Luk 8
8
Jizọs Dua Ẹ́rẹ́ámáapụ
1Sáá ḅo ḅọ́rọ́ sa, Jizọs opu ama na káláama gonyẹ́ gonyẹ́ múm, Tamuno Ásẹ́mẹ́kiri ibioku ma dugho pághámaarị. Ori ọḅụdua oyi mmẹapụ findi ma pịghị ó nana muum, 2anị gbẹ́rẹ́ ḅara ma anị jẹa ẹ́rẹ́ámáapụ, n ḅụ sitẹ́mẹ́ deesiapụ na nna ḅụ obi gwọapụ o dua ḅara. Nna ẹ́rẹ anịị, Meri Magdala ḅụ saghị ḅoḅọ, n ḅụ sọ́nọ́ma sitẹ́mẹ́ deesi ḅọ; 3Joana, Kuza taa, Hẹrọd wárị fịrịnwangịapụ sịbịdaḅọ; Suzana, na pịghị jẹ́ tọgha ẹ́rẹ́ámáapụ, mịnaapụ ma anịị nna nyánányẹ pa ḅárásua Jizọs na ori ọḅụduaapụ pịrịarịapụ.
Nyẹ Dipiḅọ Kaḅụ
(Mat 13.1-9; Mak 4.1-9)
4Túminị́ pa Jizọs damaḅoarị ama ama ama ḅụ, tọgha túminị́ kobiri sáá, ọ warị mị kaḅụ ma kọọ n pịrị: 5<<Gbẹ́rẹ́ sáá, gbẹ́rẹ́ dụadipiḅọ, pághá mú sịmgbọlụ dipim, ọ sịmgbọlụ ma gbi gálágálá ma sáá, jẹa nyẹ asọogbo sóóró korom, túminị́ anị nangam sị fíní warị anị gbọfị. 6Jẹa nyẹ dapịrị kiri ḅụ kóróm, mgbọ́lụ ma sópághá gbẹ́rẹ́kiri anị saghị sámụ́nọm, mingi ófórigha gosi kiri ma bie. 7Jẹa nyẹ nangi nangi piri bie sóóró korom anị nangi ma na sópághá nyẹ ma nangi ma warị anị kpepuma. 8Jẹa sịmgbọlụ warị ibikiri ḅụ sóórókoro. Anị warị sẹnị págháḅo sị sọ́nọ́ a si ḅara nẹ́ngị nyẹ pa sịmgbọlụ sua.>> Jizọs mịma dugho fama sa ọ warị ḅẹẹ: <<Biri nyanaḅọ náa.>>
Ọ Tẹ́ Go Kaḅụ Kọọarị
(Mat 13.10-17; Mak 4.10-12)
9Jizọs ọḅụduaapụ warị o gbíla ḅẹ́ mị kaḅụ ma anị tẹ́ dughoarị? 10Ọ warị n págháraa ḅẹẹ, <<Tamuno Ásẹ́mẹ́kiri ḅọghunyẹ n mịẹmam sị ọmịnị anị níminyẹ sọ. Kụ́ma isiapụ kaḅụ anị a pa ẹ́gẹ́rẹ́kọọ n pịrịarịnyẹ, ḅẹẹ,
<< <Nnị arịarị kụ́ma arịgha,
Nnị naarị kụ́ma akanyaḅogha.>
Jizọs Nyẹ Dipiḅọ Kaḅụ Dugho Findim
(Mat 13.18-23; Mak 4.13-20)
11<<Mịị anị kaḅụ ma dughoarị nyẹ, sịmgbọlụ ma anị Tamuno ẹ́gẹ́rẹ́ ma. 12Asọogbo sóórókoro mgbọ́lụ ma, sẹ Tamuno ẹ́gẹ́rẹ́ ma naapụ pịrịm, kụ́ma ẹ́kpẹ́dua ḅo ḅom sị n náa oku ma sịakịm nna tẹ́mẹ́bie, n mininibịgha ḅara sị ḅọ́rọ́ma nyáná. 13Dapịrị kiri ḅụ sóórókoro sịmgbọlụ ma sẹ oku ma naapụ ma pịrịm, bieḅẹlẹ ḅara pa anị akị kụ́ma anị kune nyanagha go, nna minini fịnị ḅọlọgha, kụ́ma daádighi ḅọ sáá n bịghị korom. 14Nangi ḅụ sóórókoro sịmgbọlụ ma sẹ oku ma naáapụ pịrịm, kụ́ma tuminikiri ḅụḅáláḅálá, ngọ na tuminikiri ḅẹ́lẹ̄, ẹ́gẹ́rẹ ma kpepumam anịgo nna ẹ́gẹ́rẹ sẹnị sị kpọgha. 15Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.
Tọndọ Kaḅụ
(Mak 4.1-25)
16<<Gbẹ́rẹ́ḅọ sọ tọndọ tọ́ndigha sị bọlị pa anị gbẹ́ẹ̄ anịgha pa múnonyẹ sughu sua. Tụ́ma nnị anị pa tọndọ gbananyẹ ḅụ gbánā gbánām sị túminị́ baá ma árị bẹ ḅara n sọḅo sáá. 17Ḅọghunyẹ gonyẹ́ gonyẹ́ nnị anị mịẹ findibẹm sị kị́nị́mamgba anị árị, n gbẹ́ẹ̄ wárịnyẹ gonyẹ́ gonyẹ́ nnị anị akuo baá bẹ kọ́rọ́mabẹm, 18Anịgo tọ́rụ́ pa kiri lama ị nyẹ naarị ḅara. Nyẹ nyáná ḅo gonyẹ́ gonyẹ́ pa jẹ́ nyánábẹm. Kụ́ma nyẹ nyánághaḅọ, n ḅo sị ḅẹ́ n ḅọ nyáná kálányẹ ma sọ nnị nna ḅara anị daákịbẹm.>>
Jizọs Nyingi Na Ori Amịnáapụ Na
(Mat 12.46-50; Mak 3.31-35)
19Jizọs o nyingi na ọrẹ numboru owiapụ o damaḅom, kụ́ma nnị ine sọma ọ fịnị angaá mugha túminị́ ma opuma dụḅam gosi. 20Kị́nị́ warị Jizọs ḅẹẹ, <<Ị nyingi na ịyẹa mịnáowiapụ nụ́ngọbie sẹ́fịnị sị ị́yẹ́ árị dọ́ghụm.>> 21Jizọs warị pagharaa ḅẹẹ, <<I nyingi na ị́yẹ́ amịna owiapụ anịị Tamuno ẹ́gẹ́rẹ́ ma naapụ pịghị anị dughonyẹ mịẹarịapụ.>>
Jizọs Irisé Diinmam
(Mat 8.23-27; Mak 4.35-41)
22Gbẹ́rẹ́ éné Jizọs árụ́ ḅụlọm ori na ori ọḅụduaapụ na, ọ warị n ḅẹẹ, <<O ḅo wa tọ́rụ́ ma saḅa koro isi párángáa muu.>> Anịị n dọghụpágháma nyẹ. 23Nnị munyẹ ma muarị sa múno warị, Jizọs dighi akị. Anị gbẹ́rẹ́kiri kụrọ fọ́rụ warị sághị tọ́rụ́ ma bie ofuro, mingi warị sághị árụ́ ma bie sọọ, nna duma warị ḅo ḅụḅáláḅálá ḅụ sọọ. 24Ori ọḅụduaapụ mú o sị saghịmam ḅẹarị ḅẹẹ, <<Wányánáḅọ, Wányánáḅọ, wa biledumaarị!>> Jizọs warị sághị igani fọ́rụ ma na darịma pịrị, irisé ma warị diin, ngaa mamgba warị ḅo yaghúu. 25Ọ warị ori ọḅụduaapụ ḅẹẹ, <<Ọmịna minini tẹ́ angaá imi?>> Kụ́ma ḅụgbérépu na ḅáláfa nna ḅụ imi, n warị jụghọ jụghọ ḅẹẹ, <<Mịị owitụ́wọ ma ọ tụọ? Ḅẹ́ ọ ḅẹrẹtọ fọ́rụ na dinọngụ pịrịarị sị n pịghị ọ bịpị pughum.>>
Jizọs Sitẹ́mẹ́ Ḅụ Fịnịḅọ Gwọm
(Mat 8.28-34; Mak 5.1-20)
26Jizọs na ori ọḅụduaapụ sua pághá muu Gerasa ḅẹrẹtọ yọ lam, anịị Galili tọ́rụ́ ma saḅa koro. 27Jizọs árụ́ ma bie koro ḅo sáá, gbẹ́rẹ́ owitụ́wọ ámá ma bie ḅo ori na donam, sitẹ́mẹ́ ḅụ fịnịḅọ, mị owitụ́wọ ma ḅọlọmaa sa mịnị bịtẹ sua suagha, ọ pịghị wárị fịnịbịgha, kụ́ma dupu yọ ḅụ anịị ọ fịnịarị nyẹ. 28O Jizọs árị sáá ori opuma ilúghum sị ọ ḅụ pa ọ ḅụọ angaá gbi sị ilúghú, <<Jizọs, Sóghólóḅa Tamuno Tụwọ ị i ḅara tẹ́ dọghụ? A ị tẹ́ghẹ̄m i pa tọ́rụ́siarịma ma.>> 29O mịma dughom tegó Jizọs igani sitẹ́mẹ́ ma pịrịmam bẹ nnị ori oju bie págháḅo. Tọgha sáá anị oku kórómamam, anịsọnị ḅẹẹ, nnị ịkóli pa ọ ḅụọ na ọ ḅara suam, sị tọ́rụ pa ọ ḅụ warị, ori ịkóli ma pẹ́lẹ́bẹm, sitẹ́mẹ́ ma warị o daa pa mú elesiri ḅụ suabẹm.
30Jizọs o gbilam, <<Ị́yẹ́ ẹ́rẹ́ tẹ́ nyẹ́?>> Ọ warị pagharaa, <<Iyẹ ẹ́rẹ anị mánámánáapụ.>> Tegó tọgha sitẹ́mẹ́ ori oju bie sọmam. 31Sitẹ́mẹ́ ma warị Jizọs tẹ́ghẹ̄ ḅẹ́ ori nde pa kunema nyanagha póghóló kiri bie suama. 32Tụ́ndụ́ ma angásá tọgha oporopo imi, fị́nyẹ dọghụ fịarịnyẹ. Sitẹ́mẹ́ ma warị Jizọs tẹ́ghẹ̄ ḅẹẹ ori nnị wáriso sị nnị oporopo ma bie sọọ, ọ warị nnị warịsó. 33Nnị owitụ́wọ ma ḅụ págháḅom sị oporopo ma bie sọọ, oporopo ogbo ma warị mangị koro tụ́ndụ ma ḅụ sị mú tọ́rụ́ ma bie sọ sị sombi fịịm.
34Oporopo ma didighiarịapụ ma árị sáá pághányẹ nnị mangị pághá opu ama bie ma múm na pịghị anị ikelema káláama mamgba mú sị pághányẹ ma dugho wásáma. 35Túminị́ pághá mú pághá maá nyẹ ma arịm, n Jizọs damaḅo sáá, nnị oju bie sitẹ́mẹ́ soo owitụ́wọ ma arịm kpọrọfịnịarị ngá Jizọs ḅụọ anga, ọ bịtẹ suam pịghị ori karakárá tẹ́mẹ́ ḅụ imi, ḅáláfa warị ḅo nnị kị́nị́mamgba bie sọọ. 36Nyẹ́ma árịapụ ma dugho túminị́ ma pịrịm, ọ ḅara warị gwọ ḅara. 37Gerasa ḅẹrẹtọ yọ sághị ḅoapụ mamgba warị Jizọs ḅẹẹ, o soo tegó opu ḅáláfá nna tẹ́mẹ́bie imi. Jizọs warị árụ́ ḅụlọ sị som. 38Sitẹ́mẹ́ oju bie pághá owitụ́wọ ma Jizọs tẹ́ghẹ̄m ḅẹẹ, ori ọ wáriso sị ori ọ́ nana sọọ.
Kụ́ma Jizọs ọ fịrịma sọm; ḅẹẹ, 39<<Soo wárị muu sị mú dugho Tamuno mịẹ i pịrịmaá nyẹ.>>
Owitụ́wọ ma warị ámá ḅọ́rọ́ dugho n pịrịarị Jizọs mịẹ ọ pịrịmaá nyẹ.
Jairọs Ọ́rụ́ḅọ Tụ́wọ Na Ḅara Pa Jizọs Bịtẹ Lama Ọ́rụ́ḅọ
(Mat 9.18-26; Mak 5.21-43)
40Jizọs pịghịma isi tọ́rụ́aka ma ḅoo sáá, túminị́ ma warị ọ datéréma tegó? Nnị kị́nị́mamgba o kurufịnim. 41Anịsáa Jairọs pa sịḅọ warị ḅo láa, ori sọ pịghị sịbịdaapụ ma ḅụ gbẹ́rẹ́ḅọ nna kobiri yọ ma ḅụ. Ori warị ọ ḅụ saghị Jizọs ḅụọ angaá gbi warị o tẹ́ghẹ̄ ḅẹẹ ori ọ wárị ḅoo 42ḅẹ́ ori Kpọ́kpọ́ ọ́rụ́ḅọ tụwọ oyi mmẹẹ́ a kụ́rá findi lámaaḅọ fịịarị.
Jizọs pa múuarị sa tọgha túminị́ warị o gbiriikélékélé ngámámgba ḅụ. 43Nna bie gbẹ́rẹ́ ọ́rụ́ḅọ imi ḅọ́rọ́maa oyi mmẹẹ́ a kụ́rá ḅụ, ḅoo anịsáa ma la, ọmbịnyẹ́ opuma a ḅụ págháarị. Árị nyánányẹ mamgba a famamam bịrịapụ ḅarabie, kụ́ma gbẹ́rẹ́ḅọ so ine a gwọgha. 44A warị túminị́ kpo ma ogbobie ḅọ́rọ́ mú Jizọs ọḅụju ḅara pa ọ suabịtẹ bịpị lama, anị gbẹ́rẹ́kirikiri ọmbịnyẹ́ ma sẹm mịnị saragha. 45Jizọs warị gbíla, <<Tụọ ḅara pa i lama?>>
Kị́nị́mamgba pighim, Pita warị ḅẹẹ, <<Inyanaḅọ túminị́ ma n koko ị gbiri ikelekelé ngámámgba ḅụ sị pụ́nụ́ma pụ́nụ́maarị.>>
46Kụ́ma Jizọs pa ḅẹm, <<Kị́nị́ ḅara pa i lámam, a nimim kụrọ ịḅụ ḅọ́rọ́ pághá sa.>> 47Ọ́rụ́ḅọ ma arịm ḅẹẹ a mịnị ine ḅọghugha, a warị jighe ma jighe ma págháḅo sị a ḅụ pa Jizọs ḅụọ angaá gbii. Anị ngaa kị́nị́mamgba tórúku a warị dugho a go ḅara pa ọ lámányẹ, árị oju pịghị ḅara warị gwọ ḅara anị gbẹ́rẹ́kirikiri. 48Jizọs warị a ḅẹẹ, <<Iyẹ ndụ́ḅa ị́yẹ́ minini ị gwọmam. Diin ḅụ sọọ.>>
49Jizọs mịma dughoarị sáá, gbẹ́rẹ́ oku muḅọ mangị ḅomam Jairọs wárị, dugho Jairọs pịrịarị ḅẹẹ, <<Ị́yẹ́ ndụ́ḅa fịịmam.>> Mịnị ḅụḅáláḅálá pa Nyẹ́dieḅọ ma pịrịma.
50Kụ́ma Jizọs nyẹ ma naam warị Jairọs ḅẹẹ, <<Ḅáláfáma, pa minini, árị oju ibibẹm.>>
51O ḅo Jairọs warị ma láa sáá, o minigha gbẹ́rẹ́ḅọ sọ ọ nana wárị ma sọọ mú, kụ́ma Pita, Jọn na Jems na pịghị tụwọ ma daa na nyingiḅọ ngéré. 52Anị ngaa fịnịapụ mamgba owuarị pịghị dụadu tụwọ ma pịrịarị. Jizọs warị n ḅẹẹ, <<O mịnị owuma, tụwọ ma na a fịịgha, a papa múnoarị.>>
53Túminị́ ma warị ọ dẹrị, tegó, n nimim ḅẹẹ a fịịmam. 54Kụ́ma Jizọs ḅara ḅụ árị ọlọm warị a ḅẹẹ, <<I tụwọ saghị.>> 55Árị duma warị pịghịma ḅo a ḅụ sọọ, a warị anị gbẹ́rẹ́kiri saghị sẹ. Jizọs warị n ḅẹẹ ọ fị́nyẹ pa a pịrị a fị. 56Nyingiḅọ na daaḅọ na, mịnyẹ ma nna ḅụ́gbérépumam kụ́ma Jizọs tọ́ọ n pịrịm ḅẹẹ n dugho gbẹ́rẹ́ḅọ sọ pịrịma pághá nyẹ.
Currently Selected:
Luk 8: IBY
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation
Luk 8
8
Jizọs Dua Ẹ́rẹ́ámáapụ
1Sáá ḅo ḅọ́rọ́ sa, Jizọs opu ama na káláama gonyẹ́ gonyẹ́ múm, Tamuno Ásẹ́mẹ́kiri ibioku ma dugho pághámaarị. Ori ọḅụdua oyi mmẹapụ findi ma pịghị ó nana muum, 2anị gbẹ́rẹ́ ḅara ma anị jẹa ẹ́rẹ́ámáapụ, n ḅụ sitẹ́mẹ́ deesiapụ na nna ḅụ obi gwọapụ o dua ḅara. Nna ẹ́rẹ anịị, Meri Magdala ḅụ saghị ḅoḅọ, n ḅụ sọ́nọ́ma sitẹ́mẹ́ deesi ḅọ; 3Joana, Kuza taa, Hẹrọd wárị fịrịnwangịapụ sịbịdaḅọ; Suzana, na pịghị jẹ́ tọgha ẹ́rẹ́ámáapụ, mịnaapụ ma anịị nna nyánányẹ pa ḅárásua Jizọs na ori ọḅụduaapụ pịrịarịapụ.
Nyẹ Dipiḅọ Kaḅụ
(Mat 13.1-9; Mak 4.1-9)
4Túminị́ pa Jizọs damaḅoarị ama ama ama ḅụ, tọgha túminị́ kobiri sáá, ọ warị mị kaḅụ ma kọọ n pịrị: 5<<Gbẹ́rẹ́ sáá, gbẹ́rẹ́ dụadipiḅọ, pághá mú sịmgbọlụ dipim, ọ sịmgbọlụ ma gbi gálágálá ma sáá, jẹa nyẹ asọogbo sóóró korom, túminị́ anị nangam sị fíní warị anị gbọfị. 6Jẹa nyẹ dapịrị kiri ḅụ kóróm, mgbọ́lụ ma sópághá gbẹ́rẹ́kiri anị saghị sámụ́nọm, mingi ófórigha gosi kiri ma bie. 7Jẹa nyẹ nangi nangi piri bie sóóró korom anị nangi ma na sópághá nyẹ ma nangi ma warị anị kpepuma. 8Jẹa sịmgbọlụ warị ibikiri ḅụ sóórókoro. Anị warị sẹnị págháḅo sị sọ́nọ́ a si ḅara nẹ́ngị nyẹ pa sịmgbọlụ sua.>> Jizọs mịma dugho fama sa ọ warị ḅẹẹ: <<Biri nyanaḅọ náa.>>
Ọ Tẹ́ Go Kaḅụ Kọọarị
(Mat 13.10-17; Mak 4.10-12)
9Jizọs ọḅụduaapụ warị o gbíla ḅẹ́ mị kaḅụ ma anị tẹ́ dughoarị? 10Ọ warị n págháraa ḅẹẹ, <<Tamuno Ásẹ́mẹ́kiri ḅọghunyẹ n mịẹmam sị ọmịnị anị níminyẹ sọ. Kụ́ma isiapụ kaḅụ anị a pa ẹ́gẹ́rẹ́kọọ n pịrịarịnyẹ, ḅẹẹ,
<< <Nnị arịarị kụ́ma arịgha,
Nnị naarị kụ́ma akanyaḅogha.>
Jizọs Nyẹ Dipiḅọ Kaḅụ Dugho Findim
(Mat 13.18-23; Mak 4.13-20)
11<<Mịị anị kaḅụ ma dughoarị nyẹ, sịmgbọlụ ma anị Tamuno ẹ́gẹ́rẹ́ ma. 12Asọogbo sóórókoro mgbọ́lụ ma, sẹ Tamuno ẹ́gẹ́rẹ́ ma naapụ pịrịm, kụ́ma ẹ́kpẹ́dua ḅo ḅom sị n náa oku ma sịakịm nna tẹ́mẹ́bie, n mininibịgha ḅara sị ḅọ́rọ́ma nyáná. 13Dapịrị kiri ḅụ sóórókoro sịmgbọlụ ma sẹ oku ma naapụ ma pịrịm, bieḅẹlẹ ḅara pa anị akị kụ́ma anị kune nyanagha go, nna minini fịnị ḅọlọgha, kụ́ma daádighi ḅọ sáá n bịghị korom. 14Nangi ḅụ sóórókoro sịmgbọlụ ma sẹ oku ma naáapụ pịrịm, kụ́ma tuminikiri ḅụḅáláḅálá, ngọ na tuminikiri ḅẹ́lẹ̄, ẹ́gẹ́rẹ ma kpepumam anịgo nna ẹ́gẹ́rẹ sẹnị sị kpọgha. 15Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.
Tọndọ Kaḅụ
(Mak 4.1-25)
16<<Gbẹ́rẹ́ḅọ sọ tọndọ tọ́ndigha sị bọlị pa anị gbẹ́ẹ̄ anịgha pa múnonyẹ sughu sua. Tụ́ma nnị anị pa tọndọ gbananyẹ ḅụ gbánā gbánām sị túminị́ baá ma árị bẹ ḅara n sọḅo sáá. 17Ḅọghunyẹ gonyẹ́ gonyẹ́ nnị anị mịẹ findibẹm sị kị́nị́mamgba anị árị, n gbẹ́ẹ̄ wárịnyẹ gonyẹ́ gonyẹ́ nnị anị akuo baá bẹ kọ́rọ́mabẹm, 18Anịgo tọ́rụ́ pa kiri lama ị nyẹ naarị ḅara. Nyẹ nyáná ḅo gonyẹ́ gonyẹ́ pa jẹ́ nyánábẹm. Kụ́ma nyẹ nyánághaḅọ, n ḅo sị ḅẹ́ n ḅọ nyáná kálányẹ ma sọ nnị nna ḅara anị daákịbẹm.>>
Jizọs Nyingi Na Ori Amịnáapụ Na
(Mat 12.46-50; Mak 3.31-35)
19Jizọs o nyingi na ọrẹ numboru owiapụ o damaḅom, kụ́ma nnị ine sọma ọ fịnị angaá mugha túminị́ ma opuma dụḅam gosi. 20Kị́nị́ warị Jizọs ḅẹẹ, <<Ị nyingi na ịyẹa mịnáowiapụ nụ́ngọbie sẹ́fịnị sị ị́yẹ́ árị dọ́ghụm.>> 21Jizọs warị pagharaa ḅẹẹ, <<I nyingi na ị́yẹ́ amịna owiapụ anịị Tamuno ẹ́gẹ́rẹ́ ma naapụ pịghị anị dughonyẹ mịẹarịapụ.>>
Jizọs Irisé Diinmam
(Mat 8.23-27; Mak 4.35-41)
22Gbẹ́rẹ́ éné Jizọs árụ́ ḅụlọm ori na ori ọḅụduaapụ na, ọ warị n ḅẹẹ, <<O ḅo wa tọ́rụ́ ma saḅa koro isi párángáa muu.>> Anịị n dọghụpágháma nyẹ. 23Nnị munyẹ ma muarị sa múno warị, Jizọs dighi akị. Anị gbẹ́rẹ́kiri kụrọ fọ́rụ warị sághị tọ́rụ́ ma bie ofuro, mingi warị sághị árụ́ ma bie sọọ, nna duma warị ḅo ḅụḅáláḅálá ḅụ sọọ. 24Ori ọḅụduaapụ mú o sị saghịmam ḅẹarị ḅẹẹ, <<Wányánáḅọ, Wányánáḅọ, wa biledumaarị!>> Jizọs warị sághị igani fọ́rụ ma na darịma pịrị, irisé ma warị diin, ngaa mamgba warị ḅo yaghúu. 25Ọ warị ori ọḅụduaapụ ḅẹẹ, <<Ọmịna minini tẹ́ angaá imi?>> Kụ́ma ḅụgbérépu na ḅáláfa nna ḅụ imi, n warị jụghọ jụghọ ḅẹẹ, <<Mịị owitụ́wọ ma ọ tụọ? Ḅẹ́ ọ ḅẹrẹtọ fọ́rụ na dinọngụ pịrịarị sị n pịghị ọ bịpị pughum.>>
Jizọs Sitẹ́mẹ́ Ḅụ Fịnịḅọ Gwọm
(Mat 8.28-34; Mak 5.1-20)
26Jizọs na ori ọḅụduaapụ sua pághá muu Gerasa ḅẹrẹtọ yọ lam, anịị Galili tọ́rụ́ ma saḅa koro. 27Jizọs árụ́ ma bie koro ḅo sáá, gbẹ́rẹ́ owitụ́wọ ámá ma bie ḅo ori na donam, sitẹ́mẹ́ ḅụ fịnịḅọ, mị owitụ́wọ ma ḅọlọmaa sa mịnị bịtẹ sua suagha, ọ pịghị wárị fịnịbịgha, kụ́ma dupu yọ ḅụ anịị ọ fịnịarị nyẹ. 28O Jizọs árị sáá ori opuma ilúghum sị ọ ḅụ pa ọ ḅụọ angaá gbi sị ilúghú, <<Jizọs, Sóghólóḅa Tamuno Tụwọ ị i ḅara tẹ́ dọghụ? A ị tẹ́ghẹ̄m i pa tọ́rụ́siarịma ma.>> 29O mịma dughom tegó Jizọs igani sitẹ́mẹ́ ma pịrịmam bẹ nnị ori oju bie págháḅo. Tọgha sáá anị oku kórómamam, anịsọnị ḅẹẹ, nnị ịkóli pa ọ ḅụọ na ọ ḅara suam, sị tọ́rụ pa ọ ḅụ warị, ori ịkóli ma pẹ́lẹ́bẹm, sitẹ́mẹ́ ma warị o daa pa mú elesiri ḅụ suabẹm.
30Jizọs o gbilam, <<Ị́yẹ́ ẹ́rẹ́ tẹ́ nyẹ́?>> Ọ warị pagharaa, <<Iyẹ ẹ́rẹ anị mánámánáapụ.>> Tegó tọgha sitẹ́mẹ́ ori oju bie sọmam. 31Sitẹ́mẹ́ ma warị Jizọs tẹ́ghẹ̄ ḅẹ́ ori nde pa kunema nyanagha póghóló kiri bie suama. 32Tụ́ndụ́ ma angásá tọgha oporopo imi, fị́nyẹ dọghụ fịarịnyẹ. Sitẹ́mẹ́ ma warị Jizọs tẹ́ghẹ̄ ḅẹẹ ori nnị wáriso sị nnị oporopo ma bie sọọ, ọ warị nnị warịsó. 33Nnị owitụ́wọ ma ḅụ págháḅom sị oporopo ma bie sọọ, oporopo ogbo ma warị mangị koro tụ́ndụ ma ḅụ sị mú tọ́rụ́ ma bie sọ sị sombi fịịm.
34Oporopo ma didighiarịapụ ma árị sáá pághányẹ nnị mangị pághá opu ama bie ma múm na pịghị anị ikelema káláama mamgba mú sị pághányẹ ma dugho wásáma. 35Túminị́ pághá mú pághá maá nyẹ ma arịm, n Jizọs damaḅo sáá, nnị oju bie sitẹ́mẹ́ soo owitụ́wọ ma arịm kpọrọfịnịarị ngá Jizọs ḅụọ anga, ọ bịtẹ suam pịghị ori karakárá tẹ́mẹ́ ḅụ imi, ḅáláfa warị ḅo nnị kị́nị́mamgba bie sọọ. 36Nyẹ́ma árịapụ ma dugho túminị́ ma pịrịm, ọ ḅara warị gwọ ḅara. 37Gerasa ḅẹrẹtọ yọ sághị ḅoapụ mamgba warị Jizọs ḅẹẹ, o soo tegó opu ḅáláfá nna tẹ́mẹ́bie imi. Jizọs warị árụ́ ḅụlọ sị som. 38Sitẹ́mẹ́ oju bie pághá owitụ́wọ ma Jizọs tẹ́ghẹ̄m ḅẹẹ, ori ọ wáriso sị ori ọ́ nana sọọ.
Kụ́ma Jizọs ọ fịrịma sọm; ḅẹẹ, 39<<Soo wárị muu sị mú dugho Tamuno mịẹ i pịrịmaá nyẹ.>>
Owitụ́wọ ma warị ámá ḅọ́rọ́ dugho n pịrịarị Jizọs mịẹ ọ pịrịmaá nyẹ.
Jairọs Ọ́rụ́ḅọ Tụ́wọ Na Ḅara Pa Jizọs Bịtẹ Lama Ọ́rụ́ḅọ
(Mat 9.18-26; Mak 5.21-43)
40Jizọs pịghịma isi tọ́rụ́aka ma ḅoo sáá, túminị́ ma warị ọ datéréma tegó? Nnị kị́nị́mamgba o kurufịnim. 41Anịsáa Jairọs pa sịḅọ warị ḅo láa, ori sọ pịghị sịbịdaapụ ma ḅụ gbẹ́rẹ́ḅọ nna kobiri yọ ma ḅụ. Ori warị ọ ḅụ saghị Jizọs ḅụọ angaá gbi warị o tẹ́ghẹ̄ ḅẹẹ ori ọ wárị ḅoo 42ḅẹ́ ori Kpọ́kpọ́ ọ́rụ́ḅọ tụwọ oyi mmẹẹ́ a kụ́rá findi lámaaḅọ fịịarị.
Jizọs pa múuarị sa tọgha túminị́ warị o gbiriikélékélé ngámámgba ḅụ. 43Nna bie gbẹ́rẹ́ ọ́rụ́ḅọ imi ḅọ́rọ́maa oyi mmẹẹ́ a kụ́rá ḅụ, ḅoo anịsáa ma la, ọmbịnyẹ́ opuma a ḅụ págháarị. Árị nyánányẹ mamgba a famamam bịrịapụ ḅarabie, kụ́ma gbẹ́rẹ́ḅọ so ine a gwọgha. 44A warị túminị́ kpo ma ogbobie ḅọ́rọ́ mú Jizọs ọḅụju ḅara pa ọ suabịtẹ bịpị lama, anị gbẹ́rẹ́kirikiri ọmbịnyẹ́ ma sẹm mịnị saragha. 45Jizọs warị gbíla, <<Tụọ ḅara pa i lama?>>
Kị́nị́mamgba pighim, Pita warị ḅẹẹ, <<Inyanaḅọ túminị́ ma n koko ị gbiri ikelekelé ngámámgba ḅụ sị pụ́nụ́ma pụ́nụ́maarị.>>
46Kụ́ma Jizọs pa ḅẹm, <<Kị́nị́ ḅara pa i lámam, a nimim kụrọ ịḅụ ḅọ́rọ́ pághá sa.>> 47Ọ́rụ́ḅọ ma arịm ḅẹẹ a mịnị ine ḅọghugha, a warị jighe ma jighe ma págháḅo sị a ḅụ pa Jizọs ḅụọ angaá gbii. Anị ngaa kị́nị́mamgba tórúku a warị dugho a go ḅara pa ọ lámányẹ, árị oju pịghị ḅara warị gwọ ḅara anị gbẹ́rẹ́kirikiri. 48Jizọs warị a ḅẹẹ, <<Iyẹ ndụ́ḅa ị́yẹ́ minini ị gwọmam. Diin ḅụ sọọ.>>
49Jizọs mịma dughoarị sáá, gbẹ́rẹ́ oku muḅọ mangị ḅomam Jairọs wárị, dugho Jairọs pịrịarị ḅẹẹ, <<Ị́yẹ́ ndụ́ḅa fịịmam.>> Mịnị ḅụḅáláḅálá pa Nyẹ́dieḅọ ma pịrịma.
50Kụ́ma Jizọs nyẹ ma naam warị Jairọs ḅẹẹ, <<Ḅáláfáma, pa minini, árị oju ibibẹm.>>
51O ḅo Jairọs warị ma láa sáá, o minigha gbẹ́rẹ́ḅọ sọ ọ nana wárị ma sọọ mú, kụ́ma Pita, Jọn na Jems na pịghị tụwọ ma daa na nyingiḅọ ngéré. 52Anị ngaa fịnịapụ mamgba owuarị pịghị dụadu tụwọ ma pịrịarị. Jizọs warị n ḅẹẹ, <<O mịnị owuma, tụwọ ma na a fịịgha, a papa múnoarị.>>
53Túminị́ ma warị ọ dẹrị, tegó, n nimim ḅẹẹ a fịịmam. 54Kụ́ma Jizọs ḅara ḅụ árị ọlọm warị a ḅẹẹ, <<I tụwọ saghị.>> 55Árị duma warị pịghịma ḅo a ḅụ sọọ, a warị anị gbẹ́rẹ́kiri saghị sẹ. Jizọs warị n ḅẹẹ ọ fị́nyẹ pa a pịrị a fị. 56Nyingiḅọ na daaḅọ na, mịnyẹ ma nna ḅụ́gbérépumam kụ́ma Jizọs tọ́ọ n pịrịm ḅẹẹ n dugho gbẹ́rẹ́ḅọ sọ pịrịma pághá nyẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation