1 Mose 20
20
Abalahami ayi Abimeleki
1Mu thangu yoyo, Abalahami wubotuka va kaba, wuyenda ku tsi yikhatu yi Nengevi, ayi wukala va khati Kadesi ayi Suli ayi wuyenda kadi banga nzenza ku Ngelali. 2Abalahami wukamba mu diambu di nketo andi Sala: «Niandi busi#20.2 Tala 12.13, 26.7. kiami.» Buna Abimeleki, ntinu ku Ngelali, wufidisa mutu mu bonga Sala. 3Bilumbu bivioka, Nzambi wumonika Abimeki va builu mu ndozi ayi wunkamba: «Keba kuaku wulembo monikina banga mutu wufua mu diambu di nketo wowo wuwubongidi, bila wukuela kadi.» 4Vayi Abimeleki kasi bundisa nitu andi ayi Sala ko. Buna Abimeleki wukamba: «Mfumu, ngeyo lenda kuaku fukisa mbanza mu kambu bila? 5Keti niandi veka Abalahami wukhembi ti Sala busi kiandi, Sala phe wukhembi ti Abalahami khomba ami yi bakala. Phengi diawu mu ntima wusonga, ayi mioko mikambulu bila.»
6Buna Nzambi wumvutudila mu ndozi: «Minu nzebi ti vengi diambu diodio mu ntima wusonga. Ndivukisidi muingi wubika vola masumu va thadisi ami, diawu ndikadi kuyambula wubundisa yandi nitu. 7Vayi buabu vutula nketo Abalahami kudi bakala diandi bila niandi mbikudi kadi, makadila mvutu ayi mawuzinga. Ti wukadi kumvutula, zaba ti mawufua ngeyo ayi batu baku bavuidi.» 8Buna Abimeleki wutelama mu nsuka nabu, wutumisa bisadi biandi bibio, wubakamba mamo ma vioka mu nsamu wowo, batu bobo bubawa mawu, bamona wonga. 9Buna Abimeleki wutumisa Abalahami, ayi wunkamba: Diambu mbi diodio wutuvangidi? Disumu mbi ndivangidi muingi wutuyanika minu ayi kitinu kiami mu disumu dinnene diodio? Diwuphangidi, diambu dikabalendi ko vangila mutu. 10Abimeleki wubuela kamba Abalahami: «Mabanza mbi mabedi yaku muvanga diambu diodio?» 11Abalahami wuvutula: «Ndituba mu tsi ntima ti kuisi ko kadi mua vumi ki Nzambi va fulu kiaki, mabaphonda mu diambu di nketo ami. 12Bosi kedika, Sala, busi kiami, muana nketo wu se diami, vayi bika mu ngudi mosi, ayi wuyika nketo ami. 13Mu thangu Nzambi kathotula mu nzo se diami, ndikamba Sala: “Mu muamo mu matuekangalanga, ndikubombidila mu tuba ti ndidi khomba aku yi bakala.”»
14Buna Abimeleki wubonga bulu bifioti ayi binene, bisadi bi babakala ayi bi baketo, wuvana biawu kudi Abalahami, wumvutudila nketo andi Sala. 15Ayi wunkamba: «Tala tsi ami yimvimba yayi yidi va ntuala aku. Kala voso vamueni va mbote mu kala.» 16Wunkamba Sala: «Tala, pheni kudi khomba aku funda dipalata, dimbu kinsonga mu meso ma bandiata yaku ayi kudi babo ti wusi vanguluaku bifu bimbimbi ko.»
17Abalahami wudila Abimeleki mvutu kudi Nzambi ayi Nzambi wubelusa Abimeleki, nketo andi ayi bisadi biandi bibaketo babuta bana.
18Mfumu Nzambi wutula baketo babo ba nzo yi Abimeleki bisita mu diambu di Sala, nketo Abalahami.
Currently Selected:
1 Mose 20: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
1 Mose 20
20
Abalahami ayi Abimeleki
1Mu thangu yoyo, Abalahami wubotuka va kaba, wuyenda ku tsi yikhatu yi Nengevi, ayi wukala va khati Kadesi ayi Suli ayi wuyenda kadi banga nzenza ku Ngelali. 2Abalahami wukamba mu diambu di nketo andi Sala: «Niandi busi#20.2 Tala 12.13, 26.7. kiami.» Buna Abimeleki, ntinu ku Ngelali, wufidisa mutu mu bonga Sala. 3Bilumbu bivioka, Nzambi wumonika Abimeki va builu mu ndozi ayi wunkamba: «Keba kuaku wulembo monikina banga mutu wufua mu diambu di nketo wowo wuwubongidi, bila wukuela kadi.» 4Vayi Abimeleki kasi bundisa nitu andi ayi Sala ko. Buna Abimeleki wukamba: «Mfumu, ngeyo lenda kuaku fukisa mbanza mu kambu bila? 5Keti niandi veka Abalahami wukhembi ti Sala busi kiandi, Sala phe wukhembi ti Abalahami khomba ami yi bakala. Phengi diawu mu ntima wusonga, ayi mioko mikambulu bila.»
6Buna Nzambi wumvutudila mu ndozi: «Minu nzebi ti vengi diambu diodio mu ntima wusonga. Ndivukisidi muingi wubika vola masumu va thadisi ami, diawu ndikadi kuyambula wubundisa yandi nitu. 7Vayi buabu vutula nketo Abalahami kudi bakala diandi bila niandi mbikudi kadi, makadila mvutu ayi mawuzinga. Ti wukadi kumvutula, zaba ti mawufua ngeyo ayi batu baku bavuidi.» 8Buna Abimeleki wutelama mu nsuka nabu, wutumisa bisadi biandi bibio, wubakamba mamo ma vioka mu nsamu wowo, batu bobo bubawa mawu, bamona wonga. 9Buna Abimeleki wutumisa Abalahami, ayi wunkamba: Diambu mbi diodio wutuvangidi? Disumu mbi ndivangidi muingi wutuyanika minu ayi kitinu kiami mu disumu dinnene diodio? Diwuphangidi, diambu dikabalendi ko vangila mutu. 10Abimeleki wubuela kamba Abalahami: «Mabanza mbi mabedi yaku muvanga diambu diodio?» 11Abalahami wuvutula: «Ndituba mu tsi ntima ti kuisi ko kadi mua vumi ki Nzambi va fulu kiaki, mabaphonda mu diambu di nketo ami. 12Bosi kedika, Sala, busi kiami, muana nketo wu se diami, vayi bika mu ngudi mosi, ayi wuyika nketo ami. 13Mu thangu Nzambi kathotula mu nzo se diami, ndikamba Sala: “Mu muamo mu matuekangalanga, ndikubombidila mu tuba ti ndidi khomba aku yi bakala.”»
14Buna Abimeleki wubonga bulu bifioti ayi binene, bisadi bi babakala ayi bi baketo, wuvana biawu kudi Abalahami, wumvutudila nketo andi Sala. 15Ayi wunkamba: «Tala tsi ami yimvimba yayi yidi va ntuala aku. Kala voso vamueni va mbote mu kala.» 16Wunkamba Sala: «Tala, pheni kudi khomba aku funda dipalata, dimbu kinsonga mu meso ma bandiata yaku ayi kudi babo ti wusi vanguluaku bifu bimbimbi ko.»
17Abalahami wudila Abimeleki mvutu kudi Nzambi ayi Nzambi wubelusa Abimeleki, nketo andi ayi bisadi biandi bibaketo babuta bana.
18Mfumu Nzambi wutula baketo babo ba nzo yi Abimeleki bisita mu diambu di Sala, nketo Abalahami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation