Maajɨ Bɛtɔ Twamagɨɨ 15
15
Mʊrkatǝm Nǝb Dʊʊm Nǝb Bwangtǝmɔ A Urushalimaɨ
1Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.” 2Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.
3Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn. 4Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ. 5Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”
6Bɛtɔ twamagɔ jǝbɔ nǝb dʊʊm nǝb bwangtǝmɔ ja mʊrka sǝ ja kiyo kɛl a dul kɛl nɨ gǝm. 7A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ. 8Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ. 9A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.
10“Na gǝ na nyɨɨ, wɛ a bwɨ jǝ́ tɛl Kwaama lɛɨ? Wɛ a bwɨ jǝ́ ya nǝb bwangtǝm nɨ gǝm kanjǝl nɨ lɛ a tuu tuui, wʊnɨ bǝn jǝbɔ tʊgalam bǝnɔ mɨsɔ bǝ dwal lɛ bǝ doi? 11Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”
12Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.
13Kwama ja dɨm kɛlɨ, nǝngɔ Yakubu a jǝla gɔ, “Kambɔ, jǝ́ nyʊwa ɨ. 14Saminu#15:14 Saminu n dun nɨ gɔ Bitrusi nǝn nyiyo Girikaɨ. a nǝ fulon kɛl nɨ kanga Kwaama a tǝl dʌngtǝm Bʌtʌbi, kanga a do kaam nǝbɔ a kʊm jin a yǝlam a gɨɨ. 15Wʊnɨ a maa dǝngdǝng jǝbɔ kɛl nǝbkuwotǝmkǝgagɨɨ kanga ja mʊla gɔ,
16“ ‘A gulɔ gǝm,
mǝ yǝla mǝ bɛ bɛ
sǝ n yǝla n mɔ lɔ Daudaɨ wʊnɨ a kʌboi.
Mǝ yǝla mǝ mɔ mɔ daa nɨ
a kʌbo kʌboi,
sǝ n gung gǝn.
17Mǝ maa maa jʊ nɨ sǝ kaam nǝbɔ a saa ɨ, mǝ Tɛlalɔ,
n Bʌtʌbɔ mǝ jǝgǝmɨ,
sǝ ja yǝlam a mɨ.
18Tɛlalɔ nɨ a maa kanjǝlɔ gwamɨ,
a sʊwa nyɨɨ.’#15:18 Dʌng: Amos 9:11,12.
“A nʊng kanjǝl nɨ joltɨnɔ a gǝlala.
19“A dul kɛl nɨɨ, n kuwo a bʊm bɔ bǝ kʊwa bǝ yɨɨ Bʌtʌbɔ gǝm, nǝb nɨ a yǝla a daa Kwaama woi. 20Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm. 21Jʊ a bwɨ mɨsɔ jǝ maa kanjǝl nɨ lɛɨ nǝn gɔ, galɨgǝn a bɛ nǝn a kǝngkɨɨ, kaam nǝbɔ kiyo diil Musaɨ lɛ a tuulɔtɨnɔ gǝm gwam. Kwangkwang nǝn Kum Fǝbtǝm jǝ kiyo diil Musaɨ lɛ a mʊgɔ kantɨn mɛlalɨ.”
Langǝn Bwangǝn Nɨ Nǝb Dʊʊmɔ A Mʊla Bʌtʌb Nǝb Bwangtǝmɔ Gǝmɨ
22Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ. 23Ja nǝ ji langǝn bwangǝn wʊnɨ sʊwa lɛ gɔ,
A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ
Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm
Suriya jǝbɔ Kilikiyaɨ.
Nǝ yal jen nɛ.
24Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ. 25A dul kɛl nɨ, nǝn kiyo a bʊm nyɔ nǝn jǝg kaamɨ nǝn twam jem ji jǝbɔ fatǝm nyan nǝnɔ, Barnaba jǝbɔ Bulus, 26wʊnɨ ja nǝ kʊlɨ jinɔ a dul dun Tɛlalɔ bǝn Yesu Kiristii. 27Nǝngɔ nǝn twam jem Yahuza jǝbɔ Silaɨ. Nǝn kang jin ja sʊwa jen kanjǝl nɨ nǝn nyiyo jin.
28Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ. 29Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ.
Jǝ́ yɨ kwamɨgǝn.
30Nǝngɔ ja twam ji a Antakiyaɨ. Ja mʊr mʊrkalɨ nǝb bwangtǝm Kwaamaɨ, nǝngɔ ja nǝ ji langǝn bwangǝnɨɨ. 31Nǝbɔ a kiyoi, nǝngɔ ja maa fulotǝm nǝl nǝn kʊʊtǝm nǝl nɨ ja nyʊwaɨ. 32Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.
