Jone 5
5
I Jisu sa Salania Kai Qao pa Keketai Lolu Pie
1Pa liguna na sakasava aipira sa sa taroiti sa kai vavolo tadira na tinoni Jiu, ko sa sae pa Jerusalema si Jisu. 2Ko sa tata pa Atakamana Sipi pa Jerusalema ketakoi sa sa koleona sa kai lolu pie, na isongona sa na Betizata pa paranga Aramaiki, ko sa kolea ka lima ongonguna sisa. 3Ketakoi sa qai kubo sira na vaikamu minete tinoni momodi qai kole loka, ira na leqa, na qao beto ira sa mate kale na kobu tinidi.#5.3 Na pikata 3b-4 sa kaki paparanga qai kole pa kaki kukuti kokoleidi, pira qarigu: <<qai kole lolokania na nyakilina na kolo. 4 Ura koleona na totoso sa na mateana tana Tamasa sa sa gogore lagere, ko sa vanyakilia sa na kolo isa. Ko na tinoni mo sa lao momoe totonai sa nyakili na kolo isa sa sa tasalana sa na mo sa vaia isa.>> 5Ko sa koleona ketakoi sa kai tinoni sa kole mo ka uengavulu vesu aoro.
6Ko sa batia i Jisu sa korapa kole ketakoi sisa ko sa dogoro gigilai i Jisu na kakasana jola sa na totoso sa kole mo isa, ko sa parangia, <<Ai vei qu nyogua tasalana sao?>> saunia.
7Poni sa oe lao sa na tinoni mo isa, <<Bangara, ara sa kepore kai tinoni bi tokanisiu, ko bi toni laonisiu pa lolu pie totonai sa nyakili na kolo. Totonai qa korapa popodeke ko ba lao qau, poni sa kaki goto tinoni tu sa qai tei lalao momoe tu,>> sau.
8Poni sa paranga laoia i Jisu sisa, <<Mu turu, mu pogosia na mua lovu ko mu rerege,>> saunia. 9Isa tugu sa paranga vei isa poni sake ruavo tugu tasalana sa na tinoni isa, ko sa teku pogosia sa na ona lovu beto sa rerege riuona.
Ko na rane Minere sa sa roiti vei inara i Jisu. 10Ko ira na mamata tadira na tinoni Jiu qai kole paparanga laoia sa na tinoni sa koni tasalana, pira qarigunia, <<Na rane Minere sa pa ngeni, ko sake tavamalumu pana Vavanau sa ao qu korapa pogoso lovu,>> qarigunia.
11Poni sa oe laoria isa sira, <<Ura ara na tinoni tu sa salanasiu sa pira sa garunu veinisiu, <Mu pogosia na mua lovu ko mu rerege!> saunisiu,>> sauniria.
12Poni qai nanasa laoia sisa, <<I sei sa na tinoni isa sa garunigo ko mu pogosia na mua lovu ko mu rerege saunigo ao?>> qarigu.
13Ba sake dogoro gigilai na tinoni sa tasalana api si Jisu, ura qai kubo sa na vaikamu tinoni ketakoi ko i Jisu ba sa tei pae riuona tu pa vaikamu tinoni. 14Liligu tu sa batia i Jisu pa kakabarena zelepade tu sisa, ko pira saunia, <<Doro! Kopira qu tei jonga tu sao! Ko mu noso roitiniria na toa ikerena kita mu gosoria na tapata lavatana jola,>> saunia. 15Ko totonai tu sa sa taloa sa na tinoni api ko sa riu ule vaniria ira na mamata tadira na tinoni sa i Jisu sa salania isa sauniria. 16Pa totoso isa sa qai podalai roiti kokomitia ira si Jisu, ura sa roitiniria na roiti vevei pira pa rane Minere. 17Ba sa pojaniria i Jisu sira, <<Ara na Tamaqu sa sa roiti lao gu doru totoso. Ko ara ba mana roiti vei tugu,>> sau.
18Totonai sa paranga vei inara isa sa qai tagigiri sira na mamata Jiu, ko qai nyorogua vivitigi vamatea si Jisu, ura nake mekana gu na rane Minere sa majai isa, goto sa pojai tugu vei sa na Tamasa sa na Tamana mekana sau, ko sa vei sa sa vakai muqisi podeke mulenia mekana tana Tamasa sisa.
