Luc 9
9
Jésus amakeda ane amasevoa angô nzima n’abaé
(Bono na Matt. 10:5–15, Marc 6:7–13)
1Jésus amakôkanganéda aneengi edi nzima n’abaé. Ameetsa ahngô ényanga na ngudi gôétôma édidi ébévani. Ameetsa ahngô na ngudi gôédôngéda mabeea metso. 2Amatôma ahngô gôéékéda Tsangô éokumu aNzambé na gôédôngéda abeeyi. 3Jésus angô mbe: Vakeanye, nômbiatsua sôma. Ta na péndé ta na gébémbé, ta na môyakô, ta na dode. Nômbiakea na ngoyi dibaé dibaé. 4Tunguye yetso dingasingéô anye gôéengéa nôdigaa te gô ebee ôngatubédu anye ngu na vanganôtôganye gône. 5Tunguye yetso dingakinéô anye, nôtôgani gô mbôkane yaô, dumédani ébisie éamakôdô manyô. Géné te géevédéô saô mbe: Nôwema. 6Aneengie ahmakea. Amoota gô mbôkaye yetso, ameekéda Tsangô Eamôsôba na amadôngéda abeeyie gô tungu yetso.
Hérode amabaka na mikebanganô
(Bono na Matt. 14:1–12, Marc 6:14–29)
7Gô ndéô nene môtômine Hérode amookô tsangô éamane mamabuéani. Na angô amabaka na mitéma mibaé. Oô môtéma amanyôngéô, ôô môtéma asinyôngéô. Gôébégô avo ahmavovo mbe: ôô te Jean-Baptiste amakunduga g’ôwa. 8N’avo amavovo mbe: Te Elie amatsutsugani. N’avo dôta ameenda mbe: Te môpandôédi amatasa maNzambé ambeego, amakundugani. 9Ivô amuene Hérode amavovo mbe: Me namakitséda Jean-Baptiste môtsé. ?One ookô me tsangôye pitsi yedi vita indaa? Vane Hérode amanyôngéô éena Jésus.
Jésus amayekedea mitônisa mitayi mioma môyakô
(Bono na Matt. 14:13–21, Marc 6:30–44, Jean 6:1–14)
10Aneengie, ane amatômu na Jésus amaviga na gôndé Jésus na amamôbeenda éetso éne émeendahngô. Jésus amakea n’ahngô anguene gébé n’oma na gô gésa samôsenge ôéndô mbe Bethsaïda. 11Ivô oma ayekani amamenya tungune émakeahngô na amamôaanda. Jésus asipatsé ahngô. Ameekéda mabégô mokumu aNzambé na amadôngéda ane amabaka na mabeea.
12Vamaba nyee ôka gô édaaga, aneengie amakea na vandé Jésus gôémôbeenda mbe: Panganéda omeaa ahkea na gô mbôka na go madeke gôébuta môyakô na miakô gôébégô tungune edué ésaba oma. 13Jésus amaabéa anhgô mbe: Itsani ahngô môyakô. Aneengie amatsapéô na amavovo mbe: We éva tôndé te na mipemba mitayi na tônyama tôbaé tagô mbéyi. ?Onyôngéô we tôkesômba môyakô ôngaduga gôéngutéda omeaa muetso-a? 14Na gô pie amabaka te ayekani. (Otangôe waô ômabaka mavooe mitônisa mitayi miamôgôô.) Jésus amatôma aneengie mbe: Digédani ahngô tsôôgô épo nzima ditayi, tsôôgô épo nzima ditayi. 15Aneengie amadigéda omee gamatômu ahngô na Jésus. 16Vane Jésus amabongo mipemba mitayi na tônyama tôbaé tagô mbéyi. Amabôkaméa miso medi na amaduka Nzambé mate gô éangô. Amabukua mipemba na ameetsa aneengie. Aneengie dôta ahmamikabanéa n’oma muetso. 17Muetso amaa na amanguta. Gômaduga nzima éatsaô na tsaô dibaé yebéndékée émasanéakani.
Pierre amapandôéda mbe, Jésus te Christ
(Bono na Matt. 16:13–19, Marc 8:27–29)
18Nyovo vamabaka Jésus gôévovo na Nzambé, aneengie amaviga na vandé angô. Jésus ameevôa ahngô mbe: ?Gô matasa moma me nandé nayee? 19Ahmamôaabéa mbe: Avo ahmenya mbe éwe te Jean-Baptiste. Avo dôta ahmenya mbe éwe te Elie. N’avo mbe éwe te môvo va gatse apandôédi ambeego amatasa maNzambé akundugi g’ôwa. 20Jésus ameevôa ahngô mbe: ?N’anye, gô matasa manyô, me ndaa-vo? Pierre amamôaabéa mbe: Ewe te Christ, ône amatômu na Nzambé.
Jésus amabeenda ôwedi na gékundugéô sedi
(Bono na Matt. 16:20–28, Marc 8:30—9:1)
21Vane Jésus amadékéda ahngô mbe: Nômbiayeega ébeenda môma. 22Jésus amoomba mbe: Engaba mbe me, Muana Amôma nangeena maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga. 23Vane Jésus ameekéda muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa pitsi yetso na akee géômbé gévo n’ami. 24One angakebangana ôwa angô angawa. One asangabusuga ôwa gô inami, te angô angadenga monyo. 25?Tsoongo ndé ôkô môma adiia éôma éetso éava tsina na adimbanéda monyoe wedi apie na abunganéda amuene? 26Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé. 27Nanôbeenda ébégô édué éapie mbe, avo va gatse anye nôndé éva, nôsangawa ta madeo nôsiena ôkumu aNzambé ôviga.
Otô aJésus ômakoga pesu andéô
(Bono na Matt. 17:1–8, Marc 9:2–8)
28Jésus amamana énigôa mabégôme mane, ôkana apitsi tsambué ômoota, amabata na gô ngongo amôkôdi gôévovo na Nzambé. Amakea na Pierre na Jean na Jacques. 29Vamabakangô gôévovo na Nzambé, gédimô sedi gémakoga na ngeengeyi. Maduani medi dôta mamakoga n’obébayi ga géeno. 30Tsina na tsina gômatsiga oma abaé amanigôana na Jésus. Te Moïse na Elie. 31Angô abaé amasutuméa n’ondômbee wetso ag’oba. Amanigôana na Jésus gôébégô éeyanzee émeetsô angô na Nzambé gôéwa gô môsenge aJérusalem. 32Pierre n’akedi amabaka ti gô vio, ivô amatimôga na ameena ôndômbee ag’ôba ômabaka na Jésus n’omee abaé ane. 33Vamanôtôga omee abaé ane vandé Jésus, Pierre amavovo mbe: Ah Môékédi, te buedi gadenganiô wa n’anyô éva. Tôsaéni yeba ditatô yagébandé. Ovo woo. Ovo aMoïse. Ovo aElie. Pierre amavovo nane gémenye éne émavovo angô. 34Agébaka gôévovo, ôbôngé ômakukéga ôbee na gédinadina sobôngé gémeebéda ahngô muetso. Aneengie amatsôpu na gomo gômapikô ahngô n’obôngée. 35Ogi ômookanô ôvovo g’ôbôngée mbe: Odôô te muanee ami amasevouni. Oôkéôni angô. 36Vamayusuméda ôgie évovo, gôsienanôdô môma buétsé te Jésus amuene. Aneengie asiôngôé évovo. Na gô ndéô nene asinigôé môma éne émeenahngô.
Jésus amadôngéda muana amabaka na gédidi gébévani
(Bono na Matt. 17:14–18, Marc 9:14–27)
37Ovo inyee ône, Jésus n’aneengie atatô amasuma môkôdie. Géômbé gévôni gémaviga gôéwanya n’ahngô. 38Gô géômbége gômaadôngana mômôgôô môvô mbe: Môékédi, nagôgondo mbe, bono muanee wami. Angô te muanee ami ekika amômôgôô. 39Gédidige gébévani géengéyi gôndé angô mbe gémôaamuganéda tsina na tsina, na gémôtsukéda. Gô mônyedi gôkusa magudé. Gédidige géne gémôbévéda ti bévéda na gésanyôngéô émôtsika. 40Me nabambéyi aneengie woo mbe: Kusédani muanee gédidige gébévani, ivô ahngô ahsiôngôa égékuséda. 41Jésus amavovo n’ahngô mbe: Ti anye, asi pitsi yedi nôndé ti asi paga n’abévi. ?Nangoomba édigaa n’anye pitsi dikee? ?Nangoomba ésipéda anye éma ékee? Viga na muanee woo. 42Vamawesea muanee na vandé Jésus, gédidige gébévani gémamôginya na gémamôgunya na gô tsina. Jésus amakangéa gédidige géne. Amadôngéda muanee na amomônikéda na gôndé tétedi. 43Muetso ane amadenganôni amasôbasôbana ényangee na ngudi yaNzambé.
Jésus amoomba ébeenda ôwedi na gékundugéô sedi
(Bono na Matt. 17:22–23, Marc 9:30–32)
Gômasôbasôbana omee ane mane mamayanza Jésus, amanigôa aneengie edi mbe: 44Kuyani ébégô édué gô mitéma mianyô mbe nôngakôngédaka éangô. Me nanôbeenda mbe, me Muana Amôma nangakabô na gô mogo moma angayôha me. 45Ivô aneengie asinigôgéô éne émavovo Jésus. Evéndégéô éebégô émabaka eembe éav’esooe, n’ahngô asinigôgéô. Ahmookô Jésus gomo na asiôngôé émôévôa ébégôe éne.
?Mômane môvôni indaa?
(Bono na Matt. 18:1–5, Marc 9:33–37)
46Aneengie amasaganédana anguene gôégagana ône ootéa émenyanganô na Jésus mbe: ?Va gatse asô n’anyô ône ootéa n’enyangee indaa? 47Jésus asibômu étasa émabaka n’aneengie gô mitéma miaô. Amabambéa muana muanéngé mbe: Viga, tema va kôbangô ami. 48Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.
One asaba môvingi asô n’anyô andé te môma asô n’anyô
(Bono na Marc 9:38–40)
49Jean amavovo na Jésus mbe: Môékédi, we tôeni mômôgôô andé gôékuséda édidie ébévani gôndé oma gô ngudi yainoo. Na we tôbaki mbe tômôdékéda gôébégô asaba gô géômbé sasô n’anyô. 50Jésus amanigôa mbe: Nômbiamôdékéda. One asaba môvingi asô n’anyô, andé to môma asô n’anyô.
Asi mbôkane éagô Samarie amakina Jésus
51Gédingéô saJésus sava tsina gémabaka géka gôégôga. Jésus amavanga môtôôe wedi gôékea na gô môsenge aJérusalem. 52Angô n’egétimôgaka amakudéga peegiye. Peegiye dimatsiga gô mbôkane éagô tsenge éaSamarie gôékônzéa Jésus mane manganyôngéô angô. 53Vamookô kumu yambôka mbe, Jésus angabuéa na gô Jérusalem, asisingé angô gôédigaa gô mbôkaô. 54Vamookô aneengi abaé Jacques na Jean ookô nane, ameevôa Jésus mbe: ?Kumu ônyôngéô mbe tôaagéda soto g’ôba gôéyôéda mbôkane édué-a? 55Jésus amabono angô abaé na amasemba ahngô mbe: Nôsamenya gédidige géndé n’anye. 56Me Muana Amôma tsiviga gôédimbanéda oma. Namaviga gôéoboo angô. Amakea na gô nyene mbôka.
Ndongi gôndé ane anyôngéô éaanda Jésus
(Bono na Matt. 8:19–22)
57Gômakea Jésus n’aneengi edi, môma môvo amaviga na gôndé Jésus na amavovo mbe: Nangakea n’ewe na gô tunguye yetso dingakewe. 58Jésus amamônikéda mbe: Ngômba dindé na makii maô. Nyoyi dindé na mebu maô. Ivô me, Muana Amôma tsaba na gédigaa seboga na sedunda. 59Jésus amavovo na muene mbe: Oka géômbé gévo n’ami. Môma nône amamôbikea mbe: Kumu, kokoo yewe, inda me napanga égunyéda téta. 60Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé. 61Môvo amavanga mbe: Nangakea nzéepo n’ewe Kumu. Singéa me napanga ééva kindami. 62Jésus amavovo n’edi mbe: One apénda gô nzéa éaNzambé na anikéda misome na gô ngima gôvigangô, asaba na tsoongo g’ôkumu aNzambé.
Currently Selected:
Luc 9: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
Luc 9
9
Jésus amakeda ane amasevoa angô nzima n’abaé
(Bono na Matt. 10:5–15, Marc 6:7–13)
1Jésus amakôkanganéda aneengi edi nzima n’abaé. Ameetsa ahngô ényanga na ngudi gôétôma édidi ébévani. Ameetsa ahngô na ngudi gôédôngéda mabeea metso. 2Amatôma ahngô gôéékéda Tsangô éokumu aNzambé na gôédôngéda abeeyi. 3Jésus angô mbe: Vakeanye, nômbiatsua sôma. Ta na péndé ta na gébémbé, ta na môyakô, ta na dode. Nômbiakea na ngoyi dibaé dibaé. 4Tunguye yetso dingasingéô anye gôéengéa nôdigaa te gô ebee ôngatubédu anye ngu na vanganôtôganye gône. 5Tunguye yetso dingakinéô anye, nôtôgani gô mbôkane yaô, dumédani ébisie éamakôdô manyô. Géné te géevédéô saô mbe: Nôwema. 6Aneengie ahmakea. Amoota gô mbôkaye yetso, ameekéda Tsangô Eamôsôba na amadôngéda abeeyie gô tungu yetso.
Hérode amabaka na mikebanganô
(Bono na Matt. 14:1–12, Marc 6:14–29)
7Gô ndéô nene môtômine Hérode amookô tsangô éamane mamabuéani. Na angô amabaka na mitéma mibaé. Oô môtéma amanyôngéô, ôô môtéma asinyôngéô. Gôébégô avo ahmavovo mbe: ôô te Jean-Baptiste amakunduga g’ôwa. 8N’avo amavovo mbe: Te Elie amatsutsugani. N’avo dôta ameenda mbe: Te môpandôédi amatasa maNzambé ambeego, amakundugani. 9Ivô amuene Hérode amavovo mbe: Me namakitséda Jean-Baptiste môtsé. ?One ookô me tsangôye pitsi yedi vita indaa? Vane Hérode amanyôngéô éena Jésus.
Jésus amayekedea mitônisa mitayi mioma môyakô
(Bono na Matt. 14:13–21, Marc 6:30–44, Jean 6:1–14)
10Aneengie, ane amatômu na Jésus amaviga na gôndé Jésus na amamôbeenda éetso éne émeendahngô. Jésus amakea n’ahngô anguene gébé n’oma na gô gésa samôsenge ôéndô mbe Bethsaïda. 11Ivô oma ayekani amamenya tungune émakeahngô na amamôaanda. Jésus asipatsé ahngô. Ameekéda mabégô mokumu aNzambé na amadôngéda ane amabaka na mabeea.
12Vamaba nyee ôka gô édaaga, aneengie amakea na vandé Jésus gôémôbeenda mbe: Panganéda omeaa ahkea na gô mbôka na go madeke gôébuta môyakô na miakô gôébégô tungune edué ésaba oma. 13Jésus amaabéa anhgô mbe: Itsani ahngô môyakô. Aneengie amatsapéô na amavovo mbe: We éva tôndé te na mipemba mitayi na tônyama tôbaé tagô mbéyi. ?Onyôngéô we tôkesômba môyakô ôngaduga gôéngutéda omeaa muetso-a? 14Na gô pie amabaka te ayekani. (Otangôe waô ômabaka mavooe mitônisa mitayi miamôgôô.) Jésus amatôma aneengie mbe: Digédani ahngô tsôôgô épo nzima ditayi, tsôôgô épo nzima ditayi. 15Aneengie amadigéda omee gamatômu ahngô na Jésus. 16Vane Jésus amabongo mipemba mitayi na tônyama tôbaé tagô mbéyi. Amabôkaméa miso medi na amaduka Nzambé mate gô éangô. Amabukua mipemba na ameetsa aneengie. Aneengie dôta ahmamikabanéa n’oma muetso. 17Muetso amaa na amanguta. Gômaduga nzima éatsaô na tsaô dibaé yebéndékée émasanéakani.
Pierre amapandôéda mbe, Jésus te Christ
(Bono na Matt. 16:13–19, Marc 8:27–29)
18Nyovo vamabaka Jésus gôévovo na Nzambé, aneengie amaviga na vandé angô. Jésus ameevôa ahngô mbe: ?Gô matasa moma me nandé nayee? 19Ahmamôaabéa mbe: Avo ahmenya mbe éwe te Jean-Baptiste. Avo dôta ahmenya mbe éwe te Elie. N’avo mbe éwe te môvo va gatse apandôédi ambeego amatasa maNzambé akundugi g’ôwa. 20Jésus ameevôa ahngô mbe: ?N’anye, gô matasa manyô, me ndaa-vo? Pierre amamôaabéa mbe: Ewe te Christ, ône amatômu na Nzambé.
Jésus amabeenda ôwedi na gékundugéô sedi
(Bono na Matt. 16:20–28, Marc 8:30—9:1)
21Vane Jésus amadékéda ahngô mbe: Nômbiayeega ébeenda môma. 22Jésus amoomba mbe: Engaba mbe me, Muana Amôma nangeena maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga. 23Vane Jésus ameekéda muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa pitsi yetso na akee géômbé gévo n’ami. 24One angakebangana ôwa angô angawa. One asangabusuga ôwa gô inami, te angô angadenga monyo. 25?Tsoongo ndé ôkô môma adiia éôma éetso éava tsina na adimbanéda monyoe wedi apie na abunganéda amuene? 26Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé. 27Nanôbeenda ébégô édué éapie mbe, avo va gatse anye nôndé éva, nôsangawa ta madeo nôsiena ôkumu aNzambé ôviga.
Otô aJésus ômakoga pesu andéô
(Bono na Matt. 17:1–8, Marc 9:2–8)
28Jésus amamana énigôa mabégôme mane, ôkana apitsi tsambué ômoota, amabata na gô ngongo amôkôdi gôévovo na Nzambé. Amakea na Pierre na Jean na Jacques. 29Vamabakangô gôévovo na Nzambé, gédimô sedi gémakoga na ngeengeyi. Maduani medi dôta mamakoga n’obébayi ga géeno. 30Tsina na tsina gômatsiga oma abaé amanigôana na Jésus. Te Moïse na Elie. 31Angô abaé amasutuméa n’ondômbee wetso ag’oba. Amanigôana na Jésus gôébégô éeyanzee émeetsô angô na Nzambé gôéwa gô môsenge aJérusalem. 32Pierre n’akedi amabaka ti gô vio, ivô amatimôga na ameena ôndômbee ag’ôba ômabaka na Jésus n’omee abaé ane. 33Vamanôtôga omee abaé ane vandé Jésus, Pierre amavovo mbe: Ah Môékédi, te buedi gadenganiô wa n’anyô éva. Tôsaéni yeba ditatô yagébandé. Ovo woo. Ovo aMoïse. Ovo aElie. Pierre amavovo nane gémenye éne émavovo angô. 34Agébaka gôévovo, ôbôngé ômakukéga ôbee na gédinadina sobôngé gémeebéda ahngô muetso. Aneengie amatsôpu na gomo gômapikô ahngô n’obôngée. 35Ogi ômookanô ôvovo g’ôbôngée mbe: Odôô te muanee ami amasevouni. Oôkéôni angô. 36Vamayusuméda ôgie évovo, gôsienanôdô môma buétsé te Jésus amuene. Aneengie asiôngôé évovo. Na gô ndéô nene asinigôé môma éne émeenahngô.
Jésus amadôngéda muana amabaka na gédidi gébévani
(Bono na Matt. 17:14–18, Marc 9:14–27)
37Ovo inyee ône, Jésus n’aneengie atatô amasuma môkôdie. Géômbé gévôni gémaviga gôéwanya n’ahngô. 38Gô géômbége gômaadôngana mômôgôô môvô mbe: Môékédi, nagôgondo mbe, bono muanee wami. Angô te muanee ami ekika amômôgôô. 39Gédidige gébévani géengéyi gôndé angô mbe gémôaamuganéda tsina na tsina, na gémôtsukéda. Gô mônyedi gôkusa magudé. Gédidige géne gémôbévéda ti bévéda na gésanyôngéô émôtsika. 40Me nabambéyi aneengie woo mbe: Kusédani muanee gédidige gébévani, ivô ahngô ahsiôngôa égékuséda. 41Jésus amavovo n’ahngô mbe: Ti anye, asi pitsi yedi nôndé ti asi paga n’abévi. ?Nangoomba édigaa n’anye pitsi dikee? ?Nangoomba ésipéda anye éma ékee? Viga na muanee woo. 42Vamawesea muanee na vandé Jésus, gédidige gébévani gémamôginya na gémamôgunya na gô tsina. Jésus amakangéa gédidige géne. Amadôngéda muanee na amomônikéda na gôndé tétedi. 43Muetso ane amadenganôni amasôbasôbana ényangee na ngudi yaNzambé.
Jésus amoomba ébeenda ôwedi na gékundugéô sedi
(Bono na Matt. 17:22–23, Marc 9:30–32)
Gômasôbasôbana omee ane mane mamayanza Jésus, amanigôa aneengie edi mbe: 44Kuyani ébégô édué gô mitéma mianyô mbe nôngakôngédaka éangô. Me nanôbeenda mbe, me Muana Amôma nangakabô na gô mogo moma angayôha me. 45Ivô aneengie asinigôgéô éne émavovo Jésus. Evéndégéô éebégô émabaka eembe éav’esooe, n’ahngô asinigôgéô. Ahmookô Jésus gomo na asiôngôé émôévôa ébégôe éne.
?Mômane môvôni indaa?
(Bono na Matt. 18:1–5, Marc 9:33–37)
46Aneengie amasaganédana anguene gôégagana ône ootéa émenyanganô na Jésus mbe: ?Va gatse asô n’anyô ône ootéa n’enyangee indaa? 47Jésus asibômu étasa émabaka n’aneengie gô mitéma miaô. Amabambéa muana muanéngé mbe: Viga, tema va kôbangô ami. 48Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.
One asaba môvingi asô n’anyô andé te môma asô n’anyô
(Bono na Marc 9:38–40)
49Jean amavovo na Jésus mbe: Môékédi, we tôeni mômôgôô andé gôékuséda édidie ébévani gôndé oma gô ngudi yainoo. Na we tôbaki mbe tômôdékéda gôébégô asaba gô géômbé sasô n’anyô. 50Jésus amanigôa mbe: Nômbiamôdékéda. One asaba môvingi asô n’anyô, andé to môma asô n’anyô.
Asi mbôkane éagô Samarie amakina Jésus
51Gédingéô saJésus sava tsina gémabaka géka gôégôga. Jésus amavanga môtôôe wedi gôékea na gô môsenge aJérusalem. 52Angô n’egétimôgaka amakudéga peegiye. Peegiye dimatsiga gô mbôkane éagô tsenge éaSamarie gôékônzéa Jésus mane manganyôngéô angô. 53Vamookô kumu yambôka mbe, Jésus angabuéa na gô Jérusalem, asisingé angô gôédigaa gô mbôkaô. 54Vamookô aneengi abaé Jacques na Jean ookô nane, ameevôa Jésus mbe: ?Kumu ônyôngéô mbe tôaagéda soto g’ôba gôéyôéda mbôkane édué-a? 55Jésus amabono angô abaé na amasemba ahngô mbe: Nôsamenya gédidige géndé n’anye. 56Me Muana Amôma tsiviga gôédimbanéda oma. Namaviga gôéoboo angô. Amakea na gô nyene mbôka.
Ndongi gôndé ane anyôngéô éaanda Jésus
(Bono na Matt. 8:19–22)
57Gômakea Jésus n’aneengi edi, môma môvo amaviga na gôndé Jésus na amavovo mbe: Nangakea n’ewe na gô tunguye yetso dingakewe. 58Jésus amamônikéda mbe: Ngômba dindé na makii maô. Nyoyi dindé na mebu maô. Ivô me, Muana Amôma tsaba na gédigaa seboga na sedunda. 59Jésus amavovo na muene mbe: Oka géômbé gévo n’ami. Môma nône amamôbikea mbe: Kumu, kokoo yewe, inda me napanga égunyéda téta. 60Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé. 61Môvo amavanga mbe: Nangakea nzéepo n’ewe Kumu. Singéa me napanga ééva kindami. 62Jésus amavovo n’edi mbe: One apénda gô nzéa éaNzambé na anikéda misome na gô ngima gôvigangô, asaba na tsoongo g’ôkumu aNzambé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983