Iwinna 7
7
Ẹmwẹ Stivin
1Ogie Ohẹn keghi nọ Stivin wẹẹ, “Erriọ gele nọ ra?” 2Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran. 3Ọ tama rẹn wẹẹ, ‘Sẹ ẹvbo ruẹ kevbe avbe etuẹn rae, ne u gha rrie otọ ne I gha rhie ma ruẹn.’ 4Rhunmwuda ọnii, rẹn keghi kpao vbe Kialdia rre, ọ na ya yin Haran. Erha Ebraham ghi wu nẹ, Osanobua na wẹ ne ọ si gha die ẹvbo na ne uwa ye na. 5Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa. 6Vbe nian ọre Osanobua tama rẹn, ‘Avbe ivbi uẹ gha yin isi ẹvbo, iran ghi gha re eviẹn vbe odọ nii, a gha vbe sẹ iran usẹ la ukpo uri eva. 7Sokpan mẹ gha bu ohiẹn ẹvbo ne iran khian gaa, errriọ Osanobua khare, vbe iyeke ọnii, iran gha ke ẹvbo ni ladian, iran ghi do ga mwẹ, vbe emwa na.’ 8Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.
9“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre. 10Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre. 11Ẹkpo nii, ukhunmwu nọkhua keghi do fi vbe otọ Kenan kevbe Igipt, ọ keghi si ọlọghọmwa nọkhua rre. Avbe erha mwa odede ma miẹn evbare re. 12E Jekọb ghi họn ẹmwẹ ọka vbe Igipt, ọ keghi gie avbe erha mwa odede gha khian, vbe ne iran na yo vbe ẹghẹ okaro. 13Iran ghi yo ukpogieva, Josẹf keghi ye egbe ne avbe etiọnrẹn miẹn. E Fero keghi vbe rẹn emwa owa Josẹf. 14E Josẹf keghi gie uhunmwu gie Jekọb ne erha ẹe, ọ na wẹ ne irẹn vbe igiowa ẹre hia si gha die Igipt. Iran hia keghi re arhinisẹn-irrọ-vbe-iyenẹ. 15Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo. 16A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.
17“Ọ ghi bu ẹghẹ ne Osanobua ra ya mu ile ne ọ gu Ebraham ta sẹ, emwa ima ni rre Igipt keghi wa khian ọrhẹnrhẹn. 18Ẹdẹ ghi rrie, ọba ọvbehe ne ọ ma rẹn Josẹf keghi la ẹkete vbe Igipt. 19Ọ kegha hiẹ emwa ima muru, Ọ keghi rri avbe erha mwa odede oya, Ọ keghi ye obọ yẹn iran ẹho wẹ ne iran gha hẹ emọ kua vbe owa, ne a gie iran gha wulo. 20Uwu ẹghẹ na ọre a na biẹ Mosis, ọ keghi re ọmọ ne ọ mose ẹsẹse. A keghi koko ẹe la uki eha vbe owa. 21Ugbẹn vbe a ghi vbe ya mu ẹn fua, ovbi e Fero ne okhuo keghi ya ẹe ye ọmọ, ọ keghi koko ẹe wan zẹ vbe ovbi ẹre ne okpia. 22A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.
23“Mosis ghi rre ọmọ ukpo iyeva, ọ na wẹ rẹn ra ya miẹn ivbi Izrẹl ne ihua ẹre. 24Ọ keghi do vba vbe ovbi Igipt wa lọghọ ọkpa vbọ. Rhunmwuda ọnii rẹn keghi ya ru iyobọ nẹẹn, ọ keghi rria ọmwa Igipt nii ikhi vbe ne ọ na wa gbe ẹe rua. 25Rẹn keghi te gha ro ighe emwa irẹn gha rẹn wẹ te Osanobua ra gie irẹn do miẹn iran fan. Sokpan iran ma rẹn. 26Ẹde ghi gbe ọ keghi do vba ivbi Izrẹl eva gu egbe gbinna, rẹn na wẹ ne irẹn dọlọ iran kugbe, ọ keghi kha wẹẹ, ‘Wa danmwehọ mwẹ, oko, etẹn etẹn wa khin, vbe uwa ghi na ru egbe khọ hẹẹ?’ 27Ọmwa ne ọ ru ogieva ẹre khọ ne ọ rrọọ keghi wa sua Mosis ghe okhiẹ ọkpa, ọ nọ rẹn wẹẹ, ‘Gha ya uwẹ ru ne ọ khaemwisẹ ra ne ọ bu ohiẹn yan ima yi? 28U ra vbe do gbe mwẹ uan ra vbene u gbe ovbi Igipt nii uan nodẹ?’ 29Mosis ghi họn ẹmwẹ na, ọ keghi wa lẹ hin otọe Igipt rre, ọ keghi ya di otọ Midian ya. Ọ keghi biẹlẹ emọ ikpia eva vbe evba.