33Ja maa kumtɨn woi, nǝngɔ kɛtǝlam jinɔ a ywa ji kwamɨgǝnɨ, ja yǝla a daa nǝb nɨ a twam ji. 34Nǝngɔ Sila a bʊʊla sǝ gǝ yɨ woi. 35Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.
Bulus Jǝbɔ Barnaba Ja Wʊlaka
36Ja maa kumtɨnɨ, nǝngɔ Bulus a sʊwa Barnaba gɔ, “Ba bǝ ya a tuulɔtɨn nɨ gwam bǝ kiyom kɛl Tɛlalɔɨ galɨgǝnɨ, bǝ yɔ kambɔ gǝm fɔla, bǝ yǝla ya bǝ kuwo ji.” 37Barnaba a swɨ jǝ shu dakini jǝbɔ Yohana, wʊnɨ jǝ jo lɛ gǝ Markusi. 38A Bulusi a kuwo a bʊm bɔ jǝ shu dakini jǝbɔ Markus, jʊ a bwɨɨ, a bǝla ji a tǝm Bamfiliya galɨgǝn, a kɔ jatǝm kǝga nǝn maajɨgɔ jǝbɔ ji. 39Kɔkatǝm nɨ a dǝg ji wʊlakatǝm. Barnaba a do Markus, ja dɔ tɨyamwɛngɔ ja shu a tǝm nɨ a tɨbǝl wɨma jǝ jo lɛ gɔ Sayifurusi. 40A Bulusi a do Sila. Kwama nɨ nǝb bwangtǝmɔ a dǝg ji a kang Tɛlalɔɨ sǝ a kɨla jii, nǝngɔ ja shui. 41Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.
Currently Selected:
Maajɨ Bɛtɔ Twamagɨɨ 15: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Maajɨ Bɛtɔ Twamagɨɨ 15
15
Mʊrkatǝm Nǝb Dʊʊm Nǝb Bwangtǝmɔ A Urushalimaɨ
1Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.” 2Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.
3Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn. 4Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ. 5Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”
6Bɛtɔ twamagɔ jǝbɔ nǝb dʊʊm nǝb bwangtǝmɔ ja mʊrka sǝ ja kiyo kɛl a dul kɛl nɨ gǝm. 7A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ. 8Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ. 9A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.
10“Na gǝ na nyɨɨ, wɛ a bwɨ jǝ́ tɛl Kwaama lɛɨ? Wɛ a bwɨ jǝ́ ya nǝb bwangtǝm nɨ gǝm kanjǝl nɨ lɛ a tuu tuui, wʊnɨ bǝn jǝbɔ tʊgalam bǝnɔ mɨsɔ bǝ dwal lɛ bǝ doi? 11Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”
12Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.
13Kwama ja dɨm kɛlɨ, nǝngɔ Yakubu a jǝla gɔ, “Kambɔ, jǝ́ nyʊwa ɨ. 14Saminu#15:14 Saminu n dun nɨ gɔ Bitrusi nǝn nyiyo Girikaɨ. a nǝ fulon kɛl nɨ kanga Kwaama a tǝl dʌngtǝm Bʌtʌbi, kanga a do kaam nǝbɔ a kʊm jin a yǝlam a gɨɨ. 15Wʊnɨ a maa dǝngdǝng jǝbɔ kɛl nǝbkuwotǝmkǝgagɨɨ kanga ja mʊla gɔ,
16“ ‘A gulɔ gǝm,
mǝ yǝla mǝ bɛ bɛ
sǝ n yǝla n mɔ lɔ Daudaɨ wʊnɨ a kʌboi.
Mǝ yǝla mǝ mɔ mɔ daa nɨ
a kʌbo kʌboi,
sǝ n gung gǝn.
17Mǝ maa maa jʊ nɨ sǝ kaam nǝbɔ a saa ɨ, mǝ Tɛlalɔ,
n Bʌtʌbɔ mǝ jǝgǝmɨ,
sǝ ja yǝlam a mɨ.
18Tɛlalɔ nɨ a maa kanjǝlɔ gwamɨ,
a sʊwa nyɨɨ.’#15:18 Dʌng: Amos 9:11,12.
“A nʊng kanjǝl nɨ joltɨnɔ a gǝlala.
19“A dul kɛl nɨɨ, n kuwo a bʊm bɔ bǝ kʊwa bǝ yɨɨ Bʌtʌbɔ gǝm, nǝb nɨ a yǝla a daa Kwaama woi. 20Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm. 21Jʊ a bwɨ mɨsɔ jǝ maa kanjǝl nɨ lɛɨ nǝn gɔ, galɨgǝn a bɛ nǝn a kǝngkɨɨ, kaam nǝbɔ kiyo diil Musaɨ lɛ a tuulɔtɨnɔ gǝm gwam. Kwangkwang nǝn Kum Fǝbtǝm jǝ kiyo diil Musaɨ lɛ a mʊgɔ kantɨn mɛlalɨ.”
Langǝn Bwangǝn Nɨ Nǝb Dʊʊmɔ A Mʊla Bʌtʌb Nǝb Bwangtǝmɔ Gǝmɨ
22Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ. 23Ja nǝ ji langǝn bwangǝn wʊnɨ sʊwa lɛ gɔ,
A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ
Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm
Suriya jǝbɔ Kilikiyaɨ.
Nǝ yal jen nɛ.
24Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ. 25A dul kɛl nɨ, nǝn kiyo a bʊm nyɔ nǝn jǝg kaamɨ nǝn twam jem ji jǝbɔ fatǝm nyan nǝnɔ, Barnaba jǝbɔ Bulus, 26wʊnɨ ja nǝ kʊlɨ jinɔ a dul dun Tɛlalɔ bǝn Yesu Kiristii. 27Nǝngɔ nǝn twam jem Yahuza jǝbɔ Silaɨ. Nǝn kang jin ja sʊwa jen kanjǝl nɨ nǝn nyiyo jin.
28Yʊwa Kwaamaɨ a kuwo a bʊm nyɔ, nǝn tǝnǝn nǝn kuwo a bʊm nyɔ, mɨsɔ nǝn ya jem kanjǝl nɨ laa kwaan jenɔ lɛɨ, na ke bɔ kanjǝl nɨɨ. 29Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ.
Jǝ́ yɨ kwamɨgǝn.
30Nǝngɔ ja twam ji a Antakiyaɨ. Ja mʊr mʊrkalɨ nǝb bwangtǝm Kwaamaɨ, nǝngɔ ja nǝ ji langǝn bwangǝnɨɨ. 31Nǝbɔ a kiyoi, nǝngɔ ja maa fulotǝm nǝl nǝn kʊʊtǝm nǝl nɨ ja nyʊwaɨ. 32Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.
33Ja maa kumtɨn woi, nǝngɔ kɛtǝlam jinɔ a ywa ji kwamɨgǝnɨ, ja yǝla a daa nǝb nɨ a twam ji. 34Nǝngɔ Sila a bʊʊla sǝ gǝ yɨ woi. 35Bulus jǝbɔ Barnaba ja maa kumtɨn a Antakiya. Ji jǝbɔ kaam nǝbɔ a lada nyɔ jǝ maa mɛlalɨ lɛ, jǝ kiyo kɛl Tɛlalɔɨ lɛ.
Bulus Jǝbɔ Barnaba Ja Wʊlaka
36Ja maa kumtɨnɨ, nǝngɔ Bulus a sʊwa Barnaba gɔ, “Ba bǝ ya a tuulɔtɨn nɨ gwam bǝ kiyom kɛl Tɛlalɔɨ galɨgǝnɨ, bǝ yɔ kambɔ gǝm fɔla, bǝ yǝla ya bǝ kuwo ji.” 37Barnaba a swɨ jǝ shu dakini jǝbɔ Yohana, wʊnɨ jǝ jo lɛ gǝ Markusi. 38A Bulusi a kuwo a bʊm bɔ jǝ shu dakini jǝbɔ Markus, jʊ a bwɨɨ, a bǝla ji a tǝm Bamfiliya galɨgǝn, a kɔ jatǝm kǝga nǝn maajɨgɔ jǝbɔ ji. 39Kɔkatǝm nɨ a dǝg ji wʊlakatǝm. Barnaba a do Markus, ja dɔ tɨyamwɛngɔ ja shu a tǝm nɨ a tɨbǝl wɨma jǝ jo lɛ gɔ Sayifurusi. 40A Bulusi a do Sila. Kwama nɨ nǝb bwangtǝmɔ a dǝg ji a kang Tɛlalɔɨ sǝ a kɨla jii, nǝngɔ ja shui. 41Nǝngɔ ja shu a Suriya jǝbɔ Kilikiya, jǝ kʊʊ mʊrkalɨ nǝb bwangtǝm Kwaamaɨ gǝm nǝl lɛɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation