Rutu 4
4
Poasi 'e To'oana Rutu
1Horo'a naina Poasi 'eka ra ta'ao hana hanua nia arahuna 'eka raurau a'i, ma 'eka to'oru taina. Ana horo'a naina ke ma na'oni maneni usuma'aniha 'e ritaro, ma Poasi 'eka poi tarea, <<hoeku ho'ita'i mai, ho'ita'i mai ma 'oko ramai to'oru hu'a.>> Naina 'e ho'ita'i mai ma 'e ra to'oru hu'a.
2Poasi 'e rokoa awarani pauni mane raona hanua wau, <<ma 'eka arahu 'uri'ene, 'au to'oru hu'a tai'ene,>> ma kira to'oru. 3Naina ma 'eka arahu tarea te na'oni maneni usuma'aniha takihana kira 'aehu, <<Mani mako tahuna wa'ana koru 'Erimereke 'e 'oni, ma keni 'ene Naomi nia 'e ori mai mania Moapu 'eka tau hana ha'ahorina'ani a'i. 4Na ni'irae 'e rete hana na ka iri hatania 'are 'ene tari 'o ma 'e rete hana 'oko horia no'o maana rikimana ii to'oru 'ene ma maana rikimana na'oni mane paina ana ta'a nau 'ene. 'Are mara 'o raea usuma'inia a'i, ma 'oko usuma'inia no'o. Tairihi 'are mara 'oko ma usuma'inia, ma 'oko iria tare nau, hana na ka raea manataha 'o. Te noni 'ema to'oana 'okiraha hana usuma'iha ru'u popona i'o, i'o ka mao ma inau mane popomu ana hutaa.>>
<<Na ka rao usuma'inia,>> mane 'eka arahu 'urina.
5Naina Poasi 'eka arahu 'uri'ene, <<'O raea hairatoa nia 'oko horia mako mania Naomi ma mania Rutu kenin Moapu, ma horo'a naina ke ra'o nia oko torea huka tahuna mane 'e mae naina, hana ratana mane 'e mae 'eka oni to'o ha'ania to'o'areha naia.>>.
6Horo'a naina na'oni maneni usuma'iha 'e arahu 'uri'ene, <<'Eka 'una ma na si usum'iania tauma 'e tohaana to'o'areha nau. I'o 'oko usuma'inia no'o mara mu tahuna inau na si usuma'inia no'o.>>
7(No'o wau 'ua raona 'Isirero, hana usuma'iniha ma hairikitaiha ana to'o'areha hana 'eka rau, te po'o ana kira 'eka hu'ea 'ahu'ae'ae ma 'eka watea hana te po'o. 'Urihana totoraha hana to'ora'ani ana hairikisiha raona 'Isiraero).
8Naina na'oni maneni usuma'iniha 'eka arahu 'uri'ene tarea Poasi, <<'Eka 'una ma horia.>> Ma 'e ho'ea ahu'ae'ae naia.
9Naina ma Poasi 'eka ha'ahoura'a nia no'o tarea hi na'oni mane kira 'oni ma rikimana ta'a taina, <<Siri'ina 'au rioraea inau na horia mania Naomi rikimana to'o'areha tahuna 'Erimereke, ma rikimana to'o'areha Kirioni ma Maroni. 10Ma Rutu kenini Moapu, nao tahuna Maroni na horia ra'o hana 'eka rau hana huka nau, 'are 'ene na ka taua hana ratana mane 'e mae 'eka 'onito'o ha'ania to'o'areha naia ma 'are 'ene na taua hana ratana tauna kira mae no'o hana 'esi tata mania hutaa kira ma 'esi tata mania rihitaihai nia kira a'i. Siri'ina 'au rioraea 'are 'uta na taua 'ene!>>
11Naina hi na'oni mane ma rikimana ta'a kira roko maana ta'era kira ka arahu 'uri'ene, <<I'ami siko 'ami resia ma 'ami raea ita nia 'o taua siri'ina 'ene. Raita'ania Iawe 'eka taua hana keni 'eka ramai hiraona nima 'o hana 'eka 'urihana Reisero ma Lia, nia keroa to'ia nima ni 'Isirero. Raita'ania totoraha rete 'o 'eka hou raona 'Eparata ma ratana mu 'eka taro raona Petelehem. 12Mai mania mera nia Iawe 'eka watea hamu ana keni hao'ru 'ene, raita'ania 'uruhamu 'eka 'urihana 'uruhana Peresi, nia 'e huta ana Tama hana Tiuta.>>
