Yona 1
1
Yona wuthota tina Nzambi
1Buna phova yi Yave yiyiza kudi Yona, muana Amitayi#1.1 Muana Amitayi: Tala 2 Mint. 14.25., mu khumbu yitheti, yikamba: 2«Telama ayi yenda ku Ninive#1.2 Ninive: Mbanza yi kimfumu ki luyalu lu Asilia, tala kifuani mu 2 Mnt 19.36, Nah 1.1., mbanza yinene ayi boka mu yawu bila mambi mawu matudidi va ntuala ami.»
3Vayi Yona wutelama mu tina ku Talasi, va ntuala Yave. Landila dio, wukulumuka ku Yafo#1.3 Mbanza yiba ku muyenda mbu widi ku mbata Afilika. Mbanza yitamba mbusa ayi Ninive. Mu ki ngeleke, Yope (tala Mav. 10.5), yiba dibongo di Yelusalemi. Mu lumbu kiaki, kidi fulu kifikamene ayi mbanza Teli-Avivi. ayi wubata masuwa mabakuenda ku Talasi. Buna wufuta thalu mbongo zi kibila ayi wukulumuka muna mu kuenda ayi bawu ku Talasi, va ntuala Yave.
4Ayi Yave yandi veka wutifidisa vuka kingolo va m'bu, ayi tembo kingolo kiba va m'bu. Mu diambu di masuwa, matula mu tezo ki diama. 5Bisadi bi masuwa bamona wonga ayi batela bankaka mu kubasadisa, mutu mutu wutela nzambi andi. Ayi baloza mu m'bu bima biba mu masuwa muingi zitu ki dekula. Vayi Yona, niandi, wukulumuka kuna bandu dimasuwa, wulambalala ayi wuleka tulu tu vindu. 6Landila dio, nanti wu masuwa wumfikama ayi wunkamba: «Mbi bidi yaku, nkua tulu? Telama, boka kudi nzambi aku! Bulendakana Nzambi yi kedika makatubambukila moyo ayi tusi bungana ko.» 7Buna bakambasana mutu ayi mutu yandi: «Yizeno, tuteno wadi, muingi tuzaba mu bila kinani tubuilulu mu phasi ziazi.» Buna bata wadi, kutsuka wadi wubua mu Yona. 8Banyuvula: «Tukubombidila, wutukambi mu bila ki nani tuekila mu phasi ziazi. Bisalu biaku mbi ayi kue bedi? Tiaku kue ayi kanda diaku kue?» 9Buna Yona wubavutudila: «Minu, ndidi nyudayo, ayi ndivuminanga Yave, Nzambi yi (zulu), Yandi wuvanga m'bu ayi ntoto wuyuma.» 10Buna babakala bamona wonga wu ngolo, ayi banyuvula diaka: «Mbi wuvengi kuna?» Bila batu bawa ti va ntuala Yave kabetina, bila bobo kabakamba . 11Ku zimunina, banyuvula: «Mbi tulenda kuvanga muingi m'bu wudingama mu diambu dieto?» Bila m'bu wutoma tombuka ngolo. 12Buna wubakamba: «Lundanguna ayi lundoza mu m'bu buna m'bu mawu dingama mu diambu dieno, bila nzebi ti mu bila kiami mupepe wungolo wawu wididi va beno.» 13Vayi batu batomba bue buzibudila nzila va khati mayo muingi banata masuwa ku ntoto wuyuma, vayi basinunga ko, bila mbu wutatamana tombuka ngolo mu kubatedimina. 14Buna baboka kudi Yave ayi bakamba: «Ah! Yave, tukubombidila, tumengi fua mu diambu di muela wu mutu wowo! Ayi kadi tula va ntu mieto menga makambulu bila, bila ngeyo, Yave wumvanganga boso butididi.»
15Buna bananguna Yona, banloza mu mbu. Mu yo yawu thangu, m'bu wudingama mu nganzi ziandi. 16Bu bamona bobo, batu bamona Yave wonga, ayi diawu bavana nkayilu kudi Yave ayi badia ndefi.
Currently Selected:
Yona 1: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
Yona 1
1
Yona wuthota tina Nzambi
1Buna phova yi Yave yiyiza kudi Yona, muana Amitayi#1.1 Muana Amitayi: Tala 2 Mint. 14.25., mu khumbu yitheti, yikamba: 2«Telama ayi yenda ku Ninive#1.2 Ninive: Mbanza yi kimfumu ki luyalu lu Asilia, tala kifuani mu 2 Mnt 19.36, Nah 1.1., mbanza yinene ayi boka mu yawu bila mambi mawu matudidi va ntuala ami.»
3Vayi Yona wutelama mu tina ku Talasi, va ntuala Yave. Landila dio, wukulumuka ku Yafo#1.3 Mbanza yiba ku muyenda mbu widi ku mbata Afilika. Mbanza yitamba mbusa ayi Ninive. Mu ki ngeleke, Yope (tala Mav. 10.5), yiba dibongo di Yelusalemi. Mu lumbu kiaki, kidi fulu kifikamene ayi mbanza Teli-Avivi. ayi wubata masuwa mabakuenda ku Talasi. Buna wufuta thalu mbongo zi kibila ayi wukulumuka muna mu kuenda ayi bawu ku Talasi, va ntuala Yave.
4Ayi Yave yandi veka wutifidisa vuka kingolo va m'bu, ayi tembo kingolo kiba va m'bu. Mu diambu di masuwa, matula mu tezo ki diama. 5Bisadi bi masuwa bamona wonga ayi batela bankaka mu kubasadisa, mutu mutu wutela nzambi andi. Ayi baloza mu m'bu bima biba mu masuwa muingi zitu ki dekula. Vayi Yona, niandi, wukulumuka kuna bandu dimasuwa, wulambalala ayi wuleka tulu tu vindu. 6Landila dio, nanti wu masuwa wumfikama ayi wunkamba: «Mbi bidi yaku, nkua tulu? Telama, boka kudi nzambi aku! Bulendakana Nzambi yi kedika makatubambukila moyo ayi tusi bungana ko.» 7Buna bakambasana mutu ayi mutu yandi: «Yizeno, tuteno wadi, muingi tuzaba mu bila kinani tubuilulu mu phasi ziazi.» Buna bata wadi, kutsuka wadi wubua mu Yona. 8Banyuvula: «Tukubombidila, wutukambi mu bila ki nani tuekila mu phasi ziazi. Bisalu biaku mbi ayi kue bedi? Tiaku kue ayi kanda diaku kue?» 9Buna Yona wubavutudila: «Minu, ndidi nyudayo, ayi ndivuminanga Yave, Nzambi yi (zulu), Yandi wuvanga m'bu ayi ntoto wuyuma.» 10Buna babakala bamona wonga wu ngolo, ayi banyuvula diaka: «Mbi wuvengi kuna?» Bila batu bawa ti va ntuala Yave kabetina, bila bobo kabakamba . 11Ku zimunina, banyuvula: «Mbi tulenda kuvanga muingi m'bu wudingama mu diambu dieto?» Bila m'bu wutoma tombuka ngolo. 12Buna wubakamba: «Lundanguna ayi lundoza mu m'bu buna m'bu mawu dingama mu diambu dieno, bila nzebi ti mu bila kiami mupepe wungolo wawu wididi va beno.» 13Vayi batu batomba bue buzibudila nzila va khati mayo muingi banata masuwa ku ntoto wuyuma, vayi basinunga ko, bila mbu wutatamana tombuka ngolo mu kubatedimina. 14Buna baboka kudi Yave ayi bakamba: «Ah! Yave, tukubombidila, tumengi fua mu diambu di muela wu mutu wowo! Ayi kadi tula va ntu mieto menga makambulu bila, bila ngeyo, Yave wumvanganga boso butididi.»
15Buna bananguna Yona, banloza mu mbu. Mu yo yawu thangu, m'bu wudingama mu nganzi ziandi. 16Bu bamona bobo, batu bamona Yave wonga, ayi diawu bavana nkayilu kudi Yave ayi badia ndefi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation