Iwinna 15
15
Iko Ne A Do Vbe Jerusalẹm
1Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.” 2Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.
3Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn. 4Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna. 5Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”
6Avbe ukọ kevbe avbe ediọn keghi do iko ne iran ghe ẹmwẹ na ghe. 7Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi. 8Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima. 9Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi. 10Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu? 11Ẹ i re vberriọ ma yayi, ẹsọhẹ Nọyaẹnmwa Jesu ọre a ya miẹn ima fan zẹ vbene iran vbe ye.”
12Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju. 13Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ. 14Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn. 15Ẹmwẹ avbe akhasẹ keghi wa vbe gu ọna ro fẹẹrẹ zẹ vbene ebe khare.
16“ ‘Vbe iyeke ọnọna,
I gha werriegbe rre,
erriọ Nọyaẹnmwa khare.
I gha mu owa Devid ne ọguọghọe kpao,
I ghi dọlọ ehe ne ọ na rhia yi,
I ghi dọlegbe bọ ẹe.
17Erriọ emwa ọvbehe hia gha gualọ Nọyaẹnmwa,
emwa ne ẹ i re Ju hia ne I tie ya khian ọghomwẹ.
18Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”
19Jems keghi kha wẹ, “Emwi ne ọ rre imẹ ekhọe ọrọre wẹ, ne a ghẹ kpokpo iran ne ẹ i re Ju ni bu Osanobua rre na. 20Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn. 21Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”
Ebe Ne A Gbẹn Gie Iran Ni I Re Ju Ni Yayi
22Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn. 23Iran keghi rhie ebe na ne iran rhie gha khian:
“Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia. 24Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ. 25Rhunmwuda ọnii nian, ma ghi miẹn egbe nẹ vbe iko, ma keghi ta ẹe kugbe wẹ ne ima zẹ emwa gie bu uwa gha dee. Iran gha lele avbe Ọse mwa ni ghan ighẹ Banabas kevbe Sọl gha dee. 26Emwa ne ọ wa rhunmwuda ugamwẹ Nọyaẹnmwa Jesu Kristi rhie uhunmwu da ẹbe. 27Rhunmwuda ọnii, ọre ima na gie Judas kevbe Sailas, iran gha vbe ye unu ta nene ẹmwẹ ne ima vbe gbẹn ye ebe ma uwa. 28Rhunmwuda, Orhiọn Ne Ọ Huanrẹn kevbe ima tae nẹ wẹ ne a ghẹ vbe kun ihẹ ọvbehe ne uwa gberra avbe ilele ne ọ kere na: 29wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”
30Iran ghi gbe okhian ẹwerẹ ne iran nẹ, iran ne a gie ẹre uhunmwu nii kegha rrie Antiọk, iran keghi si avbe emwa ni yayi hia koko, iran na rhie ebe ni ne iran. 31Avbe emwa nii ghi tie ebe nii nẹ, ẹko iran keghi vuọn ne oghọghọ ye ẹmwẹ igiọdu na. 32Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran. 33Iran ghi kpẹe nẹ kherhe vbe evba avbe etẹn ni rre evba keghi gbe okhian ẹwerẹ ne iran. Iran na werriegbe bu emwa ni gie iran uhunmwu. [ 34Sokpan Sailas keghi gu iran tota.]
35Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.
Pọl Kevbe Banabas Wannọ Egbe
36Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.” 37Banabas keghi ho ne ọ rhie Jọn Mak mwẹ obọ. 38Sokpan Pọl ma ro wẹ emwi ne ọ gbae nọ ne a rhie ẹre rhunmwuda ọ ma gu iran dia sẹ ufomwẹ okhian ikporhu iran sokpan ọ werriegbe, ọ keghi sẹ iran rae vbe Pamfilia. 39Iran keghi mobọ muan egbe ẹmwẹ ẹsẹse ba emwi na, iran ma wannọ egbe. Banabas keghi rhie Mak, iran na la okọ gha rrie Saiprọs. 40Pọl keghi zẹ Sailas, ọ na kpao, avbe etẹn keghi rhie ẹre yan ẹsọhẹ Osanobua obọ ne ọ gha gbe aro ghe ẹre. 41Rẹn keghi la Siria kevbe Silisia, ọ na gha rhie igiẹdu ne avbe esọsi.
Currently Selected:
Iwinna 15: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Iwinna 15
15
Iko Ne A Do Vbe Jerusalẹm
1Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.” 2Pọl kevbe Banabas keghi gu iran muan imuaẹmwẹ ne ọ wegbe rhunmwuda ẹmwẹ na, ọre a ghi na do ta ẹe wẹ ne Pọl kevbe Banabas deba emwa eso ọvbehe vbe Antiọk do gha rrie Jerusalẹm ne iran ya miẹn avbe ukọ kevbe avbe ediọn ba ẹmwẹ na.
3Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn. 4Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna. 5Sokpan eso ni rre otu avbe Farisi vbe uwu ivbi iyayi keghi kpaegbe, iran wẹẹ, “Ọ kere ne a rhuẹ iran, ne a tama iran ne iran gha ye Uhi Mosis ru emwi.”
6Avbe ukọ kevbe avbe ediọn keghi do iko ne iran ghe ẹmwẹ na ghe. 7Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi. 8Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima. 9Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi. 10Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu? 11Ẹ i re vberriọ ma yayi, ẹsọhẹ Nọyaẹnmwa Jesu ọre a ya miẹn ima fan zẹ vbene iran vbe ye.”
12Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju. 13Ugbẹn iran ghi dobọ ẹmwẹ ne a guan yi, Jems keghi kha wẹẹ, “Etẹn, wa danmwehọ mwẹ. 14Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn. 15Ẹmwẹ avbe akhasẹ keghi wa vbe gu ọna ro fẹẹrẹ zẹ vbene ebe khare.
16“ ‘Vbe iyeke ọnọna,
I gha werriegbe rre,
erriọ Nọyaẹnmwa khare.
I gha mu owa Devid ne ọguọghọe kpao,
I ghi dọlọ ehe ne ọ na rhia yi,
I ghi dọlegbe bọ ẹe.
17Erriọ emwa ọvbehe hia gha gualọ Nọyaẹnmwa,
emwa ne ẹ i re Ju hia ne I tie ya khian ọghomwẹ.
18Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”
19Jems keghi kha wẹ, “Emwi ne ọ rre imẹ ekhọe ọrọre wẹ, ne a ghẹ kpokpo iran ne ẹ i re Ju ni bu Osanobua rre na. 20Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn. 21Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”
Ebe Ne A Gbẹn Gie Iran Ni I Re Ju Ni Yayi
22Ẹghẹ nii ọre avbe Apọsol kevbe avbe ediọn deba esọsi hia na ghi ta ẹe wẹ ne iran zẹ emwa eso vbe uwu iran ne iran gie iran lele Pọl kevbe Banabas gha rrie Antiọk. Iran keghi zẹ Judas ne a tie ẹre Banabas kevbe Sailas, emwa ne a ye ọghọ na vbe uwu ẹbu avbe etẹn. 23Iran keghi rhie ebe na ne iran rhie gha khian:
“Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia. 24Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ. 25Rhunmwuda ọnii nian, ma ghi miẹn egbe nẹ vbe iko, ma keghi ta ẹe kugbe wẹ ne ima zẹ emwa gie bu uwa gha dee. Iran gha lele avbe Ọse mwa ni ghan ighẹ Banabas kevbe Sọl gha dee. 26Emwa ne ọ wa rhunmwuda ugamwẹ Nọyaẹnmwa Jesu Kristi rhie uhunmwu da ẹbe. 27Rhunmwuda ọnii, ọre ima na gie Judas kevbe Sailas, iran gha vbe ye unu ta nene ẹmwẹ ne ima vbe gbẹn ye ebe ma uwa. 28Rhunmwuda, Orhiọn Ne Ọ Huanrẹn kevbe ima tae nẹ wẹ ne a ghẹ vbe kun ihẹ ọvbehe ne uwa gberra avbe ilele ne ọ kere na: 29wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”
30Iran ghi gbe okhian ẹwerẹ ne iran nẹ, iran ne a gie ẹre uhunmwu nii kegha rrie Antiọk, iran keghi si avbe emwa ni yayi hia koko, iran na rhie ebe ni ne iran. 31Avbe emwa nii ghi tie ebe nii nẹ, ẹko iran keghi vuọn ne oghọghọ ye ẹmwẹ igiọdu na. 32Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran. 33Iran ghi kpẹe nẹ kherhe vbe evba avbe etẹn ni rre evba keghi gbe okhian ẹwerẹ ne iran. Iran na werriegbe bu emwa ni gie iran uhunmwu. [ 34Sokpan Sailas keghi gu iran tota.]
35Pọl kevbe Banabas keghi gbe omwa ẹghẹ eso vbe Antiọk. Iran keghi deba emwa ni bun ọvbehe, iran kegha ma emwa emwi, iran na gha kpe orhu ẹmwẹ Nọyaẹnmwa.
Pọl Kevbe Banabas Wannọ Egbe
36Ọ ghi kpẹe fua kherhe, Pọl keghi khama Banabas wẹẹ, “Gie ima werriegbe gha rrie ẹvbo hia ne ima na kpe orhu ẹmwẹ Nọyaẹnmwa ne ima ya tuẹ avbe etẹn ne a vbe ghe vbene ẹmwẹ Nọyaẹnmwa ghi ye iran hẹ.” 37Banabas keghi ho ne ọ rhie Jọn Mak mwẹ obọ. 38Sokpan Pọl ma ro wẹ emwi ne ọ gbae nọ ne a rhie ẹre rhunmwuda ọ ma gu iran dia sẹ ufomwẹ okhian ikporhu iran sokpan ọ werriegbe, ọ keghi sẹ iran rae vbe Pamfilia. 39Iran keghi mobọ muan egbe ẹmwẹ ẹsẹse ba emwi na, iran ma wannọ egbe. Banabas keghi rhie Mak, iran na la okọ gha rrie Saiprọs. 40Pọl keghi zẹ Sailas, ọ na kpao, avbe etẹn keghi rhie ẹre yan ẹsọhẹ Osanobua obọ ne ọ gha gbe aro ghe ẹre. 41Rẹn keghi la Siria kevbe Silisia, ọ na gha rhie igiẹdu ne avbe esọsi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996