Hutaa Tewete
13Naina Poasi 'e torea Rutu no'o ma 'e rauhana huka naia no'o. Naina mane 'e hiku no'o ha'ania, ma Iawe 'e haiponia keni hana 'eka pao, ma 'e ha'ahuta mera mane. 14Hi keni kira ka arahu 'uri'ene tarea Naomi: <<'Ami ka ha'apaina Iawe, tonaana siri'ina 'ema rukata'i ni 'o tairihi 'e watea hamu na'oni maneni usuma'iniha. Raita'ania ratana 'eka taro raona 'Isirero ha'eraku! 15Inaia mane 'eka rao watea mauriha haoru hamu ma 'eka rao rio su'amu horo'a 'oko noni paina. Tonaana keni hunomu, 'e raeto'o amu ma 'e rete taroriua hiu mera mane, inaia 'e ha'ahuta mera mane hamu.>>
16Naina Naomi 'e torea mera, ma 'e perasia hahoana rarahana ma 'e koni retea mera 'ene. 17Naina ma hi keni kira 'oni taria taina kira ka arahu uri'ene, <<Mera mane 'e huta ana Naomi.>> Ma Kira ka ha'ahoia ana 'Opete. Inaia mamana Tiesi, nia 'e mamana Tewete.
18Mania taina hutaa Peresi 'e tara'ae:
Peresi 'e ha'ahutaa Hesironi,
19Hesironi 'e ha'ahutaa Ramu,
Ramu 'e ha'ahutaa 'Aminatapu,
20'Aminatapu 'e ha'ahutaa Nasoni,
Nasoni 'e ha'ahutaa Saramoni,
21Saramoni 'e ha'ahutaa Poasi,
Poasi 'e ha'ahutaa 'Opete,
22'Opete 'e ha'ahutaa Tiesi
Ma Tiesi 'e ha'ahutaa Tewete.
Currently Selected:
Rutu 4: ALU
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
Rutu 4
4
Poasi 'e To'oana Rutu
1Horo'a naina Poasi 'eka ra ta'ao hana hanua nia arahuna 'eka raurau a'i, ma 'eka to'oru taina. Ana horo'a naina ke ma na'oni maneni usuma'aniha 'e ritaro, ma Poasi 'eka poi tarea, <<hoeku ho'ita'i mai, ho'ita'i mai ma 'oko ramai to'oru hu'a.>> Naina 'e ho'ita'i mai ma 'e ra to'oru hu'a.
2Poasi 'e rokoa awarani pauni mane raona hanua wau, <<ma 'eka arahu 'uri'ene, 'au to'oru hu'a tai'ene,>> ma kira to'oru. 3Naina ma 'eka arahu tarea te na'oni maneni usuma'aniha takihana kira 'aehu, <<Mani mako tahuna wa'ana koru 'Erimereke 'e 'oni, ma keni 'ene Naomi nia 'e ori mai mania Moapu 'eka tau hana ha'ahorina'ani a'i. 4Na ni'irae 'e rete hana na ka iri hatania 'are 'ene tari 'o ma 'e rete hana 'oko horia no'o maana rikimana ii to'oru 'ene ma maana rikimana na'oni mane paina ana ta'a nau 'ene. 'Are mara 'o raea usuma'inia a'i, ma 'oko usuma'inia no'o. Tairihi 'are mara 'oko ma usuma'inia, ma 'oko iria tare nau, hana na ka raea manataha 'o. Te noni 'ema to'oana 'okiraha hana usuma'iha ru'u popona i'o, i'o ka mao ma inau mane popomu ana hutaa.>>
<<Na ka rao usuma'inia,>> mane 'eka arahu 'urina.
5Naina Poasi 'eka arahu 'uri'ene, <<'O raea hairatoa nia 'oko horia mako mania Naomi ma mania Rutu kenin Moapu, ma horo'a naina ke ra'o nia oko torea huka tahuna mane 'e mae naina, hana ratana mane 'e mae 'eka oni to'o ha'ania to'o'areha naia.>>.
6Horo'a naina na'oni maneni usuma'iha 'e arahu 'uri'ene, <<'Eka 'una ma na si usum'iania tauma 'e tohaana to'o'areha nau. I'o 'oko usuma'inia no'o mara mu tahuna inau na si usuma'inia no'o.>>
7(No'o wau 'ua raona 'Isirero, hana usuma'iniha ma hairikitaiha ana to'o'areha hana 'eka rau, te po'o ana kira 'eka hu'ea 'ahu'ae'ae ma 'eka watea hana te po'o. 'Urihana totoraha hana to'ora'ani ana hairikisiha raona 'Isiraero).
8Naina na'oni maneni usuma'iniha 'eka arahu 'uri'ene tarea Poasi, <<'Eka 'una ma horia.>> Ma 'e ho'ea ahu'ae'ae naia.
9Naina ma Poasi 'eka ha'ahoura'a nia no'o tarea hi na'oni mane kira 'oni ma rikimana ta'a taina, <<Siri'ina 'au rioraea inau na horia mania Naomi rikimana to'o'areha tahuna 'Erimereke, ma rikimana to'o'areha Kirioni ma Maroni. 10Ma Rutu kenini Moapu, nao tahuna Maroni na horia ra'o hana 'eka rau hana huka nau, 'are 'ene na ka taua hana ratana mane 'e mae 'eka 'onito'o ha'ania to'o'areha naia ma 'are 'ene na taua hana ratana tauna kira mae no'o hana 'esi tata mania hutaa kira ma 'esi tata mania rihitaihai nia kira a'i. Siri'ina 'au rioraea 'are 'uta na taua 'ene!>>
11Naina hi na'oni mane ma rikimana ta'a kira roko maana ta'era kira ka arahu 'uri'ene, <<I'ami siko 'ami resia ma 'ami raea ita nia 'o taua siri'ina 'ene. Raita'ania Iawe 'eka taua hana keni 'eka ramai hiraona nima 'o hana 'eka 'urihana Reisero ma Lia, nia keroa to'ia nima ni 'Isirero. Raita'ania totoraha rete 'o 'eka hou raona 'Eparata ma ratana mu 'eka taro raona Petelehem. 12Mai mania mera nia Iawe 'eka watea hamu ana keni hao'ru 'ene, raita'ania 'uruhamu 'eka 'urihana 'uruhana Peresi, nia 'e huta ana Tama hana Tiuta.>>
Hutaa Tewete
13Naina Poasi 'e torea Rutu no'o ma 'e rauhana huka naia no'o. Naina mane 'e hiku no'o ha'ania, ma Iawe 'e haiponia keni hana 'eka pao, ma 'e ha'ahuta mera mane. 14Hi keni kira ka arahu 'uri'ene tarea Naomi: <<'Ami ka ha'apaina Iawe, tonaana siri'ina 'ema rukata'i ni 'o tairihi 'e watea hamu na'oni maneni usuma'iniha. Raita'ania ratana 'eka taro raona 'Isirero ha'eraku! 15Inaia mane 'eka rao watea mauriha haoru hamu ma 'eka rao rio su'amu horo'a 'oko noni paina. Tonaana keni hunomu, 'e raeto'o amu ma 'e rete taroriua hiu mera mane, inaia 'e ha'ahuta mera mane hamu.>>
16Naina Naomi 'e torea mera, ma 'e perasia hahoana rarahana ma 'e koni retea mera 'ene. 17Naina ma hi keni kira 'oni taria taina kira ka arahu uri'ene, <<Mera mane 'e huta ana Naomi.>> Ma Kira ka ha'ahoia ana 'Opete. Inaia mamana Tiesi, nia 'e mamana Tewete.
18Mania taina hutaa Peresi 'e tara'ae:
Peresi 'e ha'ahutaa Hesironi,
19Hesironi 'e ha'ahutaa Ramu,
Ramu 'e ha'ahutaa 'Aminatapu,
20'Aminatapu 'e ha'ahutaa Nasoni,
Nasoni 'e ha'ahutaa Saramoni,
21Saramoni 'e ha'ahutaa Poasi,
Poasi 'e ha'ahutaa 'Opete,
22'Opete 'e ha'ahutaa Tiesi
Ma Tiesi 'e ha'ahutaa Tewete.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.