Luka 18
18
Mʊsǝn Kɛl A Dul Keli Kwaamaɨ Mɨ Tɨtǝm Wo
1Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn. 2A sʊwa gɔ, “A kaa tuulɔ kaa nǝ biyotǝm borang wo, mɨ nyʊwa taal Kwaamaɨ, mɨ gǝ bʊʊla lɛ nǝn nǝbɔ. 3Kaa nɔɔkʊla gǝ daa wo a tuulɔ gɔ, gǝ yɔ gǝm yɔ nǝn keli gǝnɔ kwangkwang gɔ, ‘Dɔ kʊm borang nǝnɔ sǝ n nya bɨlǝngkɛl.’
4“Nǝn tɨkǝga a kɔ. A gulɔ gǝmɨ, nǝngɔ a bʊʊla a nǝl gǝn gɔ, ‘Mɨ mǝ nyʊwa taal Kwaamaɨ lɛ, mɨ mǝ bʊʊla lɛ jǝbɔ nǝbɔ. 5N wɔ nɔɔlɨ nɨ kom i lɛ. Mǝ swɨ lɛ n kuwo ga nya bɨlǝngkɛl, kage nɔɔlɨ nɨ a sʊg mɨ nǝl nǝn bɛtǝm gǝnɔ a daa mɨ woi.’ ”
6Nǝngɔ Tɛlalɔ a sʊwa gɔ, “Nyʊwa jʊ nǝ biyotǝm borang nɨ mɨ dǝngdǝngɨ a sʊwaɨ. 7Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka? 8N sʊwa jen, Kwaama kuwo kuwo ja nya bɨlǝngkɛl dǝbǝr dǝbǝr. Kwama Bʊla Nǝlɨ bɛm lɛɨ, ba nya nya nǝtǝm bɨlǝngkɛl a yooli ka?”
Mʊsǝn Kɛl A Dul Bwɛ Farisa Jǝbɔ Nǝ Yotǝm Kemʌn Tǝm
9Nǝb nɨ a do dul jinɔ gɔ jǝ nǝb dǝngdǝngɨ, ja soga nǝbɔ gwamɨ, nǝngɔ Yesu a sʊwa mʊsǝn kɛl nɨ a dul jini gɔ, 10“Nǝbɔ yo a yɔ a Kan Kwaaman maa keli lɛ. Win n bwɛ Farisa. A wini n nǝ yotǝm kemʌn tǝm. 11Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ. 12Mǝ do diil mwɛmɔ naagɔ yo a mʊgɔ kumɔ nʌbʌl. Mǝ nǝ nǝ win a mʊgɔ kʊb a nyatǝm mǝndɨ gǝm gwam.’
13“Nǝngɔ nǝ yotǝm kemʌn tǝmɔ a gun a tɨ a kʊta nyɔ. A dʌng bɔ dʌbʌl kwamagɔ. A ga kuli gǝnɔ. Nǝngɔ a ja kǝga nǝn sʊwa lɛ gɔ, ‘Kwaama, ji bʊnǝn mǝndɨ, mǝ nǝ bwɨlangkɛl.’
14“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”
Yesu A Dǝg Bɛtɔ Dwalǝnɔ Gǝm Bwili
(Mat 19:13-15; Mar 10:13-16)
15Nǝbɔ bɛ gǝm lɛ nǝn bɛtɨ dwalǝnɔ sǝ Yesu a dǝg jim bwili. Bɛtɔ mɛlalɨgɔ a kuwo jʊ nɨ bwɨ lɛɨ, nǝngɔ ja ga ji woi. 16Nǝngɔ Yesu a jo bɛtɔ dwalǝnɔ a daa gǝ woi, a sʊwa gɔ, “Jǝ́ bǝla bɛtɔ dwalǝnɔ a bɛ a daa mɨ woi. Bɛ ka jǝ́ kaa ji lɛ. Fɔlɔn lɔ Kwaamaɨ na a jii. 17N bɨlǝngǝn mǝ sʊwa jen nɛɨ, nʊ nɨ a yo bɔ fɔlɔn lɔ Kwaamaɨ na kǝlɨ bwɛsǝnɨ, mɨsɔ nya dɔtǝm gǝnɔ lɛ.”
Nǝ Dʊʊ Nǝ Shilo
(Mat 19:16-30; Mar 10:17-31)
18Kaa nǝ dʊʊ nǝbɨɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨltǝm woi?”
19Nǝngɔ Yesu a sʊwa gǝn gɔ, “Wɛ a bwɨ mʊ jo i mɔʊ nǝ nyaɨ? Mɨ nǝ nyan wo win, na ke bɔ Kwaama kwaagɨɨ. 20Ń nyǝm jʊ diiltɨnɔ a sʊwaɨ gɔ, ‘Bɛ ka ń maa lɛ bulon. Bɛ ka ń jʌ lɛ nǝl. Bɛ ka ń kuu lɛ kuul. Bɛ ka ń maa lɛ gabakɛl. Nǝ tɛtɛ mɔ dʊʊn jǝbɔ nɛnɛ mɔ.’ ”
21Nǝngɔ a sʊwa gɔ, “Kanjǝl nɨ gwam n bwangtǝn n maa fanga mǝ a lɔ bwɛsǝnɨ.” 22Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”
23Nyʊwatǝm kɛl nɨɨ, nǝngɔ nǝ shilo nɨ a kal nǝl dangǝnɨ, jʊ a bwɨɨ n nǝ shilo dangǝn. 24Yesu a dʌng gǝnɨ, nǝngɔ a kuwo nǝl gǝnɔ a kalaɨ, nǝngɔ a sʊwa gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ. 25Bɨlǝngǝn, bwa nɨ namtenʌm a dɔ bʊwa lalʌmʌn, na nǝ shilo dɔ dɔ fɔlɔn lɔ Kwaamaɨ.”
26Nǝb nɨ ja nyʊwa jʊ nɨɨ, ja bʌ gɔ, “Na gǝ na nyɨɨ, nuwo la nya bʊʊtǝm lɛɨ?”
27Yesu a jǝla ji gɔ, “Jʊtǝb nɨ mɨsɔ nǝfili dwal lɛ a maaɨ, Kwaama dwal maa maa gwam.”
28Nǝngɔ Bitrus a sʊwa gɔ, “N wɔ nǝn bǝla lɔtɨn nǝnɔ, nǝn bwang mʊn.”
29Yesu a sʊwa ji gɔ, “N sʊwa jen bɨlǝngkɛl, mɨ nǝn nʊ nɨ bǝla lɔ gǝnɔ lɛ, jǝbɔ nɔɔlɨ gǝnɔ, jǝbɔ kɛtǝlam gǝnɔ, jǝbɔ tɛtǝlam gǝnɔ, jǝbɔ bɛtɨ lɔ gɨɨ a kɛl dul maajɨ fɔlɔn lɔ Kwaamaɨ, 30gaa nyatǝm jʊ nɨ lɛ a lada a kal nɨɨ. A kal nɨ bɛ lɛɨ, gǝ nya nya kʊlɨ nɨ mɨ dɨltǝm woi tag.”
Yesu A Yǝla A Sʊwa Kɛl A Dul Bwaa Gǝnɔ Gǝm
(Mat 20:17-19; Mar 10:32-34)
31Yesu a wɔɔ bɛtɔ mɛlalɨ gǝnɔ kʊb jeli yoi a keli, nǝngɔ a sʊwa ji gɔ, “N wɔ bǝ gwi bǝ yi a Urushalima, a daa nɨ gwam jʊtǝb nɨ nǝbkuwotǝmkǝgagɔ a mʊla a dul Bʊla Nǝlɨ, yii yii. 32Jǝ nǝ nǝ Bʌtʌbɔ gɔ, jǝ mog gǝn mog, ja tuwo gǝn, ja tɛɛ gǝn nǝn tuum, ja bʊg gǝn, ja jʌ gǝn. 33A kum na taalɔ gǝm gun gun nǝn dʊʊmɨ.”
34Bɛtɔ mɛlalɨgɔ a nyǝm bɔ kɛl nɨ Yesu a sʊwaɨ. Ja yʊ ji jʊ kɛl nɨ nʊng lɛɨ. Ja nyǝm bɔ jʊ gǝ sʊwa lɛɨ.
Yesu A Gung Kuli Nɨ Kel Keli Lɛɨ
(Mat 20:29-34; Mar 10:46-52)
35Yesu ya dwama Yerikogɔ lɛɨ, nǝngɔ kaa kuli yǝm a kʌng gola, kel keli lɛɨ. 36A nyʊwa nǝbɔ a lada nyɔ shu lɛɨ, nǝngɔ a bʌ kɛl gɔ, “N wɛ bwɨ lɛɨ?” 37Nǝngɔ ja sʊwa gǝn gɔ, “Nǝn Yesu Bwɛ Nazarat shu lɛɨ.”
38Nǝngɔ a gung diil gǝnɔ nǝn kwaan a sʊwa gɔ, “Yesu Bʊla Daudaɨ, ji bʊnǝn mǝndɨ!”
39Nǝb nɨ a kǝga jǝbɔ Yesui, ja ga gǝm wulong gɔ, “Yɨ shig!” Nǝngɔ a sʊtǝn gungtǝm diilɔ nǝn kwaan sʊwa lɛ gɔ, “Bʊla Daudaɨ, ji bʊnǝn mǝndɨ!”
40Nǝngɔ Yesu a tɨɨ, a sʊwa gɔ, “Jǝ́ bɛ nǝn gɔ a daa mɨ woi.” Ba la nǝn dɔɔmɨ, nǝngɔ Yesu a bʌ gǝn gɔ, 41“Wɛ mʊ swɨ lɛ n maa mʊnɨ?”
Nǝngɔ kuligɔ a gar gǝm gɔ, “Tɛlalɔ, mǝ swɨ lɛ n kuwo daa.”
42Yesu a jǝla gǝn gɔ, “Nya kuwotǝm daa. Nǝtǝm bɨlǝngkɛl mʊnɔ a gung ń.” 43Tʌgo a kang nu gǝnɔ a wumo, nǝngɔ a bwangtǝn Yesui, bǝlá Kwaamagɔ lɛ. Nǝbɔ gwam a kuwo jʊ nɨ, jǝ bǝlá Kwaamagɔ lɛ.
Currently Selected:
Luka 18: DBD
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luka 18
18
Mʊsǝn Kɛl A Dul Keli Kwaamaɨ Mɨ Tɨtǝm Wo
1Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn. 2A sʊwa gɔ, “A kaa tuulɔ kaa nǝ biyotǝm borang wo, mɨ nyʊwa taal Kwaamaɨ, mɨ gǝ bʊʊla lɛ nǝn nǝbɔ. 3Kaa nɔɔkʊla gǝ daa wo a tuulɔ gɔ, gǝ yɔ gǝm yɔ nǝn keli gǝnɔ kwangkwang gɔ, ‘Dɔ kʊm borang nǝnɔ sǝ n nya bɨlǝngkɛl.’
4“Nǝn tɨkǝga a kɔ. A gulɔ gǝmɨ, nǝngɔ a bʊʊla a nǝl gǝn gɔ, ‘Mɨ mǝ nyʊwa taal Kwaamaɨ lɛ, mɨ mǝ bʊʊla lɛ jǝbɔ nǝbɔ. 5N wɔ nɔɔlɨ nɨ kom i lɛ. Mǝ swɨ lɛ n kuwo ga nya bɨlǝngkɛl, kage nɔɔlɨ nɨ a sʊg mɨ nǝl nǝn bɛtǝm gǝnɔ a daa mɨ woi.’ ”
6Nǝngɔ Tɛlalɔ a sʊwa gɔ, “Nyʊwa jʊ nǝ biyotǝm borang nɨ mɨ dǝngdǝngɨ a sʊwaɨ. 7Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka? 8N sʊwa jen, Kwaama kuwo kuwo ja nya bɨlǝngkɛl dǝbǝr dǝbǝr. Kwama Bʊla Nǝlɨ bɛm lɛɨ, ba nya nya nǝtǝm bɨlǝngkɛl a yooli ka?”
Mʊsǝn Kɛl A Dul Bwɛ Farisa Jǝbɔ Nǝ Yotǝm Kemʌn Tǝm
9Nǝb nɨ a do dul jinɔ gɔ jǝ nǝb dǝngdǝngɨ, ja soga nǝbɔ gwamɨ, nǝngɔ Yesu a sʊwa mʊsǝn kɛl nɨ a dul jini gɔ, 10“Nǝbɔ yo a yɔ a Kan Kwaaman maa keli lɛ. Win n bwɛ Farisa. A wini n nǝ yotǝm kemʌn tǝm. 11Bwɛ Farisa nɨ a gun a tɨ tɨɨ maa keli lɛ a dul gǝn gɔ, ‘Kwaama, n buu mʊn kang, mɨ mǝ na kaam nǝbɔ, nǝbkuumɔ, jǝbɔ nǝb bwɨlanɔ, jǝbɔ nǝb bulonɔ, jǝbɔ nǝbɔ ja lɛ nǝn kwanɨ na nǝ yotǝm kemʌn tǝm nɨ. 12Mǝ do diil mwɛmɔ naagɔ yo a mʊgɔ kumɔ nʌbʌl. Mǝ nǝ nǝ win a mʊgɔ kʊb a nyatǝm mǝndɨ gǝm gwam.’
13“Nǝngɔ nǝ yotǝm kemʌn tǝmɔ a gun a tɨ a kʊta nyɔ. A dʌng bɔ dʌbʌl kwamagɔ. A ga kuli gǝnɔ. Nǝngɔ a ja kǝga nǝn sʊwa lɛ gɔ, ‘Kwaama, ji bʊnǝn mǝndɨ, mǝ nǝ bwɨlangkɛl.’
14“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”
Yesu A Dǝg Bɛtɔ Dwalǝnɔ Gǝm Bwili
(Mat 19:13-15; Mar 10:13-16)
15Nǝbɔ bɛ gǝm lɛ nǝn bɛtɨ dwalǝnɔ sǝ Yesu a dǝg jim bwili. Bɛtɔ mɛlalɨgɔ a kuwo jʊ nɨ bwɨ lɛɨ, nǝngɔ ja ga ji woi. 16Nǝngɔ Yesu a jo bɛtɔ dwalǝnɔ a daa gǝ woi, a sʊwa gɔ, “Jǝ́ bǝla bɛtɔ dwalǝnɔ a bɛ a daa mɨ woi. Bɛ ka jǝ́ kaa ji lɛ. Fɔlɔn lɔ Kwaamaɨ na a jii. 17N bɨlǝngǝn mǝ sʊwa jen nɛɨ, nʊ nɨ a yo bɔ fɔlɔn lɔ Kwaamaɨ na kǝlɨ bwɛsǝnɨ, mɨsɔ nya dɔtǝm gǝnɔ lɛ.”
Nǝ Dʊʊ Nǝ Shilo
(Mat 19:16-30; Mar 10:17-31)
18Kaa nǝ dʊʊ nǝbɨɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨltǝm woi?”
19Nǝngɔ Yesu a sʊwa gǝn gɔ, “Wɛ a bwɨ mʊ jo i mɔʊ nǝ nyaɨ? Mɨ nǝ nyan wo win, na ke bɔ Kwaama kwaagɨɨ. 20Ń nyǝm jʊ diiltɨnɔ a sʊwaɨ gɔ, ‘Bɛ ka ń maa lɛ bulon. Bɛ ka ń jʌ lɛ nǝl. Bɛ ka ń kuu lɛ kuul. Bɛ ka ń maa lɛ gabakɛl. Nǝ tɛtɛ mɔ dʊʊn jǝbɔ nɛnɛ mɔ.’ ”
21Nǝngɔ a sʊwa gɔ, “Kanjǝl nɨ gwam n bwangtǝn n maa fanga mǝ a lɔ bwɛsǝnɨ.” 22Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”
23Nyʊwatǝm kɛl nɨɨ, nǝngɔ nǝ shilo nɨ a kal nǝl dangǝnɨ, jʊ a bwɨɨ n nǝ shilo dangǝn. 24Yesu a dʌng gǝnɨ, nǝngɔ a kuwo nǝl gǝnɔ a kalaɨ, nǝngɔ a sʊwa gɔ, “Bwa bwa sǝ nǝb shilo a nya dɔtǝm fɔlɔn lɔ Kwaamaɨ. 25Bɨlǝngǝn, bwa nɨ namtenʌm a dɔ bʊwa lalʌmʌn, na nǝ shilo dɔ dɔ fɔlɔn lɔ Kwaamaɨ.”
26Nǝb nɨ ja nyʊwa jʊ nɨɨ, ja bʌ gɔ, “Na gǝ na nyɨɨ, nuwo la nya bʊʊtǝm lɛɨ?”
27Yesu a jǝla ji gɔ, “Jʊtǝb nɨ mɨsɔ nǝfili dwal lɛ a maaɨ, Kwaama dwal maa maa gwam.”
28Nǝngɔ Bitrus a sʊwa gɔ, “N wɔ nǝn bǝla lɔtɨn nǝnɔ, nǝn bwang mʊn.”
29Yesu a sʊwa ji gɔ, “N sʊwa jen bɨlǝngkɛl, mɨ nǝn nʊ nɨ bǝla lɔ gǝnɔ lɛ, jǝbɔ nɔɔlɨ gǝnɔ, jǝbɔ kɛtǝlam gǝnɔ, jǝbɔ tɛtǝlam gǝnɔ, jǝbɔ bɛtɨ lɔ gɨɨ a kɛl dul maajɨ fɔlɔn lɔ Kwaamaɨ, 30gaa nyatǝm jʊ nɨ lɛ a lada a kal nɨɨ. A kal nɨ bɛ lɛɨ, gǝ nya nya kʊlɨ nɨ mɨ dɨltǝm woi tag.”
Yesu A Yǝla A Sʊwa Kɛl A Dul Bwaa Gǝnɔ Gǝm
(Mat 20:17-19; Mar 10:32-34)
31Yesu a wɔɔ bɛtɔ mɛlalɨ gǝnɔ kʊb jeli yoi a keli, nǝngɔ a sʊwa ji gɔ, “N wɔ bǝ gwi bǝ yi a Urushalima, a daa nɨ gwam jʊtǝb nɨ nǝbkuwotǝmkǝgagɔ a mʊla a dul Bʊla Nǝlɨ, yii yii. 32Jǝ nǝ nǝ Bʌtʌbɔ gɔ, jǝ mog gǝn mog, ja tuwo gǝn, ja tɛɛ gǝn nǝn tuum, ja bʊg gǝn, ja jʌ gǝn. 33A kum na taalɔ gǝm gun gun nǝn dʊʊmɨ.”
34Bɛtɔ mɛlalɨgɔ a nyǝm bɔ kɛl nɨ Yesu a sʊwaɨ. Ja yʊ ji jʊ kɛl nɨ nʊng lɛɨ. Ja nyǝm bɔ jʊ gǝ sʊwa lɛɨ.
Yesu A Gung Kuli Nɨ Kel Keli Lɛɨ
(Mat 20:29-34; Mar 10:46-52)
35Yesu ya dwama Yerikogɔ lɛɨ, nǝngɔ kaa kuli yǝm a kʌng gola, kel keli lɛɨ. 36A nyʊwa nǝbɔ a lada nyɔ shu lɛɨ, nǝngɔ a bʌ kɛl gɔ, “N wɛ bwɨ lɛɨ?” 37Nǝngɔ ja sʊwa gǝn gɔ, “Nǝn Yesu Bwɛ Nazarat shu lɛɨ.”
38Nǝngɔ a gung diil gǝnɔ nǝn kwaan a sʊwa gɔ, “Yesu Bʊla Daudaɨ, ji bʊnǝn mǝndɨ!”
39Nǝb nɨ a kǝga jǝbɔ Yesui, ja ga gǝm wulong gɔ, “Yɨ shig!” Nǝngɔ a sʊtǝn gungtǝm diilɔ nǝn kwaan sʊwa lɛ gɔ, “Bʊla Daudaɨ, ji bʊnǝn mǝndɨ!”
40Nǝngɔ Yesu a tɨɨ, a sʊwa gɔ, “Jǝ́ bɛ nǝn gɔ a daa mɨ woi.” Ba la nǝn dɔɔmɨ, nǝngɔ Yesu a bʌ gǝn gɔ, 41“Wɛ mʊ swɨ lɛ n maa mʊnɨ?”
Nǝngɔ kuligɔ a gar gǝm gɔ, “Tɛlalɔ, mǝ swɨ lɛ n kuwo daa.”
42Yesu a jǝla gǝn gɔ, “Nya kuwotǝm daa. Nǝtǝm bɨlǝngkɛl mʊnɔ a gung ń.” 43Tʌgo a kang nu gǝnɔ a wumo, nǝngɔ a bwangtǝn Yesui, bǝlá Kwaamagɔ lɛ. Nǝbɔ gwam a kuwo jʊ nɨ, jǝ bǝlá Kwaamagɔ lɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation