Matthew 23
23
Thong tataltey tang etho Phorisi tang wang lun ma
(Mark 12:38,39; Luke 11:43,46; 20:45,46)
1Jesu aa miqtang etho ujiphantey tang thima batta, 2“Thong tataltey tang etho Phorisi tang aa Moses thong jaqhal eq sam aa. 3Ethirangma ning aa nim ma bara bat aa, eshi tat eq som inn. Etharin ning aa som aa thimal nak som inn, chammatakoi ning aa phanchan aa thimal som moq. 4Ning aa bara utun eq ma rapney alit hol tha rum khak eq miqtang sukkang sho thadang aa, etharin ning aa eshi hol lit sha ujaksi eq tho thaklo ma nuk moq. 5Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa. 6Ning aa phaksat ma jaqhal haq, etho synagogue tang o jaqhal tong ching sha bi aa. 7Ning aa sangtang ching miqtang phong o rangka kap ma nuk aa etho miqtang eq ‘Tatalteywa’ ta hal ma tho unuk ang aa. 8Etharin nim sha utang eq tho, ‘Tatalteywa’ ta hal ma nak ko inn, chammatakoi nim rangma Tatalteywa ashey dang etho nim thaji sapho sano. 9Mingkang rina utang ma tho ‘Wa’ ta nak raaq inn, chammatakoi nim ma Wa ashey dang, etho piq mungtan na. 10Etho utang ma tho ‘Solwa’ ta nak hal inn, chammatakoi nim ma Solwa ashey dang, piq Khristo. 11Nim wang utang ajong aa, piq shi nim sanga ang na. 12Utang eq piq ni piq sha ajong ta shing aa, piq tha thanin eq chakna, etho utang eq piq ni piq sha anin eq shing na, piq tha thajong eq chakna.”
Thong tataltey tang etho Phorisi tang ma aja ta raaq aa
(Mark 12:40; Luke 11:39–42,44,52; 20:47)
13 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miqtang ma rangmungtan náng wáng lam sha sakchak inn. Nim tho rangmungtan náng nop min, etho uwangtey sha tho thanop min. 14Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa notinu tang him sha jokchak inn, etho miq ma takhi rangma daklot romtam chu inn, ethirangma nim aa ahan tsamnang sha kap nin.” #23:14 Chamtey aking likwit na verse 14 ahung.
15 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miq ashey jiphantey náng thanop ma chamtan jungshi sho etho chamtan haq sho ling qhing inn, etharin nim relnáng sey ka pha jo, piq tha nim phey náng eq ahan walmungtan náng takat inn.”
16 “Miikduk bantey tang, nim ma rapney tsamnang. Nim aa bat inn, rangnuk him miing o rangtum inn jo chamtho ahung, etharin rangnuk him wang cha ming sho rangtum inn jo esha som hun eq ching. 17Miikduk aja tang, chamlang sha jong aa, cha sha tia rangnuk him sha? Rangnuk him tungkang o hun eshi cha sha asang ang aa. 18Nim aa wey bat inn, utang eq tho rongthong ming o rangtum inn jo chamtho ahung, etharin rongthung shina bara shingta eshi miing sho utang eq tho rangtum inn jo esha som hun eq ching. 19Nim miikduk tang! Chamlang sha jong aa, rongthung shina bara shingta sha jong aa tia rongthong sha? Rongthong tungkang o hun eshina shingta sha asang ang aa. 20Ethirangma utang eq rongthung miing o rangtum aa, piq aa rongthong sha etho rongthong shina chamlang shingta eshi miing sho tho rangtum aa. 21Utang eq rangnuk him miing sho rangtum aa, piq aa rangnuk him etho eshina tongtey miing sho tho rangtum aa. 22Etho utang eq mungtan miing o rangtum aa, piq aa Shkewa tongching etho eshina tongtey miing o tho rangtum aa.”
23 “Thong tataltey tang etho Phorisi tang, nim ma rapney tsamnang. Nim takhi eq somtey tang! Nim aa pong su paru pal wang amaan sa tingo shiwang rangphal sha ukot eq inn. Etharin nim aa thong wang akhek raaq ushing eq chak inn. Akhek iri tang raa: jaqhal eq khaphung, manchan, etho miqtang eq uhan eq ching rol. Eshitang sha shingchak hunga, rangphal sha tho ukot eq tin jo aqhal ang wangta. 24Miikduk bantey tang, nim aa tukhing sha ujin eq inn, etharin utt sha ujok eq chak inn.”
25 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa kok ni khung sha rangkho kho sha tasang inn, etharin umong na anaan nia angim wang shey inn. 26Miikduk Phorisi! Jakho kok ni khung mong ni tasang inn etho rangkho sha tho asang angna.”
27 “Thong tataltey tang ni Phorisi tang, nim ma rapney tsamnang! Nim takhi eq somtey tang! Nim jik chol màng bung ching mal, bara rangkho sha shamqhal takhi aa, etharin umong shina amáng tang king aa rang etho chamtan anaan tang sha taphong aa. 28Ethimal nim tho rangkho o miq eq siin ma asing miq ta takhi inn, etharin umong na ahut alik etho ngarey sha taphong aa.”
Thong tataltey tang etho Phorisi tang tsamnang raaq
(Luke 11:47–51)
29 “Thong tataltey tang etho Phorisi tang, nim ma rapney tsamnang. Nim takhi eq somtey tang! Nim aa rangsamal tang ma màngbung ching hun nin, etho miq qhal tang màngbung ching sha tachum ràng nin. 30Etho nim aa bat nin, ‘Í tey aa wa tang pat thina í ang ti jo, rangsamal tang tatik shina rok rum mi ang wang ti.’ 31Eshi raaq sha nim nung eq hun raaq nin, irimal eq nim rangsamal tang tatiktey phi aa lí tang ang i ta nim ni nim aa hun bat nin. 32Nim ka eq, nim tey aa wa ngarey tang shi tashey inn. 33Nim pu tang etho pu susa tang! Nim walmungtan tsamnang shiwang chammal jin lun nin? 34Ethi rangma nga nim relnáng rangsamal tang etho thunglam samtey etho tataltey tang tha takat phang náng. Etharin nim aa ethiwang chamteytey tha tatik eq chak nin etho bólq sho botchak nin, etho chamteytey tha nim aa synagogue o wat nin, etho samhaq shiwang phanchak nin. 35Jakho wang, chamtan miq qhal tang tahi mingkang ro salta, eshitang rangma nim aa tsamnang kap nin. Abel wang tha Berekiah sa Zechariah náng thula, bara nim aa rangnuk him etho rongthung jaktung shina tikwat chak tin, eshi thaji miqtang tungkang o irimal angna. 36Nga nang ma asing raaq batphang, iri thaji tharo tasam raa iri rangham miqtang ma thu phana.”
Jesu Jerusalem ma tinmat aa
(Luke 13:34,35)
37 “Jerusalem, Jerusalem, nang aa rangsamal tang tha tatik chak tu etho Shkewa bara ba relnáng takat tapha, ning tha long eq pat u. Chamtan juk nga tathin tang, chammal wo eq usa tang sha urang qhung o thajoq shing aa, ethimal hun nga tho basa tang sha thajoq shing ang. Etharin nang aa tasom pha mu ang tu. 38Etho ethirangma ba him sha changpol. 39Chammatakoi nga nang ma batphang, baluk náng duk nang aa irimal raaq mu angnu, ‘Teyhungwa miing o thuktey ma sunmaan’, eshináng thula nang aa nga raa wey khi pha mu sey ang nu.”
Currently Selected:
Matthew 23: Mmmm
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
Matthew 23
23
Thong tataltey tang etho Phorisi tang wang lun ma
(Mark 12:38,39; Luke 11:43,46; 20:45,46)
1Jesu aa miqtang etho ujiphantey tang thima batta, 2“Thong tataltey tang etho Phorisi tang aa Moses thong jaqhal eq sam aa. 3Ethirangma ning aa nim ma bara bat aa, eshi tat eq som inn. Etharin ning aa som aa thimal nak som inn, chammatakoi ning aa phanchan aa thimal som moq. 4Ning aa bara utun eq ma rapney alit hol tha rum khak eq miqtang sukkang sho thadang aa, etharin ning aa eshi hol lit sha ujaksi eq tho thaklo ma nuk moq. 5Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa. 6Ning aa phaksat ma jaqhal haq, etho synagogue tang o jaqhal tong ching sha bi aa. 7Ning aa sangtang ching miqtang phong o rangka kap ma nuk aa etho miqtang eq ‘Tatalteywa’ ta hal ma tho unuk ang aa. 8Etharin nim sha utang eq tho, ‘Tatalteywa’ ta hal ma nak ko inn, chammatakoi nim rangma Tatalteywa ashey dang etho nim thaji sapho sano. 9Mingkang rina utang ma tho ‘Wa’ ta nak raaq inn, chammatakoi nim ma Wa ashey dang, etho piq mungtan na. 10Etho utang ma tho ‘Solwa’ ta nak hal inn, chammatakoi nim ma Solwa ashey dang, piq Khristo. 11Nim wang utang ajong aa, piq shi nim sanga ang na. 12Utang eq piq ni piq sha ajong ta shing aa, piq tha thanin eq chakna, etho utang eq piq ni piq sha anin eq shing na, piq tha thajong eq chakna.”
Thong tataltey tang etho Phorisi tang ma aja ta raaq aa
(Mark 12:40; Luke 11:39–42,44,52; 20:47)
13 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miqtang ma rangmungtan náng wáng lam sha sakchak inn. Nim tho rangmungtan náng nop min, etho uwangtey sha tho thanop min. 14Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa notinu tang him sha jokchak inn, etho miq ma takhi rangma daklot romtam chu inn, ethirangma nim aa ahan tsamnang sha kap nin.” #23:14 Chamtey aking likwit na verse 14 ahung.
15 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miq ashey jiphantey náng thanop ma chamtan jungshi sho etho chamtan haq sho ling qhing inn, etharin nim relnáng sey ka pha jo, piq tha nim phey náng eq ahan walmungtan náng takat inn.”
16 “Miikduk bantey tang, nim ma rapney tsamnang. Nim aa bat inn, rangnuk him miing o rangtum inn jo chamtho ahung, etharin rangnuk him wang cha ming sho rangtum inn jo esha som hun eq ching. 17Miikduk aja tang, chamlang sha jong aa, cha sha tia rangnuk him sha? Rangnuk him tungkang o hun eshi cha sha asang ang aa. 18Nim aa wey bat inn, utang eq tho rongthong ming o rangtum inn jo chamtho ahung, etharin rongthung shina bara shingta eshi miing sho utang eq tho rangtum inn jo esha som hun eq ching. 19Nim miikduk tang! Chamlang sha jong aa, rongthung shina bara shingta sha jong aa tia rongthong sha? Rongthong tungkang o hun eshina shingta sha asang ang aa. 20Ethirangma utang eq rongthung miing o rangtum aa, piq aa rongthong sha etho rongthong shina chamlang shingta eshi miing sho tho rangtum aa. 21Utang eq rangnuk him miing sho rangtum aa, piq aa rangnuk him etho eshina tongtey miing sho tho rangtum aa. 22Etho utang eq mungtan miing o rangtum aa, piq aa Shkewa tongching etho eshina tongtey miing o tho rangtum aa.”
23 “Thong tataltey tang etho Phorisi tang, nim ma rapney tsamnang. Nim takhi eq somtey tang! Nim aa pong su paru pal wang amaan sa tingo shiwang rangphal sha ukot eq inn. Etharin nim aa thong wang akhek raaq ushing eq chak inn. Akhek iri tang raa: jaqhal eq khaphung, manchan, etho miqtang eq uhan eq ching rol. Eshitang sha shingchak hunga, rangphal sha tho ukot eq tin jo aqhal ang wangta. 24Miikduk bantey tang, nim aa tukhing sha ujin eq inn, etharin utt sha ujok eq chak inn.”
25 “Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa kok ni khung sha rangkho kho sha tasang inn, etharin umong na anaan nia angim wang shey inn. 26Miikduk Phorisi! Jakho kok ni khung mong ni tasang inn etho rangkho sha tho asang angna.”
27 “Thong tataltey tang ni Phorisi tang, nim ma rapney tsamnang! Nim takhi eq somtey tang! Nim jik chol màng bung ching mal, bara rangkho sha shamqhal takhi aa, etharin umong shina amáng tang king aa rang etho chamtan anaan tang sha taphong aa. 28Ethimal nim tho rangkho o miq eq siin ma asing miq ta takhi inn, etharin umong na ahut alik etho ngarey sha taphong aa.”
Thong tataltey tang etho Phorisi tang tsamnang raaq
(Luke 11:47–51)
29 “Thong tataltey tang etho Phorisi tang, nim ma rapney tsamnang. Nim takhi eq somtey tang! Nim aa rangsamal tang ma màngbung ching hun nin, etho miq qhal tang màngbung ching sha tachum ràng nin. 30Etho nim aa bat nin, ‘Í tey aa wa tang pat thina í ang ti jo, rangsamal tang tatik shina rok rum mi ang wang ti.’ 31Eshi raaq sha nim nung eq hun raaq nin, irimal eq nim rangsamal tang tatiktey phi aa lí tang ang i ta nim ni nim aa hun bat nin. 32Nim ka eq, nim tey aa wa ngarey tang shi tashey inn. 33Nim pu tang etho pu susa tang! Nim walmungtan tsamnang shiwang chammal jin lun nin? 34Ethi rangma nga nim relnáng rangsamal tang etho thunglam samtey etho tataltey tang tha takat phang náng. Etharin nim aa ethiwang chamteytey tha tatik eq chak nin etho bólq sho botchak nin, etho chamteytey tha nim aa synagogue o wat nin, etho samhaq shiwang phanchak nin. 35Jakho wang, chamtan miq qhal tang tahi mingkang ro salta, eshitang rangma nim aa tsamnang kap nin. Abel wang tha Berekiah sa Zechariah náng thula, bara nim aa rangnuk him etho rongthung jaktung shina tikwat chak tin, eshi thaji miqtang tungkang o irimal angna. 36Nga nang ma asing raaq batphang, iri thaji tharo tasam raa iri rangham miqtang ma thu phana.”
Jesu Jerusalem ma tinmat aa
(Luke 13:34,35)
37 “Jerusalem, Jerusalem, nang aa rangsamal tang tha tatik chak tu etho Shkewa bara ba relnáng takat tapha, ning tha long eq pat u. Chamtan juk nga tathin tang, chammal wo eq usa tang sha urang qhung o thajoq shing aa, ethimal hun nga tho basa tang sha thajoq shing ang. Etharin nang aa tasom pha mu ang tu. 38Etho ethirangma ba him sha changpol. 39Chammatakoi nga nang ma batphang, baluk náng duk nang aa irimal raaq mu angnu, ‘Teyhungwa miing o thuktey ma sunmaan’, eshináng thula nang aa nga raa wey khi pha mu sey ang nu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0