Génesis 44
44
Josépa kechu sharakui
1Naskata Josépa awẽ pexe adua awarawu kexebis yuidi: “Na dukuwedewawe atũ chabiupu mera trigo wuspiwaxuwe. Naskatari atũ pei chabiupu mera wisti rasi dadexupakewe. 2Naskatari ewẽ kechu sharakui#44.2 Pei ichapauxũ kechu shara nu witiru. Nawa adea copa de plata. atũ chipuke Benjamín awẽ chabiupu mera dadexuwe awẽ peiri nauxũ piti wia”.
Awẽ pexe adua awarawu kexebistu na Josépa yuiya keskawadi. 3Peda wetsa wenamarikui Josépa awẽ udiwetsawu atũ asnowuya wutanuwu yuidi atũ bai adu. 4Pexe ichapaduax chaiba kaĩyaiwudu Josépa awẽ pexe adua awarawu kexebis yuidi: “Na dukuwedewu wuwaiwu atu beewaĩta duduri atu yuitawe: ‘Nu batu sharawawiake ma duku chakawaa. 5Aweskai ma kechu sharakui ma uneame. Ewẽ diaiwũ naa kechũ ayata unabis. Naa ma iskaita chakakui’, atu watawe”, awẽ pexe adua awarawu kexebis wadi.
6Naskata atuki dukuta atu yuidi. Na Josépa yuiyadurikui yuidi. 7Nawawe kebadiwu: “Diaiwũ aweskakĩ duduri mia duku yuime”, wadiwu. “Nu askabisba. 8Canaán aduax nu dasuita. Duku chabiupu meradua nuku pei nu wichita. Nu bia dasuiyui. Aweskawaxikĩtsi nu mewẽ diaiwu pei oro nu unenatiruba. 9Watura wetsa awẽ chabiupu meradua mi kechu wichixu naa mi retetiru. Nuwu mewẽ diaiwũ awẽ uibati ipadaka”, Josépa awẽ udiwetsawawe wadiwu.
10Naskata Josépa awẽ pexe adua awarawu kexebistu atu yuidi: “Na ma yuiyai keskara inu. Naskake na kechu ewẽ diaiwu wẽa naa ewẽ uibati iki. Atiriwi aweskawuba nawu wukadi”, Josépa awẽ pexe adu kexebistu atu wadi.
11Nawuwawe atũ chabiupuwu wutubakata wepediwu. 12Pexe adua awarawu kexebis atũ chabiupu atu wepenapakedi. Atũ iyua wepenakĩ taewadi chipukui atũ chipuke wepenadi. Benjamín awẽ chabiupu meradua Josépa kechu wichidi. 13Naskata awẽ udiwetsawu rateyana atũ saweti waxtediwu. Nu ubiskui raikaxu shinadiwu. Atũ asno mamakaya chabiupu wakata pexe ichapa adu dasudiwu.
14Judá awẽ udiwetsawuwe Josépa awẽ pexe adu dukuwaiwudu José nadu idi. Baikiri wepexudiwu atũ wemanane. 15Josépa atu yuidi: “Ma awa aweskawaame. Ma tapiabame na dukuwede ea keskara unakĩ tapia”, atu wadi.
16Judápa kebadi: “Diaiwũ awa nu bia kebatirume. Aweskawaxu nu bia tapibatiruba nu awara chakawabisba. Diospa nuku chaka duduxu duku wichia. Datiã mewẽ uibatiwu nu iki na mewẽ kechu bia uneawe”, Judápa José wadi.
17Naskaiwawe Josépa atu yuidi: “Aweskaxkai ẽ askatiruba. Ewẽ kechu shara ea unewaĩda da wisti ewẽ uibati iki. Ewẽ uibati ẽ batu wadakaba. Atiriwi matu apã pexe adu wutiruwu. Tsuã batu wekaxtiwaaba”, atu Josépa wadi.
“Diaiwũ ewẽ extu apa ari dasubawe”, Judápa José ñukadi
18Naskata Judá José adu kaxu yuidi: “Ewẽ diaiwũ mi diaiwukui mi faraón keskarakui. Naskaxu ea dikawe ẽ bewe tsaipai tsuã dikayabaidu. Iki sidayabawe. 19‘Ma epayame’, mia duku waitu nu bia yuita. Naskatari: ‘Ma extu wetsayame’, mia duku waita.
20Diaiwũ nu bia kebaita: ‘Nuku epa adiwu. Nuku extu chipuke pexku. Nuku epa adiwuxu nuku chipuke adi’. Naskatari nu bia yuita: ‘Nuku epã nuku extu duikuibis’, nu bia waita. ‘Awa wistichi aka awẽ wake rawe. Naskake nuku epã duikui ma wetsa ma dadiadu’. 21Naskatari nuku extu mi tapipaixikĩ: ‘Iwitakawe’, mia duku waita. 22Nu bia yuiyabea: ‘Apã a wake nichitiruba. Awẽ wake nichiax datiru’, nu bia wayabea. 23Naskake: ‘Matu extu ma eweyabaitu ana ma ea uĩtiruba’, mia duku waita.
24Na mia duku yuitaduri nuku epa nu yuita. 25Ma sabarakadu nuku epa duku yuita: ‘Awiana peiuxũ trigo witakawe duku wayabea’. 26Nuku epa nu kebayabea: ‘Nuku extu chipuke dukuwe kayabaitu nu kaiba. Nu kawiyax diaiwu ikadu nu uĩtiruba’. 27Nuku epa duku yuiyabea: ‘Ma ma tapia ewẽ awĩweta wake rawe nu adi’, nuku epã duku wayabea. 28‘Ewẽ wake rawe adi. Wisti ebakiduax ma kaa. Ana uĩbisba. Iskaraba ẽ uĩkĩ xatedi. Yuina dii mera ikatu ma pidi. 29Dariwi ea ma iyuadu aweskarake na uduax ẽ shinabetsai ẽ datiru’.
30Nuku extu duwe dasuyabaitu nuku epa shinabetsai ubiskuitiru naamai duikuikĩ. 31Duku uduax awẽ wake nu iyuyabaitu nuku epa adiwushta awẽ shinabetsai datiru awẽ wake Benjamín uĩyabai. 32Duduri ewẽ epa ẽ yuita: ‘Da wake ẽ kexesharakuikai’, ẽ waita. ‘Na ẽ yuiyai ẽ askaikai’. Naskatari: ‘Ewe dasuyabaitu na awara aweskarawu naa ewena iki’. 33Naskake ẽ bia yui ewẽ extu ataba ẽ mewẽ uibati inu. Udiwetsawuwe katanu nichiwe. 34Benjamínbais ewẽ epaki ẽ dasutiruba da wake ewe kayabaitu. Naskatari ewẽ epa ubiskuiyaitu ẽ uĩpaiba”, Judápa José wadi.
Currently Selected:
Génesis 44: mtsB
Highlight
Share
Copy
Want to have your highlights saved across all your devices? Sign up or sign in
Génesis 44
44
Josépa kechu sharakui
1Naskata Josépa awẽ pexe adua awarawu kexebis yuidi: “Na dukuwedewawe atũ chabiupu mera trigo wuspiwaxuwe. Naskatari atũ pei chabiupu mera wisti rasi dadexupakewe. 2Naskatari ewẽ kechu sharakui#44.2 Pei ichapauxũ kechu shara nu witiru. Nawa adea copa de plata. atũ chipuke Benjamín awẽ chabiupu mera dadexuwe awẽ peiri nauxũ piti wia”.
Awẽ pexe adua awarawu kexebistu na Josépa yuiya keskawadi. 3Peda wetsa wenamarikui Josépa awẽ udiwetsawu atũ asnowuya wutanuwu yuidi atũ bai adu. 4Pexe ichapaduax chaiba kaĩyaiwudu Josépa awẽ pexe adua awarawu kexebis yuidi: “Na dukuwedewu wuwaiwu atu beewaĩta duduri atu yuitawe: ‘Nu batu sharawawiake ma duku chakawaa. 5Aweskai ma kechu sharakui ma uneame. Ewẽ diaiwũ naa kechũ ayata unabis. Naa ma iskaita chakakui’, atu watawe”, awẽ pexe adua awarawu kexebis wadi.
6Naskata atuki dukuta atu yuidi. Na Josépa yuiyadurikui yuidi. 7Nawawe kebadiwu: “Diaiwũ aweskakĩ duduri mia duku yuime”, wadiwu. “Nu askabisba. 8Canaán aduax nu dasuita. Duku chabiupu meradua nuku pei nu wichita. Nu bia dasuiyui. Aweskawaxikĩtsi nu mewẽ diaiwu pei oro nu unenatiruba. 9Watura wetsa awẽ chabiupu meradua mi kechu wichixu naa mi retetiru. Nuwu mewẽ diaiwũ awẽ uibati ipadaka”, Josépa awẽ udiwetsawawe wadiwu.
10Naskata Josépa awẽ pexe adua awarawu kexebistu atu yuidi: “Na ma yuiyai keskara inu. Naskake na kechu ewẽ diaiwu wẽa naa ewẽ uibati iki. Atiriwi aweskawuba nawu wukadi”, Josépa awẽ pexe adu kexebistu atu wadi.
11Nawuwawe atũ chabiupuwu wutubakata wepediwu. 12Pexe adua awarawu kexebis atũ chabiupu atu wepenapakedi. Atũ iyua wepenakĩ taewadi chipukui atũ chipuke wepenadi. Benjamín awẽ chabiupu meradua Josépa kechu wichidi. 13Naskata awẽ udiwetsawu rateyana atũ saweti waxtediwu. Nu ubiskui raikaxu shinadiwu. Atũ asno mamakaya chabiupu wakata pexe ichapa adu dasudiwu.
14Judá awẽ udiwetsawuwe Josépa awẽ pexe adu dukuwaiwudu José nadu idi. Baikiri wepexudiwu atũ wemanane. 15Josépa atu yuidi: “Ma awa aweskawaame. Ma tapiabame na dukuwede ea keskara unakĩ tapia”, atu wadi.
16Judápa kebadi: “Diaiwũ awa nu bia kebatirume. Aweskawaxu nu bia tapibatiruba nu awara chakawabisba. Diospa nuku chaka duduxu duku wichia. Datiã mewẽ uibatiwu nu iki na mewẽ kechu bia uneawe”, Judápa José wadi.
17Naskaiwawe Josépa atu yuidi: “Aweskaxkai ẽ askatiruba. Ewẽ kechu shara ea unewaĩda da wisti ewẽ uibati iki. Ewẽ uibati ẽ batu wadakaba. Atiriwi matu apã pexe adu wutiruwu. Tsuã batu wekaxtiwaaba”, atu Josépa wadi.
“Diaiwũ ewẽ extu apa ari dasubawe”, Judápa José ñukadi
18Naskata Judá José adu kaxu yuidi: “Ewẽ diaiwũ mi diaiwukui mi faraón keskarakui. Naskaxu ea dikawe ẽ bewe tsaipai tsuã dikayabaidu. Iki sidayabawe. 19‘Ma epayame’, mia duku waitu nu bia yuita. Naskatari: ‘Ma extu wetsayame’, mia duku waita.
20Diaiwũ nu bia kebaita: ‘Nuku epa adiwu. Nuku extu chipuke pexku. Nuku epa adiwuxu nuku chipuke adi’. Naskatari nu bia yuita: ‘Nuku epã nuku extu duikuibis’, nu bia waita. ‘Awa wistichi aka awẽ wake rawe. Naskake nuku epã duikui ma wetsa ma dadiadu’. 21Naskatari nuku extu mi tapipaixikĩ: ‘Iwitakawe’, mia duku waita. 22Nu bia yuiyabea: ‘Apã a wake nichitiruba. Awẽ wake nichiax datiru’, nu bia wayabea. 23Naskake: ‘Matu extu ma eweyabaitu ana ma ea uĩtiruba’, mia duku waita.
24Na mia duku yuitaduri nuku epa nu yuita. 25Ma sabarakadu nuku epa duku yuita: ‘Awiana peiuxũ trigo witakawe duku wayabea’. 26Nuku epa nu kebayabea: ‘Nuku extu chipuke dukuwe kayabaitu nu kaiba. Nu kawiyax diaiwu ikadu nu uĩtiruba’. 27Nuku epa duku yuiyabea: ‘Ma ma tapia ewẽ awĩweta wake rawe nu adi’, nuku epã duku wayabea. 28‘Ewẽ wake rawe adi. Wisti ebakiduax ma kaa. Ana uĩbisba. Iskaraba ẽ uĩkĩ xatedi. Yuina dii mera ikatu ma pidi. 29Dariwi ea ma iyuadu aweskarake na uduax ẽ shinabetsai ẽ datiru’.
30Nuku extu duwe dasuyabaitu nuku epa shinabetsai ubiskuitiru naamai duikuikĩ. 31Duku uduax awẽ wake nu iyuyabaitu nuku epa adiwushta awẽ shinabetsai datiru awẽ wake Benjamín uĩyabai. 32Duduri ewẽ epa ẽ yuita: ‘Da wake ẽ kexesharakuikai’, ẽ waita. ‘Na ẽ yuiyai ẽ askaikai’. Naskatari: ‘Ewe dasuyabaitu na awara aweskarawu naa ewena iki’. 33Naskake ẽ bia yui ewẽ extu ataba ẽ mewẽ uibati inu. Udiwetsawuwe katanu nichiwe. 34Benjamínbais ewẽ epaki ẽ dasutiruba da wake ewe kayabaitu. Naskatari ewẽ epa ubiskuiyaitu ẽ uĩpaiba”, Judápa José wadi.
Currently Selected:
:
Highlight
Share
Copy
Want to have your highlights saved across all your devices? Sign up or sign in