Iwinna 13
13
Iran Hannọ Banabas Kevbe Sọl Gie Iran Uhunmwu
1Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl. 2Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”
3Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.
Vbe Saiprọs
4Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga. 5Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.
6Iran keghi wa fian ẹvbo ne amẹ lẹga ni rra gha rrie Pafọs, iran keghi dekun ọbo edunna ọkpa ne a tie eni ẹnrẹn Ba-Jesu vbe evba, ovbi e Ju ọkpa ne ọ vbe gha tie egbe ẹre akhasẹ. 7Rẹn keghi re ọse Enogie ne ọ rre ẹvbo ne amẹ lẹga ni, a keghi tie eni ẹnrẹn Segiọs Pọlọs, ọmwa ne ọ wan ẹsẹse nọ. Enogie nii keghi gie ne a tie Banabas kevbe Sọl rhunmwuda, ọho ne ọ họn ẹmwẹ Osanobua. 8Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre. 9Ẹghẹ nii ọre Sọl, ne avbe tie eni ẹnrẹn Pọl, na vuọn ne Orhiọn Ne Ọ Huanrẹn, ọ keghi ghe ọbo edunna na sun uun, 10ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia! 11Obọ Nọyaẹnmwa ra vba ruẹ nian, u gha rhu aro, u i ghi ra bẹghe uwanmwẹ ẹdẹ ọ te sẹ ẹghẹ eso.”
Vbe ọwarọkpa nii, Elimas ghi ghe ighogho amẹ nekhui rhu gue irẹn aro, ọ na gha bibi yo bibi rre gualọ ọmwa ne ọ gha rhie irẹn obọ. 12Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.
Antiọk Ne Ọ Rre Paisidia
13Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm. 14Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota. 15Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.” 16Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ! 17Osanobua iran na ighẹ ivbi Izrẹl, ọre ọ zẹ avbe erha mwa odede, ọ keghi ya iran khian nọkhua vbe ẹghẹ ne iran na gha re ọrriọvbe vbe otọe Igipt, Osanobua keghi ya ẹtin ẹnrẹn nọkhua viọ iran ke Igipt ladian. 18Ukpo iyeva ọre ọ ya mu ẹmwẹ iran woo egbe vbe uwu ato. 19Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii. 20Ọ kegha yerriọ vbe omwa ukpo ekigbesiyeha yan uri eva (450).
“Vbe iyeke ọnii, ọ keghi viọ ni bu ohiẹn ne iran ọ te do sẹ ẹghẹ Samuẹl ne akhasẹ. 21Ugbẹn vbe iran ghi nọ ne a ma ọba yan iran, Osanobua keghi rhie Sọl ne ovbi e Kis ne iran ke uwu ivbi Bẹnjamin rre, ne ọ gha re ọba ima vbe ukpo iyeva. 22Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’ 23Jesu, ọkpa vbe ivbi e uniẹn Devid na, ọre Osanobua rhie ya ru Ọmiọnmwafan Izrẹl ne emwa rẹn zẹ vbe ne ọ yan rẹn. 24Vbe Jesu te rre, Jọn kegha kpe orhu ma ivbi Izrẹl hia wẹ ne iran fiwerriẹ hin orukhọ ne iran ru rre, ne a vbe sa amẹ ne iran. 25Ọ ghi bu ẹghẹ ne Jọn ra ya winna iwinna rẹn fo, ọ khama avbe emwa nii wẹẹ, ‘De ọmwa ne uwa ro ighẹ mẹ khin yi? Mẹ i re ọmwa ne uwa mudia khẹ, sokpan wa yi ẹre ẹro, rẹn ọre ọ khian rre lele mwẹ. Mẹ ma ke ne ọ gha rhan ibata hin ẹre owẹ rre.’
26“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie. 27Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu. 28A gha rhe miẹn wẹ iran ma miẹn emwi ne iran gha gu bu abe uwu gbe ẹe, iran keghi khama Pailet ne ọ gbe ẹe rua. 29Ugbẹn vbe iran ghi ru avbe emwi hia ne Ebe tae vbe ekpa ẹre nẹ, iran keghi mu ẹn tuorre vbe ugbugbe, iran na mu ẹn ye idin. 30Sokpan Osanobua huẹn ọnrẹn kpaegbe vbe idin. 31Vbe ikpẹdẹ ni bun, iran ni lele ẹe ke Galili gha die Jerusalẹm miẹn ọẹn. Iran na ọre ọ ghi re osẹe ọre vbe odaro ivbi Izrẹl. 32-33Iyẹn Ne ọ maa nii ọre ima rhie bu uwa rre, emwi ne Osanobua ve avbe erha mwa odede e, ọre ọ ghi do ru ne ima na, ma ni re ivbi uniẹn iran, vbekpa ne ọ na huẹn Jesu kpaegbe ye agbọn. Zẹ vbe ne a gbẹn ọẹn ye ebe ne ogieva ọghe Psalm:
“ ‘Wẹ ọrọre ovbi mwẹ.
Ẹrẹna I khian Erha a.’
34“Vbe nian ọre Osanobua khare vbekpa ọghe ne a na huẹn ọnrẹn kpao vbe orinmwi, ne ọ ghẹ ghi dọlegbe miẹn ọkẹkẹe ọvbehe:
“ ‘I gha rhie afiangbe ne ọ huanrẹn ne ẹ i firaa
ne I ve Devid ne erhaa re nuẹn.’
35“Vbene ọ vbe tae vbe ehe ọvbehe,
“ ‘Wẹ i ra gie ọguọmwadia ruẹ ne ekhọe esi ya egbe miẹn ọ kekẹe.’
36“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ. 37Sokpan ọnii ne Osanobua huẹn kpaegbe vbe idin ma kẹkẹ. 38-39Wa hia fẹrẹ, wa ne etẹn mwẹ, Ọ kere ne uwa rẹn nian vbe ne aro na da ẹe wẹ, Jesu ọre a la obọ ẹre rhie iyẹn a ya orukhọ bọ, bu uwa gha dee. Wa ghi vbe rẹn wẹ ọmwaikọmwa ne ọ yae yi, a fan ẹn fua nẹ hin obọ orukhọ hia rre, ehe ne Uhi e Mosis ma na sẹtin fannọ uwa kua. 40Rhunmwuda ọnii, wa mwẹ ẹwaẹn ne ẹmwẹ ne akhasẹ tae ghẹ do sunu vbe egbe uwa:
41“ ‘Ghe, wa ne ọkpọzua,
wa gie ẹe yan uwa aro ua ne uwa wulo!
Rhunmwuda iwinna ne I winna vbe ẹghẹ rua na keghi re emwi ne uwa i ra yayi,
a gha rhe miẹn ne ọ rhan otọ ẹre ma uwa!’ ”
42Ugbẹn vbe Pọl kevbe Banabas ghi wa ladian vbe Ọgua ediọn avbe emwa ni keghi khama iran wẹ ne iran vbe dọlegbe gha dee vbe Ẹdẹ Ikẹtin ne ọ lele ẹe, ne iran ye ta ẹmwẹ na ma iran sẹ ayọ. 43Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.
44Vbe Ẹdẹ Ikẹtin ne ọ lele ẹe, uhin ighẹ emwa hia ni rre ẹvbo ni ọre ọ ghi wa rre do họn ẹmwẹ Nọyaẹnmwa. 45Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn. 46Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju. 47Rhunmwuda erriọ Nọyaẹnmwa yi ẹre iyi ne ima wẹẹ,
“ ‘Mẹ viọ uwa mudia zẹ vbe uwanmwẹ iran ni i re Ju,
ne uwa gha re odẹ imiẹnfan ne otọ agbọn hia.’ ”
48Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.
49Ẹmwẹ Nọyaẹnmwa, kegha vẹ. khian vbe ehe hia vbe iwewe nii. 50Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre. 51Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm. 52Avbe erhuanegbe ni rre Antiọk keghi vuọn ne oghọghọ kevbe Orhiọn Ne ọ Huanrẹn.
Currently Selected:
Iwinna 13: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Iwinna 13
13
Iran Hannọ Banabas Kevbe Sọl Gie Iran Uhunmwu
1Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl. 2Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”
3Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.
Vbe Saiprọs
4Ugbẹn vbe Orhiọn Ne Ọ Huanrẹn ghi gie Banabas kevbe Sọl nẹ, iran kegha rrie Sẹlusia, iran keghi ke evba la okọ gha rrie Saiprọs ne ẹvbo ne amẹ lẹga. 5Iran ghi sẹ Salamis, iran kpe orhu ẹmwẹ Osanobua vbe Ọgua ediọn avbe Ju, iran keghi rhie Jọn mwẹ obọ ne ọ gha ru iyobọ ne iran vbe iwinna.
6Iran keghi wa fian ẹvbo ne amẹ lẹga ni rra gha rrie Pafọs, iran keghi dekun ọbo edunna ọkpa ne a tie eni ẹnrẹn Ba-Jesu vbe evba, ovbi e Ju ọkpa ne ọ vbe gha tie egbe ẹre akhasẹ. 7Rẹn keghi re ọse Enogie ne ọ rre ẹvbo ne amẹ lẹga ni, a keghi tie eni ẹnrẹn Segiọs Pọlọs, ọmwa ne ọ wan ẹsẹse nọ. Enogie nii keghi gie ne a tie Banabas kevbe Sọl rhunmwuda, ọho ne ọ họn ẹmwẹ Osanobua. 8Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre. 9Ẹghẹ nii ọre Sọl, ne avbe tie eni ẹnrẹn Pọl, na vuọn ne Orhiọn Ne Ọ Huanrẹn, ọ keghi ghe ọbo edunna na sun uun, 10ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia! 11Obọ Nọyaẹnmwa ra vba ruẹ nian, u gha rhu aro, u i ghi ra bẹghe uwanmwẹ ẹdẹ ọ te sẹ ẹghẹ eso.”
Vbe ọwarọkpa nii, Elimas ghi ghe ighogho amẹ nekhui rhu gue irẹn aro, ọ na gha bibi yo bibi rre gualọ ọmwa ne ọ gha rhie irẹn obọ. 12Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.
Antiọk Ne Ọ Rre Paisidia
13Pọl ke ẹe kevbe otu ẹre keghi gua okọ ke Pafọs gha die Pẹga ne ọ rre Pamfilia, sokpan Jọn Mak keghi sẹ iran rae vbe evba, ọ na gha rrie Jerusalẹm. 14Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota. 15Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.” 16Pọl keghi kpaegbe, ọ ghi ya obọ gbe ekhakha nẹ, ọ keghi suẹn gha guan, ọ wẹẹ, “Ivbi Izrẹl ne iho mwa, kevbe uwa ne ẹ i re Ju ni vbe ga Osanobua, wa danmwehọ mwẹ! 17Osanobua iran na ighẹ ivbi Izrẹl, ọre ọ zẹ avbe erha mwa odede, ọ keghi ya iran khian nọkhua vbe ẹghẹ ne iran na gha re ọrriọvbe vbe otọe Igipt, Osanobua keghi ya ẹtin ẹnrẹn nọkhua viọ iran ke Igipt ladian. 18Ukpo iyeva ọre ọ ya mu ẹmwẹ iran woo egbe vbe uwu ato. 19Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii. 20Ọ kegha yerriọ vbe omwa ukpo ekigbesiyeha yan uri eva (450).
“Vbe iyeke ọnii, ọ keghi viọ ni bu ohiẹn ne iran ọ te do sẹ ẹghẹ Samuẹl ne akhasẹ. 21Ugbẹn vbe iran ghi nọ ne a ma ọba yan iran, Osanobua keghi rhie Sọl ne ovbi e Kis ne iran ke uwu ivbi Bẹnjamin rre, ne ọ gha re ọba ima vbe ukpo iyeva. 22Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’ 23Jesu, ọkpa vbe ivbi e uniẹn Devid na, ọre Osanobua rhie ya ru Ọmiọnmwafan Izrẹl ne emwa rẹn zẹ vbe ne ọ yan rẹn. 24Vbe Jesu te rre, Jọn kegha kpe orhu ma ivbi Izrẹl hia wẹ ne iran fiwerriẹ hin orukhọ ne iran ru rre, ne a vbe sa amẹ ne iran. 25Ọ ghi bu ẹghẹ ne Jọn ra ya winna iwinna rẹn fo, ọ khama avbe emwa nii wẹẹ, ‘De ọmwa ne uwa ro ighẹ mẹ khin yi? Mẹ i re ọmwa ne uwa mudia khẹ, sokpan wa yi ẹre ẹro, rẹn ọre ọ khian rre lele mwẹ. Mẹ ma ke ne ọ gha rhan ibata hin ẹre owẹ rre.’
26“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie. 27Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu. 28A gha rhe miẹn wẹ iran ma miẹn emwi ne iran gha gu bu abe uwu gbe ẹe, iran keghi khama Pailet ne ọ gbe ẹe rua. 29Ugbẹn vbe iran ghi ru avbe emwi hia ne Ebe tae vbe ekpa ẹre nẹ, iran keghi mu ẹn tuorre vbe ugbugbe, iran na mu ẹn ye idin. 30Sokpan Osanobua huẹn ọnrẹn kpaegbe vbe idin. 31Vbe ikpẹdẹ ni bun, iran ni lele ẹe ke Galili gha die Jerusalẹm miẹn ọẹn. Iran na ọre ọ ghi re osẹe ọre vbe odaro ivbi Izrẹl. 32-33Iyẹn Ne ọ maa nii ọre ima rhie bu uwa rre, emwi ne Osanobua ve avbe erha mwa odede e, ọre ọ ghi do ru ne ima na, ma ni re ivbi uniẹn iran, vbekpa ne ọ na huẹn Jesu kpaegbe ye agbọn. Zẹ vbe ne a gbẹn ọẹn ye ebe ne ogieva ọghe Psalm:
“ ‘Wẹ ọrọre ovbi mwẹ.
Ẹrẹna I khian Erha a.’
34“Vbe nian ọre Osanobua khare vbekpa ọghe ne a na huẹn ọnrẹn kpao vbe orinmwi, ne ọ ghẹ ghi dọlegbe miẹn ọkẹkẹe ọvbehe:
“ ‘I gha rhie afiangbe ne ọ huanrẹn ne ẹ i firaa
ne I ve Devid ne erhaa re nuẹn.’
35“Vbene ọ vbe tae vbe ehe ọvbehe,
“ ‘Wẹ i ra gie ọguọmwadia ruẹ ne ekhọe esi ya egbe miẹn ọ kekẹe.’
36“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ. 37Sokpan ọnii ne Osanobua huẹn kpaegbe vbe idin ma kẹkẹ. 38-39Wa hia fẹrẹ, wa ne etẹn mwẹ, Ọ kere ne uwa rẹn nian vbe ne aro na da ẹe wẹ, Jesu ọre a la obọ ẹre rhie iyẹn a ya orukhọ bọ, bu uwa gha dee. Wa ghi vbe rẹn wẹ ọmwaikọmwa ne ọ yae yi, a fan ẹn fua nẹ hin obọ orukhọ hia rre, ehe ne Uhi e Mosis ma na sẹtin fannọ uwa kua. 40Rhunmwuda ọnii, wa mwẹ ẹwaẹn ne ẹmwẹ ne akhasẹ tae ghẹ do sunu vbe egbe uwa:
41“ ‘Ghe, wa ne ọkpọzua,
wa gie ẹe yan uwa aro ua ne uwa wulo!
Rhunmwuda iwinna ne I winna vbe ẹghẹ rua na keghi re emwi ne uwa i ra yayi,
a gha rhe miẹn ne ọ rhan otọ ẹre ma uwa!’ ”
42Ugbẹn vbe Pọl kevbe Banabas ghi wa ladian vbe Ọgua ediọn avbe emwa ni keghi khama iran wẹ ne iran vbe dọlegbe gha dee vbe Ẹdẹ Ikẹtin ne ọ lele ẹe, ne iran ye ta ẹmwẹ na ma iran sẹ ayọ. 43Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.
44Vbe Ẹdẹ Ikẹtin ne ọ lele ẹe, uhin ighẹ emwa hia ni rre ẹvbo ni ọre ọ ghi wa rre do họn ẹmwẹ Nọyaẹnmwa. 45Ugbẹn vbe avbe Ju ghi miẹn ubunmwẹ ẹvbo, igbọvo keghi vuọn iran ekhọe, iran kegha gbe odan ye ẹmwẹ ne Pọl ta, iran na gha ya ukpẹ sakan ẹn. 46Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju. 47Rhunmwuda erriọ Nọyaẹnmwa yi ẹre iyi ne ima wẹẹ,
“ ‘Mẹ viọ uwa mudia zẹ vbe uwanmwẹ iran ni i re Ju,
ne uwa gha re odẹ imiẹnfan ne otọ agbọn hia.’ ”
48Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.
49Ẹmwẹ Nọyaẹnmwa, kegha vẹ. khian vbe ehe hia vbe iwewe nii. 50Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre. 51Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm. 52Avbe erhuanegbe ni rre Antiọk keghi vuọn ne oghọghọ kevbe Orhiọn Ne ọ Huanrẹn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996