Alawi 11
11
Malagalaki gaka Sapanga ga posu
Kukomboka 14:3-21
1Bambu Sapanga ampwagila Musa na Aloni, 2“Waapwagila Aizilaeli ana, ‘Mu inyama yoti yeibii punndema nhwesa kula, 3nhwesa kula inyama yoti sekibi ni ipaga yeibaganiki pandu pabeli na sekibaku. 4Lakini mwiikula kinyama sokopi sekibaku lakini ipaga yaki ngaseibaganiki pandu pabeli, au sesuse ipaga yaki ibaganiki lakini ngase kibaku. Mwiikula kinyama sebikikema ngamia, ndaba ngasekibaku lakini ipaga yaki itei kubaganiki pandu pabeli. Hesi ngasekijetakeka kwaka Sapanga. 5Mwiikula makupi, ndaba gatenda kubaku lakini ipaga yaki ngaseibaganiki, kwinu mwanganya hesi ngasekijetakiki palongi jaka Sapanga, 6Mwiikula ipesa, kinyama sehesi kitenda kubaku lakini ipaga yaki ngaseibaganika, kwinu mwanganya hesi ngasekijetakeka palongi jaka Sapanga. 7Mwiikula ligolobi, kinyama sehesi kibii ni kwatu yeibaganika lakini ngase kibaku, kwinu mwanganya hesi ngasekijetakiki palongi jaka Sapanga. 8Ndaba inyama yehei ngaseijetakiki kwaka Bambu Sapanga mwiikula inyama yaki wala mwiigusa mituhi jaki.’”
9Iumbi yokapi yumu nhanga au yukulosi yeibi ni mipepe na mangamba, nhwesa kula. 10Lakini kiumbi sokapi sekitama munhanga au nndosi, sesuse sanga ni mipepe wala mangamba, yani iyumbi yoti ye ijenda mmasi ni iyumbi yengi yoti yeitama mmasi, hei mwiikula ndaba nhilu kwinu. 11Kwinu mwanganya nhilu, mwiikula inyama jabu, wala mwigusa mituhi jabu ndaba ngaseijetakeka kwaka Bambu Sapanga. 12Sokapi sekitama mmasi sanga ni mipepe na mangamba ndi kwinu nhilu kula ndaba ngaseijetakiki kwaka Sapanga
13“Ijuni yenze kwinu ngaseijetakiki kwaka Sapanga, kupalika mwiikula. Ijuni yebiikema tai na fulukombe ni kipongu, 14limbanga na aina yoti yi ijuni yebiikema kozi, 15aina joti ya makongoo, 16mbuni na kiombanandela, kijuni sebikikema litwekuli, aina yoti ya mambanga, 17matungutu ni ijuni sebikikema mnandi ni matungutu likolongu, 18ni ijuni yebii ngati matungutu na mwali na mdeli, 19kikwanguu na aina joti ja koikoi na hudihudi ni inima.
20“Indu yoti yeibi na mapapati na yeijenda kwa magolu nsesi, hei ndi yanga kujetakeka palongi jaka Sapanga hei ndi nhilu kula. 21Lakini indu yengi yeibi na mapapati ijenda kwa magolu nsesi sukuhombahomba nhwesa kula. 22Nhwesa kula indu yebiikema mapai ni ingweti na aina ja mapai gangi. 23Lakini indu yengi yoti yeibi na mapapati na yeibii na magolu nsesi hei ndi ngaseijetakeka palongi jaka Sapanga.
24“Mundu jokapi anajugusiki mitui ji inyama yengi jukuba ngasejujetakeka palongi jaka Sapanga mbaka pakamii. 25Mundu ana anajutotwi mituhi jaki jikuba ngasejujetakiki palongi jaka Sapanga mbaka pakamii, ni ingobu yaki kupalika kusapa. 26Mundu jwokapi anajugusiki kinyama sekibi na kwatu yeibaganiki lakini ngase kibaku, mundu hoju jwiikuba ngasejujetakeka palongi jaka Sapanga. 27Inyama yoti yeijenda kwi iganza yabu hata na ibii na magolu baka Sapanga nsesi, ndi ngaseijetakiki palongi jaka Sapanga, najokapi jojigusa ntuhi gukinyama ngati hesi jwibia ngasejijetakiki palongi jaka Sapanga mbaka pakamii. 28Mundu jokapi jojwitotula ntuhi waki ngajijetakeki palongi jaka Sapanga, najwombi jwipalika kusapa ingobu yaki. Haba kwinu bibiya ngaseajetakeka palongi jaka Sapanga.
29“Iumbi yenze ngaseijetakiki kwaka Sapanga kwinu, yeyuye ndi indindi ni imboku na kila aina yiihumbi yebiikema masosoli gi mwikioli goa, 30ni kinyama sebikikema gulugulu na lunukolu na masosoli gu mulumatu na kinyama sebikikema golomwe na lwiya. 31Iyumbi hei yoti ndi ngaseijetakeka kwinu na jokapi jojigusa ntuhi gwabu, jwikuba ngasejujetakeka kwaka Sapanga mbaka pakamii. 32Mitui ji iumbi yeheyi anakihabuki sindu sokapi, kikubi sindu si imbau au ingobu au ngosi au liguni au sombu sokapi sekitumika ku lihengu lokapi lela, sombu sehesi sibiya ngakujetakeka kwaka Sapanga mbaka pakamii ili kukihenga kibiya sapi ndi kupalika kugolo mmasi. 33Ntui waki anaguhabuki nsombu su utopi, ndienu, sokapi sekibi nkati ja sombu hesi ndi sibiya ngasekijetakeka nu kupalika kukaju sombu sehesi. 34Posu au sindu sakunywa sokapi sekibi nkati ja sombu sehesi kiibiya ngasekijetakeka na sindu sokapi sekijingi mu masi sesuse kiwesa kunyweleka kuhuma mu kibega hesi ndi ngasijetakeki palongi jaka Sapanga. 35Sindu sokapi anakihabuki pandu pu ntuhi, sibiya ngasekijetakeka. Likubi lijiku au kibega kupalika kukaju. Ikuba ngaseijetakeka. 36Hata hela, kiliba au semusemu ja masi jiikuba sapi. Lakini sokapi sekigusa ntuhi kibia ngasekijetakeka. 37Mitui anajihabuki mwi imbeju yukupanda, imbeju yeheyi yibia ijetakeka. 38Lakini ana imbeju atumbuki nkati ja masi ili kumela na pandu pokapi puntuhi anaguhabuki, enu, imbeju heyi kwinu ngaseijetakeka.”
39“Kinyama sokapi sekijetakeka kula, anakikuiki seni, jwokapi jojigusa ntuhi gwaki, jwikuba ngasejujetakeka mbaka pakamii. 40Mundu jokapi anajulii inyama ju ntuhi hogu jipalika kusapa ingobu yaki na jwikuba ngakujetakeka na Sapanga mbaka pakamii. Na mundu jokapi jojiitotula ntuhi hogu, jwisapa ingobu yaki, najwombi jwikuba ngakujetakeka mbaka pakamii.”
41“Kiumbi sokapi sekikwaba pundema ndi ngasekijetakeka kwinu, mwikula hata kulenga. 42Sokapi sekikwaba, sokapi sekijenda ku magolu goti nsesi au magolu gingi, na sokapi sekikwaba, mwikula hata kulenga ndaba ngaseijetakeka kwinu yanhenga mwanndumbali Sapanga. 43Mwalihenga kuba mwanga kujetakeka kwaka Sapanga kwakula sindu sokapi kuuma mwiiumbi hei. 44Nepani Bambu Sapanga ndi Sapanga winu, mulibeka palongi jangu na kuba mwabandu mobumbei kwa ndaba jangu ndaba mwanganya mwa bandu bangu namwete. 45Nepani Bambu Sapanga nenumboa pundema guku Misili ili nguba na Sapanga winu, ndienu mbiya mwaasapi ngati nepani emi.”
46Hogu ndiu nhilu gogulongale inyama, ijuni ni iyumbi yoti yeibii yomi yeitama mmasi nu munndema, 47kupalika mmanya inyama yeijetakeka na Sapanga na yanga kujetakeka na Sapanga yeikileleka na yanga kuleleka.
Currently Selected:
Alawi 11: MaBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.