मत्ती 12
12
सब्त चे बारे मां सवाल
(मरकुस 2:23–28; लूका 6:1–5)
1ओ बेले ईशु सब्त चे ङिओ#12:1 सब्त चे ङिओ, यानि आराम चा ङिओ, सातवां ङिओ खेता महु हुती कर जाये पलता, ते ओचे चैला नु भोक्क लाग़ली तां वे सीटी तरोड़ती-तरोड़ती कर खऊं लाग़ले। 2फरीसिया ने ईं ङेखती कर ओनु केहले, “ङेख, दुधे चैले ऊं काम करी पले, जको सब्त चे ङिओ करने वाजिब कोनी।”
3ईशु ने वानु केहले, “का तम्ही कोनी पढ़ले, कि दाऊद ने, जब ओ ते ओचे साथी भुक्के हुले तां का करले? 4ओ किवें नरीकारा चे घरे गेला, ते भेंट चा पवित्र रोटीया खालीया, जानु खाणे ना तां ओनु ते ना ओचे साथीया नु, पर सेर्फ याजका नु वाजिब हुते। 5का तम्ही मूसा ची व्यवस्था कोनी पढ़ली कि मन्दरा चे याजक सब्त चे ङिओ काम करने चे अनुसार व्यवस्था नु तरोड़ती नाखी बल्ति वी वे बेकसूर रिही? 6पर मैं तम्हानु किहे पला कि इठे मैं छै, जको मन्दरा कनु वी बढ़ती कर छी। 7#मत्ती 9:13अगर तम्ही ऐचा मतलब जाणा हा, ‘मैं बलिदान ना, पर दया चाहवें,’ तां तम्ही बेकसूर नु दोषी ना ठहरावा हा। 8मैं इन्साना चा पूत तां सब्त चे ङिओ चा वी प्रभु छै।”
ईशु ने सूखले हाथा आले बन्दे नु ठीक करले
(मरकुस 3:1–6; लूका 6:6–11)
9उठु चलती कर ईशु वांचे प्राथनाघरा मां आला। 10ओठे हेक बन्दे हुते, जाया हेक हाथ सूकती गेलता। वाणे ईशु उपर दोष लावणे वास्ते ओकनु पूछले, “का सब्त चे ङिओ ठीक करने वाजिब छै?”
11 #
लूक 14:5
ओणे वानु केहले, “तम्चे महु इसड़े कूण छै, जाई हेक भेङ हो, ते वा सब्त चे ङिओ खङे मां ढेती पड़ो, तां ओ विनु पकड़ती कर ना काढ़ो? 12भला, बन्दे चा मोल भेङे कनु कितना बढ़ती कर छै! ऐवास्ते सब्त चे ङिओ भले करने वाजिब छै।” 13बल्ति ओणे ओ बन्दे नु केहले, “आपणा हाथ आग़ु बढ़ा।”
ओणे बढ़ाला, ते ओ बल्ति ङुजे हाथा आलीकर ठीक हुती गेला। 14तब फरीसी ब़ाहर जती कर ओचे विरोध मां सलाह करली कि ओनु किवें करती खत्तम करु।
ईशु ऊंही करता जाये वास्ते नरीकारा ने ओनु चुणले हुते
15ईं जाणती कर ईशु उठु चाह्ला गेला। ते ब़ोहत लौक ओचे भांसु टुरती पले, ते ओणे सब नु ठीक करले। 16ते ईशु ने वानु चिताले कि मनु प्रकट ना करजा, 17कांकि जको वचन यशायाह भविष्यवक्ता चे जरिये केहला गेलता, ओ पूरा हो।
18“ङेखा, हा माया सेवक छै,
जानु मैं चुणले।
हा माया प्यारा छै,
जाये कनु माये मन खौश छै।
मैं आपणी आत्मा ओचे मां नाखी,
ते ओ सारीया जातिया नु,
न्यां चा समाचार ङी।
19हा ना कङी झग़ड़ा करी,
ते ना ही धूम मचावी।
ते ना कुई ओची अवाज गलीया मां सुणी।
20ते ओ झुकले आले कान्नै नु नी भानी,
ओ धूंआ ङिते हुले ङीवे नु नी ब़िझावी,
ओ भिला रिही, ओ बेले तक
जब तक न्यां ची जीत ना हुती जाओ।
21ते सेर्फ ओचे नांवा लारे ही
सारे लौक ओचे उपर आस राखे।”
ईशु ते बालजबुल
(मरकुस 3:20–30; लूका 11:14–23)
22तब लौक हेक अन्धे-गूंगे नु जाये मां दुष्टात्मा हुती। ईशु चे गोढु गेहती आले, ते ओणे ओनु ठीक करले, ते ओ ब़ोलु ते ङेखु लाग़ला। 23ऐचे उपर सब लौका ने ब़ोहत अचम्भा करती कर किहुं लाग़ले, “का ईं इन्सान दाऊद चा पूत हो सग़े?”
24 #
मत्ती 9:34; 10:25 पर फरीसिया ने ईं सुणती कर केहले, “हा दुष्टात्मा चे सरदार बालजबुल ची सहायता चे बिना दुष्टात्मा नु ना काढ़ी।”
25ओणे वांचे मना चीया बाता जाणती कर वानु केहले, “जिसे कुई राज़ मां फूट हुवे, ओ उज़ड़ती जाये, ते कुई शहर जा घराणे जाये फूट हुवे, ऊं बणले नी रिही। 26ते अगर शैतान ही शैताना नु काढ़े, तां ओ आपणा ही विरोधी हुती गेला, बल्ति ओचा राज़ किवें बणला रिही? 27भला, अगर मैं बालजबुल ची सहायता लारे दुष्टात्मा नु काढ़े, तां तम्चे वंश काई सहायता लारे काढ़ी? ऐवास्ते वे ही तम्चा न्यां करे। 28पर अगर मैं नरीकारा ची आत्मा ची सहायता लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।
29“जा किवें कुई बन्दे, कुई ताकतवार चे घरा मां घिरती कर ओचा माल लूट सग़े जब तक कि पेहले ओह ओ ताकतवार नु ना ब़ांथी गिहो? तब ओ ओचे घर लूटती गिही।
30 #
मरकु 9:40
“जको माये लारे कोनी ओ माये विरोध मां छै, ते जको माये लारे नरीकारा वास्ते लौका नु भेले ना करी, ओ लौका नु नरीकारा कनु दूर करे। 31ऐवास्ते मैं तम्हानु सच्च किहे पला कि बन्दे चे सब तरह चे पाप ते निन्दा माफ करती ङिले जाये, पर पवित्र आत्मा ची निन्दा माफ नी करले जई। 32#लूक 12:10ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।
पेड़ आपणे फला कनु पिछाणले जाये
(लूका 6:43–45)
33 #
मत्ती 7:20; लूक 6:44 “अगर पेड़ नु आच्छे किहा, तां ओचे फला नु वी आच्छे किहा, जा तम्ही पेड़ नु निक्कमे किहा तां ओचे फला नु वी निक्कमे किहा, कांकि पेड़ आपणे फला कनु ही पिछाणले जाये। 34#मत्ती 3:7; 23:33; लूक 3:7; मत्ती 15:18; लूक 6:45हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे। 35भले इन्सान आपणे मना चे भले भण्डार कनु भलीया बाता काढ़े। ते बुरे इन्सान आपणे बुरे भण्डार कनु बुरीया बाता काढ़े।
36“कांकि मैं तम्हानु बावड़े पला, कि न्यां चे ङिओ हर हेक बन्दे नु जको ओणे आपणे मुँहा लारे बुराई चा बाता केहलीया, वांचीया सारीया चा हिसाब ङेणा पड़ी। 37कांकि तु आपणीया बाता चे लारे ही बेकसूर, ते आपणीया बाता चे लारे ही कसूरवार ठहराला जाये।”
स्वर्ग़ीय निशानी
(मरकुस 8:11,12; लूका 11:29–32)
38 #
मत्ती 16:1; मरकु 8:11; लूक 11:16 ऐचे उपर कोच्छ शास्त्रीया ते फरीसिया ने ईशु नु केहले, “हे गुरु, अम्ही दुधे कनु हेक चैन्ह ङेखणा चाहु।”
39 #
मत्ती 16:4; मरकु 8:12 ओणे वानु उत्तर ङिला, “ऐ युगा चे बुरे ते व्यभिचारी लौक चैन्ह सोधणा चाहवी, पर योना भविष्यवक्ता चा चैन्ह छोड़ती कुई नेरा चैन्ह वानु नी ङिला जई। 40योना तीन रात-ङिओ बङी माछली चे ढिड्डा मां रेहला, यूंही मैं इन्साना चा पूत तीन रात-ङिओ धरती चे भीतर रिही। 41नीनवे शहरा चे लौक न्यां चे ङिओ ऐ समय चे लौका चे लारे खड़े हुती कर वानु दोषी ठहरावे, कांकि वाणे योना चा प्रचार सुणती कर मन फिराले, ते ङेखा, इठे ओह छै जको योना कनु वी बङा छै। 42दक्षिण ची राणी न्यां चे ङिओ ऐ समय चे लौका चे लारे खड़ी हुती कर वानु दोषी ठहरावी, कांकि वा सुलैमान चा ज्ञान सुणने वास्ते धरती चे कूणे कनु आली, ते ङेखा, इठे ओ छै जको सुलैमान कनु वी बङा छै।
बन्दा मां शैतान
(लूका 11:24–26)
43“जब अशुद्ध आत्मा बन्दे महु निकलती जाये, तां सूखी जग़हा मां आराम सोती फिरती रिहे, ते जब ना मिली। 44तां किहे, ‘मैं आपणे ओही घरा मां जिठु निकड़ली हुती, पुठी चाह्ली जई।’ ते आती कर ओनु सूने, झाड़ले ब़ुहारले ते सजले सजाले लाभे। 45तब वा जती कर आपणे कनु नेरीया बुरीया सात दुष्टात्मा नु आपणे लारे गेहली आवे, ते वे ओचे मां रम्मती कर ओठे वास करे, ते ओ बन्दे ची भांसली दशा पेहले कनु वी बुरी हुती जाये। ऐ समय चे लौका ची दशा वी इसड़ी ही हुवी।”
ईशु चा ब़ेहणी ते भऊ ते ओची आई
(मरकुस 3:31–35; लूका 8:19–21)
46जब ओ भीड़ चे लौका लारे बाता करे ही पलता, तब ओची आई ते भऊ ब़ाहरु भिली हुती। वे ईशु लारे बाता करना चाहवी ली। 47किह्णी ईशु नु केहले, “ङेख, दुधी आई ते दुधे भऊ ब़ाहरु भिली ली, ते दुधे लारे बाता करना चाहवी।”
48ईं सुणती कर ओणे केहणे आले नु उत्तर ङिला, “कूण छै माई आई ? ते कूण छी माये भऊ?” 49ते ओणे आपणे चैला ची तरफ आपणा हाथ बढ़ाती केहले, “ङेखा, माई आई ते माये भऊ ये छी। 50कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”
Currently Selected:
मत्ती 12: ODR
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
मत्ती 12
12
सब्त चे बारे मां सवाल
(मरकुस 2:23–28; लूका 6:1–5)
1ओ बेले ईशु सब्त चे ङिओ#12:1 सब्त चे ङिओ, यानि आराम चा ङिओ, सातवां ङिओ खेता महु हुती कर जाये पलता, ते ओचे चैला नु भोक्क लाग़ली तां वे सीटी तरोड़ती-तरोड़ती कर खऊं लाग़ले। 2फरीसिया ने ईं ङेखती कर ओनु केहले, “ङेख, दुधे चैले ऊं काम करी पले, जको सब्त चे ङिओ करने वाजिब कोनी।”
3ईशु ने वानु केहले, “का तम्ही कोनी पढ़ले, कि दाऊद ने, जब ओ ते ओचे साथी भुक्के हुले तां का करले? 4ओ किवें नरीकारा चे घरे गेला, ते भेंट चा पवित्र रोटीया खालीया, जानु खाणे ना तां ओनु ते ना ओचे साथीया नु, पर सेर्फ याजका नु वाजिब हुते। 5का तम्ही मूसा ची व्यवस्था कोनी पढ़ली कि मन्दरा चे याजक सब्त चे ङिओ काम करने चे अनुसार व्यवस्था नु तरोड़ती नाखी बल्ति वी वे बेकसूर रिही? 6पर मैं तम्हानु किहे पला कि इठे मैं छै, जको मन्दरा कनु वी बढ़ती कर छी। 7#मत्ती 9:13अगर तम्ही ऐचा मतलब जाणा हा, ‘मैं बलिदान ना, पर दया चाहवें,’ तां तम्ही बेकसूर नु दोषी ना ठहरावा हा। 8मैं इन्साना चा पूत तां सब्त चे ङिओ चा वी प्रभु छै।”
ईशु ने सूखले हाथा आले बन्दे नु ठीक करले
(मरकुस 3:1–6; लूका 6:6–11)
9उठु चलती कर ईशु वांचे प्राथनाघरा मां आला। 10ओठे हेक बन्दे हुते, जाया हेक हाथ सूकती गेलता। वाणे ईशु उपर दोष लावणे वास्ते ओकनु पूछले, “का सब्त चे ङिओ ठीक करने वाजिब छै?”
11 #
लूक 14:5
ओणे वानु केहले, “तम्चे महु इसड़े कूण छै, जाई हेक भेङ हो, ते वा सब्त चे ङिओ खङे मां ढेती पड़ो, तां ओ विनु पकड़ती कर ना काढ़ो? 12भला, बन्दे चा मोल भेङे कनु कितना बढ़ती कर छै! ऐवास्ते सब्त चे ङिओ भले करने वाजिब छै।” 13बल्ति ओणे ओ बन्दे नु केहले, “आपणा हाथ आग़ु बढ़ा।”
ओणे बढ़ाला, ते ओ बल्ति ङुजे हाथा आलीकर ठीक हुती गेला। 14तब फरीसी ब़ाहर जती कर ओचे विरोध मां सलाह करली कि ओनु किवें करती खत्तम करु।
ईशु ऊंही करता जाये वास्ते नरीकारा ने ओनु चुणले हुते
15ईं जाणती कर ईशु उठु चाह्ला गेला। ते ब़ोहत लौक ओचे भांसु टुरती पले, ते ओणे सब नु ठीक करले। 16ते ईशु ने वानु चिताले कि मनु प्रकट ना करजा, 17कांकि जको वचन यशायाह भविष्यवक्ता चे जरिये केहला गेलता, ओ पूरा हो।
18“ङेखा, हा माया सेवक छै,
जानु मैं चुणले।
हा माया प्यारा छै,
जाये कनु माये मन खौश छै।
मैं आपणी आत्मा ओचे मां नाखी,
ते ओ सारीया जातिया नु,
न्यां चा समाचार ङी।
19हा ना कङी झग़ड़ा करी,
ते ना ही धूम मचावी।
ते ना कुई ओची अवाज गलीया मां सुणी।
20ते ओ झुकले आले कान्नै नु नी भानी,
ओ धूंआ ङिते हुले ङीवे नु नी ब़िझावी,
ओ भिला रिही, ओ बेले तक
जब तक न्यां ची जीत ना हुती जाओ।
21ते सेर्फ ओचे नांवा लारे ही
सारे लौक ओचे उपर आस राखे।”
ईशु ते बालजबुल
(मरकुस 3:20–30; लूका 11:14–23)
22तब लौक हेक अन्धे-गूंगे नु जाये मां दुष्टात्मा हुती। ईशु चे गोढु गेहती आले, ते ओणे ओनु ठीक करले, ते ओ ब़ोलु ते ङेखु लाग़ला। 23ऐचे उपर सब लौका ने ब़ोहत अचम्भा करती कर किहुं लाग़ले, “का ईं इन्सान दाऊद चा पूत हो सग़े?”
24 #
मत्ती 9:34; 10:25 पर फरीसिया ने ईं सुणती कर केहले, “हा दुष्टात्मा चे सरदार बालजबुल ची सहायता चे बिना दुष्टात्मा नु ना काढ़ी।”
25ओणे वांचे मना चीया बाता जाणती कर वानु केहले, “जिसे कुई राज़ मां फूट हुवे, ओ उज़ड़ती जाये, ते कुई शहर जा घराणे जाये फूट हुवे, ऊं बणले नी रिही। 26ते अगर शैतान ही शैताना नु काढ़े, तां ओ आपणा ही विरोधी हुती गेला, बल्ति ओचा राज़ किवें बणला रिही? 27भला, अगर मैं बालजबुल ची सहायता लारे दुष्टात्मा नु काढ़े, तां तम्चे वंश काई सहायता लारे काढ़ी? ऐवास्ते वे ही तम्चा न्यां करे। 28पर अगर मैं नरीकारा ची आत्मा ची सहायता लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।
29“जा किवें कुई बन्दे, कुई ताकतवार चे घरा मां घिरती कर ओचा माल लूट सग़े जब तक कि पेहले ओह ओ ताकतवार नु ना ब़ांथी गिहो? तब ओ ओचे घर लूटती गिही।
30 #
मरकु 9:40
“जको माये लारे कोनी ओ माये विरोध मां छै, ते जको माये लारे नरीकारा वास्ते लौका नु भेले ना करी, ओ लौका नु नरीकारा कनु दूर करे। 31ऐवास्ते मैं तम्हानु सच्च किहे पला कि बन्दे चे सब तरह चे पाप ते निन्दा माफ करती ङिले जाये, पर पवित्र आत्मा ची निन्दा माफ नी करले जई। 32#लूक 12:10ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।
पेड़ आपणे फला कनु पिछाणले जाये
(लूका 6:43–45)
33 #
मत्ती 7:20; लूक 6:44 “अगर पेड़ नु आच्छे किहा, तां ओचे फला नु वी आच्छे किहा, जा तम्ही पेड़ नु निक्कमे किहा तां ओचे फला नु वी निक्कमे किहा, कांकि पेड़ आपणे फला कनु ही पिछाणले जाये। 34#मत्ती 3:7; 23:33; लूक 3:7; मत्ती 15:18; लूक 6:45हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे। 35भले इन्सान आपणे मना चे भले भण्डार कनु भलीया बाता काढ़े। ते बुरे इन्सान आपणे बुरे भण्डार कनु बुरीया बाता काढ़े।
36“कांकि मैं तम्हानु बावड़े पला, कि न्यां चे ङिओ हर हेक बन्दे नु जको ओणे आपणे मुँहा लारे बुराई चा बाता केहलीया, वांचीया सारीया चा हिसाब ङेणा पड़ी। 37कांकि तु आपणीया बाता चे लारे ही बेकसूर, ते आपणीया बाता चे लारे ही कसूरवार ठहराला जाये।”
स्वर्ग़ीय निशानी
(मरकुस 8:11,12; लूका 11:29–32)
38 #
मत्ती 16:1; मरकु 8:11; लूक 11:16 ऐचे उपर कोच्छ शास्त्रीया ते फरीसिया ने ईशु नु केहले, “हे गुरु, अम्ही दुधे कनु हेक चैन्ह ङेखणा चाहु।”
39 #
मत्ती 16:4; मरकु 8:12 ओणे वानु उत्तर ङिला, “ऐ युगा चे बुरे ते व्यभिचारी लौक चैन्ह सोधणा चाहवी, पर योना भविष्यवक्ता चा चैन्ह छोड़ती कुई नेरा चैन्ह वानु नी ङिला जई। 40योना तीन रात-ङिओ बङी माछली चे ढिड्डा मां रेहला, यूंही मैं इन्साना चा पूत तीन रात-ङिओ धरती चे भीतर रिही। 41नीनवे शहरा चे लौक न्यां चे ङिओ ऐ समय चे लौका चे लारे खड़े हुती कर वानु दोषी ठहरावे, कांकि वाणे योना चा प्रचार सुणती कर मन फिराले, ते ङेखा, इठे ओह छै जको योना कनु वी बङा छै। 42दक्षिण ची राणी न्यां चे ङिओ ऐ समय चे लौका चे लारे खड़ी हुती कर वानु दोषी ठहरावी, कांकि वा सुलैमान चा ज्ञान सुणने वास्ते धरती चे कूणे कनु आली, ते ङेखा, इठे ओ छै जको सुलैमान कनु वी बङा छै।
बन्दा मां शैतान
(लूका 11:24–26)
43“जब अशुद्ध आत्मा बन्दे महु निकलती जाये, तां सूखी जग़हा मां आराम सोती फिरती रिहे, ते जब ना मिली। 44तां किहे, ‘मैं आपणे ओही घरा मां जिठु निकड़ली हुती, पुठी चाह्ली जई।’ ते आती कर ओनु सूने, झाड़ले ब़ुहारले ते सजले सजाले लाभे। 45तब वा जती कर आपणे कनु नेरीया बुरीया सात दुष्टात्मा नु आपणे लारे गेहली आवे, ते वे ओचे मां रम्मती कर ओठे वास करे, ते ओ बन्दे ची भांसली दशा पेहले कनु वी बुरी हुती जाये। ऐ समय चे लौका ची दशा वी इसड़ी ही हुवी।”
ईशु चा ब़ेहणी ते भऊ ते ओची आई
(मरकुस 3:31–35; लूका 8:19–21)
46जब ओ भीड़ चे लौका लारे बाता करे ही पलता, तब ओची आई ते भऊ ब़ाहरु भिली हुती। वे ईशु लारे बाता करना चाहवी ली। 47किह्णी ईशु नु केहले, “ङेख, दुधी आई ते दुधे भऊ ब़ाहरु भिली ली, ते दुधे लारे बाता करना चाहवी।”
48ईं सुणती कर ओणे केहणे आले नु उत्तर ङिला, “कूण छै माई आई ? ते कूण छी माये भऊ?” 49ते ओणे आपणे चैला ची तरफ आपणा हाथ बढ़ाती केहले, “ङेखा, माई आई ते माये भऊ ये छी। 50कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0