Jọn 16
16
1<<A mịma dugho ọ pịrịmam ọ bị́ghị́bịgha ḅara ọmịna minini ḅụ. 2Nnị ọ deesibẹm Juuapụ kobiri yọ ma ḅụ; tụ́manyẹ ḅụ, sáá ḅoarị ọ ḅa ḅo fịnịfịnị sịbẹm ḅẹ́ n ḅọ fịrịnwangị Tamuno pịrịarị. 3Túminị́ mịnanyẹ ma pa ọ mịẹbẹm nnị Daḅọ ma anịgha irị nimigha gosi. 4Kụ́ma a mịma dugho ọ pịrịmam, sị sáá ma láa sị n saghị mịnanyẹ ma mịẹbẹ sáá, o biekórómabẹm ḅẹẹ a parị o biri nụ́nụ́mam. Parị ma a mịma dugho ọ pịrịgha a ọ mịnị na imii gosi.
Tọ́ntọ́ Tẹ́mẹ́ Ma Fịrị
5<<Mị́sa a so i fịrịma ḅọ ma dama múuarị, anịsọ ọmịna ḅụ gbẹ́rẹ́ḅọ sọ igbilaghaa, <I tẹ́ angaá muarị?> 6A mịná nyẹ ma dugho ọ pịrịm gosi anị tẹ́mẹ́sii pa ọ pịrịmam. 7Kụ́ma a karakárányẹ ma dugho ọ pịrịm: ọmịna ibi go anịị a go soarị nyẹ. A ḅọ́rọ́ sogha sogha, Ḅárásuaḅọ ma ọ dámáḅobịgha: kụ́ma a so so a ori pa ọ fịrịmabẹm 8Ori ma ḅo sáá ọ mịẹbẹm sị tuminikiriapụ nimi ḅẹ́ nna kóróma karakáragha siiamịẹnyẹ gbolomanyẹ, karakárá ibiamịẹnyẹ na ḅẹ́rẹ́kọ na. 9Siiamịẹnyẹ gbolomanyẹ ḅụ, anịị o tuminikiriapụ mịẹbẹm sị nnị nimi ḅẹ́ n siinyẹ mịẹarị nnị ịḅụ mininigha gosi: 10karakárá ibiamịẹnyẹ gbolomanyẹ, ọ mịẹbẹm sị tuminikiriapụ nimi ḅẹẹ, irị karakárá ibiamịẹnyẹ a Daḅọ ma dámámụarị gosi ọmịnị mịnị jẹ́ pa ị́yẹ́ arịbịghaa ngaa; 11pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.
12<<A tọgha nyẹ nyanam a dugho ọ pịrịbẹnyẹ, kụ́ma ọmịnị ine anị dabịgha mị́sa. 13Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm. 14Ori ị́yẹ́ ipine diepághámabẹm tegó i bịpị ọ náanyẹ anịị o dugho ọ pịrịbẹnyẹ. 15Daḅọ ma nyánányẹ gonyẹ́ gonyẹ́ ị nyẹẹ; anịị a go dughonyẹ ḅẹ́ Tẹ́mẹ́ ma a dugho ọ pịrịbẹnyẹ ma pughubẹm sị anị pa dugho ọ́ pịrị.
16<<Ḅọlọgha kálá sáá tụ́wọ ḅụ ọmịnị ị́yẹ́ arịbịgha, anịsáa ḅọlọgha kálá sáá tụwọ ḅọ́rọ́ sáá ọmịnị ị́yẹ́ árịbẹm.>>
Ọḅụduaapụ Ma Tẹ́mẹ́sii Pịghị Bieḅẹlẹ Dighibẹm
17Ori ọḅụduaapụ ma ḅụ jẹ́apụ saghị jụghọ jụghọ ḅẹm, <<Ọ tẹ́ dughoarị ọ ḅẹ́ sáá ḅẹẹ, <Kálá sa tụ́wọ ḅụ ọmịnị ị́yẹ́ arịbịgha, kálá sáá tụ́wọ ḅụ ọ pịghị ị́yẹ́ árịbẹm, mịma anịị a Daḅọ ma dámámụarị gosi?> >> 18Nnị pa gbilaarị, <<Ọ tẹ́ dughoarị ọ ḅẹ́ sáá, <Kálá sa tụ́wọ?> Wamịnị akanyaḅogha o dughoarị nyẹ.>>
19Jizọs arịḅom bẹ n mịma gbolomanyẹ pa o gbíla dọ́ghụm, ọ warị nnị ḅẹ́, <<Ọ jụghọ jụghọ gbilaarị a dughonyẹ ma tẹ́ fie, a ḅẹ́ sáá, <Kálá sa tụ́wọ ḅụ ọmịnị ị́yẹ́ arịbịgha, anịsáa pịghị kálá sáá tụ́wọ ḅọ́rọ́ sáá ọmịnị ị́yẹ́ árịbẹm>? 20A karakárányẹ ma dugho ọ pịrịarị, ọmịnị owubẹm pịghị dụadu tuminikiri anịsáa bieḅẹlẹbẹm. O biesiibẹm, kụ́ma ọmịna biesi ma pịghịma bieḅẹlẹ sọ́bẹm. 21Yii ọlọ ọ́rụ́ḅọ ḅụakụ nyánam tegó árị sáá láamam; kụ́ma a tụwọ ma yii fama sáá árị árẹ ḅụakụ pa bieḅárámam bieḅẹlẹ gosi ḅẹẹ, n tụ́wọ yiimam tuminikiri. 22Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha. 23Anị éné ma láa sáá, ọmịnị i ḅarabie bẹnyẹ bẹnyẹ gbílabịgha. A karakárányẹ ma dugho ọ pịrịarị, i Daa ma ḅara o binyẹ gonyẹ́ gonyẹ́ ị́yẹ́ ẹrẹ ḅụ ori anị pa ọ pịrịbẹm. 24Akị ḅoo mị́sa ma láa na ọmịnị gbẹ́rẹ́nyẹ sọ biiagha ị́yẹ́ ẹrẹ ḅụ. O bii ọ pịghị nyánáḅobẹm, ọmịna bieḅẹlẹ pịghị ḅifụfụubẹm.
Jizọs Tuminikiri Sọḅam
25<<Karakárányẹ ḅẹ́ a kaḅụ pa ẹ́gẹ́rẹ́kọọ ọ pịrịarị, sáá ḅoarị a mịnị mịị ẹ́gẹ́rẹ́ ḅara pa ẹ́gẹ́rẹ́kọọ ọ pịrịbịgha, kụ́ma a i Daa gbólómanyẹ dughofindi ọ pịrịbẹm. 26Anị éné ma láa sáá, ọmịnị nyẹ biibẹm ị́yẹ́ ẹrẹ ḅụ. A dughogha ḅẹ́ a Daḅọ ma ḅara nyẹ biibẹm ọmịna sịbị go. 27Daḅọ ma ọ ḅụgbọrụ opuma ọ ḅẹ́lẹ́mam tegó ọmịnị i ḅẹ́lẹ́mam pịghị mininim ḅẹ́ a Tamun ḅara saghịḅom. 28A Daḅọ ma ḅara saghị tuminikiri ḅom; mị́sa a tuminikiri ma wáriso sị pịghịma Daḅọ ma dámámụarị.>>
29Anịsáa Jizọs ọḅụduaapụ warị ọ ḅẹẹ, <<Mị́sa i gbụ́nụ́nụ́ ḅara pa ẹ́gẹ́rẹ́kọarị kaḅụ kọgha pa. 30Mị́sa wamịnị arịḅom ḅẹ́ ị nyẹ gonyẹ́ gonyẹ́ nimim, ị biighaa kị́nị́ gbíla nyẹ pa i gbilaa. Mịma mịẹm wa minini ḅẹẹ ị Tamuno ḅara saghịḅom.>>
31Jizọs n pagharam, <<Mị́sa o minini?>> 32<<Kụma sáá ḅoarị sáá ma pịghị lámam, nnị ọ gálágáláma ọ́rụ́ḅọ ọ́rụ́ḅọ ama muu. Ọmịnị kị́nị́mamgba i wárịsóbẹm sị irị ngéré kọọ, kụ́ma irị ngéré kọgha, Daḅọ ma irị na imi.
33<<A mịná nyẹ ma dugho ọ pịrịmam, ọmịnị ịḅụ diin nyáná bẹ ḅara. Mịị tuminikiri ma ḅụ ọ ḅụḅáláḅálá nyánábẹm. Kuma ọ tẹ́mẹ́ kụrọ nyáná! A tuminikiri ma sọḅamam.>>
Currently Selected:
Jọn 16: IBY
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation
Jọn 16
16
1<<A mịma dugho ọ pịrịmam ọ bị́ghị́bịgha ḅara ọmịna minini ḅụ. 2Nnị ọ deesibẹm Juuapụ kobiri yọ ma ḅụ; tụ́manyẹ ḅụ, sáá ḅoarị ọ ḅa ḅo fịnịfịnị sịbẹm ḅẹ́ n ḅọ fịrịnwangị Tamuno pịrịarị. 3Túminị́ mịnanyẹ ma pa ọ mịẹbẹm nnị Daḅọ ma anịgha irị nimigha gosi. 4Kụ́ma a mịma dugho ọ pịrịmam, sị sáá ma láa sị n saghị mịnanyẹ ma mịẹbẹ sáá, o biekórómabẹm ḅẹẹ a parị o biri nụ́nụ́mam. Parị ma a mịma dugho ọ pịrịgha a ọ mịnị na imii gosi.
Tọ́ntọ́ Tẹ́mẹ́ Ma Fịrị
5<<Mị́sa a so i fịrịma ḅọ ma dama múuarị, anịsọ ọmịna ḅụ gbẹ́rẹ́ḅọ sọ igbilaghaa, <I tẹ́ angaá muarị?> 6A mịná nyẹ ma dugho ọ pịrịm gosi anị tẹ́mẹ́sii pa ọ pịrịmam. 7Kụ́ma a karakárányẹ ma dugho ọ pịrịm: ọmịna ibi go anịị a go soarị nyẹ. A ḅọ́rọ́ sogha sogha, Ḅárásuaḅọ ma ọ dámáḅobịgha: kụ́ma a so so a ori pa ọ fịrịmabẹm 8Ori ma ḅo sáá ọ mịẹbẹm sị tuminikiriapụ nimi ḅẹ́ nna kóróma karakáragha siiamịẹnyẹ gbolomanyẹ, karakárá ibiamịẹnyẹ na ḅẹ́rẹ́kọ na. 9Siiamịẹnyẹ gbolomanyẹ ḅụ, anịị o tuminikiriapụ mịẹbẹm sị nnị nimi ḅẹ́ n siinyẹ mịẹarị nnị ịḅụ mininigha gosi: 10karakárá ibiamịẹnyẹ gbolomanyẹ, ọ mịẹbẹm sị tuminikiriapụ nimi ḅẹẹ, irị karakárá ibiamịẹnyẹ a Daḅọ ma dámámụarị gosi ọmịnị mịnị jẹ́ pa ị́yẹ́ arịbịghaa ngaa; 11pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.
12<<A tọgha nyẹ nyanam a dugho ọ pịrịbẹnyẹ, kụ́ma ọmịnị ine anị dabịgha mị́sa. 13Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm. 14Ori ị́yẹ́ ipine diepághámabẹm tegó i bịpị ọ náanyẹ anịị o dugho ọ pịrịbẹnyẹ. 15Daḅọ ma nyánányẹ gonyẹ́ gonyẹ́ ị nyẹẹ; anịị a go dughonyẹ ḅẹ́ Tẹ́mẹ́ ma a dugho ọ pịrịbẹnyẹ ma pughubẹm sị anị pa dugho ọ́ pịrị.
16<<Ḅọlọgha kálá sáá tụ́wọ ḅụ ọmịnị ị́yẹ́ arịbịgha, anịsáa ḅọlọgha kálá sáá tụwọ ḅọ́rọ́ sáá ọmịnị ị́yẹ́ árịbẹm.>>
Ọḅụduaapụ Ma Tẹ́mẹ́sii Pịghị Bieḅẹlẹ Dighibẹm
17Ori ọḅụduaapụ ma ḅụ jẹ́apụ saghị jụghọ jụghọ ḅẹm, <<Ọ tẹ́ dughoarị ọ ḅẹ́ sáá ḅẹẹ, <Kálá sa tụ́wọ ḅụ ọmịnị ị́yẹ́ arịbịgha, kálá sáá tụ́wọ ḅụ ọ pịghị ị́yẹ́ árịbẹm, mịma anịị a Daḅọ ma dámámụarị gosi?> >> 18Nnị pa gbilaarị, <<Ọ tẹ́ dughoarị ọ ḅẹ́ sáá, <Kálá sa tụ́wọ?> Wamịnị akanyaḅogha o dughoarị nyẹ.>>
19Jizọs arịḅom bẹ n mịma gbolomanyẹ pa o gbíla dọ́ghụm, ọ warị nnị ḅẹ́, <<Ọ jụghọ jụghọ gbilaarị a dughonyẹ ma tẹ́ fie, a ḅẹ́ sáá, <Kálá sa tụ́wọ ḅụ ọmịnị ị́yẹ́ arịbịgha, anịsáa pịghị kálá sáá tụ́wọ ḅọ́rọ́ sáá ọmịnị ị́yẹ́ árịbẹm>? 20A karakárányẹ ma dugho ọ pịrịarị, ọmịnị owubẹm pịghị dụadu tuminikiri anịsáa bieḅẹlẹbẹm. O biesiibẹm, kụ́ma ọmịna biesi ma pịghịma bieḅẹlẹ sọ́bẹm. 21Yii ọlọ ọ́rụ́ḅọ ḅụakụ nyánam tegó árị sáá láamam; kụ́ma a tụwọ ma yii fama sáá árị árẹ ḅụakụ pa bieḅárámam bieḅẹlẹ gosi ḅẹẹ, n tụ́wọ yiimam tuminikiri. 22Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha. 23Anị éné ma láa sáá, ọmịnị i ḅarabie bẹnyẹ bẹnyẹ gbílabịgha. A karakárányẹ ma dugho ọ pịrịarị, i Daa ma ḅara o binyẹ gonyẹ́ gonyẹ́ ị́yẹ́ ẹrẹ ḅụ ori anị pa ọ pịrịbẹm. 24Akị ḅoo mị́sa ma láa na ọmịnị gbẹ́rẹ́nyẹ sọ biiagha ị́yẹ́ ẹrẹ ḅụ. O bii ọ pịghị nyánáḅobẹm, ọmịna bieḅẹlẹ pịghị ḅifụfụubẹm.
Jizọs Tuminikiri Sọḅam
25<<Karakárányẹ ḅẹ́ a kaḅụ pa ẹ́gẹ́rẹ́kọọ ọ pịrịarị, sáá ḅoarị a mịnị mịị ẹ́gẹ́rẹ́ ḅara pa ẹ́gẹ́rẹ́kọọ ọ pịrịbịgha, kụ́ma a i Daa gbólómanyẹ dughofindi ọ pịrịbẹm. 26Anị éné ma láa sáá, ọmịnị nyẹ biibẹm ị́yẹ́ ẹrẹ ḅụ. A dughogha ḅẹ́ a Daḅọ ma ḅara nyẹ biibẹm ọmịna sịbị go. 27Daḅọ ma ọ ḅụgbọrụ opuma ọ ḅẹ́lẹ́mam tegó ọmịnị i ḅẹ́lẹ́mam pịghị mininim ḅẹ́ a Tamun ḅara saghịḅom. 28A Daḅọ ma ḅara saghị tuminikiri ḅom; mị́sa a tuminikiri ma wáriso sị pịghịma Daḅọ ma dámámụarị.>>
29Anịsáa Jizọs ọḅụduaapụ warị ọ ḅẹẹ, <<Mị́sa i gbụ́nụ́nụ́ ḅara pa ẹ́gẹ́rẹ́kọarị kaḅụ kọgha pa. 30Mị́sa wamịnị arịḅom ḅẹ́ ị nyẹ gonyẹ́ gonyẹ́ nimim, ị biighaa kị́nị́ gbíla nyẹ pa i gbilaa. Mịma mịẹm wa minini ḅẹẹ ị Tamuno ḅara saghịḅom.>>
31Jizọs n pagharam, <<Mị́sa o minini?>> 32<<Kụma sáá ḅoarị sáá ma pịghị lámam, nnị ọ gálágáláma ọ́rụ́ḅọ ọ́rụ́ḅọ ama muu. Ọmịnị kị́nị́mamgba i wárịsóbẹm sị irị ngéré kọọ, kụ́ma irị ngéré kọgha, Daḅọ ma irị na imi.
33<<A mịná nyẹ ma dugho ọ pịrịmam, ọmịnị ịḅụ diin nyáná bẹ ḅara. Mịị tuminikiri ma ḅụ ọ ḅụḅáláḅálá nyánábẹm. Kuma ọ tẹ́mẹ́ kụrọ nyáná! A tuminikiri ma sọḅamam.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation