కీర్తనలు 143

143

కీర్తన 143

దావీదు కీర్తన.

1యెహోవా, నా ప్రార్థన వినండి;

దయ కోసం నేను చేసే మొరను ఆలకించండి;

మీ నమ్మకత్వం నీతిని బట్టి

నాకు జవాబివ్వండి.

2మీ సేవకున్ని తీర్పులోనికి తీసుకురాకండి,

ఎందుకంటే సజీవులెవ్వరూ మీ దృష్టిలో నీతిమంతులు కారు.

3శత్రువు నన్ను వెంటాడుతున్నాడు,

అతడు నా జీవితాన్ని నలిపివేస్తాడు;

ఎప్పుడో చచ్చిన వారిలా

అతడు నన్ను చీకటిలో నివసించేలా చేస్తాడు.

4నా ఆత్మ నాలో సొమ్మసిల్లిపోయింది;

నా హృదయం నాలో బెదిరిపోయింది.

5వెనుకటి రోజులు జ్ఞాపకము చేసుకుంటున్నాను;

మీ క్రియలను గురించి ధ్యానిస్తున్నాను,

మీ చేతిపనిని గురించి ఆలోచిస్తాను.

6మీ వైవు నా చేతులు చాపుతున్నాను;

ఎండిపోయిన నేల వలె మీ కోసం దప్పిక కలిగి ఉన్నాను. సెలా

7యెహోవా, నాకు త్వరగా జవాబివ్వండి;

ఆత్మ నీరసించి పోతూ ఉంది.

మీ ముఖాన్ని మరుగు చేయకండి,

లేకపోతే గొయ్యిలో దిగిపోయిన వారిలా నేనుంటాను.

8నా నమ్మిక మీలో ఉంచాను కాబట్టి,

ఉదయం మీ మారని ప్రేమ గురించి విందును గాక.

నా జీవితాన్ని మీకు అప్పగించుకున్నాను,

నేను వెళ్లవలసిన మార్గము నాకు చూపించండి.

9నా కాపుదల కోసం మీ దగ్గరకు పరుగెత్తుతున్నాను,

యెహోవా నా శత్రువుల నుండి నన్ను రక్షించండి.

10మీ చిత్తాన్ని చేయడం నేర్పించండి,

మీరు నా దేవుడు;

మీ మంచి ఆత్మ

సమతల నేల మీద నన్ను నడిపించును గాక.

11యెహోవా, మీ పేరు కోసం నా జీవితాన్ని కాపాడండి;

మీ నీతిలో నా కష్టాల నుండి నన్ను విడిపించండి.

12మీ మారని ప్రేమను బట్టి నా శత్రువులను మౌనం చేయండి;

నేను మీ సేవకుని కాబట్టి,

నా శత్రువులను నాశనం చేయండి.

Currently Selected:

కీర్తనలు 143: OTSA

Highlight

Copy

Want to have your highlights saved across all your devices? Sign up or sign in

Biblica® ఉచిత తెలుగు సమకాలీన అనువాదం™

Biblica® Open Telugu Contemporary Version™

Learn More About Biblica® ఉచిత తెలుగు సమకాలీన అనువాదం