Na Neqi tana Tuna na Tamasa
19Poni sa oeria i Jisu sira na mamata Jiu, pira sauniria, <<Sosoto pa sosoto ma pojanigou ara sagou: na Tuna sa sake boka roitinia kai sa mekana, goto isa gu vei sa batia sa roitinia na Tamana sa sa roitinia sa na Tuna. 20Ura na Tamana sa roroqu vivitigia sa na Tuna ko sa vadogoronia na Tuna sira doru vei sa roitiniria mekana isa. Beto ko kode mina vabatinia mutugu na Tamana isa sira na sakasa poreveveidi mina roitiniria ko mina jolaniria aipira, ko muna gabara beto sagou doru. 21Sa vaitoto vei tugu sa vatoa muleria na Tamana sira qai tei matedi tu ko sa vaniria na toa, poni sa na Tuna ba sa vaniria tugu na toa sira sa nyorogua vaniria. 22Na Tamana mekana ba sake pitua kai tinoni, goto sa tei ia lao vania tu na Tuna sa na neqi ko na Tuna sa mina pituria sira na tinoni. 23Ko mai valavatia ira doru tinoni sa na Tuna, vaitoto vei tugu qai valavatia ira sa na Tamana. Na tinoni sake valavatia na Tuna sa sake valavatia tugu sa na Tamana isa sa garunia sa na Tuna.
24Sosoto pa sosoto ma pojanigou ara sagou: isa sa nongororia na qua paranga beto sa vasosotoa sisa sa garunusiu ara, sa sa tekua na toa jola ko minake tapitu sisa; goto sa tei jolania tu isa sa na mate ko sa tei karovo lao tu pa toa. 25Sosoto pa sosoto ma pojanigou ara sagou: sa korapa lalameona sa na totoso, ko kopira tugu sa na totoso isa, tonai mai nongoria ira na tinoni qai tei matedi tu sa na ovovelena na Tuna na Tamasa, ko ira mai nongoria sa mai toa. 26Ura na Tamana mekana sa na kutana na toa, beto ko sa tei vania tu na neqi vei sa na Tuna ko na Tuna tugu sa na kutana na toa. 27Beto sa vania tugu vei na Tuna sa na neqi ko na Tuna mina boka pituria sira na tinoni, ura na Tuna na Tinoni sisa.
28Muke gabarania sisa qa pojanigou api; ura sa korapa lalameona sa na totoso tonai kode mai nongoria ira qai tei tagolomo tu sa na ovovelena isa. 29Ko mai okoto votu ketakoi qai tagolomo sira ko ira qai roiti vatale sa kode mai turu mule ko mai tekua na toa jola, goto ira qai roitinia nikerena sa mai turu mule ko mai tapitu,>> sau si Jisu.
Ira Qai Vavakatonia na Veveina i Jisu
30<<Ara qake boka roitinia kai sa pa qua neqi mekaqu; ba isa gu vei qa nongoria tana Tamaqu sa qa pitua ko na qua vaipitu sa na tuvisina, ura qake tutia na qua roroqu mekaqu goto na nyorogua tu tana isa sa garunusiu sa qa tutia. 31Vei ba ule mulenisiu mekaqu sara, poni sa na qua ulule sa bike pada tavasosoto. 32Ba koleona sa kame sa ululenia na veveiqu ara, ko ara qa gigilaiqua sa na ulule veveiqu ara sa ulenia isa sa na sosotona tugu.
33Qu tei garunu laonia tu agou tai Jone sira kaki tinoni pogoso nongoro ko sa tei ulenia tu isa sa na sosoto isa. 34Ara nake vei ko na ulule tana kai tinoni qa teku vasosotoa qakeu sa, goto qa pojaria ara sira na sakasava aipira ko mu boka taalo agou qau.
