Murhondêro 10

Okushandabana kw’amashanja

1Alaga iburha lya bene Nûhu, Sem, Khamu na Yafeti, n’abâna babusire enyuma ly’ecihonzi cinene. 2Yafeti àburha Gomeri, Magogi, Madayi, Yavani, Tubali, Mesheki na Tirasi. 3Bene Gomeri: Askenazi, Rifati, Togarma. 4Bene Yavani: Elisha, Tarsisi, Abakitimi n’Abadodani. 5Kuli barhengaga abashandabanaga omu birhwa bibà omu nyanja emwa amashanja. Bene Yafeti bagendibà ntyo ngasi baguma n’ecihugo câbo, n’olulimi lwâbo, n’emilala yâbo, n’amashanja gâbo. 6Bene Khamu#10, 6 Khamu, kandi erhi HAM ye enfarasè yahindwîre CHAM, kwo kurhenga ecinza Chamites. bo: Kushi, Misrayimu, Puti na Kanâni. 7Bene Kushi bo: Seba, Havila, Sabata, Rama na Sabuteka. Bene Rama bo: Sheba na Dedani. 8Kushi àburha Nimrodi, ye warhangiraga oburhambo hano igulu. 9Ali muhivi mukulu embere za Nyamubâho, co cinarhuma baderha mpu: «Kwo oli aka Nimrodi muhivi mukulu embere za Nyamubâho». 10Ecihugo c’aga mashanja canacirhondêrera e Babeli, Ereki n’Akadi, bishagala biri byoshi omu cihugo ca Shineari. 11Arhulukâna mw’eco cihugo ajà e Asûru, ayûbaka Ninive, Rehoboti-Iri, Kalaha, na 12Reseni ekarhî ka Ninive na Kalaha, lugo lunene là. 13Misarayim àburha bene Ludimu, bene Anemu, Lehabimu na Nafutuhimu. 14Aburha Patrosimu, ba Kasiluhimu, bo barhengakwo Abafilistini na Bakafutori. 15Kanâni aburha Sidoni yo nfula yâge, kandi Heti. 16Ahirakwo Abayebuseni, Abamoriti, Abagirgashi, 17ahirakwo Abahiviti, Abarkeni, Abasiniti, 18ahirakwo Abarvadi, Abasemariti, Abahamatiti; enyuma z’aho emilala ya bene Kanâni yashadabâna yoshi. 19Ecihugo ca bene Kanâni càli kurhenga e Sidoni, kugera e Gerari kujà e Gaza, kandi kugera olunda lw’e Sodomo, Gomora, Adma na Seboyimi caj’ihwera e Lesha. 20Byanacibà ntyo kuli bene Khamu, ngasi baguma n’emilala yâbo n’ebihugo byâbo, haguma n’amashanja gâbo. 21Semu naye agwêrhe eryâge iburha, ye îshe wa bene Eberi boshi ye na mukulu wa Yafeti. 22Semu ye burha Elami, Asuri, Aripakisadi, Ludi na Arami. 23Bene Arami: Usi, Huli, Geteri na Mash. 24Aripakisadi àburha Selahi, na Selahi àburha Eberi. 25Eberi àburha bâna babirhi: owa burhanzi aderhwa Pelegi, bulya omu mango gâge mwo igulu lyagabanyikanaga, omulumuna naye aderhwa Yokotani. 26Yokotani aburha Almodadi, Shelefi, Hasarmaveti na Yera, 27Hadorami, Uzali, Dikala, 28Obali, Abimayeli na Sheba. 29Ofiri, Havila, Yobabu, abôla boshi bali bâna ba Yokotani. 30Ecihugo câbo càli kurhenga e Mesha kujà e Sefari, ntondo eri ebushoshôkero bw’izûba. 31Kwo bali ntyo bene Semu, omu kushimba emilala yâbo, olulimi lwâbo na kandi omu kushimba ecihugo câbo n’amashanja gâbo. 32Kwo bene Nûhu bayôlolosire ntyo omu milala, omu bûko n’omu mashanja gâbo. Baligi cisiki c’agandi mashanja goshi gabumbire igulu kurhenga amango g’ecihonzi.

Currently Selected:

Murhondêro 10: MKB

Highlight

Copy