Nau Ntơm 38
38
Y-Yuđa jêh ri H'Tamar
1Rnôk nây, Y-Yuđa du luh bơh phung nâu oh păng, trŭnh gŭ ndrel ma du huê bunuyh Adulam, amoh păng Y-Hira. 2Ta nây, Y-Yuđa saơ kon bu ur Y-Sua, du huê bunuyh ƀon Kanaan. Păng sŏk ƀư ur jêh ri gŭ nsum đah păng. 3Păng ntreo, deh du huê kon bu klâu jêh ri ntơ amoh Y-Er. 4Păng ntreo đŏng, deh tay du huê kon bu klâu jêh ri amoh Y-Ônan. 5Jêh nây păng deh tay du huê kon bu klâu đŏng jêh ri amoh Y-Sêla. Y-Yuđa dôl gŭ ta Chêsip nôk ur păng deh kon tal pe.
6Y-Yuđa nsông ăn Y-Er, kon bu klâu bôk rah păng, ma du huê ur, amoh păng H'Tamar. 7Ƀiălah Y-Er kon bu deh bôk rah ma Y-Yuđa, ƀư nau djơh mhĭk tanăp măt Brah Yêhôva, yor ri Kôranh Brah nkhĭt păng. 8Y-Yuđa lah ma Y-Ônan: “May hăn gŭ ndrel ur nâu may, ăn may ƀư tĭng nau vay oh sai păng, gay geh kon ma nâu may.” 9Ƀiălah Y-Ônan gĭt ma noi deh nây mâu mra jêng ma păng ôh, yor ri lah păng hăn gŭ đah ur nâu păng pôri dak ntil ƀư tŭp tâm neh gay mâu thoi ôh noi deh ma nâu păng. 10Nau Y-Ônan ƀư nây jêng nau djơh mhĭk tanăp măt Brah Yêhôva jêh ri Kôranh Brah nkhĭt păng đŏng. 11Y-Yuđa lah ma H'Tamar, ƀăn păng: “Ăn ay plơ̆ sĭt tâm ngih mbơ̆ ay jêh ri rêh ndrô kŏ tât nôk Y-Sêla, kon bu klâu gâp, văch ma toyh.” Yorlah Y-Yuđa klach: “Păng mra khĭt nâm bu bar hê nâu păng!” H'Tamar plơ̆ sĭt tâm ngih mbơ̆ păng.
12Jŏ năm pakơi, kon bu ur Y-Sua, ur Y-Yuđa khĭt. Lah Y-Yuđa bah jêh nau rngot rvê, Y-Yuđa ndrel băl păng jêng Y-Hira, bunuyh ƀon Adulam, hăn hao ta Timna, jêng ntŭk phung gŭ nkăp rsau biăp ma păng. 13Bu mbơh ma H'Tamar: “Aơ, po ay dôl hăn hao ta Timna gay ma nkăp rsau biăp păng.” 14H'Tamar doh lơi ao bu ur ndrô, sŏk bok nkŭm muh măt, nkŭm lĕ săk păng, jêh nây gŭ êp ntŭk lăp ƀon Ênaim, ta trong hăn tât ta Timna. Păng ƀư kơt nây yorlah hŏ saơ Y-Sêla văch ma toyh jêh, ƀiălah bu mâu ăn ôh păng jêng ur Y-Sêla. 15Y-Yuđa saơ păng, mĭn jêng bu ur văng tĭr yorlah păng nkŭm muh măt păng. 16Y-Yuđa hăn prot ta păng ta pĭt trong jêh ri lah: “Ăn gâp gŭ ndrel ay,” yorlah păng mâu gĭt ôh nơm nây jêng ƀăn păng nơm. Bu ur nây ôp: “Moh ndơ may mra ăn gâp lah may tât gŭ ndrel ma gâp?” 17Păng ơh: “Gâp mra njuăl ma ay be kon bơh mpôl be gâp.” Bu ur nây ôp tay: “Moh ntil ndơ may ăn ma gâp ƀư nau ton kŏ tât nôk may njuăl kon be nây?” 18Păng ôp: “Moh ntil ndơ gâp mra ăn ma ay gay ƀư nau ton aơ?” Bu ur nây ơh: “Rgên ta ti n'hanh rse jêh ri mâng jra may dôl djôt ta ti.” Y-Yuđa ăn lĕ ndơ nây ma păng jêh ri hăn gŭ ndrel ma păng. Pôri păng ntreo đah Y-Yuđa. 19Jêh nây păng dâk jêh ri hăn sĭt, doh lơi bok nkŭm, nsoh kho ao bu ur ndrô.
20Y-Yuđa đă băl păng bunuyh Adulam njuăl be kon tât ma bu ur nây gay sŏk sĭt lĕ ndơ ƀư nau ton bơh păng, ƀiălah băl păng mâu saơ ôh bu ur nây. 21Păng ôp phung bunuyh gŭ ta ntŭk nây: “Mbah bu ur văng tĭr gŭ êp ta pĭt trong dăch bôk mpông ƀon Ênaim?” Khân păng ơh: “Mâu geh ôh bu ur văng tĭr ta aơ.” 22Băl păng plơ̆ sĭt ma Y-Yuđa jêh ri lah: “Gâp mâu ôh saơ păng. Phung bunuyh gŭ ta ntŭk nây lah mâu geh ôh bu ur văng tĭr ta aơ.” 23Y-Yuđa lah: “Kađôi ăn păng djôt prăp lĕ ndơ nây, iăt ma he mâu ôh geh nau bêk. Gâp njuăl jêh be kon aơ, bi may lĕ joi jêh ƀiălah mâu ôh saơ păng.”
24Klăp lah pe khay pakơi, bu mbơh ma Y-Yuđa: “H'Tamar ƀăn may hŏ ƀư bu ur văng tĭr, păng nkhơng ma ntreo êng đŏng.” Y-Yuđa lah: “Leo hom păng luh padih jêh ri ăn bu su păng.” 25Nôk dôl bu leo păng padih, H'Tamar ăn bu mbơh ma po păng pô aơ: “Gâp ntreo yor đah nơm geh ndơ aơ. Dăn may uănh hom, bu moh rgên ti n'hanh rse jêh ri mâng jra aơ.” 26Y-Yuđa gĭt năl ro lĕ ntil ndơ nây jêh ri lah: “H'Tamar di lơn ma gâp, yorlah gâp mâu hŏ ăn ôh păng jêng ur Y-Sêla, kon gâp.” Bơh nây, Y-Yuđa mâu hôm gŭ nsum ôh đah păng.
27Tât nar păng deh, bu gĭt tâm ndŭl păng geh bă kon bar. 28Nôk păng dôl deh, du huê kon luh mpơl ti lor. Ti bu ur n'hŭm kuăn ti păng, kât rse brai chăng, jêh ri lah: “Nơm aơ deh lor.” 29Ƀiălah kon nây rhuăt ti, jêh ri, nâu păng du luh. Bu ur n'hŭm lah: “May lĕ nkhêk rtat!” Yor nây, bu ntơ amoh păng Y-Pêres.#38:29 Pêres: Ntơ aơ tâm nau ngơi Hêbrơ nâm ntĭt jêng “hêk”. 30Jêh nây, oh păng du luh, nơm geh kât ma rse brai chăng ta ti jêh ri bu ntơ amoh păng Y-Sêra.#38:30 Sêra: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “sut chăng”.
Currently Selected:
Nau Ntơm 38: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
Nau Ntơm 38
38
Y-Yuđa jêh ri H'Tamar
1Rnôk nây, Y-Yuđa du luh bơh phung nâu oh păng, trŭnh gŭ ndrel ma du huê bunuyh Adulam, amoh păng Y-Hira. 2Ta nây, Y-Yuđa saơ kon bu ur Y-Sua, du huê bunuyh ƀon Kanaan. Păng sŏk ƀư ur jêh ri gŭ nsum đah păng. 3Păng ntreo, deh du huê kon bu klâu jêh ri ntơ amoh Y-Er. 4Păng ntreo đŏng, deh tay du huê kon bu klâu jêh ri amoh Y-Ônan. 5Jêh nây păng deh tay du huê kon bu klâu đŏng jêh ri amoh Y-Sêla. Y-Yuđa dôl gŭ ta Chêsip nôk ur păng deh kon tal pe.
6Y-Yuđa nsông ăn Y-Er, kon bu klâu bôk rah păng, ma du huê ur, amoh păng H'Tamar. 7Ƀiălah Y-Er kon bu deh bôk rah ma Y-Yuđa, ƀư nau djơh mhĭk tanăp măt Brah Yêhôva, yor ri Kôranh Brah nkhĭt păng. 8Y-Yuđa lah ma Y-Ônan: “May hăn gŭ ndrel ur nâu may, ăn may ƀư tĭng nau vay oh sai păng, gay geh kon ma nâu may.” 9Ƀiălah Y-Ônan gĭt ma noi deh nây mâu mra jêng ma păng ôh, yor ri lah păng hăn gŭ đah ur nâu păng pôri dak ntil ƀư tŭp tâm neh gay mâu thoi ôh noi deh ma nâu păng. 10Nau Y-Ônan ƀư nây jêng nau djơh mhĭk tanăp măt Brah Yêhôva jêh ri Kôranh Brah nkhĭt păng đŏng. 11Y-Yuđa lah ma H'Tamar, ƀăn păng: “Ăn ay plơ̆ sĭt tâm ngih mbơ̆ ay jêh ri rêh ndrô kŏ tât nôk Y-Sêla, kon bu klâu gâp, văch ma toyh.” Yorlah Y-Yuđa klach: “Păng mra khĭt nâm bu bar hê nâu păng!” H'Tamar plơ̆ sĭt tâm ngih mbơ̆ păng.
12Jŏ năm pakơi, kon bu ur Y-Sua, ur Y-Yuđa khĭt. Lah Y-Yuđa bah jêh nau rngot rvê, Y-Yuđa ndrel băl păng jêng Y-Hira, bunuyh ƀon Adulam, hăn hao ta Timna, jêng ntŭk phung gŭ nkăp rsau biăp ma păng. 13Bu mbơh ma H'Tamar: “Aơ, po ay dôl hăn hao ta Timna gay ma nkăp rsau biăp păng.” 14H'Tamar doh lơi ao bu ur ndrô, sŏk bok nkŭm muh măt, nkŭm lĕ săk păng, jêh nây gŭ êp ntŭk lăp ƀon Ênaim, ta trong hăn tât ta Timna. Păng ƀư kơt nây yorlah hŏ saơ Y-Sêla văch ma toyh jêh, ƀiălah bu mâu ăn ôh păng jêng ur Y-Sêla. 15Y-Yuđa saơ păng, mĭn jêng bu ur văng tĭr yorlah păng nkŭm muh măt păng. 16Y-Yuđa hăn prot ta păng ta pĭt trong jêh ri lah: “Ăn gâp gŭ ndrel ay,” yorlah păng mâu gĭt ôh nơm nây jêng ƀăn păng nơm. Bu ur nây ôp: “Moh ndơ may mra ăn gâp lah may tât gŭ ndrel ma gâp?” 17Păng ơh: “Gâp mra njuăl ma ay be kon bơh mpôl be gâp.” Bu ur nây ôp tay: “Moh ntil ndơ may ăn ma gâp ƀư nau ton kŏ tât nôk may njuăl kon be nây?” 18Păng ôp: “Moh ntil ndơ gâp mra ăn ma ay gay ƀư nau ton aơ?” Bu ur nây ơh: “Rgên ta ti n'hanh rse jêh ri mâng jra may dôl djôt ta ti.” Y-Yuđa ăn lĕ ndơ nây ma păng jêh ri hăn gŭ ndrel ma păng. Pôri păng ntreo đah Y-Yuđa. 19Jêh nây păng dâk jêh ri hăn sĭt, doh lơi bok nkŭm, nsoh kho ao bu ur ndrô.
20Y-Yuđa đă băl păng bunuyh Adulam njuăl be kon tât ma bu ur nây gay sŏk sĭt lĕ ndơ ƀư nau ton bơh păng, ƀiălah băl păng mâu saơ ôh bu ur nây. 21Păng ôp phung bunuyh gŭ ta ntŭk nây: “Mbah bu ur văng tĭr gŭ êp ta pĭt trong dăch bôk mpông ƀon Ênaim?” Khân păng ơh: “Mâu geh ôh bu ur văng tĭr ta aơ.” 22Băl păng plơ̆ sĭt ma Y-Yuđa jêh ri lah: “Gâp mâu ôh saơ păng. Phung bunuyh gŭ ta ntŭk nây lah mâu geh ôh bu ur văng tĭr ta aơ.” 23Y-Yuđa lah: “Kađôi ăn păng djôt prăp lĕ ndơ nây, iăt ma he mâu ôh geh nau bêk. Gâp njuăl jêh be kon aơ, bi may lĕ joi jêh ƀiălah mâu ôh saơ păng.”
24Klăp lah pe khay pakơi, bu mbơh ma Y-Yuđa: “H'Tamar ƀăn may hŏ ƀư bu ur văng tĭr, păng nkhơng ma ntreo êng đŏng.” Y-Yuđa lah: “Leo hom păng luh padih jêh ri ăn bu su păng.” 25Nôk dôl bu leo păng padih, H'Tamar ăn bu mbơh ma po păng pô aơ: “Gâp ntreo yor đah nơm geh ndơ aơ. Dăn may uănh hom, bu moh rgên ti n'hanh rse jêh ri mâng jra aơ.” 26Y-Yuđa gĭt năl ro lĕ ntil ndơ nây jêh ri lah: “H'Tamar di lơn ma gâp, yorlah gâp mâu hŏ ăn ôh păng jêng ur Y-Sêla, kon gâp.” Bơh nây, Y-Yuđa mâu hôm gŭ nsum ôh đah păng.
27Tât nar păng deh, bu gĭt tâm ndŭl păng geh bă kon bar. 28Nôk păng dôl deh, du huê kon luh mpơl ti lor. Ti bu ur n'hŭm kuăn ti păng, kât rse brai chăng, jêh ri lah: “Nơm aơ deh lor.” 29Ƀiălah kon nây rhuăt ti, jêh ri, nâu păng du luh. Bu ur n'hŭm lah: “May lĕ nkhêk rtat!” Yor nây, bu ntơ amoh păng Y-Pêres.#38:29 Pêres: Ntơ aơ tâm nau ngơi Hêbrơ nâm ntĭt jêng “hêk”. 30Jêh nây, oh păng du luh, nơm geh kât ma rse brai chăng ta ti jêh ri bu ntơ amoh păng Y-Sêra.#38:30 Sêra: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “sut chăng”.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.