1Akabambu Akolongu 12
12
Aizilaeli bunkana Lehobuamu
2Majambu gi Ipindi 10:1-19
1Ndienu, Lehobuamu jwajenda ku Shekemu kobabiya akusanyiki bandu boti buku Izalaeli ili kuhimika jubiya bambu nkolongu. 2Najombi Yelobuamu mwana uka Nebati ejapata majambu gi lihengu heli ndaba jabii jwakoli ku nndema uku Misili kojabiya jupiti kipindi paantila bambu nkolongu Solomoni, jwabuja kuhuma ku Misili. 3Lakini Aizilaeli buntuma mundu kunkema. Ndienu jombi na bandu boti buku Izilaeli bajenda kuka Lehobuamu, nu kumpwagila, 4“Atati baku bututumikisa ngati twaatumwa na jutulepisa kodi jingipi. Ndienu gutupungasia nsigu hogo, na twepani twiitenda kugutumakila.”
5Najombi Lehobuamu jwajibua ana, “Nzendania, mwiihikania pa malabu.” Ndienu batenda kubokanela.
6Ndienu, bambu nkolongu Lehobuamu jwaalalukia akaseja bababiya baatumaki atati baki Solomoni kipindi sa womi waki, jwaalalukia, “Mmbwagila naajibwa boo, bandu bambane?”
7Aseja haba bunzibua ana, “Ngati ana lelenu gupala kwatumaki sapi, ndienu wajibua sapi nabombi bagutumakia kipindi soti.”
8Lakini Lehobuamu jakana majambu gabapwaga aseja bala, badala jaki jwaajendila akakombu ajaki bababia pamu najombi na kabe bababia atenda kuntumaki.
9Ndienu jwaalalukia, “Mwanganya mpwaga lijambu boo lakwaajibu bandu haba baambwagili naapungusia lihengu lelule atati bangu babia baapeki ahengsje?”
10Akakombu haba bunzibua, “Bandu haba babugupwagi kubanga atati baku baatwekiki nsigu gogutopiki, nukuguloba waapungasia nsigu hogu, wehapa waapwagila ana, ‘Waapwagila wehapawaapekia lihengu lelinonwipi ngani kupeta lihengu lebaapekia atati baku. 11Atati bangu bumpekia lihengu lelinonwipi lakini nepani nampekia lihengu lelinonwiipi ngani. Atati bangu bunndapula ndonga, lakini nepani nundapula ndonga yeibii na miya.’ ”
12Ndienu lisoba la tatu Yelobuamu pamu na bandu boti bajenda kuka Lehobuamu ngati ejabiya jaalagalaki. 13Bambu nkolongu jwaajibua bandu haba sukulakali, ngasejwapwatiki majambu gabumpwagila aseja bala, 14jwagapwata majambu gaalongila akakombu ajaki, jwaapwagila ana, “Atati bangu bunhengisi mahengu gaganonwipi, lakini nepani nanhengisa mahengu gaganonwipi ngani. Atati bangu bundapwi iboku, lakini nepani isinundapula iboku yeibi na miya.”
15Ndienu, bambu nkolongu ngasejajowani bandu kwa ndaba lijambu heli labiya lihumiki kwaka Bambu Sapanga, ili julitimisa lilobi laki leampwagila Yelobuamu mwana uka Nebati, kupete nndota jobunkema Ahiya juku musi uku Shilu.
16Lakini bandu boti buku Izilaeli ebabona bambu nkolongu ngase jwajowanela, bunpwagila ana, “Ngasetubii nu ulongu wokapi na Daudi! Ngasetubii napandu pitu kuhuma kuka mwana waka Yese. Mmbujania kunyumba, mwaa bandu buku Izilaeli! Mwaa Adaudi mwilitunza jinu mwabeti.”
Ndienu, bandu buku Izalaeli babujania mu manyumba gabu. 17Bandu buku Izilaeli bababiya atama ku misi yu nndema uku Yuda, ndi babahigalia mu ulongosi uka Lehobuamu.
18Ndienu Bambu nkolongu Lehoboamu antuma Adolamu, jojabii jojujemale lihengu lukulasimisa, bandu boti buku Izilaeli bundapula imabu nu kunkoma. Najombi Lehobuamu wakwela ligali laki lukuhutwa na falasi nu kutili ku Yelusalemu kanyata. 19Hela ndi bandu buku Izilaeli ebulukana lukolu lwaka Daudi mbaka lelenu.
20Bandu boti buku Izilaeli ebajowana kubanga Yelobuamu jubujiki kuhuma ku nndema uku Misili. Bunkema kunkutanu wa bandu, bunhimika jubiya bambu nkolongu ju nndema woti wa Aizilaeli. Ngaselabii likabila lengi lelajongana nu ukoo waka Daudi ila pee likabila la Yuda kajika jaki lelabiya lunnzetaki Daudi.
Ulota waka Shemaya
2Majambu gi Ipindi 11:1-4
21Lehobuamu pajwahika ku Yelusalemu, jwakusanya akomana ngondu baabi na makili laki jimu na elupu semanini ba makabila ga Yuda na Benjamini, ili kukomana na Aizilaeli, ili juwesa kugukelabu ubambu waka Lehobuamu, mwana waka Solomoni. 22Lakini lilobi laka Sapanga lunhikila Shemaya, mundu waka Sapanga kubanga, 23“Gumpwagila Lehobuamu mwana waka Solomoni, bambu nkolongu juku Yuda, na bandu boti bi likabila laka Yuda na Benjamini na bandu bangi boti, 24Bambu Sapanga jupwaga ana, ‘Mwiikomana na alongu binu Aizilaeli. Kila mundu jubuja kunyumba jaki, ndaba lijambu heli lihumiki kwangu nepani.’” Boti bajetakiya malagalaki gaka Sapanga na kila mundu jabuja kunyumba jaki kabe.
Bambu nkolongu Yelobuamu andeka Bambu Sapanga
25Ndienu bambu nkolongu Yelobuamu juku Izilaeli jugusenga kabee musi uku Shekemu kukitombi suku Efulaimu nukutama hoku na jajenda kugusenga musi uku Penueli. 26Ndienu bambu nkolongu Yelobuamu jatumbulia kuholale holale koni jupwaga, “Sajenu ubambu ukolongu guwesa kukelabuka kwa bandu bu lukolu lwaka Daudi, 27ana bandu haba biendalia kujenda kupiya matambiku ku nyumba jaka Bambu Sapanga ku musi uku Yelusalemu. Mioju jabu janng'anambukia bambu wabu Lehobuamu bambu nkolongu juku Yuda, nabombi biingoma nepani.”
28Ndienu, bambu nkolongu baada jukulonge na bandu bangi, jalenganakia imong'umong'u ibeli ya matoli ga ng'ombi kwa zahabu. Ndienu jwaapwagila bandu, “Mwabandu buku Izilaeli kunonwipi ngamaa kwiinu mwanganya kukwela kujenda ku musi Yelusalemu. Linga, yenze ndi isapanga yinu yeyumpiya kunndema uku Misili, mwiijenda kabe ku musi uku Yelusalemu kupia matambiku hoku.” 29Kimong'umong'u simu si litoli la ng'ombi jwikibeka ku musi uku Beseli, ni kimong'umong'u sa pili jwikibeka ku musi wa Dani. 30Lihengu heli labia kihakau, ndaba bandu bajenda kuipiiki imong'umong'u heyi matambiku ku Beseli nuku Dani. 31Kabee, bambu nkolongu Yelobuamu jasenga nyumba panani ji itombi nu kwaahagu akagolu banga bi likabila la Alawi.
Kulumbali ku Beseli
32Yelobuamu kabee jwalagalakia lisoba la kumi na tanu la mwei wa nani gabiya matola, ngati matola gagabiya gahengeka ku nndema uku Yuda. Jwapiya matambiku pa mesa ja malibu jejabii pandu payabi imong'umong'u ya matoli ga ng'ombi ya zahabu yeyabiya ku Beseli. Kabe jwahagula akagolu na kwaabeka kila pandu piitombi pukupiiki matambiku kwikimong'umong'u sekibii ku Beteli. 33Lisoba la komi na tanu la mwei wa nani, lejilihagula mweni, najombi jajenda ku Beseli kupiya matambiku. Ndinu ejatumbulia henga matola haga gajwagabeka kwa ndaba ja Aizilaeli, na mweni jwakwela panani ja pandu pukupiiki matambiku nu kupogale ubani.
Currently Selected:
1Akabambu Akolongu 12: MaBV
Highlight
Share
Copy
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.