Matiyu 9
9
Yeso matswa ya modwa-edan akan
(Marku 2:1-12; Luka 5:17-26)
1Enona, Yeso è twabǝ kwashi a tswa ngga hon, a ge ngge be etsonchi mbwe, bè penyi vǝ́ jengǝ̀ ken a eten mbwe. 2Be nobǝ ya ehwyà è tso ti nobǝ akan, ya modwa-edan éè dwano adi sǝ ángá, bwa a zǝn ye. Atan a Yeso è di chaebi mo be ángá, gè jan ya modwa-edan hon jan, “Bonshi ekǝ̀n nwen m, be gwano ara o be ebgen mbo.”
3Atan a be etumo mo edon ya ehwyà è fo enò ángá, bè kwa ara fwa ejanm e sojube jan, “Nobǝ ena jan fwa esera anga a chu Ehwya.”
4Tea adia Yeso è yi ara mò a bè ka anga, gè jan, “Bwe engǝ nye ka yishwa mò esera ena ángá a tsuruku mo nye? 5Nwone e shànfo tkyan ángá a ani, be e jan, ‘Be gwano ara o be ebgen mbo nè,’ eno e ra be e jan, ‘Nyi etkyen we kenkèn’? 6Tea adia m dgyan anga jan nye e yi jan, a me Nwen Nobǝ hon, m no ngge echakpo a tswa zǝnchaje me e gwa e no be ebgen ángá,” Kǝnggwa gè twanga jan ya modwa-edan hon jan, “Nyi etkyen, ti sǝ mbo we nya a mu.” 7Nobǝ hon è nyi etkyen nè nya ḿ mbwe a mu. 8Atan a be nobǝ embo hon è di mò ena ángá, mò hon è zǝ̀ be ju àywá, bè tàn Ehwya nwene è no be nobǝ echakpo be e bwe yishwa mò ena ángá.
Abu Yeso è fǝ́ Matiyu dwa ángá
(Marku 2:13-17; Luka 5:27-32)
9Abu Yeso è nyagwa zǝn hon anga, gè di ndedon akan a bè fǝ́ ye anga Matiyu chuno a àtá afku tse-eten echam, Yeso è jan ye, “Ba m.” Matiyu è nyi etkyen nè ba ye.
10Atan a Yeso è ken chuno de mode anga a mbwe Matiyu ángá, be ya tse-eten echam embo ngge “be ya ebgen” efki è bwa de mode ngge ge tangge be etsonchi mbwe. 11Atan a be Farisi è di mò è bwe ángá, bè ká be etsonchi mo Yeso eka jan, “Bwe engǝ etumo mo nye de bwi mode anga ngge be ya tse-eten echam ngge ‘be ya ebgen’ efki?”
12Tea atan a Yeso è fo enò ángá, gè jan, “Be ya e fo etkwaju anga nda be ematwa ra, kpwa be ya e fo be etkwaju ra. 13Nye e ken e di e seshi engà mo be Fwaebam e jan, ‘M dgyan anga be nobǝ be e dwafǝ so, fwa ye be e no m mò etinom ra.’ Adia m bwa m evǝa me e fǝ́ be ya e ka jan ba be ya ebitete ángá dwa ra, tea be ya ebgen.”
Bè ká Yeso eka a chu vǝ etsem
(Marku 2:18-22; Luka 5:33-39)
14Nò kè akan, be ye è ba Yohana ya Batisǝma anga è bwa ká Yeso eka jan, “Ano bwe ge, a je ngge be Farisi ti ekpengga ti tse bwi vǝ anga, tea be etsonchi mbo tse be vǝ anga ra?”
15Yeso è janfwe be, “Be ya a edon-gwa fǝ́ be dwa ángá, a bentsen atan a ge chà no ngge be ángá? Ekpengga bwa anga, atan a ba ti edon-gwa hon chafya mo be, atan enò a no ekpengga a ba tsevǝ ángá.”
16“Nobǝ akan a ban a pe ye edu a ju adanmo ehwe ngge eta adanmo efwe ra, adia eta adanmo efwe hon a fǝ́n n vǝ a ngga adanmo ehwe hon na du edu hon nggwa twa a fǝ̀ ekwafya. 17Efwe, nobǝ akan a ti mbǝ enabi efwe ti a gu a shi ye adi etsǝn kpumo ehwe ra, ano ge bwe enò, mbǝ enabi efwe hon a sǝ́, n tan a bwi etsǝn kpumo ehwe hon. Mbǝ enabi hon a nggwafwa a gu, etsǝn kpumo hon a bwe a dì. É yé, be ti mbǝ enabi efwe ti gushi anga adi etsǝn kpumo efwe, evǝa mò akan e bwe ye ngge be fà hon ra.”
Yeso è fǝ́zǝ nwen ndegwa akan bwa angǝ, nè matswa ndegwa a ngǝ è vǝ́ ye anga
(Marku 5:2-43; Luka 8:40-56)
18Abu Yeso è chà jan fwa anga, chu mo àtá chuefǝnm mo be ya a Yahuda akan, è bwa nggwa ekpanvǝ mbwe chafya mo Yeso nè jan, “Nwen m ndegwa chà fǝ kǝn asuswana, tea m yi jan o fǝ́zǝ a ti ye a bwa a angǝ, enona, bwa tu ye bu a chu evǝa ge e no angǝ.”
19Yeso è nyi etkyen nè ba ye, be ye è ba ye anga è nyaken ngge ge gaten.
20Atan enò, abu Yeso è no nyaken efǝ ángá, ndegwa akan a ngǝ éè vǝ́ ye anga è kengga ara, je gwi chu fà ángá, è bwa chashin mo Yeso nè bwa yi a tón mo mokàn mbwe. 21Gè jan a tsuruku mbwe jan, “Ano m ti ju m yi a tón mokàn efifi mbwe kpwà ara, modwa mam a twa a gwa m.”
22Yeso è twanga, di ye nè jan, “Nwen m ndegwa, nggwa tsuruku a sen, chaebi mbo matswa ara o.” Kè akan, ndegwa hon è ben ematswam mbwe.
23Atan a Yeso è bwangga ara a mu chu mo àtá chuefǝnm hon ángá, gè di be ya kpi etom ngge be ya è bentsen anga ngge dwa etànm è no a zǝn. 24Gè jan be jan, “Nye vǝ́ a je. Nwen ndegwa hon chà fǝ ye ra, tea ge dwa anga dan.” Atan a bè fo enò ángá, bè tson ye tsen. 25Atan a bè du be nobǝ hon vǝ́ ara a je ángá, Yeso è kwashi a àtá hon nè fu bu mo nwen ndegwa hon, gè nyi etkyen. 26Fwa a chu mo moeditanm ena a Yeso è bwe ángá, è kwa chá gu efa hon.
Yeso matswa be ya fǝzǝn ebwibwi fà
27Abu Yeso è gwa zǝn hon nè nyaken efǝ ángá, be ndedon, ya fǝzǝn ebwibwi fà è ba ye, bè no tandwa anga jan, “Di ashi mo je, Nwen mo Dawuda!”
28Atan a gè kwashi ara a mu akan ángá, be ya fǝzǝn ebwibwi fà hon è kwashi a zǝn Yeso. Gè ká be eka jan, “Nye no ngge chaebi jan m bwe a ti mò ena?”
Bè janfwe ye jan, “Ee, Etsodwe, o bwe a ti.”
29Ekǝnggwa gè yi be bu a fǝzǝn nè jan, “Ge e no abu, chaebi mo nye no anga.” 30Be fǝzǝn mo be è fkigwa, bè kwa ara zǝn edim. Yeso è twa be echa echakpokpo jan, “Nye e di jan nobǝ akan yi ye mò ena ra.” 31Tea be vǝ́ a je nè ti fwa a chu ye no jan be nobǝ anga, a tswa binbin mo efa hon eni.
Yeso matswa ende akan éè jan yi ye fwa ra ángá
32Abu be nobǝ fà hon è nyavǝ́ a je ángá, bè ti nobǝ akan a engǝ́ esera è no ye a ju, nè du ye gè jan yi ye aken ra, bwa a zǝn ye. 33Atan a gè nyonvǝ́ ara engǝ́ esera hon ángá, nobǝ hon éè jan yi ye aken ra ángá, è kwa ara fwa ejanm. Be nobǝ ya è fǝnno a zǝn ángá, è tàn ebwikpe nè jan, “Je chà didi je yishwa mò ena a sǝnsen mo Esǝrela ra.”
34Tea be Farisi è jan, “Ge nyonvǝ́ engǝ́ esera anga ngge echakpo a tì mo engǝ́ esera no ye anga.”
Yeso di ashi mo be nobǝ
35Kǝnggwa Yeso è tkukwa gu be eten efifi ngge nwofyan nè no tú be nobǝ mò anga a tswa be àtá chuefǝnm mo be. Gè no du edgon mo Fwa Esese anga a chu zǝnotì mo Ehwya, nè no matswa egwa egwa mo modwa ngge atkigwa anga. 36Atan a gè di be nobǝ embo hon è fǝnno a zǝn ángá, gè di ashi mo be adia bè no a tswa tsuruku ekǝnkǝn nya nè nda ebwejwa anga. Bè no abu be son ya e ben be ende e dgon be anga ra. 37Ekǝnggwa gè jan be etsonchi mbwe jan, “Moebǝm hon no àywá, tea be ya mochi hon fí be ra. 38Enona, nye bgó Ehwya e no yagwamo kpèn hon ángá, ge e tson be ya mochi be e bwa e bǝ ye mowa a kpèn mbwe.”
Currently Selected:
Matiyu 9: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Matiyu 9
9
Yeso matswa ya modwa-edan akan
(Marku 2:1-12; Luka 5:17-26)
1Enona, Yeso è twabǝ kwashi a tswa ngga hon, a ge ngge be etsonchi mbwe, bè penyi vǝ́ jengǝ̀ ken a eten mbwe. 2Be nobǝ ya ehwyà è tso ti nobǝ akan, ya modwa-edan éè dwano adi sǝ ángá, bwa a zǝn ye. Atan a Yeso è di chaebi mo be ángá, gè jan ya modwa-edan hon jan, “Bonshi ekǝ̀n nwen m, be gwano ara o be ebgen mbo.”
3Atan a be etumo mo edon ya ehwyà è fo enò ángá, bè kwa ara fwa ejanm e sojube jan, “Nobǝ ena jan fwa esera anga a chu Ehwya.”
4Tea adia Yeso è yi ara mò a bè ka anga, gè jan, “Bwe engǝ nye ka yishwa mò esera ena ángá a tsuruku mo nye? 5Nwone e shànfo tkyan ángá a ani, be e jan, ‘Be gwano ara o be ebgen mbo nè,’ eno e ra be e jan, ‘Nyi etkyen we kenkèn’? 6Tea adia m dgyan anga jan nye e yi jan, a me Nwen Nobǝ hon, m no ngge echakpo a tswa zǝnchaje me e gwa e no be ebgen ángá,” Kǝnggwa gè twanga jan ya modwa-edan hon jan, “Nyi etkyen, ti sǝ mbo we nya a mu.” 7Nobǝ hon è nyi etkyen nè nya ḿ mbwe a mu. 8Atan a be nobǝ embo hon è di mò ena ángá, mò hon è zǝ̀ be ju àywá, bè tàn Ehwya nwene è no be nobǝ echakpo be e bwe yishwa mò ena ángá.
Abu Yeso è fǝ́ Matiyu dwa ángá
(Marku 2:13-17; Luka 5:27-32)
9Abu Yeso è nyagwa zǝn hon anga, gè di ndedon akan a bè fǝ́ ye anga Matiyu chuno a àtá afku tse-eten echam, Yeso è jan ye, “Ba m.” Matiyu è nyi etkyen nè ba ye.
10Atan a Yeso è ken chuno de mode anga a mbwe Matiyu ángá, be ya tse-eten echam embo ngge “be ya ebgen” efki è bwa de mode ngge ge tangge be etsonchi mbwe. 11Atan a be Farisi è di mò è bwe ángá, bè ká be etsonchi mo Yeso eka jan, “Bwe engǝ etumo mo nye de bwi mode anga ngge be ya tse-eten echam ngge ‘be ya ebgen’ efki?”
12Tea atan a Yeso è fo enò ángá, gè jan, “Be ya e fo etkwaju anga nda be ematwa ra, kpwa be ya e fo be etkwaju ra. 13Nye e ken e di e seshi engà mo be Fwaebam e jan, ‘M dgyan anga be nobǝ be e dwafǝ so, fwa ye be e no m mò etinom ra.’ Adia m bwa m evǝa me e fǝ́ be ya e ka jan ba be ya ebitete ángá dwa ra, tea be ya ebgen.”
Bè ká Yeso eka a chu vǝ etsem
(Marku 2:18-22; Luka 5:33-39)
14Nò kè akan, be ye è ba Yohana ya Batisǝma anga è bwa ká Yeso eka jan, “Ano bwe ge, a je ngge be Farisi ti ekpengga ti tse bwi vǝ anga, tea be etsonchi mbo tse be vǝ anga ra?”
15Yeso è janfwe be, “Be ya a edon-gwa fǝ́ be dwa ángá, a bentsen atan a ge chà no ngge be ángá? Ekpengga bwa anga, atan a ba ti edon-gwa hon chafya mo be, atan enò a no ekpengga a ba tsevǝ ángá.”
16“Nobǝ akan a ban a pe ye edu a ju adanmo ehwe ngge eta adanmo efwe ra, adia eta adanmo efwe hon a fǝ́n n vǝ a ngga adanmo ehwe hon na du edu hon nggwa twa a fǝ̀ ekwafya. 17Efwe, nobǝ akan a ti mbǝ enabi efwe ti a gu a shi ye adi etsǝn kpumo ehwe ra, ano ge bwe enò, mbǝ enabi efwe hon a sǝ́, n tan a bwi etsǝn kpumo ehwe hon. Mbǝ enabi hon a nggwafwa a gu, etsǝn kpumo hon a bwe a dì. É yé, be ti mbǝ enabi efwe ti gushi anga adi etsǝn kpumo efwe, evǝa mò akan e bwe ye ngge be fà hon ra.”
Yeso è fǝ́zǝ nwen ndegwa akan bwa angǝ, nè matswa ndegwa a ngǝ è vǝ́ ye anga
(Marku 5:2-43; Luka 8:40-56)
18Abu Yeso è chà jan fwa anga, chu mo àtá chuefǝnm mo be ya a Yahuda akan, è bwa nggwa ekpanvǝ mbwe chafya mo Yeso nè jan, “Nwen m ndegwa chà fǝ kǝn asuswana, tea m yi jan o fǝ́zǝ a ti ye a bwa a angǝ, enona, bwa tu ye bu a chu evǝa ge e no angǝ.”
19Yeso è nyi etkyen nè ba ye, be ye è ba ye anga è nyaken ngge ge gaten.
20Atan enò, abu Yeso è no nyaken efǝ ángá, ndegwa akan a ngǝ éè vǝ́ ye anga è kengga ara, je gwi chu fà ángá, è bwa chashin mo Yeso nè bwa yi a tón mo mokàn mbwe. 21Gè jan a tsuruku mbwe jan, “Ano m ti ju m yi a tón mokàn efifi mbwe kpwà ara, modwa mam a twa a gwa m.”
22Yeso è twanga, di ye nè jan, “Nwen m ndegwa, nggwa tsuruku a sen, chaebi mbo matswa ara o.” Kè akan, ndegwa hon è ben ematswam mbwe.
23Atan a Yeso è bwangga ara a mu chu mo àtá chuefǝnm hon ángá, gè di be ya kpi etom ngge be ya è bentsen anga ngge dwa etànm è no a zǝn. 24Gè jan be jan, “Nye vǝ́ a je. Nwen ndegwa hon chà fǝ ye ra, tea ge dwa anga dan.” Atan a bè fo enò ángá, bè tson ye tsen. 25Atan a bè du be nobǝ hon vǝ́ ara a je ángá, Yeso è kwashi a àtá hon nè fu bu mo nwen ndegwa hon, gè nyi etkyen. 26Fwa a chu mo moeditanm ena a Yeso è bwe ángá, è kwa chá gu efa hon.
Yeso matswa be ya fǝzǝn ebwibwi fà
27Abu Yeso è gwa zǝn hon nè nyaken efǝ ángá, be ndedon, ya fǝzǝn ebwibwi fà è ba ye, bè no tandwa anga jan, “Di ashi mo je, Nwen mo Dawuda!”
28Atan a gè kwashi ara a mu akan ángá, be ya fǝzǝn ebwibwi fà hon è kwashi a zǝn Yeso. Gè ká be eka jan, “Nye no ngge chaebi jan m bwe a ti mò ena?”
Bè janfwe ye jan, “Ee, Etsodwe, o bwe a ti.”
29Ekǝnggwa gè yi be bu a fǝzǝn nè jan, “Ge e no abu, chaebi mo nye no anga.” 30Be fǝzǝn mo be è fkigwa, bè kwa ara zǝn edim. Yeso è twa be echa echakpokpo jan, “Nye e di jan nobǝ akan yi ye mò ena ra.” 31Tea be vǝ́ a je nè ti fwa a chu ye no jan be nobǝ anga, a tswa binbin mo efa hon eni.
Yeso matswa ende akan éè jan yi ye fwa ra ángá
32Abu be nobǝ fà hon è nyavǝ́ a je ángá, bè ti nobǝ akan a engǝ́ esera è no ye a ju, nè du ye gè jan yi ye aken ra, bwa a zǝn ye. 33Atan a gè nyonvǝ́ ara engǝ́ esera hon ángá, nobǝ hon éè jan yi ye aken ra ángá, è kwa ara fwa ejanm. Be nobǝ ya è fǝnno a zǝn ángá, è tàn ebwikpe nè jan, “Je chà didi je yishwa mò ena a sǝnsen mo Esǝrela ra.”
34Tea be Farisi è jan, “Ge nyonvǝ́ engǝ́ esera anga ngge echakpo a tì mo engǝ́ esera no ye anga.”
Yeso di ashi mo be nobǝ
35Kǝnggwa Yeso è tkukwa gu be eten efifi ngge nwofyan nè no tú be nobǝ mò anga a tswa be àtá chuefǝnm mo be. Gè no du edgon mo Fwa Esese anga a chu zǝnotì mo Ehwya, nè no matswa egwa egwa mo modwa ngge atkigwa anga. 36Atan a gè di be nobǝ embo hon è fǝnno a zǝn ángá, gè di ashi mo be adia bè no a tswa tsuruku ekǝnkǝn nya nè nda ebwejwa anga. Bè no abu be son ya e ben be ende e dgon be anga ra. 37Ekǝnggwa gè jan be etsonchi mbwe jan, “Moebǝm hon no àywá, tea be ya mochi hon fí be ra. 38Enona, nye bgó Ehwya e no yagwamo kpèn hon ángá, ge e tson be ya mochi be e bwa e bǝ ye mowa a kpèn mbwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation