmadigaa. 4Sueti éAjuif ééndô mbe Pâque émaba éka gôpégôpé. 5Jésus amabono pingô yoma ahmaviga gôéôkô na gôéena éne émayanzangô. Jésus ameevôa Philippe mbe: ?Tôngakesômba môyakôe eebôngôa omee muetsoaa gôni? 6Ameevôa Philippe nane gôéôkô mônongoe ôngasiiangô. Amuene asibômu éne éngeendangô. 7Philippe amasiia mbe: ?Tôngeenda nayee ka buétsé tôba na dode diyanza môma môsaa amôbongo na yangô disangadugu gôésômbéa omeaa mipemba mbe tôkabanéa n’ahngô vipesu vipesu. 8Môneengi môvo, inedi André muaneya aSimon Pierre amavovo mbe: 9Neeni éva muanéngé andé na mipemba mitayi migemige na tônyama tôbaé tagô mbéyi. ?Vipesuvie viamôyakô évi vingaduganéô nayee na pingône oma adua? 10Jésus amatôma aneengie mbe: Digédaani omee. (Tungu nene émabaka ésingaa.) Na oma amadigaa. Otangôe waô amabaka mitônisa mitayi miamôgôô gétangé agetoe n’anee. 11Jésus amabongo mipembamie na amaduka Nzambé mate gô miangô. Vane amamikabanéa n’ane amabaka digaa. Na nyama yagô mbéyi amadikabanéa te mônongovo ngu n’emanyôngéô omee. 12Amanguta muetso. Vane Jésus amatôma aneengie mbe: Dingôani ébéndékéé na tseseye yetso kabaga gôbungana ta na vipesu. 13Gô mipemba mitayi migemige mimaakôni amadingôa ébéndékée na tseseye dimasanéakani na amayuéséda nzima atsaô na tsaô dibae.
14Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini. 15Jésus asibômuku mbe: Omeaa anyôngéô éétsa me ényanga gôéba môtômine waô ava tsina. Amayavôga énôtôga vandé ahngô na amakea na gô ngongo amôkôdi amuene gébé na môma.
Jésus amananga gô ngongo ameba
(Bono na Matt. 14:22–33, Marc 6:45–52)
16Vameeda nyee, aneengie aJésus amakea na v’ehbôngô. 17Amapeka gô mbôngône na amamitenoa gôéabôga mubue na gô Capernaüm. Emabaka te g’ôka évitsi. Jésus asibaké n’ahngô. 18Gékunga gémakungéda na miyôkiyôkimie miamubu mimayôkiméda. 19Aneengie amanuga mbôngône na amatongonea na tsényéne ôkana akilometre ditayi. Tsina na tsina ahmeena Jésus aviga ayeta gô ngongo amebame awesea na gô mbôngône. Aneengie amatsôpu na gomo. 20Vane Jésus amavovo n’ahngô mbe: O te me, Jésus. Nôneena gomo. 21Ahmabaka mbe ahpekeda Jésus, ivô tsina na tsina mbôngône ématsega gô dipo tsényé dimanyôngéô ahngô ébuéa.
Oma amabuta Jésus
22N’ongôngôe ône, géômbége gémasanéaka gô dipo tsényé yamubu amabono mbôngôye v’ehbongo. Ameena te mbôngô épo. Asibômu mbe: Kôdôtsé Jésus asipeka n’aneengi edi gô mbôngône émakea ahngô na gô dipo tsényé. Amakea te amuene. 23Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé. 24Géômbége gémabono mbôngône ivô asiene Jésus n’aneengie wangô. Vane oma amapeka gô mbôngôye gôéabôga na gô Capernaüm gôébuta Jésus.
Jésus te môpemba ôétsa monyo
25Oma amadenga Jésus gô dipo tsényé yamubu. Amamôévôa mbe: Môékédi, ôabôgi n’ego nayee? 26Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé. 27Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône. 28Oma amamôévôa mbe: ?Gôédugéda éyanzee ényôngéô Nzambé tôngeenda nayee? 29Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina. 30Oma amamôévôa mbe: ?Gôétubéda we ngudiye yoo ôngeenda nayee? ?Ongatubéda we gémbégéa ndé géngeetsa we éwe mitémamie? Yanza va miso masô ébégô ényônganéôni ésoongôa môma ésupua. 31Gô tsenge émagasani peeye yasô amaa môyakô ômaaga g’ôba, ôtetu mbe manne. Te gatôtanga gô Matendeo MaNzambé mbe: Ameetsa ahngô mipemba mimaviga g’ôba gôéaa. 32Jésus amavovo n’ahngo mbe: Me nanôbeenda na gô pie mbe ône ameetsa anye mipembamie mimaviga g’ôba kaka Moïse. Te Téta Nzambé amaagéda miangô g’ôba na miangô te mipemba miapie miitsô anye. 33Menyani mbe mipemba miitsa Nzambé môma, te mine miviga g’ôba na miitsa môma monyo. 34Oma amaduka Jésus mbe: Kumu, kuka yetso iitsa we mipembamie mine. 35Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé. 36Bangôani gamavovo me n’anye mbe anye nômeena me na miso manyô na nôgétsumaka me paga. 37Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me. 38Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene. 39Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa. 40Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.
41Ajuif amakambôga gômeenda Jésus mbe: Me te môpemba ômaviga g’ôba. 42Ajuif amatsumana anguene paga n’opisa mbe: ?Angô eenda mbe: Me te môpemba ômaviga g’ôba nayee? ?Jésus, ône avovoni ôdôô kaka te muanee aJoseph? We tôsabômu yeedi na tétedi. 43Jésus amavovo n’ahngô mbe: Nômbiagiagana. 44Gôsaba môma oongôa éviga na gôndé me buétsé te Téta ône amatôma me, amôweseda gôésinga me. Me dôta gô nyee amôyusumédu nangamôkundua g’ôwa. 45Apandôédi amatasa maNzambé amatenda mbe: Muetso angeekédu mabégôme te n’amuene Nzambé. T’ebandô neendi mbe muetso ane ookiô ôgi a Téta na asinga meekédume medi asingi te me na awesea na gôndé me. 46Kaka mbe môma oongôa éena Téta. One ameena Téta te môvo na koo, ône amaviga g’ôba gôndé Nzambé.
47Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô. 48Me te môpemba ôétsa monyo. 49Anye nôbangôa gamaaka peeye yanyô môpemba ômaaga g’ôba gô tsenge émagasani. Buéyé gamaakahngô, amawa. 50Géé ône aa môpemba apie ôviga g’ôba, asangawa. 51Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.
52Vane Ajuif amatsumanaka paga mbe: ?Mômôgôô noo angatôétsa ôtôe wedi mbe tômôaa nayee? 53Jésus amanigôa ahngô mbe: Nanôbeenda na gô pie mbe, ône akina éaa ôtôe wami me Muana Amôma, na akina ényua nzina yami, asangaba na monyo gô môtémedi. 54One asinga éaa ôtôe wami na asinga ényua nzinaye yami andé na monyo ôsavikôdéani. Me nangamôkundua g’ôwa gô pitsi yamôyusumédu. 55Menyani mbe ôtôe wami te môyakô ômana nzaa. Na nzina yami te meba mamana sôé. 56One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi. 57Téta, ône amatôma me, andé na monyo. Monyoe wami te angô. Endé te nane. One aa ôtôé wami na anyua nzinaye yami, monyoe wedi te me. 58Nôeni môpembee apie ômaviga g’ôba ôsagono n’one ômaa peeye yanyô dimawani. One angaaka môpemba ônônigôi me, angaba na monyo amôbô na môbô. 59Jésus amanigôa oma mabégô mema vameekédangô gô eba agéwanyéô sAjuif gô Capernaüm.
Ogi ôétsa monyo amôbô na môbô
60Aneengie ayekani n’eôkô mane mamavovo Jésus, ahmatsapéô mbe: ?Akasô mônongo ameekédu ôndé nayee? Odaga. ?One angamasingani indaa? 61Jésus asibômu mbe aneengie akea agiangana gô mane mamavovo angô. Na ameevôa ahngô mbe: ?Nôdagéyiô mane mavovi me-a? 62?Vangeenanye me, Muana Amôma nanikéa ébata na gômaviga me nôngeenda nayee? 63Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo. 64Avo va gatse anyô, nôgétsumaka me paga. (Jésus amavovo nane gôébégô amuene asibômuku bandôa gômapanga, ane asangamôétsa mitémamie na dôta ône angamôkabani.) 65Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.
66Bandôa nyoone aneengi ayekani amaagana na Jésus na asibédô n’evamba n’edi. 67Vane Jésus ameevôa nzima n’aneengie abaé mbe: ?Vakeyi akanyô, n’anye nôsakea-a? 68Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô. 69We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô. 70Jésus amanikéda ahngô mbe: Me namanôsevoa anye nzima n’abaé. Eébéyée nane, môvô vandé anye andé te yabédé. 71Amavovo nane gôébégô éaJudas, muana aSimon Iscariote. Gôébégô Judas, buéyé gamabakangô gô géômbé saneengie te ône angakaba Jésus.
Currently Selected:
Jean 6: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Jean 6
6
Jésus amayekeda môyakô gôéngutéda mitônisa mitayi mioma
(Bono na Matt. 14:13–21, Marc 6:30–44, Luc 9:10–17)
1Vamamana Jésus éékéda amaabôga na gô dipo tsényé yamubue ôndé gô Galilée ôtetu mbe Tibériade. 2Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie. 3Jésus n’aneengi edi amabata na gô ngongo amôkôdi na ahmadigaa. 4Sueti éAjuif ééndô mbe Pâque émaba éka gôpégôpé. 5Jésus amabono pingô yoma ahmaviga gôéôkô na gôéena éne émayanzangô. Jésus ameevôa Philippe mbe: ?Tôngakesômba môyakôe eebôngôa omee muetsoaa gôni? 6Ameevôa Philippe nane gôéôkô mônongoe ôngasiiangô. Amuene asibômu éne éngeendangô. 7Philippe amasiia mbe: ?Tôngeenda nayee ka buétsé tôba na dode diyanza môma môsaa amôbongo na yangô disangadugu gôésômbéa omeaa mipemba mbe tôkabanéa n’ahngô vipesu vipesu. 8Môneengi môvo, inedi André muaneya aSimon Pierre amavovo mbe: 9Neeni éva muanéngé andé na mipemba mitayi migemige na tônyama tôbaé tagô mbéyi. ?Vipesuvie viamôyakô évi vingaduganéô nayee na pingône oma adua? 10Jésus amatôma aneengie mbe: Digédaani omee. (Tungu nene émabaka ésingaa.) Na oma amadigaa. Otangôe waô amabaka mitônisa mitayi miamôgôô gétangé agetoe n’anee. 11Jésus amabongo mipembamie na amaduka Nzambé mate gô miangô. Vane amamikabanéa n’ane amabaka digaa. Na nyama yagô mbéyi amadikabanéa te mônongovo ngu n’emanyôngéô omee. 12Amanguta muetso. Vane Jésus amatôma aneengie mbe: Dingôani ébéndékéé na tseseye yetso kabaga gôbungana ta na vipesu. 13Gô mipemba mitayi migemige mimaakôni amadingôa ébéndékée na tseseye dimasanéakani na amayuéséda nzima atsaô na tsaô dibae.
14Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini. 15Jésus asibômuku mbe: Omeaa anyôngéô éétsa me ényanga gôéba môtômine waô ava tsina. Amayavôga énôtôga vandé ahngô na amakea na gô ngongo amôkôdi amuene gébé na môma.
Jésus amananga gô ngongo ameba
(Bono na Matt. 14:22–33, Marc 6:45–52)
16Vameeda nyee, aneengie aJésus amakea na v’ehbôngô. 17Amapeka gô mbôngône na amamitenoa gôéabôga mubue na gô Capernaüm. Emabaka te g’ôka évitsi. Jésus asibaké n’ahngô. 18Gékunga gémakungéda na miyôkiyôkimie miamubu mimayôkiméda. 19Aneengie amanuga mbôngône na amatongonea na tsényéne ôkana akilometre ditayi. Tsina na tsina ahmeena Jésus aviga ayeta gô ngongo amebame awesea na gô mbôngône. Aneengie amatsôpu na gomo. 20Vane Jésus amavovo n’ahngô mbe: O te me, Jésus. Nôneena gomo. 21Ahmabaka mbe ahpekeda Jésus, ivô tsina na tsina mbôngône ématsega gô dipo tsényé dimanyôngéô ahngô ébuéa.
Oma amabuta Jésus
22N’ongôngôe ône, géômbége gémasanéaka gô dipo tsényé yamubu amabono mbôngôye v’ehbongo. Ameena te mbôngô épo. Asibômu mbe: Kôdôtsé Jésus asipeka n’aneengi edi gô mbôngône émakea ahngô na gô dipo tsényé. Amakea te amuene. 23Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé. 24Géômbége gémabono mbôngône ivô asiene Jésus n’aneengie wangô. Vane oma amapeka gô mbôngôye gôéabôga na gô Capernaüm gôébuta Jésus.
Jésus te môpemba ôétsa monyo
25Oma amadenga Jésus gô dipo tsényé yamubu. Amamôévôa mbe: Môékédi, ôabôgi n’ego nayee? 26Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé. 27Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône. 28Oma amamôévôa mbe: ?Gôédugéda éyanzee ényôngéô Nzambé tôngeenda nayee? 29Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina. 30Oma amamôévôa mbe: ?Gôétubéda we ngudiye yoo ôngeenda nayee? ?Ongatubéda we gémbégéa ndé géngeetsa we éwe mitémamie? Yanza va miso masô ébégô ényônganéôni ésoongôa môma ésupua. 31Gô tsenge émagasani peeye yasô amaa môyakô ômaaga g’ôba, ôtetu mbe manne. Te gatôtanga gô Matendeo MaNzambé mbe: Ameetsa ahngô mipemba mimaviga g’ôba gôéaa. 32Jésus amavovo n’ahngo mbe: Me nanôbeenda na gô pie mbe ône ameetsa anye mipembamie mimaviga g’ôba kaka Moïse. Te Téta Nzambé amaagéda miangô g’ôba na miangô te mipemba miapie miitsô anye. 33Menyani mbe mipemba miitsa Nzambé môma, te mine miviga g’ôba na miitsa môma monyo. 34Oma amaduka Jésus mbe: Kumu, kuka yetso iitsa we mipembamie mine. 35Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé. 36Bangôani gamavovo me n’anye mbe anye nômeena me na miso manyô na nôgétsumaka me paga. 37Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me. 38Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene. 39Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa. 40Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.
41Ajuif amakambôga gômeenda Jésus mbe: Me te môpemba ômaviga g’ôba. 42Ajuif amatsumana anguene paga n’opisa mbe: ?Angô eenda mbe: Me te môpemba ômaviga g’ôba nayee? ?Jésus, ône avovoni ôdôô kaka te muanee aJoseph? We tôsabômu yeedi na tétedi. 43Jésus amavovo n’ahngô mbe: Nômbiagiagana. 44Gôsaba môma oongôa éviga na gôndé me buétsé te Téta ône amatôma me, amôweseda gôésinga me. Me dôta gô nyee amôyusumédu nangamôkundua g’ôwa. 45Apandôédi amatasa maNzambé amatenda mbe: Muetso angeekédu mabégôme te n’amuene Nzambé. T’ebandô neendi mbe muetso ane ookiô ôgi a Téta na asinga meekédume medi asingi te me na awesea na gôndé me. 46Kaka mbe môma oongôa éena Téta. One ameena Téta te môvo na koo, ône amaviga g’ôba gôndé Nzambé.
47Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô. 48Me te môpemba ôétsa monyo. 49Anye nôbangôa gamaaka peeye yanyô môpemba ômaaga g’ôba gô tsenge émagasani. Buéyé gamaakahngô, amawa. 50Géé ône aa môpemba apie ôviga g’ôba, asangawa. 51Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.
52Vane Ajuif amatsumanaka paga mbe: ?Mômôgôô noo angatôétsa ôtôe wedi mbe tômôaa nayee? 53Jésus amanigôa ahngô mbe: Nanôbeenda na gô pie mbe, ône akina éaa ôtôe wami me Muana Amôma, na akina ényua nzina yami, asangaba na monyo gô môtémedi. 54One asinga éaa ôtôe wami na asinga ényua nzinaye yami andé na monyo ôsavikôdéani. Me nangamôkundua g’ôwa gô pitsi yamôyusumédu. 55Menyani mbe ôtôe wami te môyakô ômana nzaa. Na nzina yami te meba mamana sôé. 56One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi. 57Téta, ône amatôma me, andé na monyo. Monyoe wami te angô. Endé te nane. One aa ôtôé wami na anyua nzinaye yami, monyoe wedi te me. 58Nôeni môpembee apie ômaviga g’ôba ôsagono n’one ômaa peeye yanyô dimawani. One angaaka môpemba ônônigôi me, angaba na monyo amôbô na môbô. 59Jésus amanigôa oma mabégô mema vameekédangô gô eba agéwanyéô sAjuif gô Capernaüm.
Ogi ôétsa monyo amôbô na môbô
60Aneengie ayekani n’eôkô mane mamavovo Jésus, ahmatsapéô mbe: ?Akasô mônongo ameekédu ôndé nayee? Odaga. ?One angamasingani indaa? 61Jésus asibômu mbe aneengie akea agiangana gô mane mamavovo angô. Na ameevôa ahngô mbe: ?Nôdagéyiô mane mavovi me-a? 62?Vangeenanye me, Muana Amôma nanikéa ébata na gômaviga me nôngeenda nayee? 63Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo. 64Avo va gatse anyô, nôgétsumaka me paga. (Jésus amavovo nane gôébégô amuene asibômuku bandôa gômapanga, ane asangamôétsa mitémamie na dôta ône angamôkabani.) 65Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.
66Bandôa nyoone aneengi ayekani amaagana na Jésus na asibédô n’evamba n’edi. 67Vane Jésus ameevôa nzima n’aneengie abaé mbe: ?Vakeyi akanyô, n’anye nôsakea-a? 68Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô. 69We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô. 70Jésus amanikéda ahngô mbe: Me namanôsevoa anye nzima n’abaé. Eébéyée nane, môvô vandé anye andé te yabédé. 71Amavovo nane gôébégô éaJudas, muana aSimon Iscariote. Gôébégô Judas, buéyé gamabakangô gô géômbé saneengie te ône angakaba Jésus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983