30“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai. 31Emwi ne Mosis miẹn keghi yan ẹre unu uan, ọ keghi sikẹ oha ni ne ọ miẹn ehe na ghe ẹre ẹse. Sokpan rẹn keghi họn vbe Nọyaẹnmwa khare wẹẹ, 32‘Mẹ ọrọre Osanobua avbe erha uwa odede, Osanobua Ebraham, Aizik kevbe Jekọb.’ Ohan mu Mosis, ọ na gha guọ kpẹkpẹkpẹ, ohan ma ghi gie ẹe ghe ẹre. 33Nọyaẹnmwa keghi tama rẹn wẹẹ, ‘Viọ ibata hin owẹ ruẹ re ighe otọ ne ọ huanrẹn ọre u mudia yan na. 34I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’
35“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa. 36Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva. 37Mosis na ọre ọ tama ivbi Izrẹl wẹẹ, ‘Osanobua gha gie akhasẹ gie uwa zẹ vbene ọ vbe gie mwẹ, ovbi uwa ọre irẹn khian gha khin.’ 38Rẹn ọre ọ gu ivbi Izrẹl gha rrọọ vbe ehe ne iran si koko yi vbe uwu ato, rẹn ọre ọ gu avbe erha mwa odede gha rrọọ kevbe odibosa ne ọ gu ẹe guan vbe uhunmwu oke Sainai, rẹn ọre ọ rhan obọ miẹn uhunmwu ne Osanobua gie, o keghi do tama ima.
39“Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt. 40Iran keghi do tama Errọn wẹẹ, ‘Do ma amazẹ eso ne ima ne ọ gha ke odaro ne ima. Ma ma rẹn emwi ne ọ ghi ru e Mosis ne ọ viọ ima ke otọ Igipt ladian.’ 41Ẹghẹ nii ọre iran na ma ẹbọ ne ọ ye vbe ovbi ẹmila ọwẹe, iran na gha ruẹe, iran na gha le evbare ne iran ya ye ọghọ ne emwi ne iran tobọ iran ma. 42Sokpan Osanobua fi iyeke gbe iran, ọ keghi gie iran gha gho avbe orhọnmwẹ ni rre aro iso, zẹ vbene agbẹn ọẹn ye ebe avbe akhasẹ:
“ ‘Wa ne ivbi Izrẹl, ẹ i re imẹ
wa gbele aranmwẹ ya zọ ese na,
la ukpo iyeva vbe uwu ato.
43Owa Mẹlọk ne ẹbọ ọre uwa gha mu khian,
deba amazẹ ọghe orhọnmwẹ Refan ne ẹbọ uwa.
Avbe ẹbọ ne uwa maẹn ne uwa vbe gha ghoo.
Rhunmwuda ọnii, I gha sua uwa fua gberra Babilọn.’
44“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe. 45Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid. 46Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb. 47Sokpan Solomọn ọre ọ ghi do bọ nene owa nẹẹn.
48“Sokpan Osanobua Nọyosẹ i di owa ne emwa nagbọn bọe ya, zẹ vbene akhasẹ ni khare. Osanobua khare wẹẹ:
49“ ‘Ẹrinmwi ọrọre ẹkete mwẹ,
agbọn ọrọre ukhuerhe ne I viọ owẹ yan.
Vbe ọ khun owa ne uwa ra bọ mẹ yi?
De ehe ne I na hẹwẹ yi?
50Ẹ i re iwinna obọ mwẹ ọre ehia khin?’
51“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ. 52Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua. 53Uhi Osanobua ne avbe odibosa rhie gha dee, wa ọre ọ gue, levba sevba, wa i ya ẹe ru emwi.”
Uwu E Stivin
54Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre. 55Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua. 56Ọ keghi kha wẹ: “Wa ghe, I bẹghe ẹrinmwi vbe ọ kie ye otọ kevbe Ovbi Ọmwa vbe ọ mudia ye obọ erha ọmwa ọghe Osanobua!”
57Iran keghi viọ obọ khiọ ehọ, iran datu, ehia keghi wa vẹ rhu ẹe vbe ọwarọkpa ni. 58Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl. 59Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.” 60Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.
Currently Selected:
Iwinna 7: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Iwinna 7
7
Ẹmwẹ Stivin
1Ogie Ohẹn keghi nọ Stivin wẹẹ, “Erriọ gele nọ ra?” 2Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran. 3Ọ tama rẹn wẹẹ, ‘Sẹ ẹvbo ruẹ kevbe avbe etuẹn rae, ne u gha rrie otọ ne I gha rhie ma ruẹn.’ 4Rhunmwuda ọnii, rẹn keghi kpao vbe Kialdia rre, ọ na ya yin Haran. Erha Ebraham ghi wu nẹ, Osanobua na wẹ ne ọ si gha die ẹvbo na ne uwa ye na. 5Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa. 6Vbe nian ọre Osanobua tama rẹn, ‘Avbe ivbi uẹ gha yin isi ẹvbo, iran ghi gha re eviẹn vbe odọ nii, a gha vbe sẹ iran usẹ la ukpo uri eva. 7Sokpan mẹ gha bu ohiẹn ẹvbo ne iran khian gaa, errriọ Osanobua khare, vbe iyeke ọnii, iran gha ke ẹvbo ni ladian, iran ghi do ga mwẹ, vbe emwa na.’ 8Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.
9“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre. 10Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre. 11Ẹkpo nii, ukhunmwu nọkhua keghi do fi vbe otọ Kenan kevbe Igipt, ọ keghi si ọlọghọmwa nọkhua rre. Avbe erha mwa odede ma miẹn evbare re. 12E Jekọb ghi họn ẹmwẹ ọka vbe Igipt, ọ keghi gie avbe erha mwa odede gha khian, vbe ne iran na yo vbe ẹghẹ okaro. 13Iran ghi yo ukpogieva, Josẹf keghi ye egbe ne avbe etiọnrẹn miẹn. E Fero keghi vbe rẹn emwa owa Josẹf. 14E Josẹf keghi gie uhunmwu gie Jekọb ne erha ẹe, ọ na wẹ ne irẹn vbe igiowa ẹre hia si gha die Igipt. Iran hia keghi re arhinisẹn-irrọ-vbe-iyenẹ. 15Rhunmwuda ọnii ọre Jekọb na gha rrie Igipt. Evba ọre rẹn kevbe avbe erha mwa odede na wulo. 16A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.
17“Ọ ghi bu ẹghẹ ne Osanobua ra ya mu ile ne ọ gu Ebraham ta sẹ, emwa ima ni rre Igipt keghi wa khian ọrhẹnrhẹn. 18Ẹdẹ ghi rrie, ọba ọvbehe ne ọ ma rẹn Josẹf keghi la ẹkete vbe Igipt. 19Ọ kegha hiẹ emwa ima muru, Ọ keghi rri avbe erha mwa odede oya, Ọ keghi ye obọ yẹn iran ẹho wẹ ne iran gha hẹ emọ kua vbe owa, ne a gie iran gha wulo. 20Uwu ẹghẹ na ọre a na biẹ Mosis, ọ keghi re ọmọ ne ọ mose ẹsẹse. A keghi koko ẹe la uki eha vbe owa. 21Ugbẹn vbe a ghi vbe ya mu ẹn fua, ovbi e Fero ne okhuo keghi ya ẹe ye ọmọ, ọ keghi koko ẹe wan zẹ vbe ovbi ẹre ne okpia. 22A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.
23“Mosis ghi rre ọmọ ukpo iyeva, ọ na wẹ rẹn ra ya miẹn ivbi Izrẹl ne ihua ẹre. 24Ọ keghi do vba vbe ovbi Igipt wa lọghọ ọkpa vbọ. Rhunmwuda ọnii rẹn keghi ya ru iyobọ nẹẹn, ọ keghi rria ọmwa Igipt nii ikhi vbe ne ọ na wa gbe ẹe rua. 25Rẹn keghi te gha ro ighe emwa irẹn gha rẹn wẹ te Osanobua ra gie irẹn do miẹn iran fan. Sokpan iran ma rẹn. 26Ẹde ghi gbe ọ keghi do vba ivbi Izrẹl eva gu egbe gbinna, rẹn na wẹ ne irẹn dọlọ iran kugbe, ọ keghi kha wẹẹ, ‘Wa danmwehọ mwẹ, oko, etẹn etẹn wa khin, vbe uwa ghi na ru egbe khọ hẹẹ?’ 27Ọmwa ne ọ ru ogieva ẹre khọ ne ọ rrọọ keghi wa sua Mosis ghe okhiẹ ọkpa, ọ nọ rẹn wẹẹ, ‘Gha ya uwẹ ru ne ọ khaemwisẹ ra ne ọ bu ohiẹn yan ima yi? 28U ra vbe do gbe mwẹ uan ra vbene u gbe ovbi Igipt nii uan nodẹ?’ 29Mosis ghi họn ẹmwẹ na, ọ keghi wa lẹ hin otọe Igipt rre, ọ keghi ya di otọ Midian ya. Ọ keghi biẹlẹ emọ ikpia eva vbe evba.
30“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai. 31Emwi ne Mosis miẹn keghi yan ẹre unu uan, ọ keghi sikẹ oha ni ne ọ miẹn ehe na ghe ẹre ẹse. Sokpan rẹn keghi họn vbe Nọyaẹnmwa khare wẹẹ, 32‘Mẹ ọrọre Osanobua avbe erha uwa odede, Osanobua Ebraham, Aizik kevbe Jekọb.’ Ohan mu Mosis, ọ na gha guọ kpẹkpẹkpẹ, ohan ma ghi gie ẹe ghe ẹre. 33Nọyaẹnmwa keghi tama rẹn wẹẹ, ‘Viọ ibata hin owẹ ruẹ re ighe otọ ne ọ huanrẹn ọre u mudia yan na. 34I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’
35“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa. 36Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva. 37Mosis na ọre ọ tama ivbi Izrẹl wẹẹ, ‘Osanobua gha gie akhasẹ gie uwa zẹ vbene ọ vbe gie mwẹ, ovbi uwa ọre irẹn khian gha khin.’ 38Rẹn ọre ọ gu ivbi Izrẹl gha rrọọ vbe ehe ne iran si koko yi vbe uwu ato, rẹn ọre ọ gu avbe erha mwa odede gha rrọọ kevbe odibosa ne ọ gu ẹe guan vbe uhunmwu oke Sainai, rẹn ọre ọ rhan obọ miẹn uhunmwu ne Osanobua gie, o keghi do tama ima.
39“Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt. 40Iran keghi do tama Errọn wẹẹ, ‘Do ma amazẹ eso ne ima ne ọ gha ke odaro ne ima. Ma ma rẹn emwi ne ọ ghi ru e Mosis ne ọ viọ ima ke otọ Igipt ladian.’ 41Ẹghẹ nii ọre iran na ma ẹbọ ne ọ ye vbe ovbi ẹmila ọwẹe, iran na gha ruẹe, iran na gha le evbare ne iran ya ye ọghọ ne emwi ne iran tobọ iran ma. 42Sokpan Osanobua fi iyeke gbe iran, ọ keghi gie iran gha gho avbe orhọnmwẹ ni rre aro iso, zẹ vbene agbẹn ọẹn ye ebe avbe akhasẹ:
“ ‘Wa ne ivbi Izrẹl, ẹ i re imẹ
wa gbele aranmwẹ ya zọ ese na,
la ukpo iyeva vbe uwu ato.
43Owa Mẹlọk ne ẹbọ ọre uwa gha mu khian,
deba amazẹ ọghe orhọnmwẹ Refan ne ẹbọ uwa.
Avbe ẹbọ ne uwa maẹn ne uwa vbe gha ghoo.
Rhunmwuda ọnii, I gha sua uwa fua gberra Babilọn.’
44“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe. 45Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid. 46Devid keghi zẹ ẹhi vba Osanobua, ọna rinmwiaẹn ne ọ gie irẹn bọ owa ne Osanobua Jekọb. 47Sokpan Solomọn ọre ọ ghi do bọ nene owa nẹẹn.
48“Sokpan Osanobua Nọyosẹ i di owa ne emwa nagbọn bọe ya, zẹ vbene akhasẹ ni khare. Osanobua khare wẹẹ:
49“ ‘Ẹrinmwi ọrọre ẹkete mwẹ,
agbọn ọrọre ukhuerhe ne I viọ owẹ yan.
Vbe ọ khun owa ne uwa ra bọ mẹ yi?
De ehe ne I na hẹwẹ yi?
50Ẹ i re iwinna obọ mwẹ ọre ehia khin?’
51“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ. 52Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua. 53Uhi Osanobua ne avbe odibosa rhie gha dee, wa ọre ọ gue, levba sevba, wa i ya ẹe ru emwi.”
Uwu E Stivin
54Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre. 55Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua. 56Ọ keghi kha wẹ: “Wa ghe, I bẹghe ẹrinmwi vbe ọ kie ye otọ kevbe Ovbi Ọmwa vbe ọ mudia ye obọ erha ọmwa ọghe Osanobua!”
57Iran keghi viọ obọ khiọ ehọ, iran datu, ehia keghi wa vẹ rhu ẹe vbe ọwarọkpa ni. 58Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl. 59Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.” 60Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996