Jọn 8
8
Okhuo Ne Amu Vbe Oghẹ
[ 1Emwa hia kegha rri owa sokpan Jesu kegha rrie uhunmwu Oke Ọliv. 2Vbe owiẹ vbirrivbirri vbe ẹdẹ ne ọ lele ẹe, Jesu keghi dọlegbe gha rrie Ọgua Osa, emwa hia keghi ma rhu ẹe, ọ keghi tota gha ma iran emwi. 3Iran ni ma emwa Uhi kevbe avbe Farisi keghi mu okhuo ọkpa ne a mu vbe oghẹ rre, iran keghi rhie ẹre mudia ye odaro iran hia. 4Iran khama Jesu wẹẹ, “Ọmamwaemwi, te a wa mu okhuo na ginnaẹn vbe ọ ru oghẹ. 5Vbe ne Uhi ima khare, Mosis rhie asẹ yọ ne a ya gha filo okuta gbe egbe okhuo vberriọ rua. Banbanna nian, vbe uwẹ a ghi kha hẹ?” 6Te iran ta ẹmwẹ na ya gualọ re ẹmwẹ ne unu ne iran miẹn ehe na miẹn ẹzọ gu ẹe gui. Sokpan Jesu keghi vbẹ rre, ọ na gha ye ukpẹ ihiẹn obọ gbẹnnẹ emwi ye otọ. 7Ugbẹn vbe iran ghi mudia vbe evba gha nọ ọta, Jesu keghi nien egbe ua, ọ tama iran wẹẹ, “Ọmwaikọmwa vbe uwu uwa ne ọ ma he ru orukhọ ẹdẹ, wẹ ne ọ ka fi okuta gbe ẹe.” 8Ọ kevbe dọlegbe vbẹ rre gha gbẹnnẹ emwi ye otọ. 9Ugbẹn vbe iran ghi họn ẹmwẹ na, iran kegha ye ọkpọkpa rrie, ke egbe avbe eniwanrẹn kpao. Iran keghi sẹ Jesu ọkpa vbe okhuo ni rae ye ehe ne ọ mudia yi. 10Rẹn keghi tọn egbe mu, ọ tama okhuo ni wẹ, “Okhuo na iran ghi vbo yi? A ma ghi miẹn ne ọ mudia ne ọ bu abe gbe uẹ?”
11Okhuo ni wanniẹn wẹẹ, “A ma miẹn nọwanrẹn.”
Jesu keghi kha wẹẹ, “Mẹ ma vbe bu abe gbe uẹ khekherriọ. Gha rrie, sokpan, ghẹ ghi dọlegbe ru orukhọ.”]
Jesu Ne Uwanmwẹ Agbọn
12Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”
13Avbe Farisi tama rẹn wẹẹ, “Te uwẹ ghi tobọ ruẹ se osẹe ne egbe ruẹ na. Ẹmwẹ ne u tae i mwẹ emwi ne ọ degbe.”
14Jesu wanniẹn wẹẹ, “Ẹ i re erriọ, gia kha ighẹ te imẹ tobọ mwẹ se osẹe ne egbe mwẹ, ẹmwata ọre I tae rhunmwuda mẹ rẹn ehe ne I ke rre, I vbe rẹn ehe ne I rrie. Wa ma rẹn ehe ne I ke rre ra ehe ne I rrie. 15Obọ ọghe vbene agbọn mu la ọre uwa ya bu ohiẹn. Mẹ i bu ohiẹn ọmwaikọmwa. 16Sokpan, akpawẹ te I wẹ ne I bu ohiẹn, ẹmwata ọre ibuohiẹn mwẹ gha wa gha khin, rhunmwuda ẹ i re uma imẹ ọkpa. Erha mwẹ ne ọ gie mwẹ rrọọ yaba mwẹ. 17Agbẹn ọẹn ye Uhi uwa wẹ osẹe arhin eva gha gue kugbe, osẹe ẹmwata ọre iran sẹe. 18Mẹ tobọ mwẹ se osẹe ne egbe mwẹ. Erha mwẹ ne ọ gie mwẹ vbe se osẹe mẹ.”
19Iran nọ rẹn wẹẹ, “De ehe ne erhaa ye yi?”
Jesu wanniẹn wẹ, “Wa ma rẹn mwẹ amawẹ Erha mwẹ. Akpawẹ te uwa rẹn mwẹ, wa gha vbe rẹn Erha mwẹ.”
20Ẹghẹ ne Jesu na gha ma emwa emwi vbe Ọgua Osa ọre ọ na guan ẹmwẹ na hia, vbe ugha ne a viọ ẹkpẹti emwi imuohan yi. A ma miẹn ọmwa ne ọ muẹn rhunmwuda ẹghẹ ọre ma he sẹ.
Wa I Sẹtin Yo Ehe Ne Imẹ Rrie
21Jesu dọlegbe tama iran wẹẹ, “Mẹ gha kpao, wa gha vbe gualọ mwẹ sokpan wa gha wulo ye uwu orukhọ uwa. Wa i sẹtin yo ehe ne imẹ rrie.” 22Rhunmwuda ọnii, avbe Ju keghi kha wẹẹ, “Ọwọ wẹ, ‘Wa i sẹtin yo ehe ne ime rrie.’ Te irẹn ghi ra gbe egbe ere ua ra?”
23Jesu wanniẹn wẹẹ, “Ototọ vbe emwana ọre uwa ke rre, sokpan, odukhunmwu mẹ ke rre. Agbọn na ọre uwa ke rre, sokpan, ẹ i re agbọn na mẹ ke rre. 24Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”
25Iran nọ rẹn wẹ, “Vbe u a khin yi?”
Jesu wanniẹn wẹẹ, “Emwi ne I tama uwa vbe omuhẹn. 26Emwi ni bun rrọọ ne I gha ta ke ne I gha vbe bu ohiẹn ọnrẹn vbe ekpa uwa. Vbene ọ rhirhi a gha ye hẹ, ọmwata ọre ọmwa ne ọ gie mwẹ khin, ẹmwẹ ne I họẹn vbe unu ẹnrẹn ọkpa ọre I tama agbọn.”
27Ọma vẹ ne iran rẹn ighẹ Evbavba ọre ọ kha. 28Rhunmwuda ọnii Jesu tama iran wẹẹ, “Wa ghẹ ghi tọn Ovbi Ọmwa mu nẹ, wa gha rẹn ighẹ ‘Mẹ ọrọre imẹ.’ Wa ghi vbe do rẹn wẹ, mẹ i da ru emwikemwi sokpan ẹmwẹ ne Erha ma mwẹ re ọre I ta. 29Ọmwa ne ọ gie mwẹ gun mwẹ rrọọ, ọ ma sẹ imẹ ọkpa rae rhunmwuda emwi ne ọ yẹ ọre, ọre I ru vbe ẹghẹ hia.”
30Emwa ni bun ni họẹn vbe Jesu guan avbe ẹmwẹ na keghi ya ẹe yi.
Eviẹn Kevbe Eni Yan Egbe Iran
31Rhunmwuda ọnii, Jesu tama avbe Ju ni ya ẹe yi wẹ, “Adeghẹ wa ya emwi ne I ma uwa re gha ru emwi, erhuanegbe mwẹ wa gele khin. 32Wa gha rẹn ẹmwata ne ọ rrọọ, ẹmwata ni gha ya uwa khian enoyan egbe ẹre.”
33Iran wanniẹn tama rẹn wẹẹ, “Ivbi Ebraham ma khin ma ma he ru ọviẹn ọmwaikọmwa ẹdẹ. Vbe u a ya ẹmwẹ ni kha wẹ, ‘A gha ya uwa khian enọyan egbe ẹre’?”
34Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ. 35Ọviẹn i sẹtin gha re ovbi e ogbẹ rhinrin, sokpan enọ, ovbi ogbẹ nọ rhinrin. 36Deghẹ Ọmọ ghi fan uwẹ fua, u ghi do khian enọ yan egbe ẹre vbe ẹmwata. 37Mẹ rẹnrẹn ighe ivbi Ebraham ọre uwa khin, se evba wa ho ne uwa ghe mwẹ uan rhunmwuda ighe wa ma rhan obọ miẹn iruẹmwi mwẹ. 38Emwi ne Erha mwẹ rhie ma mwẹ ọre I guan kan, sokpan emwi ne erha uwa tama uwa ọre uwa ru.”
39Iran wanniẹn tama rẹn wẹ, “Ebraham ọrọre erha mwa.” Jesu wanniẹn tama iran wẹẹ, “Akpawẹ ivbi Ebraham wa gele khin, vbene irẹn ru zẹ ọre uwa gha vbe gha ru. 40Emwi ne I he ru ma gberra wẹ ne I ta ẹmwata nii họẹn ke ehe ne Osanobua ye rre ma uwa. Se evba wa ho ne uwa gbe mwẹ uan. Ebraham ma ru egbe ọna. 41Emwi ne erha uwa ru ọre uwa vbe ru.”
Iran wanniẹn wẹ, “Osanobua tobọ ẹre ọrọre erha mwa. Ivbi ẹre ma wa khin taa ra.”
42Jesu tama iran wẹẹ, “Akpawẹ Osanobua ọre ọ gele re erha uwa, wa ghẹ gha ho ẹmwẹ mwẹ, rhunmwuda ehe ne Osanobua ye ọre I ke gha dee, wanwan na nian, I rre emwa na. Ẹ i re ẹtin obọ mwẹ ọre I ya rre, sokpan rẹn ọre ọ gie mwẹ. 43Vbọzẹ ne uwa ma na rẹn otọ ẹmwẹ ne I ta? Emwi ne ọ si ẹe ọrọre wẹ egbe uwa i rrọ ẹre. 44Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia. 45Ẹmwata ọre imẹ ta, ọ ni ọ si ẹe ne uwa ma na ya mwẹ yi. 46Gha ọ lẹ orukhọ ginna mwẹ obọ vbe uwu uwa? Adeghẹ ẹmwata ọre I ta, vbọzẹ ne uwa ma na ya mwẹ yi? 47Ọmwa ne ọ ke ehe ne Osanobua ye rre vbe danmwehọ ẹmwẹ Osa, sokpan ẹ i re ehe ne Osanobua ye wa ke rre. Ọnii ọ si ẹe ne uwa i ra na danmwehọ.”
Jesu Kevbe Ebraham
48Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”
49Jesu wanniẹn wẹẹ, “Mẹ i mwẹ orhiọn esu. Mẹ ya ọghọ ne Erha mwẹ sokpan wa i ya ọghọ mẹ. 50Mẹ i gualọ uyi ne egbe mwẹ, ọmwa ọkpa rrọọ ne ọ gualọ ẹe, rẹn ọre ọ vbe se osẹe mẹ. 51Ẹmwata I tama uwa, ọmwa ne ọ rhie ẹmwẹ mwẹ ya ru emwi, ẹ i ra wu ẹdẹ.”
52Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’ 53Ebraham ne erha mwa wu. Te u wẹ ghi ya ọnii kha ighe wẹ ọre ọ kpọlọ sẹ Ebraham ra? Avbe akhasẹ vbe wulo, vbe uwẹ a tie egbe ruẹ re yi?”
54Jesu wanniẹn wẹẹ, “Akpawẹ mẹ ọre ọ rhie uyi ne egbe mwẹ, uyi mwẹ i ghẹ mwẹ esa. Ọmwa ne ọ rhie uyi mẹ ọrọre Erha mwẹ, ọmwa ne uwa khare ighe ọre Osanobua uwa. 55Wa ma he rẹn ọnrẹn ẹdẹ, sokpan mẹ rẹn ọnrẹn. I gha kha ighe I ma rẹn ọnrẹn, mẹ gha vbe khian ọhọn ohoghe vbe ne uwa ye. Sokpan mẹ rẹn ọnrẹn, mẹ họn ẹmwẹ nẹẹn. 56Ẹko sẹ Ebraham ne erha uwa ọyẹnmwẹ wẹ aro ẹre gha sẹ ẹghẹ mwẹ, aro ẹre sẹ ọe, ọ keghi ghọghua.”
57Avbe Ju tama rẹn wẹẹ, “Wẹ ma he sẹ ọmọ ukpo ekigbesiyeha, wẹ miẹn Ebraham ra?”
58Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”
59Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.
Currently Selected:
Jọn 8: EDO96
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996
Jọn 8
8
Okhuo Ne Amu Vbe Oghẹ
[ 1Emwa hia kegha rri owa sokpan Jesu kegha rrie uhunmwu Oke Ọliv. 2Vbe owiẹ vbirrivbirri vbe ẹdẹ ne ọ lele ẹe, Jesu keghi dọlegbe gha rrie Ọgua Osa, emwa hia keghi ma rhu ẹe, ọ keghi tota gha ma iran emwi. 3Iran ni ma emwa Uhi kevbe avbe Farisi keghi mu okhuo ọkpa ne a mu vbe oghẹ rre, iran keghi rhie ẹre mudia ye odaro iran hia. 4Iran khama Jesu wẹẹ, “Ọmamwaemwi, te a wa mu okhuo na ginnaẹn vbe ọ ru oghẹ. 5Vbe ne Uhi ima khare, Mosis rhie asẹ yọ ne a ya gha filo okuta gbe egbe okhuo vberriọ rua. Banbanna nian, vbe uwẹ a ghi kha hẹ?” 6Te iran ta ẹmwẹ na ya gualọ re ẹmwẹ ne unu ne iran miẹn ehe na miẹn ẹzọ gu ẹe gui. Sokpan Jesu keghi vbẹ rre, ọ na gha ye ukpẹ ihiẹn obọ gbẹnnẹ emwi ye otọ. 7Ugbẹn vbe iran ghi mudia vbe evba gha nọ ọta, Jesu keghi nien egbe ua, ọ tama iran wẹẹ, “Ọmwaikọmwa vbe uwu uwa ne ọ ma he ru orukhọ ẹdẹ, wẹ ne ọ ka fi okuta gbe ẹe.” 8Ọ kevbe dọlegbe vbẹ rre gha gbẹnnẹ emwi ye otọ. 9Ugbẹn vbe iran ghi họn ẹmwẹ na, iran kegha ye ọkpọkpa rrie, ke egbe avbe eniwanrẹn kpao. Iran keghi sẹ Jesu ọkpa vbe okhuo ni rae ye ehe ne ọ mudia yi. 10Rẹn keghi tọn egbe mu, ọ tama okhuo ni wẹ, “Okhuo na iran ghi vbo yi? A ma ghi miẹn ne ọ mudia ne ọ bu abe gbe uẹ?”
11Okhuo ni wanniẹn wẹẹ, “A ma miẹn nọwanrẹn.”
Jesu keghi kha wẹẹ, “Mẹ ma vbe bu abe gbe uẹ khekherriọ. Gha rrie, sokpan, ghẹ ghi dọlegbe ru orukhọ.”]
Jesu Ne Uwanmwẹ Agbọn
12Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”
13Avbe Farisi tama rẹn wẹẹ, “Te uwẹ ghi tobọ ruẹ se osẹe ne egbe ruẹ na. Ẹmwẹ ne u tae i mwẹ emwi ne ọ degbe.”
14Jesu wanniẹn wẹẹ, “Ẹ i re erriọ, gia kha ighẹ te imẹ tobọ mwẹ se osẹe ne egbe mwẹ, ẹmwata ọre I tae rhunmwuda mẹ rẹn ehe ne I ke rre, I vbe rẹn ehe ne I rrie. Wa ma rẹn ehe ne I ke rre ra ehe ne I rrie. 15Obọ ọghe vbene agbọn mu la ọre uwa ya bu ohiẹn. Mẹ i bu ohiẹn ọmwaikọmwa. 16Sokpan, akpawẹ te I wẹ ne I bu ohiẹn, ẹmwata ọre ibuohiẹn mwẹ gha wa gha khin, rhunmwuda ẹ i re uma imẹ ọkpa. Erha mwẹ ne ọ gie mwẹ rrọọ yaba mwẹ. 17Agbẹn ọẹn ye Uhi uwa wẹ osẹe arhin eva gha gue kugbe, osẹe ẹmwata ọre iran sẹe. 18Mẹ tobọ mwẹ se osẹe ne egbe mwẹ. Erha mwẹ ne ọ gie mwẹ vbe se osẹe mẹ.”
19Iran nọ rẹn wẹẹ, “De ehe ne erhaa ye yi?”
Jesu wanniẹn wẹ, “Wa ma rẹn mwẹ amawẹ Erha mwẹ. Akpawẹ te uwa rẹn mwẹ, wa gha vbe rẹn Erha mwẹ.”
20Ẹghẹ ne Jesu na gha ma emwa emwi vbe Ọgua Osa ọre ọ na guan ẹmwẹ na hia, vbe ugha ne a viọ ẹkpẹti emwi imuohan yi. A ma miẹn ọmwa ne ọ muẹn rhunmwuda ẹghẹ ọre ma he sẹ.
Wa I Sẹtin Yo Ehe Ne Imẹ Rrie
21Jesu dọlegbe tama iran wẹẹ, “Mẹ gha kpao, wa gha vbe gualọ mwẹ sokpan wa gha wulo ye uwu orukhọ uwa. Wa i sẹtin yo ehe ne imẹ rrie.” 22Rhunmwuda ọnii, avbe Ju keghi kha wẹẹ, “Ọwọ wẹ, ‘Wa i sẹtin yo ehe ne ime rrie.’ Te irẹn ghi ra gbe egbe ere ua ra?”
23Jesu wanniẹn wẹẹ, “Ototọ vbe emwana ọre uwa ke rre, sokpan, odukhunmwu mẹ ke rre. Agbọn na ọre uwa ke rre, sokpan, ẹ i re agbọn na mẹ ke rre. 24Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”
25Iran nọ rẹn wẹ, “Vbe u a khin yi?”
Jesu wanniẹn wẹẹ, “Emwi ne I tama uwa vbe omuhẹn. 26Emwi ni bun rrọọ ne I gha ta ke ne I gha vbe bu ohiẹn ọnrẹn vbe ekpa uwa. Vbene ọ rhirhi a gha ye hẹ, ọmwata ọre ọmwa ne ọ gie mwẹ khin, ẹmwẹ ne I họẹn vbe unu ẹnrẹn ọkpa ọre I tama agbọn.”
27Ọma vẹ ne iran rẹn ighẹ Evbavba ọre ọ kha. 28Rhunmwuda ọnii Jesu tama iran wẹẹ, “Wa ghẹ ghi tọn Ovbi Ọmwa mu nẹ, wa gha rẹn ighẹ ‘Mẹ ọrọre imẹ.’ Wa ghi vbe do rẹn wẹ, mẹ i da ru emwikemwi sokpan ẹmwẹ ne Erha ma mwẹ re ọre I ta. 29Ọmwa ne ọ gie mwẹ gun mwẹ rrọọ, ọ ma sẹ imẹ ọkpa rae rhunmwuda emwi ne ọ yẹ ọre, ọre I ru vbe ẹghẹ hia.”
30Emwa ni bun ni họẹn vbe Jesu guan avbe ẹmwẹ na keghi ya ẹe yi.
Eviẹn Kevbe Eni Yan Egbe Iran
31Rhunmwuda ọnii, Jesu tama avbe Ju ni ya ẹe yi wẹ, “Adeghẹ wa ya emwi ne I ma uwa re gha ru emwi, erhuanegbe mwẹ wa gele khin. 32Wa gha rẹn ẹmwata ne ọ rrọọ, ẹmwata ni gha ya uwa khian enoyan egbe ẹre.”
33Iran wanniẹn tama rẹn wẹẹ, “Ivbi Ebraham ma khin ma ma he ru ọviẹn ọmwaikọmwa ẹdẹ. Vbe u a ya ẹmwẹ ni kha wẹ, ‘A gha ya uwa khian enọyan egbe ẹre’?”
34Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ. 35Ọviẹn i sẹtin gha re ovbi e ogbẹ rhinrin, sokpan enọ, ovbi ogbẹ nọ rhinrin. 36Deghẹ Ọmọ ghi fan uwẹ fua, u ghi do khian enọ yan egbe ẹre vbe ẹmwata. 37Mẹ rẹnrẹn ighe ivbi Ebraham ọre uwa khin, se evba wa ho ne uwa ghe mwẹ uan rhunmwuda ighe wa ma rhan obọ miẹn iruẹmwi mwẹ. 38Emwi ne Erha mwẹ rhie ma mwẹ ọre I guan kan, sokpan emwi ne erha uwa tama uwa ọre uwa ru.”
39Iran wanniẹn tama rẹn wẹ, “Ebraham ọrọre erha mwa.” Jesu wanniẹn tama iran wẹẹ, “Akpawẹ ivbi Ebraham wa gele khin, vbene irẹn ru zẹ ọre uwa gha vbe gha ru. 40Emwi ne I he ru ma gberra wẹ ne I ta ẹmwata nii họẹn ke ehe ne Osanobua ye rre ma uwa. Se evba wa ho ne uwa gbe mwẹ uan. Ebraham ma ru egbe ọna. 41Emwi ne erha uwa ru ọre uwa vbe ru.”
Iran wanniẹn wẹ, “Osanobua tobọ ẹre ọrọre erha mwa. Ivbi ẹre ma wa khin taa ra.”
42Jesu tama iran wẹẹ, “Akpawẹ Osanobua ọre ọ gele re erha uwa, wa ghẹ gha ho ẹmwẹ mwẹ, rhunmwuda ehe ne Osanobua ye ọre I ke gha dee, wanwan na nian, I rre emwa na. Ẹ i re ẹtin obọ mwẹ ọre I ya rre, sokpan rẹn ọre ọ gie mwẹ. 43Vbọzẹ ne uwa ma na rẹn otọ ẹmwẹ ne I ta? Emwi ne ọ si ẹe ọrọre wẹ egbe uwa i rrọ ẹre. 44Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia. 45Ẹmwata ọre imẹ ta, ọ ni ọ si ẹe ne uwa ma na ya mwẹ yi. 46Gha ọ lẹ orukhọ ginna mwẹ obọ vbe uwu uwa? Adeghẹ ẹmwata ọre I ta, vbọzẹ ne uwa ma na ya mwẹ yi? 47Ọmwa ne ọ ke ehe ne Osanobua ye rre vbe danmwehọ ẹmwẹ Osa, sokpan ẹ i re ehe ne Osanobua ye wa ke rre. Ọnii ọ si ẹe ne uwa i ra na danmwehọ.”
Jesu Kevbe Ebraham
48Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”
49Jesu wanniẹn wẹẹ, “Mẹ i mwẹ orhiọn esu. Mẹ ya ọghọ ne Erha mwẹ sokpan wa i ya ọghọ mẹ. 50Mẹ i gualọ uyi ne egbe mwẹ, ọmwa ọkpa rrọọ ne ọ gualọ ẹe, rẹn ọre ọ vbe se osẹe mẹ. 51Ẹmwata I tama uwa, ọmwa ne ọ rhie ẹmwẹ mwẹ ya ru emwi, ẹ i ra wu ẹdẹ.”
52Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’ 53Ebraham ne erha mwa wu. Te u wẹ ghi ya ọnii kha ighe wẹ ọre ọ kpọlọ sẹ Ebraham ra? Avbe akhasẹ vbe wulo, vbe uwẹ a tie egbe ruẹ re yi?”
54Jesu wanniẹn wẹẹ, “Akpawẹ mẹ ọre ọ rhie uyi ne egbe mwẹ, uyi mwẹ i ghẹ mwẹ esa. Ọmwa ne ọ rhie uyi mẹ ọrọre Erha mwẹ, ọmwa ne uwa khare ighe ọre Osanobua uwa. 55Wa ma he rẹn ọnrẹn ẹdẹ, sokpan mẹ rẹn ọnrẹn. I gha kha ighe I ma rẹn ọnrẹn, mẹ gha vbe khian ọhọn ohoghe vbe ne uwa ye. Sokpan mẹ rẹn ọnrẹn, mẹ họn ẹmwẹ nẹẹn. 56Ẹko sẹ Ebraham ne erha uwa ọyẹnmwẹ wẹ aro ẹre gha sẹ ẹghẹ mwẹ, aro ẹre sẹ ọe, ọ keghi ghọghua.”
57Avbe Ju tama rẹn wẹẹ, “Wẹ ma he sẹ ọmọ ukpo ekigbesiyeha, wẹ miẹn Ebraham ra?”
58Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”
59Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ The Bible Society of Nigeria, 1996