Matiyu 25
25
Hufwa a chu mbǝgya endà gwi
1“Atan enò zǝnotì a kpe a no abu ekpengga a mbǝgya endà gwi ya è vǝ́ a je ngge be petila mo be evǝa be e cha edon-gwa ángá. 2Chwen a engga mo be è fwa be ngge enggaton ra, chwen è no be ya enggaton. 3Be chwen ya e ngga be tón ra ángá, è kpwá petila mo be no, tea bè fwa be ngge byi efki ra. 4Be chwen ya enggaton hon è kpwá petila mo be nè no ngge byi efki adi be etsǝn. 5Edon-gwa hon è dgyenfon nè bwa myan ye ra, kǝnggwa binbin mo be è kwa ara dan embǝgòm nè dwa ara dan.
6“A tswa-tsǝ è sen ara ángá, bè fo ende akan è du edgon jan, ‘Edon-gwa hon bwa tén ara, nye gwa a je evǝa nye e cha ye.’
7“Kǝnggwa binbin mo mbǝgya endà hon è zǝ dan nè bwese be petila mo be. 8Be ya è ngga be tón ra ángá è jan be ya enggaton hon jan, ‘Nye no je byi mo nye nwofyan, be petila mo je nda anga ba din.’
9“Bè janfwe be, ‘É yé, ja no je nye ra, byi mo je hon a kǝn ye je ngge nye ra. Nye ken a zǝn be ya e jwade nó anga, evǝa nye jwa ḿ mo nye.’
10“Tea atan a bè nyaken a efǝ evǝa be jwa byi hon ángá, edon-gwa hon è bwangga ara. Mbǝgya endà ya è notsa ara nè no nobà anga, è kwashi a tswa àtá esǝ-ben ngge edon-gwa hon. Kǝnggwa bè fǝpe ara tafǝmo.
11“Dgyen ye fon ra, mbǝgya endà chwen efki hon ya è ken evǝa be jwa byi ángá, è twabǝ bwa, nè kwa ara dwa efǝ́m a tafǝmo jan, ‘Etsodwe, fkigwa je tafǝmo.’
12“Tea edon-gwa hon è janfwe be, ‘M jan nye ebi, m yi m nye ra.’
13“Enona, nye e no ezǝngga, adia nye yi nye nò hon eno e ra ekpengga hon a a me, Nwen Nobǝ twabǝ a bwa ángá ra.
Hufwa a chu be ya mochi ta
(Luka 19:11-27)
14“Efwe zǝnotì a kpe a no abu nobǝ akan éè té fuchin anga ga nya echan. Gè fǝ́ fǝn be ya mochi mbwe nè tankwa be mobenben mbwe evǝa be e di e seshi ye nó. 15A zǝn ende akan, gè no fwentse talenti chwen, a zǝn efki gè no talenti fà, a zǝn efki gè no talenti akan. Gè no egwa egwa mo be mò hon ken abu ge bwe a ti ángá. Ekǝnggwa gè nya echan mbwe hon. 16Ende éè cha fwentse talenti chwen ángá, è kwa ara bu e twanga ngge ḿ mbwe kè akan. Gè ben etubi a chu mo nó è kengga talenti chwen. 17Ende a bè no ye talenti fà ángá è bwe enò gaten nè ben etubi mo talenti fà. 18Tea ende éè cha talenti akan ángá, è ken gu edu a sǝnsen nè ti fwentse mo yagwamo mu mbwe ngǝ̀ton a zǝn.
19“Chashin mo be tsǝnò embo, yagwamo mu be è twabǝ bwa, gè fǝ́ be dwa. Gè kwa ara egwa egwa mo be eka ekam a chu, abu bè bwe ngge fwentse talenti a gè no be ángá. 20Ende è cha fwentse talenti chwen ángá, è bwa no ye fwentse talenti gwi nè jan, ‘Yagwamo mu, ò ti fwen talenti chwen no m, m ben talenti chwen tubi a chu mo nó.’
21“Yagwamo mu mbwe è janfwe ye, ‘O bwe yi ara, ya mochi esese, nobǝ ebi. O tú ara ebi a chu be mò nwofyan. Ma du o we no chu a chu be mò embo. Bwa we fo etkwa ngge me.’
22“Nobǝ a bè no ye talenti fà ángá è bwa èé ge, nè no ye talenti ndwe. Gè jan, ‘Yagwamo mu, ò ti talenti fà no m, m ben talenti fà efki tubi ara a chu mo nó.’
23“Yagwamo mu mbwe è janfwe ye, ‘O bwe yi ara, ya mochi esese, nobǝ ebi. O tú ara ebi a chu be mò nwofyan. Ma du o we no chu, a chu be mò embo. Bwa we fo etkwa ngge me.’
24“Kǝnggwa nobǝ éè cha talenti akan ángá, è bwa jan, ‘Yagwamo mu, m yi jan wa nobǝ ekǝnkǝn nya, o bǝ mowa a zǝn a ò tswa mbo ra, ngge o tefǝn anga a zǝn a o twa mbo to ra. 25Enona, m̀ tsen etsentsen, m̀ ti talenti mbo ken ngǝ̀ton a sǝnsen. Cha, ena a mò e no ḿ mbo ángá.’
26“Yagwamo mu mbwe è janfwe ye, ‘A bo ya mochi fǝ̀, ya engǝ. Ò yi m̀ mbo jan m bǝ mowa anga a zǝn a m tswa m ra, ngge m tefǝn anga a zǝn a m twa m to ra. 27Ano ge no e nò, wà a ti tse mam ti a nyi adi ebentse zǝn a gà a tu a bi, evǝa atan a m twabǝ bwa ara mà a cha tse mam ngge etubi a chu mo nó.’
28“Gè twanga nè jan be nobǝ ya è ywano a zǝn ángá jan, ‘Nye cha ti ara talenti akan hon a zǝn ye, nye e ti e no ende e no ngge gwi ángá. 29Adia egwa egwa e no ngge mò, be tu a bi ye, ga no ngge be mò àywá. Ende e fwa ye ngge mò ra, èé mò nwofyan a ge no ngge nó ángá, ba cha ti ara nó a zǝn ye. 30Efwe yagwamo mu hon è du be nobǝ, be ti ya mochi nobǝ kukwa ena twa vǝ́ a je ken shi a tswafǝ, zǝn a be nobǝ kpedwa n kǝ́n san anga.’
Abu Ehwya a kpèn be nobǝ kǝ́n nò ekǝn-etkyen ángá
31“Atan a Nwen Nobǝ hon a bwa adi egǝ̀n mbwe ngge be maleka e no ngge ge binbin ángá, ga chu a chu botì echa mbwe. 32Ba fǝ́ binbin mo be nobǝ a tswa zǝnchaje dwa bwa a fǝ́n a zǝn ye. Ge ngga a kwa be nobǝ hon abu ya efyomo nggakwa be bwi ngge be son anga. 33Ga kpu be son a fǝ́ chá budgo mbwe, na kpu be bwi hon kpu a fǝ́ chá buhwyá mbwe.
34“Kǝnggwa Tì hon a jan be ya è no chá budgo mbwe ángá jan, ‘Nye bwa, a nye ya e ben ara esese a zǝn Àtà m, nye e cha mofǝ́n mo nye hon, zǝnotì hon a bè bwenyi ara nye atan a zǝnchaje è tke ángá. 35M̀ fo mbe, nyè no m mò me e de, m̀ fo jwangǝ̀ nyè no m mò me e ngǝ, m̀ bwa echan, nyè cha m kwashi a mu nye, 36m̀ nda mokàn anga, nyè nggwa m mokàn, m̀ no adi modwa, nyè dgon m, m̀ no a tswa àtá ehwyatu, nyè bandi m.’
37“Kǝnggwa be ya è bwe be mò a ge dgyan anga, a ká ye eka jan, ‘Etsodwe, abu atan engǝ a jè di o, ò fo mbe anga jè no ò mode eno e ra ò fo jwangǝ̀, jè no o mò ò ngǝ? 38Abu atan engǝ, a ò bwa echan, jè cha o shi a mu je, abu atan engǝ a ò nda mokàn anga, jè nggwa o mokàn? 39Abu atan engǝ a jè di o, ò no adi modwa, jè dgon o, eno e ra, ò no a àtá ehwyatu jè bandi o?’
40“Tì hon a jan be, ‘M jan nyè ebi, egwa egwa mo mò a nyè bwe no ende akan, e no ti ara nwofyan mo be nwenjwa m ena, nyè bwe no a me.’
41“Kǝnggwa ga jan be ya è no chá buhwyá mbwe ángá jan, ‘Nye nyagwa m, a nye ya a Ehwya to ara nye ebwe a chu, nye kwashi a tswa fǝ̀ a bè bwenyi ara ḿ mo Shetan ngge be maleka mbwe ángá. 42Adia m̀ fo mbe, nyè no m mò akan me e de ra. M fo jwangǝ̀, nyè no m mò akan me e ngǝ ra. 43M̀ bwa echan, nyè cha m shi nye a mu nye ra. M̀ nda mokàn anga, nyè nggwa m mokàn ra. M̀ no adi modwa, nyè dgon m ra. M̀ no a tswa àtá ehwyatu nyè bwa bandi m ra.’
44“A be gaten, be jan a fwe ye, ‘Etsodwe, abu atan engǝ a jè di o, ò fo mbe, jè no mbo mode ra? Abu atan engǝ a jè di o, ò fo jwangǝ̀, jè no mbo mò we ngǝ ra? Abu atan engǝ a jè di o, ò bwa echan, jè cha o shi je a mu je ra? Abu atan engǝ a jè di o, ò nda mokàn ángá, jè nggwa mbo mokàn ra? Abu atan engǝ a jè di o, ò no adi modwa eno e ra a àtá ehwyatu, jè ká mbo ra?’
45“Ga jan a fwe be jan, ‘M jan nye ebi, abu atan engǝ ra a nyè bwejwa nye, be ya e no ti ara nwofyan a engga mo be nwenjwa m ena ra ángá, nyè bwejwa m ra.’
46“Be ya ena a kwa a shi a tswa zǝn ekan e no a fwa efwam ángá. Tea be ya e bwe mò a Ehwya dgyan anga, ba ben nya e no a fwa efwam ángá.”
Currently Selected:
Matiyu 25: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Matiyu 25
25
Hufwa a chu mbǝgya endà gwi
1“Atan enò zǝnotì a kpe a no abu ekpengga a mbǝgya endà gwi ya è vǝ́ a je ngge be petila mo be evǝa be e cha edon-gwa ángá. 2Chwen a engga mo be è fwa be ngge enggaton ra, chwen è no be ya enggaton. 3Be chwen ya e ngga be tón ra ángá, è kpwá petila mo be no, tea bè fwa be ngge byi efki ra. 4Be chwen ya enggaton hon è kpwá petila mo be nè no ngge byi efki adi be etsǝn. 5Edon-gwa hon è dgyenfon nè bwa myan ye ra, kǝnggwa binbin mo be è kwa ara dan embǝgòm nè dwa ara dan.
6“A tswa-tsǝ è sen ara ángá, bè fo ende akan è du edgon jan, ‘Edon-gwa hon bwa tén ara, nye gwa a je evǝa nye e cha ye.’
7“Kǝnggwa binbin mo mbǝgya endà hon è zǝ dan nè bwese be petila mo be. 8Be ya è ngga be tón ra ángá è jan be ya enggaton hon jan, ‘Nye no je byi mo nye nwofyan, be petila mo je nda anga ba din.’
9“Bè janfwe be, ‘É yé, ja no je nye ra, byi mo je hon a kǝn ye je ngge nye ra. Nye ken a zǝn be ya e jwade nó anga, evǝa nye jwa ḿ mo nye.’
10“Tea atan a bè nyaken a efǝ evǝa be jwa byi hon ángá, edon-gwa hon è bwangga ara. Mbǝgya endà ya è notsa ara nè no nobà anga, è kwashi a tswa àtá esǝ-ben ngge edon-gwa hon. Kǝnggwa bè fǝpe ara tafǝmo.
11“Dgyen ye fon ra, mbǝgya endà chwen efki hon ya è ken evǝa be jwa byi ángá, è twabǝ bwa, nè kwa ara dwa efǝ́m a tafǝmo jan, ‘Etsodwe, fkigwa je tafǝmo.’
12“Tea edon-gwa hon è janfwe be, ‘M jan nye ebi, m yi m nye ra.’
13“Enona, nye e no ezǝngga, adia nye yi nye nò hon eno e ra ekpengga hon a a me, Nwen Nobǝ twabǝ a bwa ángá ra.
Hufwa a chu be ya mochi ta
(Luka 19:11-27)
14“Efwe zǝnotì a kpe a no abu nobǝ akan éè té fuchin anga ga nya echan. Gè fǝ́ fǝn be ya mochi mbwe nè tankwa be mobenben mbwe evǝa be e di e seshi ye nó. 15A zǝn ende akan, gè no fwentse talenti chwen, a zǝn efki gè no talenti fà, a zǝn efki gè no talenti akan. Gè no egwa egwa mo be mò hon ken abu ge bwe a ti ángá. Ekǝnggwa gè nya echan mbwe hon. 16Ende éè cha fwentse talenti chwen ángá, è kwa ara bu e twanga ngge ḿ mbwe kè akan. Gè ben etubi a chu mo nó è kengga talenti chwen. 17Ende a bè no ye talenti fà ángá è bwe enò gaten nè ben etubi mo talenti fà. 18Tea ende éè cha talenti akan ángá, è ken gu edu a sǝnsen nè ti fwentse mo yagwamo mu mbwe ngǝ̀ton a zǝn.
19“Chashin mo be tsǝnò embo, yagwamo mu be è twabǝ bwa, gè fǝ́ be dwa. Gè kwa ara egwa egwa mo be eka ekam a chu, abu bè bwe ngge fwentse talenti a gè no be ángá. 20Ende è cha fwentse talenti chwen ángá, è bwa no ye fwentse talenti gwi nè jan, ‘Yagwamo mu, ò ti fwen talenti chwen no m, m ben talenti chwen tubi a chu mo nó.’
21“Yagwamo mu mbwe è janfwe ye, ‘O bwe yi ara, ya mochi esese, nobǝ ebi. O tú ara ebi a chu be mò nwofyan. Ma du o we no chu a chu be mò embo. Bwa we fo etkwa ngge me.’
22“Nobǝ a bè no ye talenti fà ángá è bwa èé ge, nè no ye talenti ndwe. Gè jan, ‘Yagwamo mu, ò ti talenti fà no m, m ben talenti fà efki tubi ara a chu mo nó.’
23“Yagwamo mu mbwe è janfwe ye, ‘O bwe yi ara, ya mochi esese, nobǝ ebi. O tú ara ebi a chu be mò nwofyan. Ma du o we no chu, a chu be mò embo. Bwa we fo etkwa ngge me.’
24“Kǝnggwa nobǝ éè cha talenti akan ángá, è bwa jan, ‘Yagwamo mu, m yi jan wa nobǝ ekǝnkǝn nya, o bǝ mowa a zǝn a ò tswa mbo ra, ngge o tefǝn anga a zǝn a o twa mbo to ra. 25Enona, m̀ tsen etsentsen, m̀ ti talenti mbo ken ngǝ̀ton a sǝnsen. Cha, ena a mò e no ḿ mbo ángá.’
26“Yagwamo mu mbwe è janfwe ye, ‘A bo ya mochi fǝ̀, ya engǝ. Ò yi m̀ mbo jan m bǝ mowa anga a zǝn a m tswa m ra, ngge m tefǝn anga a zǝn a m twa m to ra. 27Ano ge no e nò, wà a ti tse mam ti a nyi adi ebentse zǝn a gà a tu a bi, evǝa atan a m twabǝ bwa ara mà a cha tse mam ngge etubi a chu mo nó.’
28“Gè twanga nè jan be nobǝ ya è ywano a zǝn ángá jan, ‘Nye cha ti ara talenti akan hon a zǝn ye, nye e ti e no ende e no ngge gwi ángá. 29Adia egwa egwa e no ngge mò, be tu a bi ye, ga no ngge be mò àywá. Ende e fwa ye ngge mò ra, èé mò nwofyan a ge no ngge nó ángá, ba cha ti ara nó a zǝn ye. 30Efwe yagwamo mu hon è du be nobǝ, be ti ya mochi nobǝ kukwa ena twa vǝ́ a je ken shi a tswafǝ, zǝn a be nobǝ kpedwa n kǝ́n san anga.’
Abu Ehwya a kpèn be nobǝ kǝ́n nò ekǝn-etkyen ángá
31“Atan a Nwen Nobǝ hon a bwa adi egǝ̀n mbwe ngge be maleka e no ngge ge binbin ángá, ga chu a chu botì echa mbwe. 32Ba fǝ́ binbin mo be nobǝ a tswa zǝnchaje dwa bwa a fǝ́n a zǝn ye. Ge ngga a kwa be nobǝ hon abu ya efyomo nggakwa be bwi ngge be son anga. 33Ga kpu be son a fǝ́ chá budgo mbwe, na kpu be bwi hon kpu a fǝ́ chá buhwyá mbwe.
34“Kǝnggwa Tì hon a jan be ya è no chá budgo mbwe ángá jan, ‘Nye bwa, a nye ya e ben ara esese a zǝn Àtà m, nye e cha mofǝ́n mo nye hon, zǝnotì hon a bè bwenyi ara nye atan a zǝnchaje è tke ángá. 35M̀ fo mbe, nyè no m mò me e de, m̀ fo jwangǝ̀ nyè no m mò me e ngǝ, m̀ bwa echan, nyè cha m kwashi a mu nye, 36m̀ nda mokàn anga, nyè nggwa m mokàn, m̀ no adi modwa, nyè dgon m, m̀ no a tswa àtá ehwyatu, nyè bandi m.’
37“Kǝnggwa be ya è bwe be mò a ge dgyan anga, a ká ye eka jan, ‘Etsodwe, abu atan engǝ a jè di o, ò fo mbe anga jè no ò mode eno e ra ò fo jwangǝ̀, jè no o mò ò ngǝ? 38Abu atan engǝ, a ò bwa echan, jè cha o shi a mu je, abu atan engǝ a ò nda mokàn anga, jè nggwa o mokàn? 39Abu atan engǝ a jè di o, ò no adi modwa, jè dgon o, eno e ra, ò no a àtá ehwyatu jè bandi o?’
40“Tì hon a jan be, ‘M jan nyè ebi, egwa egwa mo mò a nyè bwe no ende akan, e no ti ara nwofyan mo be nwenjwa m ena, nyè bwe no a me.’
41“Kǝnggwa ga jan be ya è no chá buhwyá mbwe ángá jan, ‘Nye nyagwa m, a nye ya a Ehwya to ara nye ebwe a chu, nye kwashi a tswa fǝ̀ a bè bwenyi ara ḿ mo Shetan ngge be maleka mbwe ángá. 42Adia m̀ fo mbe, nyè no m mò akan me e de ra. M fo jwangǝ̀, nyè no m mò akan me e ngǝ ra. 43M̀ bwa echan, nyè cha m shi nye a mu nye ra. M̀ nda mokàn anga, nyè nggwa m mokàn ra. M̀ no adi modwa, nyè dgon m ra. M̀ no a tswa àtá ehwyatu nyè bwa bandi m ra.’
44“A be gaten, be jan a fwe ye, ‘Etsodwe, abu atan engǝ a jè di o, ò fo mbe, jè no mbo mode ra? Abu atan engǝ a jè di o, ò fo jwangǝ̀, jè no mbo mò we ngǝ ra? Abu atan engǝ a jè di o, ò bwa echan, jè cha o shi je a mu je ra? Abu atan engǝ a jè di o, ò nda mokàn ángá, jè nggwa mbo mokàn ra? Abu atan engǝ a jè di o, ò no adi modwa eno e ra a àtá ehwyatu, jè ká mbo ra?’
45“Ga jan a fwe be jan, ‘M jan nye ebi, abu atan engǝ ra a nyè bwejwa nye, be ya e no ti ara nwofyan a engga mo be nwenjwa m ena ra ángá, nyè bwejwa m ra.’
46“Be ya ena a kwa a shi a tswa zǝn ekan e no a fwa efwam ángá. Tea be ya e bwe mò a Ehwya dgyan anga, ba ben nya e no a fwa efwam ángá.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation