Luke 7
7
Jesu aa Rome ajong sanga tha taqhal aa
(Matthew 8:5–13)
1Jesu aa miqtang thima ethi raaq tang tha thun bat ko eq Capernaum náng kata. 2Eshina Rome ajongwa ang aa thima ashey sanga angta. Piq shima ajongwa tha rapney tinshit ta; etho eshi miqwa tha utak ang eq utik koko mal sey angta. 3Ajongwa they Jesu raaq tha tat eq piq aa Jehudi wang miqlang tang thima thabat eq usanga wa tha taqhal ma Jesu tha tahal kata. 4Ning tha Jesu relnáng thu eq tin thanin eq battan ta, “Asing hun iri miq raa nang aa nong eq ching rol. 5Piq í ma rapney tinmat aa etho piq aa Jehudi miqtang ma ashey Synagogue hunko taphi.”
6Jesu tha ning jamoq kata. Piq tha eshi him wang alo na ang moq ang atho eshi ajongwa they unokwa tang thima thabat kata, “Tatalteywa, nang ni nang nakcham náng u. Nga nang raa i him náng jin tathokrol tho ang mong. 7Etho nga barel o jin lang rol tho ang mong. Nang raaq shey raaq ujo hun i sanga sha uqhal angna. 8Nga tho adak jaktáng na tong ang etho i jaktáng na ralkoltey tang tho atha. Nga irima ka u ta bat ang jo piq ukat ang aa; eshima kaphu ta bat ang jo piq ukat ang pha; nga i sanga ma iri somlo u ta bat ang jo piq aa somlo eq aa.”
9Jesu aa ethi raaq tha tat eq rapney patja tita; piq aa ngik siin eq ujiphantey tang ma batta, “Nga batphang, thaji Israel na irimal kamtey nga kapwey mong!”
10Thoksil tattey miqtang tha wel eq ajong him náng thu eq siin atho eshi sanga wa tha aqhal sey angta.
Jesu aa notinu miqwasa tha thalun aa
11Saalji ang atho, Jesu nia ujiphantey tang etho miq daqhan sol eq Nain ta thamiing aa ashey samhaq náng kata. 12Ning tha samhaq kalung náng sey thu atho, khakla eshi samhaq sho miqtang aa miq màng ashey som kat chey ta. Eshi miq tita sha notinu ang aa thima usa ashey dang angta. Etho eshi nu jamna eshi samhaq wang miqtang daqhan angta. 13Teyhungwa piq tha khi atho piq ma rapney tinshitta etho eshi nu thima batta, “Nak qhap u.” 14Ethi jio utik angtey rel thináng ka eq piq aa raang tha tatitta, piq máng somtey tang miqtang tha langta. Jesu aa batta, “Jaro wa! Nga batphang, shat u!” 15Ethi utik teywa tha shat tong eq raaq phangwan titta, etho Jesu aa piq tha unu ma kochak ta.
16Eshiwang miqtang tha ucho rong ang eq Shkewa tha tasapsey ta. Ning aa batta, “Hiqtang jaktung na ajong rangsamal thutapha! Shkewa piq miqtang tha nong ma thutapha!”
17Thaji Judea mung na etho arel wang mung thaji miqtang eq Jesu aa iri tung aa raaq tang raa rong khong ta.
Jungthalamtey wa John ching kowang thoksil tattey tang
(Matthew 11:2–19)
18John jiphantey tang aa ka eq John ma iritang thaji raaq tha bat kota tho piq aa ujiphantey tang wang wani tha halta, 19Etho Teyhungwa ma iri raaq tang raa pit ma takat ta, “Ashey miq kaphana ta John aa batta tha nang raa i, tia adak ban siin i?”
20Ning ni Jesu rel thináng thu eq pitta, “John jung thalamtey í ni ma ira pit ma takat taphi, piq aa ashey miq kaphana ta batta thi nang raa tia í aa adak ban siin i.”
21Eshi rangham tho Jesu aa uphan phan atakasa miqtang etho anaan tsija eq lottey tang tha taqhal ta, etho daqhan miikduk tang aa ukhi eq ma kotta. 22Piq aa John thoksil tattey wani ang aa thima batta, “Nim ni aa chamlang khi shin tin etho chamlang tatshin tin shi ka eq John ma batkat shin: miikduk tang aa jin khi eq aa, jakung tang tha may qhing sey ang aa, angam tang tha usang sey ang aa, nabang tang they utat sey aa, utik angtey tang tha weyjey sey ang aa etho tangshi tang thima tungtang aqhal raaq phanchan aa. 23Nga nàn phamong miqtang sha sunmaan!”
24John thoksil tattey wani tha chuwang jio Jesu aa utung aa raaq tang tha miqtang thima batta, “Shu shu haqna John jamoq tachong ma ka tin tho, nim aa chamlang siin ma ka tin? Rangpong wang langphung mochey atha siin ma ka tin i? 25Ira ang moq ang ajo, chamli siin ma nim thalat tin? Jaqhal khat samtey miqwa siin ma i? Irimal jaqhal khat samtey miqwa tang lungwang himna tong aa! 26Ira ang moq ang ajo, nim chamli ma thalat tin? Ashey rangsamal tha siin ma i? Inn! Nga batphang, nim aa rangsamal wang ajong miq khi tin. 27John raaq hun Asang likwit na taka aa: ‘Shkewa batta, nga ba lam sha thalak rangma, ba jakho o ithoksil tattey takat phanáng.’ 28Nga batphang, John wang ajong utang tho chang wey moq. Etharin Shkewa Mungtan na bara thaji pheywang eq umiing sha John wang eq tho ajong.”
29Thaji miqtang etho ngin qhoktey tang aa piq raaq tha tatta; etho ning aa Shkewa lam sha asing ta hanta. Etho John jungthalamtey ching wang junglam ta. 30Etharin Phorisi tang etho thong tataltey tang aa Shkewa tinthin tha ning aa chikchakta etho John ching thiwang junglam ma nuk moq angta.
31Jesu aa batta, “Iri patwang miqtang ri nga chamlang o kara ang? Ning ri chamrol aa? 32Nim raa thangsang ching na rongtong aa nijang may tang mal. Khoko tang aa adak tang thima ring eq rong batta, ‘Í aa nim ma photkalang tung tom kotaphi etharin nim nin min rong ang tin! Í aa nim ma tintashit sungasey tat sey kotaphi etharin nim qhap min ang tin!’ 33John jung thalamtey katapha, etho piq wokcham tong ta, etho John sutichi tho ling hung aa tong ta, etho nim aa ba tin, ‘Piq han ro thangwa atha ta.’ 34Miqna Sa thutapha, etho piq aa phaksat ling phaksat ta, etho nim raaq tin, ‘Iri miqwa ri siin inn! Piq raa wokshit etho khampang, piq sha phunta qheytey tang nia ngarey miqtang nokwa!’ 35Etharin, Shkewa thung sha jaksom tungkang o asing ta takhi aa.”
Jesu Phorisi Simon him na
36Ashey Phorisi wa Jesu tha til sat ma halta, req Jesu tha ning him náng wangta etho tilsat ma tong ta. 37Eshi samhaq na ashey ngarey miqnu angta. Jesu Phorisi him na tilsat ma thuta ta piq aa kap tatta, req piq aa atim angam tung tha som eq thuta. 38Jesu jiko jathom tho bon eq, qhap eq etho Jesu ja tha miikshit eq tachamta. Etho Piq khorun they uja tha rot kota, uchip eq ta etho jaqhal atim angam chi they uja tho jik kota. 39Jesu haltey Phorisi wa they ethi tang tha khi eq tinmong na tathin chey ta, “Iri miqwa raa asing rangsamal ang atho, iri nuri utang aa ta etho chamtan ngarey rollung na piq tong aa ta piq aa usam eq na.”
40Etharin Jesu aa batta, “Simon, nga nang ma chamli raaq batma tathin phang.”
Piq aa batta, “Tatalteywa, nga ma bat phutey.”
41Jesu aa batta, “Miqwa wani angta ningni aa ngin namkottey ching wang ngin namta, washey aa shabanga chiing nginsa namta etho washey aa rokbanga chiing nginsa namta. 42Ning ni aa ngin namkotteywa thima ngin tha jinshim moq sey angta, eshirangma ngin namkotteywa they ningni thima tinshit eq ngin namta tha cham ang aa ta tolchak ta. Ethimal ang ajo ningni shiwang ahan utang ngin namkotteywa shima tinmat na?”
43Simon aa batta, “Nga tathin ang jo barey ahan tolchak kapta eshi wa sha.”
Jesu aa piq thima batta, “Nang aa khakla tathin u.” 44Eshi jio ethi ngarey nu ching konáng ngik siin eq piq aa Simon ma batta, “Iri nu ri siin u. Nga ba him náng thuta phang etharin nang aa ija qholma tho jung kopha mu angta phu. Etharin iri nu rey umik shit eq ija tha tachamta etho ukho run eq rot kotaphang. 45Nang aa nga raa uwang jamoq tho chip phamu angtaphu, etharin baluk wang nga ináng thuta phang, piq rey ija tha chip ro eq chey ta. 46Nang aa ikho na naman jik kopha mu angtaphu etharin piq rey ija o atim angam chi jik ko taphang. 47Iri rangma nga nang ma batphang, piq aa nga ma itan tinmat takhi taphang, ungarey ahan tha tolchak ta takhi aa. Etharin barima anitom ngarey tha tolchak ta they anitom tinshit hun takhi aa.”
48Etho Jesu aa eshi nu thima batta, “Ba ngarey thaji tha tolchak sey ta.”
49Esho miq dak waan tong aa they ning jaktung o rong wanta, “Piq utang aa, barey ngarey tang jin tolchak eq aa?”
50Etharin Jesu aa eshi nu thima batta, “Ba kam eq hun nang thalun taphu, nungmay eq ka u.”
Currently Selected:
Luke 7: Mmmm
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
Luke 7
7
Jesu aa Rome ajong sanga tha taqhal aa
(Matthew 8:5–13)
1Jesu aa miqtang thima ethi raaq tang tha thun bat ko eq Capernaum náng kata. 2Eshina Rome ajongwa ang aa thima ashey sanga angta. Piq shima ajongwa tha rapney tinshit ta; etho eshi miqwa tha utak ang eq utik koko mal sey angta. 3Ajongwa they Jesu raaq tha tat eq piq aa Jehudi wang miqlang tang thima thabat eq usanga wa tha taqhal ma Jesu tha tahal kata. 4Ning tha Jesu relnáng thu eq tin thanin eq battan ta, “Asing hun iri miq raa nang aa nong eq ching rol. 5Piq í ma rapney tinmat aa etho piq aa Jehudi miqtang ma ashey Synagogue hunko taphi.”
6Jesu tha ning jamoq kata. Piq tha eshi him wang alo na ang moq ang atho eshi ajongwa they unokwa tang thima thabat kata, “Tatalteywa, nang ni nang nakcham náng u. Nga nang raa i him náng jin tathokrol tho ang mong. 7Etho nga barel o jin lang rol tho ang mong. Nang raaq shey raaq ujo hun i sanga sha uqhal angna. 8Nga tho adak jaktáng na tong ang etho i jaktáng na ralkoltey tang tho atha. Nga irima ka u ta bat ang jo piq ukat ang aa; eshima kaphu ta bat ang jo piq ukat ang pha; nga i sanga ma iri somlo u ta bat ang jo piq aa somlo eq aa.”
9Jesu aa ethi raaq tha tat eq rapney patja tita; piq aa ngik siin eq ujiphantey tang ma batta, “Nga batphang, thaji Israel na irimal kamtey nga kapwey mong!”
10Thoksil tattey miqtang tha wel eq ajong him náng thu eq siin atho eshi sanga wa tha aqhal sey angta.
Jesu aa notinu miqwasa tha thalun aa
11Saalji ang atho, Jesu nia ujiphantey tang etho miq daqhan sol eq Nain ta thamiing aa ashey samhaq náng kata. 12Ning tha samhaq kalung náng sey thu atho, khakla eshi samhaq sho miqtang aa miq màng ashey som kat chey ta. Eshi miq tita sha notinu ang aa thima usa ashey dang angta. Etho eshi nu jamna eshi samhaq wang miqtang daqhan angta. 13Teyhungwa piq tha khi atho piq ma rapney tinshitta etho eshi nu thima batta, “Nak qhap u.” 14Ethi jio utik angtey rel thináng ka eq piq aa raang tha tatitta, piq máng somtey tang miqtang tha langta. Jesu aa batta, “Jaro wa! Nga batphang, shat u!” 15Ethi utik teywa tha shat tong eq raaq phangwan titta, etho Jesu aa piq tha unu ma kochak ta.
16Eshiwang miqtang tha ucho rong ang eq Shkewa tha tasapsey ta. Ning aa batta, “Hiqtang jaktung na ajong rangsamal thutapha! Shkewa piq miqtang tha nong ma thutapha!”
17Thaji Judea mung na etho arel wang mung thaji miqtang eq Jesu aa iri tung aa raaq tang raa rong khong ta.
Jungthalamtey wa John ching kowang thoksil tattey tang
(Matthew 11:2–19)
18John jiphantey tang aa ka eq John ma iritang thaji raaq tha bat kota tho piq aa ujiphantey tang wang wani tha halta, 19Etho Teyhungwa ma iri raaq tang raa pit ma takat ta, “Ashey miq kaphana ta John aa batta tha nang raa i, tia adak ban siin i?”
20Ning ni Jesu rel thináng thu eq pitta, “John jung thalamtey í ni ma ira pit ma takat taphi, piq aa ashey miq kaphana ta batta thi nang raa tia í aa adak ban siin i.”
21Eshi rangham tho Jesu aa uphan phan atakasa miqtang etho anaan tsija eq lottey tang tha taqhal ta, etho daqhan miikduk tang aa ukhi eq ma kotta. 22Piq aa John thoksil tattey wani ang aa thima batta, “Nim ni aa chamlang khi shin tin etho chamlang tatshin tin shi ka eq John ma batkat shin: miikduk tang aa jin khi eq aa, jakung tang tha may qhing sey ang aa, angam tang tha usang sey ang aa, nabang tang they utat sey aa, utik angtey tang tha weyjey sey ang aa etho tangshi tang thima tungtang aqhal raaq phanchan aa. 23Nga nàn phamong miqtang sha sunmaan!”
24John thoksil tattey wani tha chuwang jio Jesu aa utung aa raaq tang tha miqtang thima batta, “Shu shu haqna John jamoq tachong ma ka tin tho, nim aa chamlang siin ma ka tin? Rangpong wang langphung mochey atha siin ma ka tin i? 25Ira ang moq ang ajo, chamli siin ma nim thalat tin? Jaqhal khat samtey miqwa siin ma i? Irimal jaqhal khat samtey miqwa tang lungwang himna tong aa! 26Ira ang moq ang ajo, nim chamli ma thalat tin? Ashey rangsamal tha siin ma i? Inn! Nga batphang, nim aa rangsamal wang ajong miq khi tin. 27John raaq hun Asang likwit na taka aa: ‘Shkewa batta, nga ba lam sha thalak rangma, ba jakho o ithoksil tattey takat phanáng.’ 28Nga batphang, John wang ajong utang tho chang wey moq. Etharin Shkewa Mungtan na bara thaji pheywang eq umiing sha John wang eq tho ajong.”
29Thaji miqtang etho ngin qhoktey tang aa piq raaq tha tatta; etho ning aa Shkewa lam sha asing ta hanta. Etho John jungthalamtey ching wang junglam ta. 30Etharin Phorisi tang etho thong tataltey tang aa Shkewa tinthin tha ning aa chikchakta etho John ching thiwang junglam ma nuk moq angta.
31Jesu aa batta, “Iri patwang miqtang ri nga chamlang o kara ang? Ning ri chamrol aa? 32Nim raa thangsang ching na rongtong aa nijang may tang mal. Khoko tang aa adak tang thima ring eq rong batta, ‘Í aa nim ma photkalang tung tom kotaphi etharin nim nin min rong ang tin! Í aa nim ma tintashit sungasey tat sey kotaphi etharin nim qhap min ang tin!’ 33John jung thalamtey katapha, etho piq wokcham tong ta, etho John sutichi tho ling hung aa tong ta, etho nim aa ba tin, ‘Piq han ro thangwa atha ta.’ 34Miqna Sa thutapha, etho piq aa phaksat ling phaksat ta, etho nim raaq tin, ‘Iri miqwa ri siin inn! Piq raa wokshit etho khampang, piq sha phunta qheytey tang nia ngarey miqtang nokwa!’ 35Etharin, Shkewa thung sha jaksom tungkang o asing ta takhi aa.”
Jesu Phorisi Simon him na
36Ashey Phorisi wa Jesu tha til sat ma halta, req Jesu tha ning him náng wangta etho tilsat ma tong ta. 37Eshi samhaq na ashey ngarey miqnu angta. Jesu Phorisi him na tilsat ma thuta ta piq aa kap tatta, req piq aa atim angam tung tha som eq thuta. 38Jesu jiko jathom tho bon eq, qhap eq etho Jesu ja tha miikshit eq tachamta. Etho Piq khorun they uja tha rot kota, uchip eq ta etho jaqhal atim angam chi they uja tho jik kota. 39Jesu haltey Phorisi wa they ethi tang tha khi eq tinmong na tathin chey ta, “Iri miqwa raa asing rangsamal ang atho, iri nuri utang aa ta etho chamtan ngarey rollung na piq tong aa ta piq aa usam eq na.”
40Etharin Jesu aa batta, “Simon, nga nang ma chamli raaq batma tathin phang.”
Piq aa batta, “Tatalteywa, nga ma bat phutey.”
41Jesu aa batta, “Miqwa wani angta ningni aa ngin namkottey ching wang ngin namta, washey aa shabanga chiing nginsa namta etho washey aa rokbanga chiing nginsa namta. 42Ning ni aa ngin namkotteywa thima ngin tha jinshim moq sey angta, eshirangma ngin namkotteywa they ningni thima tinshit eq ngin namta tha cham ang aa ta tolchak ta. Ethimal ang ajo ningni shiwang ahan utang ngin namkotteywa shima tinmat na?”
43Simon aa batta, “Nga tathin ang jo barey ahan tolchak kapta eshi wa sha.”
Jesu aa piq thima batta, “Nang aa khakla tathin u.” 44Eshi jio ethi ngarey nu ching konáng ngik siin eq piq aa Simon ma batta, “Iri nu ri siin u. Nga ba him náng thuta phang etharin nang aa ija qholma tho jung kopha mu angta phu. Etharin iri nu rey umik shit eq ija tha tachamta etho ukho run eq rot kotaphang. 45Nang aa nga raa uwang jamoq tho chip phamu angtaphu, etharin baluk wang nga ináng thuta phang, piq rey ija tha chip ro eq chey ta. 46Nang aa ikho na naman jik kopha mu angtaphu etharin piq rey ija o atim angam chi jik ko taphang. 47Iri rangma nga nang ma batphang, piq aa nga ma itan tinmat takhi taphang, ungarey ahan tha tolchak ta takhi aa. Etharin barima anitom ngarey tha tolchak ta they anitom tinshit hun takhi aa.”
48Etho Jesu aa eshi nu thima batta, “Ba ngarey thaji tha tolchak sey ta.”
49Esho miq dak waan tong aa they ning jaktung o rong wanta, “Piq utang aa, barey ngarey tang jin tolchak eq aa?”
50Etharin Jesu aa eshi nu thima batta, “Ba kam eq hun nang thalun taphu, nungmay eq ka u.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0