35I Jone sa na juke sa toa beto sa tolanga vakabere, ko agou qu qerania suvere mai pa iapeki totoso sa pa kabere tana. 36Ba koleona sa na ulule veveiqu ara sa sa poreveveina jolania na ulule ti Jone. Ura ira na roiti sa vanisiu na Tamaqu ko qa vaokotoria ara sa ira tugu sa na roiti qai ululenia na veveiqu ara beto qai ulenia sa ara sa na Tamaqu tu sa garunusiu. 37Ko isa na Tamaqu sa garunusiu isa sa sa tei ulenia tu na veveiqu ara. Agou qu oqoro isongo nongoria na ovovelena beto qu oqoro batia na tinonina sisa, 38beto ko quke teku vatogasia pa miu toa sa na ona paranga, ura quke vasosotoa agou sisa sa garunia na Tamaqu. 39Qu tiro vivilotoria agou sira na paranga pa Kukuti Tabuna, ura qu roroqua sa ketakoi kode muna batinia na toa jola qugu, ba ira na paranga qai takuti ketakoi sa qai ululenia sa na veveiqu gu ara. 40Ba agou qu daimiu tu lame sa taqu ko bu tekua na toa jola.
41Ara sa qake korapa nyaqo soana ko bai vatarasaesiu ira na tinoni qau. 42Ba qa gigila vatalegouqua ara sagou; qa gigilaiqua ara sa kepore na vairoqu lao tana Tamasa bi kole pa miu toa. 43Ara sa qa lame pa neqi tana Tamaqu, ba qu daimiu vatogasiu agou sara; goto vei bi kamu tu pa ona neqi mekana sa kai tinoni, sa kode muna vatogai agou sisa. 44Na vinatarasae gu tadira na tinoni sa qu kole nyaqoa agou ko bu tekua qugu, goto quke nyaqoa agou sa na vinatarasae tana Tamasa memekaina; ko ai mina vei beto muna boka vasosotosiu sara sa vei?
45Kita mu roroqua sa ara kode mana pitugou pa moena na Tamaqu. I Mosese tu isa qu tei vakolenia tu na miu totoravusu agou sa isa tugu sa kode mina pitugou. 46Ura vei bu vasosotoa agou si Mosese, poni sa ara ba bu vasosotosiu tugu, ura isa tugu na veveiqu gu ara sa sa kutia i Mosese. 47Ba quke vasosotoria kisa na kukuti sa kutiria isa, ko ai muna vei muna boka vasosotoria agou sira na paranga taqu sa vei!>> sau si Jisu.
Currently Selected:
Jone 5: LGA
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
Jone 5
5
I Jisu sa Salania Kai Qao pa Keketai Lolu Pie
1Pa liguna na sakasava aipira sa sa taroiti sa kai vavolo tadira na tinoni Jiu, ko sa sae pa Jerusalema si Jisu. 2Ko sa tata pa Atakamana Sipi pa Jerusalema ketakoi sa sa koleona sa kai lolu pie, na isongona sa na Betizata pa paranga Aramaiki, ko sa kolea ka lima ongonguna sisa. 3Ketakoi sa qai kubo sira na vaikamu minete tinoni momodi qai kole loka, ira na leqa, na qao beto ira sa mate kale na kobu tinidi.#5.3 Na pikata 3b-4 sa kaki paparanga qai kole pa kaki kukuti kokoleidi, pira qarigu: <<qai kole lolokania na nyakilina na kolo. 4 Ura koleona na totoso sa na mateana tana Tamasa sa sa gogore lagere, ko sa vanyakilia sa na kolo isa. Ko na tinoni mo sa lao momoe totonai sa nyakili na kolo isa sa sa tasalana sa na mo sa vaia isa.>> 5Ko sa koleona ketakoi sa kai tinoni sa kole mo ka uengavulu vesu aoro.
6Ko sa batia i Jisu sa korapa kole ketakoi sisa ko sa dogoro gigilai i Jisu na kakasana jola sa na totoso sa kole mo isa, ko sa parangia, <<Ai vei qu nyogua tasalana sao?>> saunia.
7Poni sa oe lao sa na tinoni mo isa, <<Bangara, ara sa kepore kai tinoni bi tokanisiu, ko bi toni laonisiu pa lolu pie totonai sa nyakili na kolo. Totonai qa korapa popodeke ko ba lao qau, poni sa kaki goto tinoni tu sa qai tei lalao momoe tu,>> sau.
8Poni sa paranga laoia i Jisu sisa, <<Mu turu, mu pogosia na mua lovu ko mu rerege,>> saunia. 9Isa tugu sa paranga vei isa poni sake ruavo tugu tasalana sa na tinoni isa, ko sa teku pogosia sa na ona lovu beto sa rerege riuona.
Ko na rane Minere sa sa roiti vei inara i Jisu. 10Ko ira na mamata tadira na tinoni Jiu qai kole paparanga laoia sa na tinoni sa koni tasalana, pira qarigunia, <<Na rane Minere sa pa ngeni, ko sake tavamalumu pana Vavanau sa ao qu korapa pogoso lovu,>> qarigunia.
11Poni sa oe laoria isa sira, <<Ura ara na tinoni tu sa salanasiu sa pira sa garunu veinisiu, <Mu pogosia na mua lovu ko mu rerege!> saunisiu,>> sauniria.
12Poni qai nanasa laoia sisa, <<I sei sa na tinoni isa sa garunigo ko mu pogosia na mua lovu ko mu rerege saunigo ao?>> qarigu.
13Ba sake dogoro gigilai na tinoni sa tasalana api si Jisu, ura qai kubo sa na vaikamu tinoni ketakoi ko i Jisu ba sa tei pae riuona tu pa vaikamu tinoni. 14Liligu tu sa batia i Jisu pa kakabarena zelepade tu sisa, ko pira saunia, <<Doro! Kopira qu tei jonga tu sao! Ko mu noso roitiniria na toa ikerena kita mu gosoria na tapata lavatana jola,>> saunia. 15Ko totonai tu sa sa taloa sa na tinoni api ko sa riu ule vaniria ira na mamata tadira na tinoni sa i Jisu sa salania isa sauniria. 16Pa totoso isa sa qai podalai roiti kokomitia ira si Jisu, ura sa roitiniria na roiti vevei pira pa rane Minere. 17Ba sa pojaniria i Jisu sira, <<Ara na Tamaqu sa sa roiti lao gu doru totoso. Ko ara ba mana roiti vei tugu,>> sau.
18Totonai sa paranga vei inara isa sa qai tagigiri sira na mamata Jiu, ko qai nyorogua vivitigi vamatea si Jisu, ura nake mekana gu na rane Minere sa majai isa, goto sa pojai tugu vei sa na Tamasa sa na Tamana mekana sau, ko sa vei sa sa vakai muqisi podeke mulenia mekana tana Tamasa sisa.
Na Neqi tana Tuna na Tamasa
19Poni sa oeria i Jisu sira na mamata Jiu, pira sauniria, <<Sosoto pa sosoto ma pojanigou ara sagou: na Tuna sa sake boka roitinia kai sa mekana, goto isa gu vei sa batia sa roitinia na Tamana sa sa roitinia sa na Tuna. 20Ura na Tamana sa roroqu vivitigia sa na Tuna ko sa vadogoronia na Tuna sira doru vei sa roitiniria mekana isa. Beto ko kode mina vabatinia mutugu na Tamana isa sira na sakasa poreveveidi mina roitiniria ko mina jolaniria aipira, ko muna gabara beto sagou doru. 21Sa vaitoto vei tugu sa vatoa muleria na Tamana sira qai tei matedi tu ko sa vaniria na toa, poni sa na Tuna ba sa vaniria tugu na toa sira sa nyorogua vaniria. 22Na Tamana mekana ba sake pitua kai tinoni, goto sa tei ia lao vania tu na Tuna sa na neqi ko na Tuna sa mina pituria sira na tinoni. 23Ko mai valavatia ira doru tinoni sa na Tuna, vaitoto vei tugu qai valavatia ira sa na Tamana. Na tinoni sake valavatia na Tuna sa sake valavatia tugu sa na Tamana isa sa garunia sa na Tuna.
24Sosoto pa sosoto ma pojanigou ara sagou: isa sa nongororia na qua paranga beto sa vasosotoa sisa sa garunusiu ara, sa sa tekua na toa jola ko minake tapitu sisa; goto sa tei jolania tu isa sa na mate ko sa tei karovo lao tu pa toa. 25Sosoto pa sosoto ma pojanigou ara sagou: sa korapa lalameona sa na totoso, ko kopira tugu sa na totoso isa, tonai mai nongoria ira na tinoni qai tei matedi tu sa na ovovelena na Tuna na Tamasa, ko ira mai nongoria sa mai toa. 26Ura na Tamana mekana sa na kutana na toa, beto ko sa tei vania tu na neqi vei sa na Tuna ko na Tuna tugu sa na kutana na toa. 27Beto sa vania tugu vei na Tuna sa na neqi ko na Tuna mina boka pituria sira na tinoni, ura na Tuna na Tinoni sisa.
