1 Mose 40
40
Ndozi yi nuiki ayi nlambi mapha
1Landila mambu momo, nuiki malavu wu ntinu ku Ngipiti ayi nlambi mapha bavanga mambi va thadisi mfumu awu, ntinu ku Ngipiti. 2Falao wufuemina bisadi biandi bibiole bi leta, mfumu yi minuiki ayi mfumu nlambi mi mapha. 3Wubatula mu buloko mu vinga ki mfumu minsungi, mu fulu kiokio Yosefi kabela muisi buloko. 4Buna mfumu minsungi wutuma Yosefi mu ba fika fika ayi bawu mu kubasadila ayi bakala mu buloko ndambu bilumbu.
Yosefi wubangula zindozi
5Buna bawu babole balota mutu ayi yandi ndozi, mu builu bumosi, mutu na ndozi andi. Kadika ndozi ayi mbangudulu andi, mfumu nuiki malavu ayi mfumu nlambi mapha bavuiwulu kudi ntinu Ngipiti, baba basi buloko mu nzo buloko. 6Mu thangu Yosefi kayiza kudi bawu mu nsuka ayi wubamona, zizi biawu biba na yindindi. 7Ayi Yosefi wutona yuvula bisadi bi leta bi Falao bobo baba yandi mu buloko mu nzo mfumu andi, wukamba: «Bila mbi zizi bieno bididi na yindindi lumbu kiaki?» 8Buna bankamba: «Tulotolo ndozi ayi tuisi ko mbangudi.» Vayi Yosefi wubakamba: «Zimbangudulu zivuiwulu kudi Nzambi. Lukhamba ndozi yilulotidi, ndikulubombidila.»
9Buna mfumu yi minuiki wukamba ndozi andi kudi Yosefi ayi wunkamba: «Mu ndozi ami, tala, tsola minti mi vinu wuba va ntuala ami. 10Mu nti vinu muba matavi matatu, ayi nti banga wawu wuntotula bifulu. Bifulu biandi bitotuka. Bisaka biandi biyedisa makundi ma vinu. 11Mbungu yi Falao yiba mu koko kuami, buna ndibonga makundi ma vinu ayi ndikamuna mawu mu mbungu Falao. Buna nditula mbungu mu koko ku Falao.» 12Buna Yosefi wunkamba: «Tala mbangudulu ndozi beni: Matavi matatu madi lumbu bitatu. 13Lumbu bitatu bisiedi, Falao makavumbula ntu aku ayi mu kedika makakuvutula mu kisalu kiaku, inga, mawu buela tulanga mbungu yi Falao va koko kuandi, boso buidi fu kikhulu, mu thangu wuba nuiki andi. 14Vayi wumbambukila moyo, mu thangu mawutomoso ayi wumfuila khenda: tuba mambote mu minu kudi Falao ayi wuthotudisa mu buloko buabu. 15Bila mu kingolo ndiziono mu tsi ba Ebeleo ayi, vava, ndisivangami diambu ko muingi bathula mu buloko.»
16Mu thangu mfumu minlambi mi mapha kamona ti wubangula mbote ndozi, wukamba Yosefi: «Minu phe, ndiba mu ndozi ami, ayi tala, kuba phidi tatu zi mapha maphembe va ntu ami, 17Mu phidi yiba va mbata muba, mu diambu di Falao, ziphila zizio zi bidia, bilamba nlambi mapha, ayi kuba zinuni ziababidianga mu phidi va ntu ami.» 18Buna Yosefi wuvutula ayi wukamba: «Tala mbangudulu yi ndozi beni: zi phidi zitatu zidi lumbu bitatu. 19Lumbu bitatu bisidi, Falao makavumbula ntu aku va mbata aku ayi kedika makadengidika mu nti, inga, zinuni mazidia nsuni va ntu aku.»
20Mu lumbu kintatu kiba lumbu ki khembo mbutukulu yi Falao, buna wusadisa ndikulu mu diambu di bisadi biandi bibio ayi wuvumbula ntu mfumu minuiki ayi ntu mfumu minlambi mi mapha va khati bisadi biandi. 21Buna wuvutula mfumu minuiki mu kisalu kiandi ki nuiki, ayi wutatamana tula mbungu mu koko ku Falao. 22Vayi mfumu nlambi mi mapha, Falao wundengidika, boso Yosefi kababangudila ndozi. 23Vayi mfumu minuiki kasibambukila ko Yosefi moyo, wunzimbakana.
Currently Selected:
1 Mose 40: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
1 Mose 40
40
Ndozi yi nuiki ayi nlambi mapha
1Landila mambu momo, nuiki malavu wu ntinu ku Ngipiti ayi nlambi mapha bavanga mambi va thadisi mfumu awu, ntinu ku Ngipiti. 2Falao wufuemina bisadi biandi bibiole bi leta, mfumu yi minuiki ayi mfumu nlambi mi mapha. 3Wubatula mu buloko mu vinga ki mfumu minsungi, mu fulu kiokio Yosefi kabela muisi buloko. 4Buna mfumu minsungi wutuma Yosefi mu ba fika fika ayi bawu mu kubasadila ayi bakala mu buloko ndambu bilumbu.
Yosefi wubangula zindozi
5Buna bawu babole balota mutu ayi yandi ndozi, mu builu bumosi, mutu na ndozi andi. Kadika ndozi ayi mbangudulu andi, mfumu nuiki malavu ayi mfumu nlambi mapha bavuiwulu kudi ntinu Ngipiti, baba basi buloko mu nzo buloko. 6Mu thangu Yosefi kayiza kudi bawu mu nsuka ayi wubamona, zizi biawu biba na yindindi. 7Ayi Yosefi wutona yuvula bisadi bi leta bi Falao bobo baba yandi mu buloko mu nzo mfumu andi, wukamba: «Bila mbi zizi bieno bididi na yindindi lumbu kiaki?» 8Buna bankamba: «Tulotolo ndozi ayi tuisi ko mbangudi.» Vayi Yosefi wubakamba: «Zimbangudulu zivuiwulu kudi Nzambi. Lukhamba ndozi yilulotidi, ndikulubombidila.»
9Buna mfumu yi minuiki wukamba ndozi andi kudi Yosefi ayi wunkamba: «Mu ndozi ami, tala, tsola minti mi vinu wuba va ntuala ami. 10Mu nti vinu muba matavi matatu, ayi nti banga wawu wuntotula bifulu. Bifulu biandi bitotuka. Bisaka biandi biyedisa makundi ma vinu. 11Mbungu yi Falao yiba mu koko kuami, buna ndibonga makundi ma vinu ayi ndikamuna mawu mu mbungu Falao. Buna nditula mbungu mu koko ku Falao.» 12Buna Yosefi wunkamba: «Tala mbangudulu ndozi beni: Matavi matatu madi lumbu bitatu. 13Lumbu bitatu bisiedi, Falao makavumbula ntu aku ayi mu kedika makakuvutula mu kisalu kiaku, inga, mawu buela tulanga mbungu yi Falao va koko kuandi, boso buidi fu kikhulu, mu thangu wuba nuiki andi. 14Vayi wumbambukila moyo, mu thangu mawutomoso ayi wumfuila khenda: tuba mambote mu minu kudi Falao ayi wuthotudisa mu buloko buabu. 15Bila mu kingolo ndiziono mu tsi ba Ebeleo ayi, vava, ndisivangami diambu ko muingi bathula mu buloko.»
16Mu thangu mfumu minlambi mi mapha kamona ti wubangula mbote ndozi, wukamba Yosefi: «Minu phe, ndiba mu ndozi ami, ayi tala, kuba phidi tatu zi mapha maphembe va ntu ami, 17Mu phidi yiba va mbata muba, mu diambu di Falao, ziphila zizio zi bidia, bilamba nlambi mapha, ayi kuba zinuni ziababidianga mu phidi va ntu ami.» 18Buna Yosefi wuvutula ayi wukamba: «Tala mbangudulu yi ndozi beni: zi phidi zitatu zidi lumbu bitatu. 19Lumbu bitatu bisidi, Falao makavumbula ntu aku va mbata aku ayi kedika makadengidika mu nti, inga, zinuni mazidia nsuni va ntu aku.»
20Mu lumbu kintatu kiba lumbu ki khembo mbutukulu yi Falao, buna wusadisa ndikulu mu diambu di bisadi biandi bibio ayi wuvumbula ntu mfumu minuiki ayi ntu mfumu minlambi mi mapha va khati bisadi biandi. 21Buna wuvutula mfumu minuiki mu kisalu kiandi ki nuiki, ayi wutatamana tula mbungu mu koko ku Falao. 22Vayi mfumu nlambi mi mapha, Falao wundengidika, boso Yosefi kababangudila ndozi. 23Vayi mfumu minuiki kasibambukila ko Yosefi moyo, wunzimbakana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation