Gẹnẹsis 28
28
Jekọb Sẹ Owa E Leban
1Aizik keghi tie Jekọb, ọ ghi tuọe O nẹ, ọ tama rẹn wẹẹ, “Ghẹ rhie okhuo ne ovbi e Kenan. 2Mu egbe ne u do gha rrie Mẹsopotamia, ne u gha rrie owa Bẹtuẹl ne erha iyuẹ. U ghi rhie ọkpa vbe avbe ikhuo ni rre evba rọnmwẹ, ọkpa vbe uwu avbe emọ ikhuo Leban ne ọtẹn iyuẹ. 3Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun. 4Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!” 5Aizik keghi gie Jekọb gha rrie Mẹsopotamia, gha rrie ọghe Leban ne ovbi Bẹtuẹl ne ọmwa Aram. E Leban keghi re ọtẹn Ribẹka ne iye Jekọb kevbe Isọ.
Isọ Rhie Okhuo Ọvbehe
6Isọ keghi họn wẹ Aizik fiangbe Jekọb, o vbe wẹ ne ọ gha rrie Mẹsopotamia ne ọ ya rhie okhuo vbe odọ. Ọ kevbe họn wẹẹ ẹghẹ ne ọ na fiangbẹe, ọ yan ma rẹn wẹ ne ọ ghẹ rhie okhuo Kenan. 7Ọ kevbe họn wẹ Jekọb ru vbene erhae ke iyẹẹ khare, ighẹ ọ kpao gha rrie Mẹsopotamia. 8Eghẹ nii, Isọ na do rẹn wẹ Aizik ne erha ẹe i ho ẹmwẹ ikhuo Kenan. 9Rhunmwuda ọnii rẹn ke bu Ismẹl ne ovbi Ebraham, ọ na ya rhie ovbi ẹre ne a tie ẹre Mahalat ne ọre ọtẹn Neboiọt nokhuo.
Imina Ne Jekọb Minaẹn Vbe Bẹtẹl
10Jekọb ke kpao vbe Biẹsiẹba rre, ọ na mu uhunmwu da Haran. 11Owẹn ghi dero, ọ keghi sẹ ehe nọhuanrẹn ọkpa ọ na yakọ vbe evba, ọ keghi mu okuta ya ke uhunmwu vbe ọ lovbiẹ, ọ na gha vbiẹ. 12Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre. 13Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn, 14uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn. 15Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”
16E Jekọb keghi rhiọrre ọ wẹẹ, “Vbe ne a i na gbe awẹawẹ, Nọyaẹnmwa rre emwana, mẹ ma te rẹn!” 17Ohan kegha muẹn, ọ wẹẹ, “U miẹn vbe emwana mwẹ orrirri hẹ! Owa Osanobua gha wannọ, onurho ẹrinmwi.”
18E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua. 19Ọ kegha tie evba nii Bẹtẹl (Luz ọre a te ka gha tie ẹvbo nii). 20Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ, 21I na vbe dọlegbe sẹ owa erha mwẹ hẹnnẹdẹn, wẹ ọre Ọ khian gha re Osanobua mwẹ. 22Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”
Currently Selected:
Gẹnẹsis 28: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Gẹnẹsis 28
28
Jekọb Sẹ Owa E Leban
1Aizik keghi tie Jekọb, ọ ghi tuọe O nẹ, ọ tama rẹn wẹẹ, “Ghẹ rhie okhuo ne ovbi e Kenan. 2Mu egbe ne u do gha rrie Mẹsopotamia, ne u gha rrie owa Bẹtuẹl ne erha iyuẹ. U ghi rhie ọkpa vbe avbe ikhuo ni rre evba rọnmwẹ, ọkpa vbe uwu avbe emọ ikhuo Leban ne ọtẹn iyuẹ. 3Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun. 4Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!” 5Aizik keghi gie Jekọb gha rrie Mẹsopotamia, gha rrie ọghe Leban ne ovbi Bẹtuẹl ne ọmwa Aram. E Leban keghi re ọtẹn Ribẹka ne iye Jekọb kevbe Isọ.
Isọ Rhie Okhuo Ọvbehe
6Isọ keghi họn wẹ Aizik fiangbe Jekọb, o vbe wẹ ne ọ gha rrie Mẹsopotamia ne ọ ya rhie okhuo vbe odọ. Ọ kevbe họn wẹẹ ẹghẹ ne ọ na fiangbẹe, ọ yan ma rẹn wẹ ne ọ ghẹ rhie okhuo Kenan. 7Ọ kevbe họn wẹ Jekọb ru vbene erhae ke iyẹẹ khare, ighẹ ọ kpao gha rrie Mẹsopotamia. 8Eghẹ nii, Isọ na do rẹn wẹ Aizik ne erha ẹe i ho ẹmwẹ ikhuo Kenan. 9Rhunmwuda ọnii rẹn ke bu Ismẹl ne ovbi Ebraham, ọ na ya rhie ovbi ẹre ne a tie ẹre Mahalat ne ọre ọtẹn Neboiọt nokhuo.
Imina Ne Jekọb Minaẹn Vbe Bẹtẹl
10Jekọb ke kpao vbe Biẹsiẹba rre, ọ na mu uhunmwu da Haran. 11Owẹn ghi dero, ọ keghi sẹ ehe nọhuanrẹn ọkpa ọ na yakọ vbe evba, ọ keghi mu okuta ya ke uhunmwu vbe ọ lovbiẹ, ọ na gha vbiẹ. 12Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre. 13Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn, 14uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn. 15Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”
16E Jekọb keghi rhiọrre ọ wẹẹ, “Vbe ne a i na gbe awẹawẹ, Nọyaẹnmwa rre emwana, mẹ ma te rẹn!” 17Ohan kegha muẹn, ọ wẹẹ, “U miẹn vbe emwana mwẹ orrirri hẹ! Owa Osanobua gha wannọ, onurho ẹrinmwi.”
18E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua. 19Ọ kegha tie evba nii Bẹtẹl (Luz ọre a te ka gha tie ẹvbo nii). 20Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ, 21I na vbe dọlegbe sẹ owa erha mwẹ hẹnnẹdẹn, wẹ ọre Ọ khian gha re Osanobua mwẹ. 22Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996