Juan 11
11
Lázaro dadi
1Naskata dukuwede awẽ ade Lázaro Betania ika isiniki idi. Pui raweya awẽ ade María wetsa Marta naa raweri pexe ichapa Betania adua idiwu. 2Lázaro awẽ pui María naatu ini sharapa Jesúspa awẽ taeki nachixu awẽ wuũ tere anupukui idi. 3Lázaro pui raweta Maríaweta Martapa Jesús tsai wubadiwu: “Diaiwũ, na bewe rawebis mi duibis isiniki”, wadiwu.
4Naa dikai Jesúspa yuidi: “Isima Lázaro daiba. Askataba Epa Dios awẽ bitsisipa batu uĩbai tsuã atiruba keskara aki. Ẽriwi batu uĩbatiru ewẽ bitsisipa Epa Dios ẽ awẽ Wake”, Jesús idi.
5Jesúspa Marta duikuita udiwetsa María duikuita Lázarori duikui idi. 6Lázaro isinikaitu dikai Jesús nadu uxarawedi. 7Naskata auxũ tapibiswu Jesúspa atu yuidi: “Nu Judea bai adu nu wunukawe”, Jesúspa atu wadi.
8A udua tapibiswawe yuidiwu: “Maestrõ, judíowawe da raba bia ruwẽ retepaitawu. Awiana nadu mi kapaime”, wadiwu.
9Jesúspa atu yuidi: “Na peda wisti wari chaxaidu yura utis itiruba warimai waitapia chaxayaitu. 10Askataba yura yabeta wakira kai utis itiru waritsi chaxayaitu”, Jesúspa atu wadi. 11Naskata awiana atu yuidi: “Duwe rawebis Lázaro uxa. Naskaweke ẽ mui kai”, Jesúspa atu wadi.
12A udua tapibiswawe yuidiwu: “Diaiwũ Lázaro uxax kayatiru”, wadiwu.
13Lázaro dake Jesúspa atu yuidi. Auxũ tapibiswawe shinawu. Jesúspa Lázaro uxake duku yui wadiwu. 14Naskake Jesúspa atu yuikuidi: “Lázaro ma daa”, atu wadi. 15“Sharakapashta ẽ adu ikitaba Lázaro daadu. Naskara shara maawawe ea ikũira waadu. Nu uĩnu wukawe”, Jesúspa atu wadi.
16Na Tomás Dade Rawe wabiswu Jesús udua tapibis. Naatu atiriwi Jesús udua tapibiswu atu yuidi: “Duriwi nu awe wunukawe”, atu wadi.
Jesúspa atu uĩ kai kadi Marta yawi María shinabetsayaiwudu
17Ma Lázaro baiwaitawudu cuatro peda ikadu Jesús dukudi. 18Pexe ichapa awẽ ade Betania Jerusalén chaiba tres kilómetros idi. 19Naskata judíowawe Martaya María atu shinabai wukadi wuitawu idi atũ uchi Lázaro daadu. 20Jesús dukuwaitu dikai Marta aki dukui kai kadi. María kadiba. Awẽ pexe adu netedi.
21Martapa Jesús yuidi: “Diaiwũ dudu mi ikadu ewẽ uchi dakeraitaba. 22Ẽ tapia na mi awara apaiyai Epa Dios bia axui”, Martapa wadi.
23“Mewẽ uchi widi sababashta”, Jesúspa wadi.
24Martapa yuidi: “Ma ẽ tapibis na baitiu adaitiyaidu na dabiswu naatiiwi widiyaiwudu ewẽ uchi widinupukui”, Martapa Jesús wadi.
25Naskayaitu Jesúspa yuidi: “Dawiyaiwawe ẽ atu ibapaketiru. Naa ea ikũira waa dawiake ẽ widibatiru ewe ipaxanu. 26Dayukaxuba ea ikũira waawu naawu dadakawuba. Naa mi ikũira waime”, Jesúspa wadi.
27Martapa kebadi: “Diaiwũ ẽ bia ikũira wabis mi Mesías#11.27 Cristo. Mi Epa Dios awẽ Wake mi yurawu uduax mi udi”, Martapa Jesús wadi.
28Naskawata Martapa awẽ chiku María kedaxu tsuã dikayabaidu yuidi: “Ma Rabí dukuxu bia kedaba”, wadi.
29Naa dikai María kushi widinakawãdi. Jesúski dukui kai kadi. 30Jesús Betania adu ikiyuaba idi. Na Marta awe wichinadu Jesúswe nadu idi.
31María kushikui kaitu uĩkadi judíowawe beewaĩdiwu. Nawawe shinawu baiawu adu kaax siaikikai raixu judíowu awe shinabetsaitawawe.
32María Jesúski dukuxu baikiri titipakekawã yuidi: “Diaiwũ mi duduke ewẽ uchi dakeraitaba”, wadi.
33Maríawe judíowu wasĩ siaikaiwawe uĩ Jesúspa awẽ uĩti aduax shinabetsata atu ubisbadi. 34“Wani baiwaitawume”, Jesúspa atu ñukadi. “Diaiwũ uĩkawe”, Jesús judíowawe wadiwu.
35Jesús siaidi. 36Naskaitu judíowu iskadiwu: “Daatu duibis uĩkawe”, idiwu. 37Atiriwi awirasi tsaidiwu: “Daatu wexu kayawabis. Lázaro dapanaba aweskawapaiyabame”, judíowu idiwu.
Jesúspa Lázaro widibadi
38Jesús awiana shinabetsayana atu baiwabiswu adu kadi. Kidi ruwewãne wepua idi. 39“Ruwe tsekakawe”, Jesúspa atu wadi. Marta daitatu awẽ pui yuidi: “Diaiwũ Lázaro ma daita pisia. Ma cuatro peda ma ika”, Martapa wadi.
40Jesúspa kebadi: “Ẽ bia yuiyaitu mi dikabame. Ea ikũira waxu Epa Dios awẽ bitsisipa mi uĩtiru”, Jesúspa Marta wadi.
41Naskata kidi ruwe wepua tsekadiwu. Naskaidu Jesúspa dai ari uĩyana yuidi: “Epã aichu ẽ biki idibadi. Ma mi ea dika. 42Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.
43Naduri yuita tsai ewapatu: “Lázaro naduax widikerãwe”, Jesúspa Lázaro wadi. 44Naskawaidu Lázaro kaĩkerãdi aũ rakuitawuya. Awẽ wemanaki wepua idi. Naskaxu: “Aũ rakuitawu pekakawe katanu”, Jesúspa atu wadi.
Aweskawaxu Jesús retetirume
45Naskadu na judíowu María shinabai wuitawawe Jesúspa Lázaro widiyaitu uĩkakĩ ikũira wadiwu. 46Naskake yura atiriwawe Jesúspa Lázaro ma dawĩyaitake widibada fariseowu yui wukadi wudiwu.
47Naskake naa dikakadi fariseoweta sacerdotewawe atũ diaiwuwawe awẽ diaiwu datukuiwu ñukaxikakĩ kedakata ichanakaxu shinadiwu: “Jesús nu aweskawaime. Tsuã atiruba keskara awawaĩdi”, idiwu. 48“Nu aweskawayaba naatiiwixu Jesús ikũira wakadi. Naskaiwawe romanowawe wekaxu nuku oración pexe chakanawaaxikadi nuku yurawu retekata”, idiwu. 49Sacerdote atũ diaiwu Caifáspa atu yuidi: “Maawawe awa tapiaba”, atu wadi. 50“Ma tapiabame dukuwede wisti naatiiwi yurawu uduax daaxiwi naatiiwi daxinuwuba. Naskara shara batuna”, Caifáspa atu wadi. 51Caifáspa awẽ shinama atu yuidiba. Epa Diospa tapibadu atu yuidi. Naamai sacerdote diaiwukuike yuidi na iixiwai Jesús judíowu uduax daaxiwi. 52Judíowu wisti uduax daaxiba Epa Diospa awẽ wakewu bai wetsari ikawu nadu wisti atu ichanawaaxikĩ. 53Naa pedata judío diaiwuwawe shinadiwu Jesús retewaixakakĩ.
54Judíowawe retepaiyaiwudu ma tapia idi. Judío yurawu ichapa ikadu Jesús ana kataba bai judío aduax Jesús tsua ikabari kadi. Na chaiba awẽ ade Efraín awẽ a uduax tapibiswuwe nadu netedi.
55Judíowawe atũ fiesta Pascua ma chaiba ikaidu atũ bai aduax yura ichapa Jerusalén adu wudiwu Pascua iyuabadu itipinixikakĩ#11.55 Judíowawe atũ fiesta Pascua bitsisipa wayaxakakĩ itipinipaudiwu dashikata atũ saweti patsakata. Naskatari Epa Dios shinakata itipinipaudiwu aweskawaxu Diospa atu sharawamaiki. . 56Naskata judíowawe Jesús wedadiwu oración pexe adua awirasi ñukananadiwu: “Awa ma shinaime. Jesús fiesta Pascua ikaidu uime”, idiwu. 57Naskakaxu sacerdotewu atũ diaiwuweta fariseowawe atu yuikĩ iskawadiwu: “Watura wetsã Jesús wichixu duku yuikawe nu achinu”, atu wadiwu.
Currently Selected:
Juan 11: mtsB
Highlight
Share
Copy
Want to have your highlights saved across all your devices? Sign up or sign in
Juan 11
11
Lázaro dadi
1Naskata dukuwede awẽ ade Lázaro Betania ika isiniki idi. Pui raweya awẽ ade María wetsa Marta naa raweri pexe ichapa Betania adua idiwu. 2Lázaro awẽ pui María naatu ini sharapa Jesúspa awẽ taeki nachixu awẽ wuũ tere anupukui idi. 3Lázaro pui raweta Maríaweta Martapa Jesús tsai wubadiwu: “Diaiwũ, na bewe rawebis mi duibis isiniki”, wadiwu.
4Naa dikai Jesúspa yuidi: “Isima Lázaro daiba. Askataba Epa Dios awẽ bitsisipa batu uĩbai tsuã atiruba keskara aki. Ẽriwi batu uĩbatiru ewẽ bitsisipa Epa Dios ẽ awẽ Wake”, Jesús idi.
5Jesúspa Marta duikuita udiwetsa María duikuita Lázarori duikui idi. 6Lázaro isinikaitu dikai Jesús nadu uxarawedi. 7Naskata auxũ tapibiswu Jesúspa atu yuidi: “Nu Judea bai adu nu wunukawe”, Jesúspa atu wadi.
8A udua tapibiswawe yuidiwu: “Maestrõ, judíowawe da raba bia ruwẽ retepaitawu. Awiana nadu mi kapaime”, wadiwu.
9Jesúspa atu yuidi: “Na peda wisti wari chaxaidu yura utis itiruba warimai waitapia chaxayaitu. 10Askataba yura yabeta wakira kai utis itiru waritsi chaxayaitu”, Jesúspa atu wadi. 11Naskata awiana atu yuidi: “Duwe rawebis Lázaro uxa. Naskaweke ẽ mui kai”, Jesúspa atu wadi.
12A udua tapibiswawe yuidiwu: “Diaiwũ Lázaro uxax kayatiru”, wadiwu.
13Lázaro dake Jesúspa atu yuidi. Auxũ tapibiswawe shinawu. Jesúspa Lázaro uxake duku yui wadiwu. 14Naskake Jesúspa atu yuikuidi: “Lázaro ma daa”, atu wadi. 15“Sharakapashta ẽ adu ikitaba Lázaro daadu. Naskara shara maawawe ea ikũira waadu. Nu uĩnu wukawe”, Jesúspa atu wadi.
16Na Tomás Dade Rawe wabiswu Jesús udua tapibis. Naatu atiriwi Jesús udua tapibiswu atu yuidi: “Duriwi nu awe wunukawe”, atu wadi.
Jesúspa atu uĩ kai kadi Marta yawi María shinabetsayaiwudu
17Ma Lázaro baiwaitawudu cuatro peda ikadu Jesús dukudi. 18Pexe ichapa awẽ ade Betania Jerusalén chaiba tres kilómetros idi. 19Naskata judíowawe Martaya María atu shinabai wukadi wuitawu idi atũ uchi Lázaro daadu. 20Jesús dukuwaitu dikai Marta aki dukui kai kadi. María kadiba. Awẽ pexe adu netedi.
21Martapa Jesús yuidi: “Diaiwũ dudu mi ikadu ewẽ uchi dakeraitaba. 22Ẽ tapia na mi awara apaiyai Epa Dios bia axui”, Martapa wadi.
23“Mewẽ uchi widi sababashta”, Jesúspa wadi.
24Martapa yuidi: “Ma ẽ tapibis na baitiu adaitiyaidu na dabiswu naatiiwi widiyaiwudu ewẽ uchi widinupukui”, Martapa Jesús wadi.
25Naskayaitu Jesúspa yuidi: “Dawiyaiwawe ẽ atu ibapaketiru. Naa ea ikũira waa dawiake ẽ widibatiru ewe ipaxanu. 26Dayukaxuba ea ikũira waawu naawu dadakawuba. Naa mi ikũira waime”, Jesúspa wadi.
27Martapa kebadi: “Diaiwũ ẽ bia ikũira wabis mi Mesías#11.27 Cristo. Mi Epa Dios awẽ Wake mi yurawu uduax mi udi”, Martapa Jesús wadi.
28Naskawata Martapa awẽ chiku María kedaxu tsuã dikayabaidu yuidi: “Ma Rabí dukuxu bia kedaba”, wadi.
29Naa dikai María kushi widinakawãdi. Jesúski dukui kai kadi. 30Jesús Betania adu ikiyuaba idi. Na Marta awe wichinadu Jesúswe nadu idi.
31María kushikui kaitu uĩkadi judíowawe beewaĩdiwu. Nawawe shinawu baiawu adu kaax siaikikai raixu judíowu awe shinabetsaitawawe.
32María Jesúski dukuxu baikiri titipakekawã yuidi: “Diaiwũ mi duduke ewẽ uchi dakeraitaba”, wadi.
33Maríawe judíowu wasĩ siaikaiwawe uĩ Jesúspa awẽ uĩti aduax shinabetsata atu ubisbadi. 34“Wani baiwaitawume”, Jesúspa atu ñukadi. “Diaiwũ uĩkawe”, Jesús judíowawe wadiwu.
35Jesús siaidi. 36Naskaitu judíowu iskadiwu: “Daatu duibis uĩkawe”, idiwu. 37Atiriwi awirasi tsaidiwu: “Daatu wexu kayawabis. Lázaro dapanaba aweskawapaiyabame”, judíowu idiwu.
Jesúspa Lázaro widibadi
38Jesús awiana shinabetsayana atu baiwabiswu adu kadi. Kidi ruwewãne wepua idi. 39“Ruwe tsekakawe”, Jesúspa atu wadi. Marta daitatu awẽ pui yuidi: “Diaiwũ Lázaro ma daita pisia. Ma cuatro peda ma ika”, Martapa wadi.
40Jesúspa kebadi: “Ẽ bia yuiyaitu mi dikabame. Ea ikũira waxu Epa Dios awẽ bitsisipa mi uĩtiru”, Jesúspa Marta wadi.
41Naskata kidi ruwe wepua tsekadiwu. Naskaidu Jesúspa dai ari uĩyana yuidi: “Epã aichu ẽ biki idibadi. Ma mi ea dika. 42Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.
43Naduri yuita tsai ewapatu: “Lázaro naduax widikerãwe”, Jesúspa Lázaro wadi. 44Naskawaidu Lázaro kaĩkerãdi aũ rakuitawuya. Awẽ wemanaki wepua idi. Naskaxu: “Aũ rakuitawu pekakawe katanu”, Jesúspa atu wadi.
Aweskawaxu Jesús retetirume
45Naskadu na judíowu María shinabai wuitawawe Jesúspa Lázaro widiyaitu uĩkakĩ ikũira wadiwu. 46Naskake yura atiriwawe Jesúspa Lázaro ma dawĩyaitake widibada fariseowu yui wukadi wudiwu.
47Naskake naa dikakadi fariseoweta sacerdotewawe atũ diaiwuwawe awẽ diaiwu datukuiwu ñukaxikakĩ kedakata ichanakaxu shinadiwu: “Jesús nu aweskawaime. Tsuã atiruba keskara awawaĩdi”, idiwu. 48“Nu aweskawayaba naatiiwixu Jesús ikũira wakadi. Naskaiwawe romanowawe wekaxu nuku oración pexe chakanawaaxikadi nuku yurawu retekata”, idiwu. 49Sacerdote atũ diaiwu Caifáspa atu yuidi: “Maawawe awa tapiaba”, atu wadi. 50“Ma tapiabame dukuwede wisti naatiiwi yurawu uduax daaxiwi naatiiwi daxinuwuba. Naskara shara batuna”, Caifáspa atu wadi. 51Caifáspa awẽ shinama atu yuidiba. Epa Diospa tapibadu atu yuidi. Naamai sacerdote diaiwukuike yuidi na iixiwai Jesús judíowu uduax daaxiwi. 52Judíowu wisti uduax daaxiba Epa Diospa awẽ wakewu bai wetsari ikawu nadu wisti atu ichanawaaxikĩ. 53Naa pedata judío diaiwuwawe shinadiwu Jesús retewaixakakĩ.
54Judíowawe retepaiyaiwudu ma tapia idi. Judío yurawu ichapa ikadu Jesús ana kataba bai judío aduax Jesús tsua ikabari kadi. Na chaiba awẽ ade Efraín awẽ a uduax tapibiswuwe nadu netedi.
55Judíowawe atũ fiesta Pascua ma chaiba ikaidu atũ bai aduax yura ichapa Jerusalén adu wudiwu Pascua iyuabadu itipinixikakĩ#11.55 Judíowawe atũ fiesta Pascua bitsisipa wayaxakakĩ itipinipaudiwu dashikata atũ saweti patsakata. Naskatari Epa Dios shinakata itipinipaudiwu aweskawaxu Diospa atu sharawamaiki. . 56Naskata judíowawe Jesús wedadiwu oración pexe adua awirasi ñukananadiwu: “Awa ma shinaime. Jesús fiesta Pascua ikaidu uime”, idiwu. 57Naskakaxu sacerdotewu atũ diaiwuweta fariseowawe atu yuikĩ iskawadiwu: “Watura wetsã Jesús wichixu duku yuikawe nu achinu”, atu wadiwu.
Currently Selected:
:
Highlight
Share
Copy
Want to have your highlights saved across all your devices? Sign up or sign in