Marku 4
4
Hufwa a chu fwento etwam
(Matiyu 13:1-9; Luka 8:4-8)
1Chashin mo be tsǝnò nwofyan efwe, Yeso è kwa ara moetum a tón edan a Galili. Be nobǝ ya è fǝn ngàhwya ye no ángá è fifi re, enona, gè nyi etkyen nè kwashi chu a tswa mo ngga nwone è no a chu mbǝ a edan hon ángá. Binbin mo be nobǝ è no a etu, a tón edan hon. 2Gè tú be mò embo adi hufwa jan, 3“Nye fo, yawa akan è ken a kpèn evǝa ge e twa fwento mbwe. 4Abu gè no twa fwento hon anga, ya ehwyà è nggwa efǝ be nwendnye è bwa kpe de be. 5Ya ehwyà è nggwa a chu mo sǝnsen ago, zǝn a bè ben be sǝnsen àywá ra. Bè vǝ́ gwa a je myan myan, adia sǝnsen hon è vǝn ye ra. 6Tea atan a nò è fken be ángá, bè ngǝfǝ ara, adia kpwà mo be è shi kǝn ye a sǝnsen ra. 7To ehwyà è nggwa a tswa evi nè vǝ́ gwa a je, evi hon è kpafu be, bè gwa be ga ra. 8Efwe be fwento ehwyà è nggwa a chu sǝnsen esese. Bè vǝ́ gwa a je nè chambo nè gwa be ga, ya ehwyà gwi kè ta (30), ya ehwyà gwi kè chwen a ngǝ (60) ngge ya ehwyà gwé kè akan (100).”
9Kǝnggwa Yeso è jan, “Ende e no ngge tón mo fwa efom, ge e fo fwa hon.”
10Atan a Yeso è no jujuye ángá, be etsonchi mbwe gwi chu fà hon ngge be nobǝ ya ehwyà ya è ngàhwya ye no ángá, è ká ye eka a chu mo engà mo hufwa hon. 11Yeso è jan be, “Ehwya no ara nye echakpo nye e ti e yi be mò engǝ̀tonton a chu zǝnotì mbwe. Tea a zǝn be nobǝ e cha be dwa ngge ge ra, be jan gu be nó anga adi be hufwa evǝa, 12abu be Fwaebam jan,
“Be no a di zǝn anga,
n di a yi be nó ra,
ngge be no a fo fwa anga,
n fo a yi be engà mo nó ra.
Adia ano be yi,
ba twa etwa mo ebgen mo be,
ba gwa a no be.”
13Chukǝnggwa, Yeso è ká be eka, “Ano nye foyi nye engà mo hufwa ena ra, nye fo a yi engà mo egwa egwa mo hufwa efki engǝ? 14Ende e twa be fwento hon anga, jan anga Fwa Esese mo Ehwya. 15Be nobǝ ya ehwyà no abu be fwento ya è nggwa efǝ, kè akan atan a bè fo fwa hon anga, Shetan bwa kpu ara be fwa hon a bè kpu tswa no a tsuruku mo be ángá. 16Be fwento ya ehwyà ya e nggwa a chu sǝnsen ago ángá, no abu be nobǝ ya atan a be fo Fwa Esese hon ángá, myan myan be cha nó ngge vǝtsen. 17Tea adia kpwà mo be shi kǝn ye a sen ra ángá, be dgyen be fon ra. Atan a ekan eno e ra fí etswam ben be a chu fwa mo Ehwya a bè cha ángá, be twagwa nó myan myan. 18Efwe, be fwento ya e nggwa a tswa evi ángá, no abu be nobǝ ya e fo fwa mo Ehwya hon, 19tea tsuruku etsenm a chu be m̀ mo zǝnchaje, enggadem mo mobenben tangge edgyan mo be mò efki bwa hwyafu ara fwa mo Ehwya hon a tsuruku mo be, n du be gwa be ga ra. 20Be fwento ya e nggwa adi sǝnsen esese anga tú anga be ya e fo Fwa Esese mo Ehwya, n cha nó, n bwe mochi ngge nó, n ti gwa be ga. Ya ehwyà gwa be ga gwi kè ta (30), ya ehwyà gwi kè chwen a ngǝ (60) ngge ya ehwyà gwé kè akan (100) mo fwento a bè ti twa ángá.”
Hufwa a chu petila
(Luka 8:16-18)
21Yeso è ká be eka jan, “Be nobǝ a ton petila n ti a nyi a ta mo ehwan nè, eno e ra a ta mo etwà zǝndwa? É yé, be ti nó a nyi etkyen adi echizǝno mo nó, evǝa ge e nggazǝ. 22Mò e no engǝ̀tonton, be ti no a gwa a je, mò a be yi be ra, ba bwe nó ga no enggasansan. 23Ende e no ngge tón mo fwa efom ge e fo fwa hon.”
24Gè jan bishi be jan, “Nye bu e seshi tón adi fwa a nye fo anga. Yishwa mombwamo a nye ti mbwa be nobǝ anga, a gè hon nwone a Ehwya ti mbwa nye, èé ngge etubi. 25A zǝn egwa egwa e no ngge mò, ba tu a bi ye ngge ende e fwa ye ngge mo ra, èé nwofyan a ge no ngge nó ángá, ba cha ti ara nó a zǝn ye.”
Hufwa a chu mo fwento e chambo anga
26Yeso è jan efwe, “Zǝnotì mo Ehwya no abu ende akan e twa bwi fwento anga a sǝnsen. 27Ge dwa dan, n zǝ anga ènò ngge etsǝ, be fwento hon vǝ́ gwa a je n no chambo anga, tea ge yi ye abu mò hon bwe anga ra. 28Sǝnsen hon e chu ye bwe be fwento hon vǝ́ gwa a je ti ken adi mo ga egwam: ge tke adi kpen tumo mo nó ti ken adi ga, kǝnggwa ti ken adi fwen hon a tswa mo nó. 29Myan myan abu be ga hon bge defǝ ara enó, ge ti ekpo twa nó a ju, adia engga moebǝm bwangga ara ángá.”
Hufwa a chu fwento musta
(Matiyu 13:31-32,34; Luka 13:18-19)
30Efwe Yeso è ká be eka jan, “Mò a ja jan zǝnotì mo Ehwya no abu ge ángá a ano, eno e ra hufwa a ja bwe mochi ngge nó ti jan a se nó ángá, a ani? 31Ge no abu fwento musta nwone e no ti ara nwofyan a engga mo be fwento a zǝnchaje. 32Tea atan a be tswa ara nó sǝnsen ángá, ge vǝ́ gwa a je n ke twafǝ̀ gu be fǝtu a tswa wa ehwyazǝmo hon ángá, n swa be bu ekeke nwone a be nwendnye bwa tsa afku mo be anga a ju mo be ángá.”
33Ngge hufwa àywá yishwa ena, Yeso è jan be nobǝ fwa hon abu be e fo a yi ángá. 34Gè tu didi ye be mò anga ra, kpwà adi hufwa. Tea atan a gè no a buetkwa ngge be etsonchi mbwe ángá gè jan gu be engà mo be hufwa hon.
Yeso è ten fyochu dgyén
(Matiyu 8:23-27; Luka 8:22-25)
35Nò eni, atan a nò è di kǝn anga, gè jan be etsonchi mbwe jan, “Je e vǝ́ jengǝ̀ mo edan hon.” 36Atan a bè nyagwa be nobǝ embo chashin anga, bè etsonchi hon è kwa a tswa ngga nwone a Yeso è no a tswa mo nó ángá, nè nya ngge ge. Be nobǝ a tswa be ngga ya ehwyà, è ba be anga. 37Kè akan fyochu echakpokpo è kwa ara ekpom, dgyén mo mbǝ è no du mbǝ bwa bu anga a ju ngga hon nè no nggwashi anga a tswa mo nó, abu ngga hon fka a bwi be. 38Atan enò, Yeso è no adi dan chá yi mo ngga hon nè tu chu mbwe no adi motuchu. Be etsonchi hon è fǝ́zǝ ye nè ká ye eka jan, “Etumo, o ká mbo a jan ngga fka a bwi je ra?”
39Gè nyi etkyen nè tén fyochu hon dgyén, nè jan echakpo mo dgyén mbǝ hon jan, “Kpo nya, no ashi.” Myan myan, fyo hon è tswa gushi dgye enó.
40Kǝnggwa gè ká be etsonchi mbwe eka jan, “Ano bwe a ge nye tsen etsentsen àywá? Bwatwa anga na nye fwa nye ngge chaebi ra?”
41Emme è bu be etsonchi hon a ju àywá, bè ka sojube eka jan, “Ende ena a ara, a èé fyochu ngge echakpo mo mbǝ tse ye anga?”
Currently Selected:
Marku 4: ICH
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation
Marku 4
4
Hufwa a chu fwento etwam
(Matiyu 13:1-9; Luka 8:4-8)
1Chashin mo be tsǝnò nwofyan efwe, Yeso è kwa ara moetum a tón edan a Galili. Be nobǝ ya è fǝn ngàhwya ye no ángá è fifi re, enona, gè nyi etkyen nè kwashi chu a tswa mo ngga nwone è no a chu mbǝ a edan hon ángá. Binbin mo be nobǝ è no a etu, a tón edan hon. 2Gè tú be mò embo adi hufwa jan, 3“Nye fo, yawa akan è ken a kpèn evǝa ge e twa fwento mbwe. 4Abu gè no twa fwento hon anga, ya ehwyà è nggwa efǝ be nwendnye è bwa kpe de be. 5Ya ehwyà è nggwa a chu mo sǝnsen ago, zǝn a bè ben be sǝnsen àywá ra. Bè vǝ́ gwa a je myan myan, adia sǝnsen hon è vǝn ye ra. 6Tea atan a nò è fken be ángá, bè ngǝfǝ ara, adia kpwà mo be è shi kǝn ye a sǝnsen ra. 7To ehwyà è nggwa a tswa evi nè vǝ́ gwa a je, evi hon è kpafu be, bè gwa be ga ra. 8Efwe be fwento ehwyà è nggwa a chu sǝnsen esese. Bè vǝ́ gwa a je nè chambo nè gwa be ga, ya ehwyà gwi kè ta (30), ya ehwyà gwi kè chwen a ngǝ (60) ngge ya ehwyà gwé kè akan (100).”
9Kǝnggwa Yeso è jan, “Ende e no ngge tón mo fwa efom, ge e fo fwa hon.”
10Atan a Yeso è no jujuye ángá, be etsonchi mbwe gwi chu fà hon ngge be nobǝ ya ehwyà ya è ngàhwya ye no ángá, è ká ye eka a chu mo engà mo hufwa hon. 11Yeso è jan be, “Ehwya no ara nye echakpo nye e ti e yi be mò engǝ̀tonton a chu zǝnotì mbwe. Tea a zǝn be nobǝ e cha be dwa ngge ge ra, be jan gu be nó anga adi be hufwa evǝa, 12abu be Fwaebam jan,
“Be no a di zǝn anga,
n di a yi be nó ra,
ngge be no a fo fwa anga,
n fo a yi be engà mo nó ra.
Adia ano be yi,
ba twa etwa mo ebgen mo be,
ba gwa a no be.”
13Chukǝnggwa, Yeso è ká be eka, “Ano nye foyi nye engà mo hufwa ena ra, nye fo a yi engà mo egwa egwa mo hufwa efki engǝ? 14Ende e twa be fwento hon anga, jan anga Fwa Esese mo Ehwya. 15Be nobǝ ya ehwyà no abu be fwento ya è nggwa efǝ, kè akan atan a bè fo fwa hon anga, Shetan bwa kpu ara be fwa hon a bè kpu tswa no a tsuruku mo be ángá. 16Be fwento ya ehwyà ya e nggwa a chu sǝnsen ago ángá, no abu be nobǝ ya atan a be fo Fwa Esese hon ángá, myan myan be cha nó ngge vǝtsen. 17Tea adia kpwà mo be shi kǝn ye a sen ra ángá, be dgyen be fon ra. Atan a ekan eno e ra fí etswam ben be a chu fwa mo Ehwya a bè cha ángá, be twagwa nó myan myan. 18Efwe, be fwento ya e nggwa a tswa evi ángá, no abu be nobǝ ya e fo fwa mo Ehwya hon, 19tea tsuruku etsenm a chu be m̀ mo zǝnchaje, enggadem mo mobenben tangge edgyan mo be mò efki bwa hwyafu ara fwa mo Ehwya hon a tsuruku mo be, n du be gwa be ga ra. 20Be fwento ya e nggwa adi sǝnsen esese anga tú anga be ya e fo Fwa Esese mo Ehwya, n cha nó, n bwe mochi ngge nó, n ti gwa be ga. Ya ehwyà gwa be ga gwi kè ta (30), ya ehwyà gwi kè chwen a ngǝ (60) ngge ya ehwyà gwé kè akan (100) mo fwento a bè ti twa ángá.”
Hufwa a chu petila
(Luka 8:16-18)
21Yeso è ká be eka jan, “Be nobǝ a ton petila n ti a nyi a ta mo ehwan nè, eno e ra a ta mo etwà zǝndwa? É yé, be ti nó a nyi etkyen adi echizǝno mo nó, evǝa ge e nggazǝ. 22Mò e no engǝ̀tonton, be ti no a gwa a je, mò a be yi be ra, ba bwe nó ga no enggasansan. 23Ende e no ngge tón mo fwa efom ge e fo fwa hon.”
24Gè jan bishi be jan, “Nye bu e seshi tón adi fwa a nye fo anga. Yishwa mombwamo a nye ti mbwa be nobǝ anga, a gè hon nwone a Ehwya ti mbwa nye, èé ngge etubi. 25A zǝn egwa egwa e no ngge mò, ba tu a bi ye ngge ende e fwa ye ngge mo ra, èé nwofyan a ge no ngge nó ángá, ba cha ti ara nó a zǝn ye.”
Hufwa a chu mo fwento e chambo anga
26Yeso è jan efwe, “Zǝnotì mo Ehwya no abu ende akan e twa bwi fwento anga a sǝnsen. 27Ge dwa dan, n zǝ anga ènò ngge etsǝ, be fwento hon vǝ́ gwa a je n no chambo anga, tea ge yi ye abu mò hon bwe anga ra. 28Sǝnsen hon e chu ye bwe be fwento hon vǝ́ gwa a je ti ken adi mo ga egwam: ge tke adi kpen tumo mo nó ti ken adi ga, kǝnggwa ti ken adi fwen hon a tswa mo nó. 29Myan myan abu be ga hon bge defǝ ara enó, ge ti ekpo twa nó a ju, adia engga moebǝm bwangga ara ángá.”
Hufwa a chu fwento musta
(Matiyu 13:31-32,34; Luka 13:18-19)
30Efwe Yeso è ká be eka jan, “Mò a ja jan zǝnotì mo Ehwya no abu ge ángá a ano, eno e ra hufwa a ja bwe mochi ngge nó ti jan a se nó ángá, a ani? 31Ge no abu fwento musta nwone e no ti ara nwofyan a engga mo be fwento a zǝnchaje. 32Tea atan a be tswa ara nó sǝnsen ángá, ge vǝ́ gwa a je n ke twafǝ̀ gu be fǝtu a tswa wa ehwyazǝmo hon ángá, n swa be bu ekeke nwone a be nwendnye bwa tsa afku mo be anga a ju mo be ángá.”
33Ngge hufwa àywá yishwa ena, Yeso è jan be nobǝ fwa hon abu be e fo a yi ángá. 34Gè tu didi ye be mò anga ra, kpwà adi hufwa. Tea atan a gè no a buetkwa ngge be etsonchi mbwe ángá gè jan gu be engà mo be hufwa hon.
Yeso è ten fyochu dgyén
(Matiyu 8:23-27; Luka 8:22-25)
35Nò eni, atan a nò è di kǝn anga, gè jan be etsonchi mbwe jan, “Je e vǝ́ jengǝ̀ mo edan hon.” 36Atan a bè nyagwa be nobǝ embo chashin anga, bè etsonchi hon è kwa a tswa ngga nwone a Yeso è no a tswa mo nó ángá, nè nya ngge ge. Be nobǝ a tswa be ngga ya ehwyà, è ba be anga. 37Kè akan fyochu echakpokpo è kwa ara ekpom, dgyén mo mbǝ è no du mbǝ bwa bu anga a ju ngga hon nè no nggwashi anga a tswa mo nó, abu ngga hon fka a bwi be. 38Atan enò, Yeso è no adi dan chá yi mo ngga hon nè tu chu mbwe no adi motuchu. Be etsonchi hon è fǝ́zǝ ye nè ká ye eka jan, “Etumo, o ká mbo a jan ngga fka a bwi je ra?”
39Gè nyi etkyen nè tén fyochu hon dgyén, nè jan echakpo mo dgyén mbǝ hon jan, “Kpo nya, no ashi.” Myan myan, fyo hon è tswa gushi dgye enó.
40Kǝnggwa gè ká be etsonchi mbwe eka jan, “Ano bwe a ge nye tsen etsentsen àywá? Bwatwa anga na nye fwa nye ngge chaebi ra?”
41Emme è bu be etsonchi hon a ju àywá, bè ka sojube eka jan, “Ende ena a ara, a èé fyochu ngge echakpo mo mbǝ tse ye anga?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Luke Initiative for Scripture Translation