Iwinna 17
17
Vbe Tẹsalonaika
1Iran keghi la Amfipolis gberra gha rrie Tẹsalonaika ehe ne Ọgua ediọn avbe Ju ọkpa vbe ye. 2Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba. 3Ọ kegha rhan otọ ẹre, ọ kegha rhie ma wẹẹ ẹ i mwẹ ne Mẹzaia ghẹ rri oya kevbe ne a vbe huẹn ọnrẹn kapo vbe idin. Pọl keghi kha wẹẹ, “Jesu na ne I ta ẹmwẹ ọnrẹn ma uwa na, ọrọre nene Mẹzaia.” 4A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.
5Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee. 6Ugbẹn vbe iran ma miẹn iran, iran keghi si Jasin deba eso vbe uwu avbe etẹn bu iran ni khaemwisẹ gha khian, iran keghi wa gha goo wẹẹ, “Iran na si otighi gba ehe hia, iran vbe gha die ẹvbo ima nian, 7Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.” 8Iran keghi ya ẹmwẹ na gie avbe emwa ni gbe ẹbu ye evba kevbe iran ni khaemwisẹ gha go ẹsẹse. 9Iran ni khaemwisẹ keghi miẹn Jasin kevbe iran nekpa hia igho ne iran gha ya fan iran fua, iran keghi gie iran gha rrie.
Vbe Bẹrea
10Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju. 11Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin. 12Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi. 13Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru. 14Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea. 15Emwa ni rhie Pọl gha khian keghi lele ẹe sẹ Atẹns. Iran ghi werriegbe rrie Bẹrea, Pọl keghi gie iran uhunmwu ne iran tama Sailas kevbe Timoti ne iran rherhe bu irẹn gha dee.
Vbe Atẹns
16Ẹghẹ ne Pọl na gha diakhẹ Sailas kevbe Timoti vbe Atẹns, egbe keghi wa wọ ẹre vbe ọ miẹn vbene ẹbọ ne a mannọẹn wa gba ehe hia vbe ẹvbo nii hẹ. 17Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie. 18Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?”
Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe. 19Rhunmwuda ọnii, iran keghi rhie Pọl gha die adesẹ iko Ariopagọs, iran tama rẹn wẹẹ, “Ma ho ne ima rẹn iruẹmwi ọgbọn ne uwẹ rhie khian na. 20Eso vbe uwu ẹmwẹ ne u ta, ẹmwẹ ọgbọn wa nọ vbe ehọ mwa, ma gha ho ne a rẹn emwi ne a ya ẹe kha.” 21(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)
22Pọl keghi mudia ye odaro iko Ariopagọs, ọ wẹẹ, “Wa ne emwa Atẹns, I miẹn wẹ ẹmwẹ emwi na gho wa gua uwa obọ ro ẹsẹse. 23Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na. 24Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya. 25Ẹ i vbe vbabọ emwikemwi, a ma wẹ ne emwa gha winna viọ emwi gi ẹe ugbẹn vbe a miẹn wẹ rẹn ọre ọ rhie arrọọ, uhiọnrọnmwẹ ke emwi ọvbehe hia ne emwa hia. 26Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ. 27Te irẹn ruẹe vberriọ ne iran miẹn ehe na gha gualọ irẹn, wẹ ughaghe ehe ne iran na fie gualọe khian ni, iran ghi miẹn ọẹn. Sokpan vbene ẹmwata, Osanobua ma khian rrei ne ọmwa rhọkpa vbe uwu ima. 28Rhunmwuda,
“ ‘Uwu irẹn ọre ima ye,
ọre ima na khian ọre ima na rrọọ.’
Zẹ vbene eso vbe uwu umẹwaẹn uwa ta ẹe wẹẹ,
‘Ivbi ẹre ọre ima vbe khin.’
29Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa. 30Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre. 31Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”
32Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na. 33Ẹghẹ nii ọre Pọl na ghi kpao vbe iko nii.” 34Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.
Currently Selected:
Iwinna 17: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Iwinna 17
17
Vbe Tẹsalonaika
1Iran keghi la Amfipolis gberra gha rrie Tẹsalonaika ehe ne Ọgua ediọn avbe Ju ọkpa vbe ye. 2Zẹ vbene ọ wa ru ẹe, Pọl kegha rrie nene Ọgua ediọn. Ẹdẹ Ikẹtin eha ọre ọ ya gu emwa gha muan ẹmwẹ ke uwu Ebe rre vbe evba. 3Ọ kegha rhan otọ ẹre, ọ kegha rhie ma wẹẹ ẹ i mwẹ ne Mẹzaia ghẹ rri oya kevbe ne a vbe huẹn ọnrẹn kapo vbe idin. Pọl keghi kha wẹẹ, “Jesu na ne I ta ẹmwẹ ọnrẹn ma uwa na, ọrọre nene Mẹzaia.” 4A keghi fi eso vbe uwu iran werriẹ, iran keghi deba Pọl kevbe Sailas, erriọ ọre ni bun vbe uwu iran ne Grik ni ga Osanobua vbe ru, kevbe eso vbe uwu avbe ikhuo nihiunsi.
5Sokpan avbe Ju keghi suẹn gha gbe ọvo iran. Iran ye obọ khan avbe ahẹghogho ne ẹwobi vbe adesẹ ore, iran keghi suẹn otu ẹrhia. Iran keghi si okokoko ye ore ẹvbo hia, iran na mu igbinna gha rrie owa Jasin, iran te ho ne iran miẹn Pọl kevbe Sailas ne iran viọ iran ladian bu avbe emwa gha dee. 6Ugbẹn vbe iran ma miẹn iran, iran keghi si Jasin deba eso vbe uwu avbe etẹn bu iran ni khaemwisẹ gha khian, iran keghi wa gha goo wẹẹ, “Iran na si otighi gba ehe hia, iran vbe gha die ẹvbo ima nian, 7Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.” 8Iran keghi ya ẹmwẹ na gie avbe emwa ni gbe ẹbu ye evba kevbe iran ni khaemwisẹ gha go ẹsẹse. 9Iran ni khaemwisẹ keghi miẹn Jasin kevbe iran nekpa hia igho ne iran gha ya fan iran fua, iran keghi gie iran gha rrie.
Vbe Bẹrea
10Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju. 11Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin. 12Ni bun vbe uwu iran keghi yayi. Ikhuo ni bun ni hin usi vbe uwu avbe Grik, kevbe ikpia Grik ni bun kevbe yayi. 13Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru. 14Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea. 15Emwa ni rhie Pọl gha khian keghi lele ẹe sẹ Atẹns. Iran ghi werriegbe rrie Bẹrea, Pọl keghi gie iran uhunmwu ne iran tama Sailas kevbe Timoti ne iran rherhe bu irẹn gha dee.
Vbe Atẹns
16Ẹghẹ ne Pọl na gha diakhẹ Sailas kevbe Timoti vbe Atẹns, egbe keghi wa wọ ẹre vbe ọ miẹn vbene ẹbọ ne a mannọẹn wa gba ehe hia vbe ẹvbo nii hẹ. 17Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie. 18Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?”
Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe. 19Rhunmwuda ọnii, iran keghi rhie Pọl gha die adesẹ iko Ariopagọs, iran tama rẹn wẹẹ, “Ma ho ne ima rẹn iruẹmwi ọgbọn ne uwẹ rhie khian na. 20Eso vbe uwu ẹmwẹ ne u ta, ẹmwẹ ọgbọn wa nọ vbe ehọ mwa, ma gha ho ne a rẹn emwi ne a ya ẹe kha.” 21(Rhunmwuda ivbi ẹvbo Atẹns kevbe avbe orhunmwuyẹn ni rrọọ, emwi ne iran ho ọrọre ne a gha danmwehọ ra ne a gha na iyẹn ẹmwẹ emwi ne ọ ghi vbe kiekie sunu.)
22Pọl keghi mudia ye odaro iko Ariopagọs, ọ wẹẹ, “Wa ne emwa Atẹns, I miẹn wẹ ẹmwẹ emwi na gho wa gua uwa obọ ro ẹsẹse. 23Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na. 24Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya. 25Ẹ i vbe vbabọ emwikemwi, a ma wẹ ne emwa gha winna viọ emwi gi ẹe ugbẹn vbe a miẹn wẹ rẹn ọre ọ rhie arrọọ, uhiọnrọnmwẹ ke emwi ọvbehe hia ne emwa hia. 26Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ. 27Te irẹn ruẹe vberriọ ne iran miẹn ehe na gha gualọ irẹn, wẹ ughaghe ehe ne iran na fie gualọe khian ni, iran ghi miẹn ọẹn. Sokpan vbene ẹmwata, Osanobua ma khian rrei ne ọmwa rhọkpa vbe uwu ima. 28Rhunmwuda,
“ ‘Uwu irẹn ọre ima ye,
ọre ima na khian ọre ima na rrọọ.’
Zẹ vbene eso vbe uwu umẹwaẹn uwa ta ẹe wẹẹ,
‘Ivbi ẹre ọre ima vbe khin.’
29Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa. 30Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre. 31Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”
32Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na. 33Ẹghẹ nii ọre Pọl na ghi kpao vbe iko nii.” 34Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996