28Muke gabarania sisa qa pojanigou api; ura sa korapa lalameona sa na totoso tonai kode mai nongoria ira qai tei tagolomo tu sa na ovovelena isa. 29Ko mai okoto votu ketakoi qai tagolomo sira ko ira qai roiti vatale sa kode mai turu mule ko mai tekua na toa jola, goto ira qai roitinia nikerena sa mai turu mule ko mai tapitu,>> sau si Jisu.
Ira Qai Vavakatonia na Veveina i Jisu
30<<Ara qake boka roitinia kai sa pa qua neqi mekaqu; ba isa gu vei qa nongoria tana Tamaqu sa qa pitua ko na qua vaipitu sa na tuvisina, ura qake tutia na qua roroqu mekaqu goto na nyorogua tu tana isa sa garunusiu sa qa tutia. 31Vei ba ule mulenisiu mekaqu sara, poni sa na qua ulule sa bike pada tavasosoto. 32Ba koleona sa kame sa ululenia na veveiqu ara, ko ara qa gigilaiqua sa na ulule veveiqu ara sa ulenia isa sa na sosotona tugu.
33Qu tei garunu laonia tu agou tai Jone sira kaki tinoni pogoso nongoro ko sa tei ulenia tu isa sa na sosoto isa. 34Ara nake vei ko na ulule tana kai tinoni qa teku vasosotoa qakeu sa, goto qa pojaria ara sira na sakasava aipira ko mu boka taalo agou qau.
35I Jone sa na juke sa toa beto sa tolanga vakabere, ko agou qu qerania suvere mai pa iapeki totoso sa pa kabere tana. 36Ba koleona sa na ulule veveiqu ara sa sa poreveveina jolania na ulule ti Jone. Ura ira na roiti sa vanisiu na Tamaqu ko qa vaokotoria ara sa ira tugu sa na roiti qai ululenia na veveiqu ara beto qai ulenia sa ara sa na Tamaqu tu sa garunusiu. 37Ko isa na Tamaqu sa garunusiu isa sa sa tei ulenia tu na veveiqu ara. Agou qu oqoro isongo nongoria na ovovelena beto qu oqoro batia na tinonina sisa, 38beto ko quke teku vatogasia pa miu toa sa na ona paranga, ura quke vasosotoa agou sisa sa garunia na Tamaqu. 39Qu tiro vivilotoria agou sira na paranga pa Kukuti Tabuna, ura qu roroqua sa ketakoi kode muna batinia na toa jola qugu, ba ira na paranga qai takuti ketakoi sa qai ululenia sa na veveiqu gu ara. 40Ba agou qu daimiu tu lame sa taqu ko bu tekua na toa jola.
41Ara sa qake korapa nyaqo soana ko bai vatarasaesiu ira na tinoni qau. 42Ba qa gigila vatalegouqua ara sagou; qa gigilaiqua ara sa kepore na vairoqu lao tana Tamasa bi kole pa miu toa. 43Ara sa qa lame pa neqi tana Tamaqu, ba qu daimiu vatogasiu agou sara; goto vei bi kamu tu pa ona neqi mekana sa kai tinoni, sa kode muna vatogai agou sisa. 44Na vinatarasae gu tadira na tinoni sa qu kole nyaqoa agou ko bu tekua qugu, goto quke nyaqoa agou sa na vinatarasae tana Tamasa memekaina; ko ai mina vei beto muna boka vasosotosiu sara sa vei?
45Kita mu roroqua sa ara kode mana pitugou pa moena na Tamaqu. I Mosese tu isa qu tei vakolenia tu na miu totoravusu agou sa isa tugu sa kode mina pitugou. 46Ura vei bu vasosotoa agou si Mosese, poni sa ara ba bu vasosotosiu tugu, ura isa tugu na veveiqu gu ara sa sa kutia i Mosese. 47Ba quke vasosotoria kisa na kukuti sa kutiria isa, ko ai muna vei muna boka vasosotoria agou sira na paranga taqu sa vei!>> sau si Jisu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.