Esiteli 6
6
Ntinu zitisidi Molodokayi
1Mu builu buna, tulu tu ntinu tutina. Wukamba banata buku yi mavanga ma ntinu, yina yisonama mambu ma zithangu. Buna batanga yo va ntuala ntinu. 2Babakula ti kusonama diodio Molodokayi kaluengisa mu diambu di Bingitani ayi Telesi, bisadi bi nzo ntinu, minkengi mi muelo, batomba mu tula moko ntinu Kizelisesi. 3Ntinu wuyuvula: «Nzitusu mbi, diambu mbi divangu kudi Molodokayi mu diambu diodio?» Mu diawu bisadi bakamba: «Kuisi vangu ko kadi diambu mu diambu diandi.» 4Buna ntinu wuyuvula: «Nani widi ku nganda?» Bu dimonika ti Hamani wuyiza va nganda nzo ntinu muingi kakamba ntinu kaledika Molodokayi va nti wukakubika mu diambu diandi. 5Bisadi bakamba: «Tala Hamani telamene va nganda.» Ntinu wukamba: «Bika kakota.» 6Hamani bukakota, buna ntinu wuyuvula: «Mbi diambu difueti vangulu mutu wo ntinu kazolele yangidika?» Hamani wukikamba mu ntima andi: «Kudi nani viokila minu ntinu kalenda yangalala vana nzitusu?» 7Buna Hamani wuvutula kudi ntinu: «Mu diambu di mutu wowo ntinu yandi mosi kamueni khini, 8bika batuala nlele wu kitinu wumvuatanga ntinu, ayi bankumisa va yilu kavalu yikumanga ntinu, yivuiku kolowa va ntu. 9Bika bavana nlele ayi kavalu kudi wumosi mu zimfumu ayi bafueti vuika mutu ntinu kamueni khini mu zitisa#6.9 Vuata nlele ayi kuma va phunda yi ntinu yilembo bundani mu nzitusu andi. ayi bafuiti kunzietisa va fulu ki batu mu mbanza, wukuma va kavalu ayi bayamikina va ntuala andi: “Tala bue bamvangilanga mutu wowo ntinu kamueni khini mu zitisa!”»
10Buna ntinu wukamba kudi Hamani: «Sia nsualu, bonga nlele ayi kavalu, banga bukembi, ayi vanga bo kudi Molodokayi, Nyudayo kedi va muelo wu ntinu. Sia ti kadi diambu dikambu vangama mu mamo makembi.» 11Hamani wubonga nlele ayi kavalu, wuvuika Molodokayi, wunzietisa va kavalu va fulu ki batu mu mbanza ayi wuyamikina va ntuala andi: «Tala bufueti vangulu mutu wowo ntinu kamueni khini mu zitisa!» 12Landila dio, Molodokayi wuvutuka va muelo ntinu. Vayi Hamani wuyenda nsualu ku nzo, wufuka zizi kiandi mu sueka tsoni. 13Hamani wukamba Zelesi, nketo andi ayi bakundi bandi babo mamo mabua. Batu bandi banduenga ayi Zelesi, nketo andi bankamba: «Ti Molodokayi va ntuala nani metona bua, widi mu nkuna Bayudayo, kulendi kununga ko, mu kedika, mawubua va ntuala andi.» 14Bubalembo mokani ayi niandi, bisadi bi nzo ntinu bayiza ayi banata mu nsualu wuwo Hamani ku ndambisa yikubika Esteli.
Currently Selected:
Esiteli 6: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
Esiteli 6
6
Ntinu zitisidi Molodokayi
1Mu builu buna, tulu tu ntinu tutina. Wukamba banata buku yi mavanga ma ntinu, yina yisonama mambu ma zithangu. Buna batanga yo va ntuala ntinu. 2Babakula ti kusonama diodio Molodokayi kaluengisa mu diambu di Bingitani ayi Telesi, bisadi bi nzo ntinu, minkengi mi muelo, batomba mu tula moko ntinu Kizelisesi. 3Ntinu wuyuvula: «Nzitusu mbi, diambu mbi divangu kudi Molodokayi mu diambu diodio?» Mu diawu bisadi bakamba: «Kuisi vangu ko kadi diambu mu diambu diandi.» 4Buna ntinu wuyuvula: «Nani widi ku nganda?» Bu dimonika ti Hamani wuyiza va nganda nzo ntinu muingi kakamba ntinu kaledika Molodokayi va nti wukakubika mu diambu diandi. 5Bisadi bakamba: «Tala Hamani telamene va nganda.» Ntinu wukamba: «Bika kakota.» 6Hamani bukakota, buna ntinu wuyuvula: «Mbi diambu difueti vangulu mutu wo ntinu kazolele yangidika?» Hamani wukikamba mu ntima andi: «Kudi nani viokila minu ntinu kalenda yangalala vana nzitusu?» 7Buna Hamani wuvutula kudi ntinu: «Mu diambu di mutu wowo ntinu yandi mosi kamueni khini, 8bika batuala nlele wu kitinu wumvuatanga ntinu, ayi bankumisa va yilu kavalu yikumanga ntinu, yivuiku kolowa va ntu. 9Bika bavana nlele ayi kavalu kudi wumosi mu zimfumu ayi bafueti vuika mutu ntinu kamueni khini mu zitisa#6.9 Vuata nlele ayi kuma va phunda yi ntinu yilembo bundani mu nzitusu andi. ayi bafuiti kunzietisa va fulu ki batu mu mbanza, wukuma va kavalu ayi bayamikina va ntuala andi: “Tala bue bamvangilanga mutu wowo ntinu kamueni khini mu zitisa!”»
10Buna ntinu wukamba kudi Hamani: «Sia nsualu, bonga nlele ayi kavalu, banga bukembi, ayi vanga bo kudi Molodokayi, Nyudayo kedi va muelo wu ntinu. Sia ti kadi diambu dikambu vangama mu mamo makembi.» 11Hamani wubonga nlele ayi kavalu, wuvuika Molodokayi, wunzietisa va kavalu va fulu ki batu mu mbanza ayi wuyamikina va ntuala andi: «Tala bufueti vangulu mutu wowo ntinu kamueni khini mu zitisa!» 12Landila dio, Molodokayi wuvutuka va muelo ntinu. Vayi Hamani wuyenda nsualu ku nzo, wufuka zizi kiandi mu sueka tsoni. 13Hamani wukamba Zelesi, nketo andi ayi bakundi bandi babo mamo mabua. Batu bandi banduenga ayi Zelesi, nketo andi bankamba: «Ti Molodokayi va ntuala nani metona bua, widi mu nkuna Bayudayo, kulendi kununga ko, mu kedika, mawubua va ntuala andi.» 14Bubalembo mokani ayi niandi, bisadi bi nzo ntinu bayiza ayi banata mu nsualu wuwo Hamani ku ndambisa yikubika Esteli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation